🦋جعلوني زوجة له 🦋 (طور التنزيل )

part27

💎جعلوني زوجة له💎
جزء 27
#عند_لقمان
كان لقمان كيدور مع فدوى فلمول كتقدى لحوايج كتدخل تختار لبغات وهو كيبقى واقف قدام المحل كيدوي فتيلي غير كتخرج كيقطع
لقمان:عامين باش يالاه تختاري زوج شرويطات
فدوى:وااش ناخود بلا مانقيس
لقمان:اه بلا ما تقيسي حيث ماعندك فين تلبسيهم من غير دار
ماجاوباتوش فدوى بقات غير كتشوفيه
فدوى:بغييت ندوي مع ماما
لقمان:وااخا
جبد لقمان تيليفون سامسونغ صابونة مدو ليها
فدوى:هههه واش من نيتك
لقمان:اه من نيتي من اليوم هذا هو تيليفون لهتولي تستعملي
فدوى:ياربي نكون كنحلم يااربي
خدت تيليفون عيطت على ماما لقيتها هتسطى علي
رقية:قوولي لي ابنتي شنو دار معاك هداك لمسطي ياكما اداك
فدوى:مادار معايا والو اماما ماتخافيش
رقية:ياكما كتخبي علي قولي لي لكاين،اجي ياكما بغيتي نمشي لعند لبوليس
فدوى:لبوليس؟؟ وااياك اماما ماكاين لاش نوصلو لهادشي لمهم انا هنقطع دابا حتى لمن بعد وندوي معاك
رقية:وااخا ابنتي تهلاي فراسك
قطعت وشفت فلقمان لكان مخنزر
لقمان:ساليتي تحركي هنرجعو القصر عندي مانقضي
وحنا خارجين ركبنا فطوموبيل وهو يصوني تيلي ديالو
لقمان:بيرو
بيرو:سي لقمان عندي ليك شي خبار
لقمان:قوليا لقيتي شكون قتل دهيبي
فدوى:😰😰
بيرو:لا اسي لقمان؛عيطت ليك باش نقوليك بلي لحاج هنا
لقمان:(ستغرب)شنووو لحاج شنو كيدير فالمغرب
بيرو:هو لقاليا نتاصل بيك كيتسناك فاوطيل
لقمان:صافي هاني جاي
لاح لقمان تيليفون وكسيرا ماوقف حتى لواحد اوطيل نزلنا من طوموبيل كان اوطيل كبير مكتوب عليه اوطيل ذهبي نزلنا ودخل غير شافت لبنت لفاستقبال لقمان وقفات
لقمان:لحاج فين هو
لبنت:فسويت رقم 150 طابق ثالت
زاد لقمان وانا تابعاه فجأة وقف دار لعندي
لقمان:مااكاين لاش طلعي معايا سيري جلسي لهيه وواياك تحركي
فدوى:واخا
طلع لقمان فاسانسور وصل لطابق ثالت خرج وهو يلقى اسطول من رجال واقفين مستفين ولبيرو واقف قدام لباب
لقمان:شنوو واقع
بيرو:ماعرفتش
لقمان:الحاج امتى جا
بيرو:هاد صباح عيطات لي مدام لينا قالتها لي
دفع لقمان لباب ودخل لقا لينا جالسة شادة فيد لحاج لكان راجل كبير راسو شايب طويل شادو ببانضة من لور، لابس كوستيم كحل وسروال كحل  وفيديه عكاز مذهب
لقمان:الحاج
لحاج:(شافيه)تعطلتي
لقمان:طريق كانت عامرة ،شنوو واقع علاش جيتي
لحاج:جيت باش ندفن ولدي هنا
لقمان:تدفن ولدك نتاا علامن داوي
لحاج:(وقف)قتلوو لي ولدي حمادة
لقمان:(وجهو تبدل ودار يدو فجنبو)كيفاش قتلوه
لحاج:كان فدار لففرنسا هجمو عليه وقتلوه
لقمان:(عينيه حمارو)حتى واحد من لمعادين معانا مايتجرأ يديرها،هذا شي حد انا مكانعرفوش هو لدارها ولكن نتا هتكون عارفو
لحاج:اه ،لقتل ولدي واحد شماتة كان بيني وبينو عداوة قديمة خويت لمغرب وبعدت عليه قلت هينساني ساعة كنت غالط مابقا حتى دارها وحرق قلبي على ولدي
لينا:لحاج تهدن راك هتوقع ليك شي حاجة
