🦋جعلوني زوجة له 🦋 (مكتملة )

part162

💎جعلوني زوجة له💎
جزء 471

سكتات فدوى كتشوفيه والف فكرة كدور فبالها ،هذا ياك مات كيفاش عايش شنو وقع علاش انا معاه هنا فبلاصة وحدة هادو شوية من بزاف اسئلة لجاو فبالها

الياس:سليمان صاافي تقدر اخويا تخرج

خرج سليمان وبقا الياس جالس اونفاس مع فدوى كيشوفيها وحتى هي كتشوفيه

الياس:أكيد تصدمتي ملي شفتيني،واضح بلي لقمان قاليك بلي مت

فدوى:(بلعات ريقها)ن نتاا ك كيفاش (فيها دوخة)

الياس:بصح مت ورجعت حييت شي لوقع معايا راه معجزة ولكن المعجزة الأكبر هي انك نتي دابا معايا وانا وياك تحت سقف واحد

فدوى:لقمان غاادي يقتلك وهاد المرة موتك هيكون مضمون على المرة لقبل

الياس:لقمان ماعارفنيش بلي حي وحتى نتي ماعارفكش بلي عايشة(قرب بكرسيه عندها)

فدوى:ك ك كيفاش

الياس:نتي دابا بالنسبة للقمان ولعائلتك ميتة،دفنوك ولاحو من فوقك تراب

فدوى:(كتنهج) اشش كتݣول نتااا،اش كتخربق

الياس:مكانخربقش عقلتي نهار قلت ليك بلي هتولي لي ايوا هاهو هاد نهار جا،نتي دابا بالنسبة للقمان ولغيرو مابقيتش على وجه أرض هادشي علاش هو عمرو مهايقلب عليك ولا هتجي فبالو بلي باقا حية

فدوى:(كتبكي)

الياس:شششش ماتبكيش دمووعك غااليين علي (شد فيديها ليمنية) حاولي تنساي الماضي وبداي معايا حياة جديدة حياة فيها غير انا ونتي هانتي شوفي حالتي شوفي لفين وصلت بسبابك انا راني مابقيتش قادر نوض من فوق هاد الكرسي وحتى نتي نفس شي مشلل عليك نصك و صعيب باش ترجعي كيف اول

فدوى:(غمضات عينيها)ايي مشلل علي نص ولكن نص لاخور بااقي خدام باش نهز يدي ونعطيها ليك لكمارة (هزات يديها على حر جهدها جمعااتها معاه بتصرفيقة)

الياس:(شد فحنكو) اشششش درتي نتي

فدوى:(كتغوت)الى لقماان ماااقتلكش هااد المرة انا لهنقتلك بربي لاا بقااات فييك اشماتة (كتنهج) المعووق كوون كنتتي رااجل كوون توااجهتي مع لقماان وقلتي ليه بلي بااقي حي (نفسها كيتقطع) ولكن لا رجوولة بزاف علييك نتاا شمااتة سمعتي شماتة

تحل لباب وتما داخل سليمان مخرج عينيه كيف شي وحش

فدوى:(باستفزاز) خدييتيني من راجلي او من بعد ،نتا عمرك مهاتقدر تقرب لي ولا تحاديني عمرك مهاتكون راجل فحال لقمان نتا رااك وليتي عااهة على المجتمع عااهة

جر سليمان خوه لكان مصدوم من هضرة فدوى خرجو وفدوى رجعات راسها على لمخدة كتنهج وكتحاول ترجع نفسها وهو يدخل سليمان قرب ليها وشدها من شعرها وجرها