🦋جعلوني زوجة له 🦋 (مكتملة )

part55

💎جعلوني زوجة له💎
َجزء 55

عند لقمان
وصل لقمان هو ولبيرو لواحد لبلاصة خاوية غير لخلا نزلو من طوموبيل وتماو غادين وهي تبان لييهم طوموبيل واقفة وسط واحد ارض دايرين بيها بزاف ديال رجال قرب حداهم لقمان ودار يديه ورا ضهرو
لقمان:شكوون فييكم زروال
ماجاوبوهش حدهم واحد منهم مشا حل لباب ديال طوموبيل وتما نازل زروال لكيبان هيبة وفنفس لوقت كيبان راجل مشرار من وجهو ،قرب زروال قدام لقمان وحيد سيجار من فمو وخرج دخان
زروال:واخييرا تلاقينا
لقمان:بصح واخييرا
زروال:شفتك جاي بوحدك كنت كنتوقع هتجي وهتجيب معاك رجالك كاملين،مالك واش ماخايفش
لقمان:كون كنا كنخافو من دجاج كعماا نريشوه ازروال
زروال:كيعجبوني دراري فحالك هاكا قويين وواقفين كيف جبل حتى حاجة مكاتقدر تهدهم
لقمان:وانا كنكره رجال لشرفو وهترو وباقي عند بالهم بلي باقين كيف اول قويين وحاكمين سوق
زروال:مشكلتي ماشي معاك ا لقمان ،مشكلتي مع لحاج
لقمان:مشكلة لحاج هي مشكلتي
زروال:تيقني نتا مكاتعرفش لحاج مزيان،زمان كان عندي نفس لولاء لعبد سلام كنت تايق فيه فحالك ولكن غدرني وتيقني حتى نتا هيجي نهار وهيغدرك
لقمان:وااش على قبل هادشي كنتي باغي تشوفني
زروال:اه على قبل هادشي باش نقوليك بقا بعيد علي وعلى خدمتي،لحشيش ضومين ديالي ونتا ذهب وسلاح ضومين ديالك بعد من ضومين ديالي باش مانزاحمكش فضومين ديالك
لقمان:(طرطق عنقو)هذا لهيزاحمني فخدمتي باقي ماتزادش وحتى الى شي نهار فكر شي ولد لق** يزاحمني نحي دينمو من دنيا
زروال:نفهم من كلامك بلي نتا مهاتبعدش علي ولا على خدمتي
لقمان:(قرب حداه)لا مهانبعدش عليك بيني وبينك روح ازروال ،دم حمادة ولد لحاج مهايمشيش هكاك وزدتي كملتيها حاولتي تقتل مراتي
زروال؛حمادة اه انا لكنت ورا موتو ولكن مراتك انا ماقربتش ليها
لقمان:شنوو دابا واش كتكدب علي فوجهي
زروال:مكانكدبش كون حاولت نقتل مراتك كون قلتها ماعندي مانخسر
بقا لقمان كيشوفيه كيحاول يقرا عينيه وفاﻷخير قتانع بلي زروال ماشي هو لورا شي لوقع مع فدوى
زروال:شفتك سكتي دابا شنوو درنا
لقمان:ماادرنا والو الى بغيتي لمشكل لبيناتنا يتحل خاص ولدك يموت دم بدم
زروال:هاادشي هيوقع فاحلامك نتا ولحاج ديالك
لقمان:صافي كيبان لي تفاهمنا من ليوم ارا ماعندك وانا هنعطي لعندي،لبيرو يالاه خلينا نمشيو
تماو غادين وزروال بقا واقف كيشوفيهم
زروال:واخا اسي لقمان عقل على هادشي ،😏 لعب دابا هيبدا بصح

طلع لقمان لطوموبيل كيفكر غير فشكون حاول يقتل فدوى
لقمان:كاينين زوج ديال ناس هيستافدو من موت فدوى جنان ولينا (هز حاجبو)شكوون ماكانت فيكم هتدفعو ثمن غالي
