🦋جعلوني زوجة له 🦋 (مكتملة )

part35

💎جعلوني زوجة له 💎
جزء 35
دازت نص ساعة بلحساب كان إلياس واقف وسط لوزين لمهجور غادي جاي وفجنب واقفين رجالو شوية تسمع صوت خطوات وهو يخرج منير فوجه الياس
الياس:تعطلتي خمسة دقايق
مروان:(مخلوع)طريق كانت عامرة
الياس:(قرب حداه مبتاسم)ماشي مشكل انا ونتا صحااب عادي تعطل علي ونتعطل عليك
مروان:نتاا لكنتي من ورا هداكشي لدارت صحافة لبارح
الياس:وااش بانليك (خرج عينيه)كان سكوندار واعر ياك
مروان:واضح بلي عندك مشكل مع لقمان، عفاك انا ماكاين لاش تدخلني فهادشي لبيناتكم انا واحد راجل درويش مافي لا صداع لا مشاكل
الياس:من ناحية درويش درويش غير هو فيك لكدوب ومخبي على مراتك وعائلتها شلا حوايج مثلا انك ماشي يتيم بلعكس عند والدين غير هو لايحهم فدار العجزة فحال الى عمرهم ولدو
مروان:😨 نتاا باش عرفتي هادشي
الياس:اناا طير الى طار فسما كنعرف وقتاش طار عاد هتخفى علي هادي 😏،تخيل مراتك وعائلتك يعرفو هادشي وزيد عليهم لفيديو بففف موقفك قدامهم هيكون صعيب وبزاف
مروان:(سرط دفال)شووف ماكاين لاش لهاد لهضرة انا هنديير ليك كاع هداكشي لباغي
الياس:😊 مزيان دابا تفاهمنا،اول حاجة هدير باش تكسب تقتي هتقوليا هي هتعاود لي على لقمان وعلاقتو مع عائلتو وعلى مشاكلو مع مراتو

بقا كيشوفيه مروان سرسب ليه كلشي
مروان:هاادشي لكنعرف
الياس:لاا نسيتي شي حاجة قبل ربع سنين،لقمان كان رجل اعمال ناجح فجأة وقعات شي حاجة لخلاتو يهز راسو ويمشي فحالو شنو هي هاد لحاجة
مروان:(تنهد)لقمان عرف بلي موو رجاء ماشي هي مو
الياس:ماافهمتش
مروان:لقمان ماشي ولد رجاء نسيبتي ولد واحد لمرا سميتها زهرة ،عمي مسعود ولدو مع مرا اخرى وجابو لنسيبتي رباتو
الياس:وهو تصدم ناض خرج من لعائلة ههه وهادي خبار مزيانة (طبطب ليه على كتفو)براافو عليك
مروان:وداابا واش نقدر نمشي
الياس:اممم سير ولكن دير فبالك بلي ملي هنبغيك هنتاصل بيك
لقمان:وااخا

فالقصر
كانت فدوى متكية فنموسيتها ناعسة وماناعسة راسها هيتفركع وداتها سخونة عليها فجاة تحل لباب ودخلات عليها جنان
جنان:اوووه اﻷميرة بااقا ناعسة (حلات شرجم)
فدوى:(جلسات)مالكي شنوو باغا
جنان:بيني وبيينك حساب خاص تخلصيه
فدوى:اليوم بالضبط راسي هيتفركع ومافي ليتصادع معاك
جنان:هداكشي لدرتي لبارح فافتتاح المحل ديالي كيصحاب ليك هندوزو ليك هكاك
فدوى:(وقفات)شي لوقع فالمحل ديالك انا ماعندي يد فييه
جنان:عندك ولا ماعندكش هتدفعي ثمن احبيبة
فدوى:اججي نتي شفتك من نهار تزوجت بلقمان ونتي سنانك لوبية علي،ملي كنت مزوجة بادم كنت عارفاك مكاتحملينيش وانا وياك كنا كنضاربو شحال من مرة ولكن ملي تزوجت بلقمان شفت لكره ديالك لي ضوبل مالك اختي ياكما مزوجة ليك براجلك وانا مافراسيش
جنان:نتي لااش بااغا تلمحي
فدوى:مكانلمح لوالو انا غير مافهمتش علاش كتكرهيني لهاد درجة مالي شنوو دايرة ليك واش هادشي كامل حسد
جنان:علاش هنحسدك على عيشتك لكيف زفت ولا على حبسك هنا كيف شي مسجونة ولا على تعامل لقمان زين معاك
فدوى:ايواا ملي انا عايشة كيف زفت وملي عارفاني محبوسة هنا وملي عارفة راجلي ماكيتعاملش معايا مزيان مالك معايا ياك انا عاطياك تيساع حتى نتي اختي عطيني تيساع لعار لعار بعدي مني فرقيني عليك
جنان:(بتاسمات)نتتي مهااطوليش هنا فاقرب وقت هتلقاي راسك برا هاد القصر
فدوى:واخا الالا هاني هنتسناك وهنستنى بفارغ صبر نهار لهيجريو علي فيه من هاد القصر يالاه داابا خرجي بااغا نرتاح راسي هيتفركع
جنان:وااخا رتاحي قريب نعجبك
خرجات جنان وفدوى ماتسوقاتش ليها رجعات لبلاصتها تكات