🦋جعلوني زوجة له 🦋 (مكتملة )

part43

💎جعلوني زوجة له💎
جزءء 43
يوم_غد_صباحا 🌞🌞
الجو كان مكهرب بزااف وسط العائلة لكانت بحال بشوية بشوية كتفرق، سوسن هادي اول مرة ماغاديش تفطر مع عائلتها ومروان لخرج وخلا قصر بعدما جرات عليه سوسن اما بقية العائلة فكانو مجموعين وفيمت حانين ريوسهم كياكلو فجأة هز مسعود جورنال كيقراه كيف العادة وبخط عريض كانت مكتوبة المفاجئة"بعد غياب دام ثلاث سنوات السيد لقمان ارسلان ينفصل عن امبراطورية ارسلان ويباشر بالعمل في شركته الخاصة" وسع عينيه و بدا صدرو كيطلع ويهبط نهج وضرب بجورنال بجهد فوق طبلة
مسعود:اش هادشي
رجاء:شواقع
مسعود:ولدك الالة ولددك
رجاء:مالو
مسعود:(كيضحك)تنشر هاد صباح خبر بلي دار شركتو الخاصة وانا لكنت معول عليه يرجع يخدم معايا وكان عند امل نصلحو الوضع ونتصالحو ولكن ولدك بلانو فراسو
فديك اللحظة كانت هابطة سوسن فدروج وسمعات كولشي
لكبيرة:اويلي واش حمااق
سوسن:صباح الخير ،واش هادشي لسمعت بصح
مسعود:انا بان لي هنحماق مع هاد الولاد واحد مفلس وتانية قلبها كحل وتالث ولينا اعداء ديالو
سوسن:كيفااش اعداء واش لقمان دار شي حاجة بلا خبارنا
مسعود(لاح عليها جورنان)هااكي شووفي اش مكتوب
سوسن:(كتقرا) لامايمكنش(هزات راسها مصدومة) هادشي كيعني بلي هيولي من اشرس منافسين لينا وهنطيحو فسوق
مسعود:(كيحك لحيتو) صافي لامشا حتى نافسنا اسم ديالي هيطيح هو كان املي باش شركتي تطلع واسمي يبقى عالي
سوسن:شركتنا هطيح اففف مرض صافي
رجاء:تهدن وتاكد بعدا من هادشي عاد حكم  نتا عارف صحافة عزيز عليهم يرونو ويحطو اشاعات على بنادم
مسعود:صحافة ملي كيوصلو لقمان كيكتبو شي حاجة فغي واقعة هاكي شوفي راها مكتوبة بلخط لعريييض ولدك دار شركة بعيدة على شركتنا ،داارها بلعاني رجع باش يهبطني اﻷرض وينتاقم مني على لكدبة لكدبت عليه فهاد سنين لفاتو
لكبيرة:لقمان ماشي هاكا وكون كان باغي ينتاقم منك كان غادي يديرها شحال هادي دابا تهدن وصبر دابا يجي ويشرح لينا
فديك اللحظة ناضت جيهان كتسلت وطلعات عند فدوى البيت
#بلسان فدوى
ليل كامل مانعست ماشفتو كنعس ونفيق بالفرحة اححح واخيرا باسني(خشيت راسي وسط خدادي بالحشمة) ناااري مي تيتيز ديالي باسني هااااااااح مييي(ناضت جهة الدوش) افففف نبدل عليا ولبس ونتقاد مجهودي ماضاعش هكداك عارفة راسي لا درت شي حاجة فراسي هتكون هي هتكون احححح نقاد راسي ونوجد هههههه لموسيو ديالي هيجي خاصو يلقاني واجدة مقادة حالتي.... لبست كيطما فلكحل وصنيديلة دصبع وقفت قبالت المراية كنقاد فشعري نشفتو وهبطتو بلبلاك ودارت شوية ديال لمكياج خفيف مامعيقش مهم مشاركة ههه مزالة كنقاد حتى تحل عليا لباب فاﻷول ضنيت لقمان ولكن ملي درت لقيت جيهان لداخلة كلها كترعد