لحاج:مهايوقع لي والو؛(قرب حدا لقمان)ولدي مات القمان مابقا عندي حد فدنيا من غيرك نتا دابا هو ولدي هادشي علاش انا معول عليك نتا لتجيب لي حق ولدي وتحرق قلوب ناس لقتلوه كيفما حرقو قلبي انا
لقمان:هادي غير بغيتي تقولها،حمادة راه كان خويا وهذا لقتلو هيدفع ثمن غالي
لحاج:هذا هو لمضمون فيك (رجع جلس فبلاصتو)
لقمان:وداابا قوليا شكون هذا لتجرأ وقتل حمادة
لحاج:سميتو زروال سليماني
لقمان:شكوون هذا جامي سمعت عليه
لحاج:وحتى واحد ماسامع عليه،قبل 20 عام انا وياه كنا شركاء فهاداكشي ديال تهريب لحشيش وقع واحد المشكل بسيط بيناتنا (كيدوي بيديه)وانا مابقيتش كنتيق فيه حسيت بيه هيغدرني قلت علاش مانتغداش بيه قبل مايتعشى بي ونضت درت ليه قالب دخلتو لحبس حكمو عليه ب 18 لعام ديال لحبس انا قلت صافي راه دخل لحبس تهنيت منو دازت 18 لعام وخرج هادي تلت سنين ومن تما كيوصلوني تهديدات من عندو
لقمان:هداكشي علاش ماكنتيش كتدخل لمغرب خايف منو
لحاج:ماشي خوف وانما زروال واحد مريض يقدر يدير اي حاجة تخطر على بالك
لقمان:مهايكونش مريض كثر مني الى كان هو كيبغي يلعب انا كنعرف نلعب حسن منو
#عند_فدوى
بقات فدوى جالسة جاها لملل قالت اش ندير ماندير نوض نطلع لعند لقمان ،ناضت طلعات فاسانسور وقفات فطابق ثالت خرجات وهي تلقى بزاف ديال رجال غير شافوها وهوما يجبدو سلاحاتهم وجهوه جهتها
فدوى:😨😨😨😨😨😨😨
لبيرو:هبطووو سلااحكم اش كديرو (قرب لعندها)مداام اش كدييري هنا
فدوى:(كتقغقف)ل لق لقمان بغيت ن نشوف لقمان
لبيرو:واخا اجي معايا
مشات فدوى معاه حل لباب ودخل وهي تابعاه حتى وقفو قدام لقمان ولحاج ولينا
لقمان:😡😡 نتتتي شنوو كديري هنا
فدوى:تع تعطلتي علي ملييت
لحاج:شكوون هادي
لينا:(طلعاتها وهبطاتها)مرات خوه ادم
لحاج:اه ايواا اش جاية كدير هنا القمان
لقمان:كانت مرات خويا دابا ولات مراتي
لينا:😱😲😳😨
بقات لينا كتشوف ،عكزات على لفوطوي وجلسات وجهها ولا صفر،فدوى عاقت بيها ولكن لقمان مادا ماجاب
لحاج:وامتى تزوجتي بسلامة
لقمان:ولبارح ،دقيقة وهنرجع
شد لقمان فدوى خرجها برا ووقف قدامها كيغوت ووجهو قريب لوجهها
لقمان:اششش قلت لديينمك يااك قلت ليك ماتحركيش من بلاصتك اش طلعك عندي لهناا
فدوى:مليت لتحت تلاتة سوايع وانا جالسة  كيف شي قردة،بغيت نمشي فحالي من هنا
لقمان:اناا دابا مامساليش ليك ،بيرو دي هادي لشي بيت فاوطيل سد عليها حتى نسالي ونجي ليها
بيرو:مدام عفااك تفضلي
#عند_لينا
لحاج:لينا بنتي ماللك
لينا:(نزلو دموعها)سمعتي الحاج تزوجها تزوجها
لحاج:تحكمي فراسك راه لوقع وقع
لينا:نتاا واعدتيني بلي هو هيكون لي
لحاج:وهيكوون لي تيقيني ،هاد زواج لتزوج مابانش لي فيه مهايطولش فيه
لينا:انا بان لي لعكس ،من نهار شفت هاد لبنت ماحملتهاش مادخلاتش لي لخاطري
تحل لباب دخل لقمان ولينا بسرعة مسحات دموعها
لقمان:فيين خلييناها