كسيرا لقمان ماوقف حتى لقدام باب دارو كانت ساعة تقريبا تلاتة ديال ليل ،حل لباب ودخل وهو يلقى فدوى جالسة كتشوف فواحد لبولة
#التتمة
لقمان:باقا فايقة علاش مانعستيش
فدوى:كنت كنتسناك
لقمان:ياك سيفطت ليك ميساج قلت ليك ماتسناينيش كان عليك تنعسي
فدوى:(وقفات قدامو)مااقدرتش نعس(كتحقق ليه فلملامح ديالو)
لقمان:مالك كتباني ماشي حتى لهيه
فدوى:راجل لدخل علي هنا وخشيت فيه موس كيف بقا
لقمان:(كيحك فلحيتو)لباس عليه راه طبيب مقابلو
فدوى:بغيت نشووفو
لقمان:واخا حتى لمن بعد
فدوى:لااا داابا بغيت نشوفو
لقمان:قلت ليك حتى لمن بعد داابا عياان بااغي ننعس
فدوى:من بعد امتى علااش ماتجينييش نيشان وتقووليا راجل مات حيث قتلتيه
لقمان:(هز حاجبو)شكوون قااليك هاد لهضرة
فدوى:هادشي لهاامك شكون قاليا هاد لهضرة،هئ هئ نتاا كيفااش قدرتي دير هاكا فراجل بأي حق تقتلو
لقمان:بحق انه دخل لداري وتعدى لي على مراتي وشي لدرتو معاه يستاهلو
فدوى:وااش نتاا داوي من نيتك كيفاش يستاهلو حنا راه كندويو على بنادم دم ولحم ا لقمان روح هادي لقتلتي روح
لقمان:راسي هيتفركع هنطلع ننعس
فدوى:تنعس؟؟ومزال خاطرك يعطيك تنعس ونتا قااتل روح ماعرفتي سيد عندو ولاد عندو مرا عندو والدين لهيكونو دابا كيتسناوه علاش ا لقمان علاش قتلتيه
لقمان:فدوى حبسي
فدوى:فلبلاد كاينة شي حاجة سميتها لقانون كان عليك تديه لبوليس هوما لهيعاقبوه (كتبكي)ماما كان عندها الحق نتا واحد مريض ملي ليوم قتلتي راجل بدم بارد غدا هتقتلني انا وبعد غدا علم لله شكون هتقتل
لقمان:اااه واناا نفهم نتي هااد الحالة دايراها حيث مك عمرات ليك راسك
فدوى:انا مستحيل ننعس ونعيش مع واحد يديه عامرين بدم كلشي نقدر نتحملو الا هادي
لقمان:يالاه بانو ليك يدي عامرين بدم نتي نهار لول كنتي عارفاني وادم راه كان معاود ليك علي ولكن نتي بغيتي تجاهلي هادشي،شوفي ابنت ناس انا هاكا قتال مكانسواش ماعنديش فقاموسي شي حاجة سميتها رحمة بغيتي تقبليها مرحبا مابغيتيش حتى هو مرحبا قوليها لي وانا هنعرف شنو هندير
فدوى:اشش هدير هتقتلني
لقمان:اه هنقتلك كيفما قتلت لقبل منك
فدوى:(كتبكي)خساارة ا لقمان خسارة انا بغيتك وشوف نتا دابا شنوو كدير في فعوض ماتقوليا شي حاجة لتبرد لعافية لكنحس بيها على شي لدرتيه بارك كتهدد في
لقمان:اه كنهددك ودابا هنيني راه طالع لي دم باغي ننعس(تما طالع فدروج)
فدوى:بلاااتي ا لقمان اناا بااقي ماكملتش كلامي
لقمان:(دار عندها)قلبي ساعة بأخرى
فدوى:وااش نتا كتبغيني كيفما انا كنبغييك
لقمان:(نزل لعندها)بااغا صراحة ولا لكذوب
فدوى:(مسحات دموعها)صراحة
لقمان:مكانبغيكش ومكانحس من جهتك بوالو
فدوى:هئ هئ
لقمان:انااا مكانبغيش حتى راسي ممكن تشرحي لي ابنت رقية كيفهااندير نبغييك نتي
