🦋جعلوني زوجة له 🦋 (مكتملة )

part161

💎جعلوني زوجة له💎
جزء 161

اصبحنا واصبح اللملك الله ⛅

شوااانط تستفو ديال الداراري فاللتحت ديال الفيلا  ورقية هي والحاج واقفين عند الباب ..... تما لقمان هابط هاز فيديه ادم ومعاه جاد هابطين فدرووج...... وقف قدام الحاج ورقية كتشهق بالبكاء

الحاج:قلت هتكون غير داوي، صدقتي دايرها بصح

رقية(شدات ادم كتعنق فيه) ادم هو اخير ذكرى ليا من بنتي القمان باغي تديه مني وتحرمني منو ريحتو

الحاج:واش غتمشي وتخلي كلشي دكريات فدوى لهناا باغي تهرب ماتوقعتكش ضعيف تال هاد الدرجة

رقية:اهئ اهئ كنترجاك ماتديهش مني القمان

الحاج:رجع فكرر

لقمان(خدا ادم  من  عند رقية) هضرة وحدة راني قلتها ولدي غدي نربيه

رقية:هئ هئ نتاا فلعزو قلتي لي خودي ولدي ربيه

لقمان:خديت قرار غلط فلحظة كنت فيها مدمر ومنهار وعقلي مامعاياش ولكن دابا صافي جمعت راسي وغادي نجمع عائلتي واخا غير حنا ب ثلاثة جاد وادم ولقمان هنكونو مرتاحين بوحدنا وهاد الاسماء عمرهم ميتفرقو

رقية:هكدا مهاتكون لا نتا فرحان ولا حنااا

لقمان: لبارح قلت ليك مرة فالعام غادي نجي المغرب  ولا بغيتي تا انت يمكن ليك تجي  تشوفيه الوقت لبغيتي مهانحرمكش منو

رقية:فكر مزيان اولدي اهئ اهئ

لقمان(شد جاد من يدو)  بسلامة

رقية طاحت الارض من ورا لقمان كتبكي والحاج كيصبر فيهااا ولقمان طلع فطونبيلتو ورجالو تستفو من وراه كاملين....... وصل قدام الطيارة ووقف وهو هااز ولدو ادم فيدوو كيشوف من ورااه

لقمان:البلاد لداتك مني غادي نخليها ونخلي كاع ذكرياتنا فيها افدوى حبيبتي غادي نبدا حياة جديدة مع ولادناا وخا مهاتكونيش معانا ولكن روحك هتكون جنبي وديما هتعاوني

جر جااد وطلع الطائرة..... جلس  حدا زاجة كيشوف فالارض حتى قلعت الطيارة

#عند_فدوى

فسبانيا مدينة وبالضبط فمدريد  وسط فيلا فخمة... وحدة  من الغرفة ديالها كانت شبه وحدة من غرف المستشفيات
جهاز التنفس على الانف ديالها وهي  مغيبة وماعارفة والو لا فين هي ولا شكون داير بيهااا.....
كانت الممرضة جالسة كتمسح ليها بزيف فيه صابون لحمها وكتغني باسبانية وهي ساهية وشادة فيد فدوى ،فدوى حركات صباع يديها ووركات عليها وهي تخلع لفرملية وشافت ففدوى لقاتها كترمش فعينيها)

فرملية:(باسبانية) فقتتتي

خرجات لفرملية كتجري باش تخبر سليمان وفدوى كترمش باغا تحل عينيها على وسعهم ولكن كتحس بيهم ثقال سرطات ريقها ولكن بصعوبة حلقها ناشف وداتها كتحس ليها منملة عليها من بعد ثواني قليلة بدات كتوضاح صورة عندها شافت فسقف ودورات عينيها فارجاء الغرفة وهو يتحل لباب تما داخل سليمان بزربة قرب حداها شافيها وحيد لييها اكسجين