لحاج:شنوو قضية هاد زواج،ماتوقعتهاش منك تزوج مرات خوك لمات يالاه شهور هادي
لقمان:لحاج هذا كيبقى سوقي ماشي سوقك (جلس)وداابا عاود لي على هاد زروال حياتو عائلتو كلشي بغيت نعرفو عليه
لحاج:(شاف فلينا)واخا ،هو ولد عائلة من نهار خلقو فدنيا وهوما كيتاجرو فالحشيش،تزوج بواحد نصرانية سميتها ليزا ولد معاها ثلاتة لولاد زوج بنات وولد ،لمهم هاد ليزا كانت كتبغيه وباقا كتبغيه طول هاد 18 لعام ديال لحبس كانت كتجي عندو ولكن مؤخرا مابقيت عرفت عليها والو هتكون برا لبلاد
لقمان:وولادو فينهوما
لحاج:حتى هوما برا لبلاد فبلاصة مامعروفاش ،لمهم هو واخد حتياطاتو مزيان خبا مراتو وولادو باش مانوصلش ليهم
لقمان:شفتي يتخباو تحت سابع ارض نجبد دينمهم نجبدهم
لحاج:خاصك تلقاه القمان وتقتلو باش انا نبرد
لقمان:هنلقاه ولكن فاﻷول خاصك تعرف واحد القضية بغيتي عدوك يبان زاحمو وضيق عليه طريق
لحاج:كيفااش
لقمان:هاد زروال عائلتو كانت كتاجر فالحشيش وحتى هو نفس شي برأيك ملي دخل لحبس زعما هيكون حبس
لحاج:ماعرفتش
لقمان:لااا ماحبسش (وقف كيحك فيديه)تجارة فالحشيش مايقدرش اي واحد يخرج منها سيغتو واحد فحال زروال،حناا خاص نزاحموه فسوق خاص نضيقو عليه دنيا باش يخرج يبان قدامنا
لحاج:شنوو زعما نوليو حتى حنا نتاجرو فالحشيش 
لقمان:اه
لحاج:لا لاا هداكشي ماشي ديالنا
لقمان:ماشي ديالك نتا الحاج ولكن ديالي انا،هنقلب سوق ديال لحشيش هنهبط ثمن حتى يولي كلشي طالب غير سلاك معايا ،وجد راسك انا ويااك هنطولو هنا فالمغرب 
#عند_رقية
كانت رقية جالسة عاكدة راسها بزيف حياتي ودايرة لحامض لراسها مريضة من جهة فدوى ،تسمع دقان فلباب وهي تنوض حلات لباب لقات منير
منير:سلام خالتي رقية
رقية:خيير شنوو باغي
منير:جييت نسولك على فدوى ،امضرا كاين شي خبار عليها
رقية:ماكاينة حتى شي خبار ونتا سير فحالك من هنا ماتبقاش دق علي
منير:علاش كتعاملي معايا هاكا
رقية:نتاا هو سباب بنتي فهاادشي لوصلات ليه
منير:كضحكي علي ولا على راسك ارقية؛الى كان شي واحد وصل فدوى لهادشي لهي فيه دابا فراه نتي ،كون ماجيتيش فهداك نهار لكحل قدام بابي كتغوتي ومحيحة كنت كعما كاع هندفعك وماكنتش هنتخاصم انا وفدوى وماكناش هنوصلو لهاد الحالة
رقية:(الصمت)
منير:انا باقي كنبغي فدوى كنبفيها كثر من اي حاجة فدنيا،انا هندير كلما فجهدي باش نخرجها من هداك القصر
رقية:هتخرج شكون وهتدخل شكون،هداك خو راجلها راه تزوج بيها لبارح بزز منها صافي ولات مراتو
بقا منير ساكت كيشوفيها حدر راسو تما غادي وهو يرجع لعندها
منير:هي ماباغاهش تزوج بيها بزز،انا هنمشي نخرج فدوى من تما ومن بعد هنهربو جن لكحل مهايطيحش علينا
رقية:وزعما هتكون قد هادشي
منير:هنكون قدو ماتخافيش غير هنحتاجك تعاونيني
رقية:(بلهفة)نعاونك نعااونك لمهم هو نعتق بنتي من يد هداك المسطي
#عند_جنان
نزلات جنان من طونوبيل لقات سليم واقف كيتسناها غير شافها ضحك
سليم:حبيبة (عنقها)