فدوى:هئ هئ حراام عليك تقوليا هاد لهضرة فوجهي
لقمان:نتي لبغيتي صراحة وصراحة هي هادي هداكشي ديال افلام ولمسلسلات تركية لكتفرجي فيهم عمرك تحلمي تعيشيهم معايا،نتي هنا حيث خويا موصيني عليك وحيث انا محتاج ولاد ليهزو سميتي وهاد لولاد نتي لهتكوني مهم
فدوى:(كتبكي)ملي هااكاا طلقني
بقا كيشوفيها لقمان ساكت وهو يهز يديه قجها وخبطها مع الحيط بجهد وعاود جرها وخبطها مع الحيط
لقمان:(مكنزز على سنانو)نهاار تجبدي على فمك سيرة طلاق هنطويك على زوج وهنهرس لدينمك لفم لكتقولي بيه طلقني ،انا هنا هو آمر ناهي كلمتي هنا هي لهتكون الى انا بغيت نطلقك هنطلقك مابغيتش مهانطلقكش بغيت نقتلك هنقتلك مابغيتش مهانقتلكش حياتك ولااات ديالي انا لكنتحكم فيها واش فهمتي (طلقها وطلع)
بلسان فدوى
بعدما ضرب في وطلع لبيت ينعس،طحت اﻷرض ودموعي شلال،جمعت رجلي عندي وانا مزيرة عليهم كنفكر فهاد الحالة لوصلت ليها، كلام ماما كامل كان على حق سبعيام ديال لباكور مشات حلمت نبني عائلة معاه ولكن ماشي بهاد الطريقة بغيت راجل يبغيني ويحترمني ماشي واحد دايرني  فحال شي قح** عندو ،قاليك باغيني نولد ليه الى كنت هنحمل منك ا لقمان نفضل نقتل راسي ونقتل معايا لفكرشي ولا نولد ليك ماشي انا لنولد ولاد يكبرو مع اب مريض ويدو عامرين دم....
شفت فجسمي وعفت راسي هئ هئ انا كيفاش خليتو يقيصني كيفاش خليتو يقرب لي ولكن لغلط ديالي ديالي حيث صحابيتو بنادم وعطيتو فرصة، سمحت فرااسي ونسيت شي لدارو معايا حيت عيييت من لمشاكيل قلت هيتبدل ساعة هو غير زايد فيه كيفاش هنخلي واحد بحالو يولي اب لولادي اكيد هيكبرهم مراض بحاالوو ماعندهمش لقلب....
تسندت على لحيط ووقفت واخا رجلي ماهازينيش خاوين بيا تعكزت على لحيط حتى وصلت لواحد لبيت جنب لكوزينة دخلت الدوش  لحت حوايجي وتخشيت فلبانيو بعدما عمرتو بالما سخون وترخييييت فييه معقلتش شحال داز ديال الوقت حتى برد لما عاد حسيت بيه ونضت لويت عليا الفوطة جلست فوق نموسية و بزاف ديال الاسئلة كيدورو فراسي واولهم وااش زربت منين قررت نعطي فرصة لهاد العلاقة
ولا انا غبية لهاد الدرجة حيت من نهار لول هادشي كان باين كيف قال وكنت عارفاه فاش خدام غير بغيت نغطي شمس بلغربال(تنهدت وجريت الغطا عليا بعدما تكيت) دازو ساعات كنفكر فشي لقاليا لقمان وفشنو مصيري معاه، انا معاه مشيت بنيتي وتقت فيه وهو ضن بلي انا مكلخة وستغل هادشي ولكن انا عارفة شنو هندير الى بقات فيك يا لقمان ولد شطاحة لكباريات راه انا ماشي فدوى بنت رقية

يوم غد صباحا
صبح صباح وانا مزالة غارقة فافكاري مانعست ماشفتو عادي علاش لسمعتو من زا** ساهل .....