جنان:خلعتيني علاش قلتي لي نجي لعندك بزربة
سليم:عندي لييك مفجآة،اججي معاايا
شد فيديها ودفع لباب ديال واحد لمحل ودخلو كان المحل كبير ومنظم فيه ديكوورات والفراش لمهم هداكشي كيخص تصميم المنزلي
جنان:شنوو واش جايبني لهنا باش نشري فراش لقصر ههه،راك عارف لقصر انا ماعندي حق نبدل فيه حتى مخدة
سليم:لا ،عقلتي قبل تلت سنين ملي سولتك وقلت ليك شنوو حلمك،قلتي لي حلمي هو يكون عندي محل ديال ديكورات ولفراش ديال ديور حيث عزيز عليك هادشي
جنان:لاا ماتقوولهاش
سليم:اييه الالا،حلمك ولاا حقيقة وهذا راه للمحل ديالك
جنان:(عنقاتو فرحانة)هههه شكرا شكرا ليك بزاف؛ناري مامتيقاش هادشي،هههه واش هاد المحل دابا ولا ديالي واااو
سليم:اييه ديالك ونزيدك هاد المحل راه مادارش بفلوس عائلة ارسلان درتو بفلوسي ،كنت كل شهر صالير ديال خدمتي فشركة كنخبيه حتى جمعت لفلوس كاملين وشريت ليك محل
جنان:(باستو ففمو)كنبغيك بزاف بزاف
سليم:حتى ان
#عند_جيهان
كانت جيهان جالسة فوق ناموسية كتدوي فتيليفون وكتضحك
جيهان:وصاافي باراكا ماتحشم في
يوسف:ههه يخليلي زين لكيحشم ،فراسك ريحتك بقات ففراشي ،بت ليل كامل وانا كنحلم بيك
جيهان:هههه حتى انا، صراحة هداكشي لوقع بيناتنا قلبني كاملة،مابقيتش عارفة راسي شكون انا ،نتا هو اكثر حاجة زوينة وقعات لي فحياتي،انا كنت مهمشة وسط عائلتي عمري عشت معاهم شي حاجة زوينة ديما المشاكل وصداع عقدوني ولكن نتاا شي لعشتو معاك غير
يوسف:ومزال هتعيشي معايا حوايج اخرين هينسيوك دنيا كاملة
جيهان:بصح
يوسف:اه شنو ظهر ليك نخرجو ليوم
جيهان:لا اليوم غير نسى،القضية فالقصر حامضة خويا تزوج بمرات ادم لله يرحمو وبابا ماعاجبو حال
يوسف:شنوو تزوج بمرات خوه
جيهان:اه شووف انا
فهاد لحظة تحل لباب وتمات داخلة رجاء
جيهان:صاافي واخا احياة انا هنصور ليك درس و نسيفطو ليك
رجاء:سلمي عليها
جيهان:ماما سلمات عليك
يوسف:ههه سلامها وصل ،بسلامة (قطع)
جيهان:ماما واقعة شي حاجة علاش جيتي لعندي
رجاء:(جلسات حداها)اشش هاد سؤال كيفاش علاش جيتي لعندي ،واش ماشي من حقي نجي لعند بنتي ندوي معاها ونشوف شنو خاصها ونفتح ليها قلبي وتفتح لي قلبها
جيهان:لا من حقك
رجاء:شفتك فرحانة وعينيك كيلمعو واقعة معاك شي حاجة
جيهان:لا والو
رجاء:شووفي وكان، حاسة بشي حاجة ماشي هي هاديك واقعة معاك
جيهان:غير تهناي ماواقع لي والو
رجاء:واخا بغيت ندوي معاك بخصوص واحد الموضوع
جيهان:لهوو
رجاء:فلعزو ديال خوك،شافك ولد جواهري عجبتيه وسيفط ماماه دوات معايا عليك هو راه باغيك لزواج
جيهان:زواج؟؟بلاتي بلاتي كيفاش يتزوج بي واصلا شكون هذا
رجاء:اوويلي واش مكاتعرفيش ولد لجواهري واحد لولد شهوة منو ،قرا طب برا لبلاد ودابا جا لمغرب دار كلينيك وولا طبيب قد دنيا
جيهان:اناا ماباغاش نتزوج باغا نكمل قرايتي
رجاء:ههه هتكملي قرايتك غير هو فكري فهاد الموضوع زواج راه سنة من سنن الحياة وضروري منو