تنهدت ونضت لبست حوايجي لكنت لابسة لبارح... ووقفت قبالت لمرايا كنشوف فوجهي كيف كان لبارح منور ومابين ليلة ونهار صبح كحل ومافيهش ضو وليت بحال شي وردة دابلة.... هزيت شعري لفوق على شكل ديل لحصان فوق وخرجت لبرا جلست فوق لفوطوي دايرة رجل على رجل وكنلعب فشعري وهازة حاجبي بان لي هداك لماكيتسماش هابط ماضرتش جهتو وحتى هو ماشافش في كان كيشوف فتيليفونو....
جر لكرسي وجلس وهو ملاهي مع تيليفون وطول عاد هز راسو كيقلب عليا
لقمان:واش مازال ماوجد الفطور
فدوى:(كتعوج) لبغا شي حاجة ينوض يوجدها راسو
لقمان(هاز حاجبو) اش هاد الهضرة ديال لخرا على صبااح تكعدي وجدي فطوور
فدوى"(دوارت وجهها قالبة سيفتها) انا راه ماجايبنيش هنا باش نخدم عليك
لقمان:كيفاش
فدوى:كيف كتسمع
لقمان:ياك الالا(ناض عندها)مالكي
فدوى:(ربعات يدها)مماليش
لقمان:ما موالفاش ليك ماتوجديش الفطور
فدوى:(وقفات هازة حاجبها) داير راسك ماعارفش مالي، البارح سمعتني هضرة لتمنيت نموت ومانسمعهاش ودابا كتقوليا مالك
لقمان:اااااه قولي هكاك،(قرب حداها)شي لقلتو ليك لبارح كان هو الحقيقة ونتي خاصك تقبليها ياك نتي بفمك قلتي لي باغا تكوني عائلة وتستاقري ايوا هاهي لعائلة (شار لراسو)تقبليها
فدوى:مهانتقبلهاش ،ونزيدك الى كان كيصحاب ليك هننسى ليك لكلام لقلتي لبارح راك غالط ماشي انا لنتهان بديك طريقة ونسكت  كتفهم ،لا كنتي مولف البنات يجريو من وراك كيف كلبات انا لا انا فدوى كتفهم فدوى نموووت ومنطيحش براسي كثر ماطيحتو معاك،بغيتك اه ولكن ديرني جفاف تحت رجليك لاااا
لقمان:هادشي لناقصني تخربيق ديال العيالات على صبااح
هز جاكيط بغا يخرج وهي توقف فدوى قدامو
فدوى:باقي ماكملتش كلامي باش تمشي،هادشي لهنقولو ليك عقل عليه وديرو حلقة فودنيك ،انا كرهت راسي علي نهار لخليتك تقيسني فيه كون كان كيصحاب لي نتا هكا نموت ومانخليكش تحط يديك علي، من اليوم انا ونتا غراب فهاد دار قلتي مابغيتيش نطلقو واخا ولكن دير فبالك عمرك مزال مهاتقرب لي نتا دابا وليتي واحد غريب بنسبة ليا نفضل نلوح راسي الكلاب ومنخليكش تقرب لي فهمتي
لقمان:(هاز حاجبو)نتي علاش كتقلبي فهاد صباح واش كتقلبي على خليان جد بوك لكلب (شدها من  تيشورت كيديها ويجيبها)مااشي انا لتقولي لي واش هنقرب ليك ولا لا ،انا هنح** وقتما بغيت وهنلوحك وقتما بغيت ودابا حمدي لله وشكريه لقيتيني مامساليش اما نشد مك نخلطك (دفعها وتما خارج)نتي كيبان لي هنبدا مع دينمك بتفرشيخ حيث لفحالك هاكا كيفهمو (خرج وردخ لباب)