جيهان:قلت ليك لا
رجاء:ولكن ابنتي
جيهان:ماكاين ماولكن لا هي لا ،وبلا ماتحاولي ضغطي علي انا راني ماشي فدوى لدرتيها تحت رجليك ودرتو فيها مابغيتو
رجاء:لسانك طوال اجيهان،مامولفاش ليك
جيهان:(الصمت)
رجاء:سكتي واخا غير هو فكري مزيان ولد لجواهري راه ماكيتعوض فكري وردي علي
#فليل ☀☀
كانت فدوى جالسة فواحد شومبر فاوطيل معصبة تحل لباب ضناتو لقمان ولكن لا كانت لينا
فدوى:فيناهوا لقمان
لينا:مامساليش ليييك عندو الخدمة
فدوى:عفااك واش تقدري تقولي ليه بلي انا راه مليت باغا نمشي فحالي
لينا:علاش تزوج بيك
فدوى:😖😖
لينا:ماجاوبتينيش علاش تزوج بيك
فدوى:سيري سولييه
لينا:(كتلعب بيديها)لقمان لكنعرف هذا ماشي هو ستيلو ماعندوش مع لبنات فحالك (طلعاتها وهبطاتها)هو راجل نيفوو مافهمتش كيفاش شافيك
فدوى:(بتاسمت وقربات ليها)واضح بلي ماعرفتيش لقمان مزيان،هو كيموت على لبنات فحالي تخيلي معايا نهار شافني فالقصر شدني من يدي وقاليا بلي عمرو شاف شي بنت زوينة فحالي طيرت ليه العقل ولكن غير عرفني مرات خوه ندم بزاف وعتادر مني
لينا:لقمان يعتاذر منك نتي هههه لا هاادي بزاف
فدوى:من حقك تفاجئي غير هو الحب كيبدل كلشي،الحب كيهد جبال برأيك واش مهايهدش لقمان
لينا:(سرطات ريقها)شنوو زعما باغا توصلي لي بلي كيبغيك
فدوى:هاد سؤال سوليه ليه هو انا مانقدرش نجاوبك ،ودابا فيناهوا راجلي حبيبي توحشتو (كتلعب بشعرها)
تحل لباب وتما داخل لقمان
لقمان:تحركي هنمشيو
فدوى:وااخا نمشيو هيكونو دار كيتسناونا لعشا
لينا:لقمان بغيت ندوي معاك
لقمان:ماشي دابا (تما خارج)
فدوى:(ضحكات عليها)بااي بااي ازوينة(تمات غادة وهي ترجع قرصاتها فدراعها)
لينا:(دفعاتها)اييييي
فدوى:سمحيلي ولكن ماقدرتش مانقرصكش راك عارفاني عروسة جديدة بغيت زعما ندير ليك لفال ههههه بسلامة
خرجات فدوى لقات لقمان كيتسناها خرجو مشاو ولينا بقات فشومبر كتغدد
#قدام_القصر
وقف طاكسي قدام القصر تحل لباب ونزلات منو زهرة لكانت لابسة جلابة ودايرة زيف ولابسة صابو تشوفيها ماتقوليش هادي هي سيدة لصباح مشات لعندها جنان
زهرة:ههه درت ودرت ورجعت لهنا
لكارد كور:نعاام الالا
زهرة:عائلة ارسلان كاينين لداخل
لكارد كور:شكوون نتي
زهرة:من لعائلة حل لي لباب بغيت ندخل
لكارد كور:من العائلة شنوو سميتك
زهرة:ونتااا اش مشاا ليك فسميتي
لكارد كور:يااقولي سميتك ياسيري فحالك
بقات كتشوفيه زهرة وهي ترجع لور جبدات تيلي سيفطات ميساج لجنان لكانت جالسة وسط لعائلة
جنان:اناا مليت هنخرج برا نشم لهوا
وقفات جنان خرجات مشات لباب لقات زهرة واقفة
جنان:حلوو ليها لباب
كارد كور؛ولكن الالا
جنان:قللت لييكم حلوو ليها لباب
تحل لباب وهي تدخل زهرة
زهرة:لقمان كاين لداخل
جنان:لا ولكن شوية هيجي،ههه ملي هيشوفوك واقفة قدامهم هيتصدمو
زهرة:هداكشي لبغيت
جنان:تفضلي امدام زهرة
تمات غادة جنان وحداها زهرة دفعات جنان لباب ودخلو ولاو داخل لقصر
#يتبع