فدوى:نتي شنو جاية كديري هنا
جيهان(كتسد باب مخلوعة)مرات خويا عفاك باغا ندوي معا
فدوي:خرجي عليا المنافقة مابغيتش نشوف وجهك مزال
جيهان:اهئ اهئ عفاااااك اهئ اهئ سمعيني
فدوى:اش هنسمع نفاق ولكدوب ديالك ،جففو بي عائلتك ارض ونتي بقيتي ساكتة ملبدة كيف لفعة
جيهان:نتي ماعارفة والو
فدوى(كتشوف فيها باحتقار)اش هنعرف طيحتي دل على عيالات والله، تشفري والديك لضاربين عليك تمارة على قبل حمار يالاه عرفتيه ولبارح
جيهان:كنبغيه ومانقدش نشوفو كيتادى
فدوى:ياك اختي وانا تلصق في شفرة ويجففو بي ارض
جيهان:هئ هئ ولله اختي مدرتها بلعاني تيقيني، راه كيتسالوه فلوس باباه قبل مايموت خلا واحد دين وهو مضطر يرجع دين باه هئ اهئ
فدوى:وطبعا قاليك الى ماخلصش دين هيقتلوه
جيهان:اه😢
فدوى:ههههه هبيلة ولله حتى هبيلة،هذا راه مكايبغيكش هذا راه كيستغلك حيث لقاك ساهلة وكامبوة ابنت رجاء
جيهان:نتي علاش كتقولي هاكا على يوسف نتي مكاتعرفيهش
فدوى:لا غالطة اشكال لفحالو  كنعرفهم شوفي اجيهان نتي بنت لقصور ولفشوش عكسي انا لتربيت وسط حي شعبي وتربيت مع ولاد شعب،دري لكيبغي شي بنت ماكيقولش ليها شفري والديك وجيبي لي كيفضل يموت ولا يخلي لبنت لكتبغي حاطة راسها فالمشاكل وزيدون نتي شنو ضمن ليك بلي هو ماكادبش عليك
جيهان:يوسف ماكيكدبش انا تايقة فيه
فدوى:واخا الالا تيقي فيه ولكن انا لا مهانتيقش فيه هادشي علاش هنضطر نقول لعائلتك على هاد لبلان وديك ساعة هنشوفو
جيهان:هئ هئ لااا لاا افدوى واياك
فلحظة لكان واقف فيها مسعود كيهضر هو وسوسن على اعلان ديال شركة لقمان ،دخل هاد اخير داز من حداهم مامسوقش يالاه بغا يحط رجليه على درجة لولا من دروج وهو يوقفو صوت باه
مسعود:(بنبرة حادة)لقمااااان
لقمان:(دار عندو بشوية)نعااام
سوسن:شنو هادشي
مسعود:كبرتي ودرتي لباادر و وليتي كتناافس بااك فلخدمة
لقمان:هادشي علاش موقفني
سوسن: واش نتا حمق ولاا شنو واش كاين شي واحد كيدير هكا مع عائلتو
لقمان:نتي من بعد شي لعرفتو عليك لبارح مابقاش مزال من حقك تدوي معايا حيث نقدر نغلط فيك، اما بخصوص لعائلة شنووو هي لعائلة ممكن تشرحي لي
مسعود:لعائلة هوما حنا ،خاصك تعرف بلي واخا يوقع ليوقع بيناتنا خاصك تبقى داير على وجه دم لبيناتنا ولجامعنا حنا كاملين كعائلة
لقمان:(غوت)فينهايا هاذ العائلة لكتدوي علييها اسي مسعوود
رجاء:لقمان هدا لكتغوت عليه راه باك حتارمو
لقمان(خنزر فيها) نتي بدات دخلي سوق راسك
سوسن:حنا عائلتك لاش كدير معانا هكدا
لقمان: اه العائلة لعيشاتني فكدبة حياتي كاملة
مسعود:هداك موضوع اخر
سوسن:نسا عليك هداكشي(شدات ليه فيدو) خلينا نبداَو من جديد
لقمان(دفعها) اش هنبداو نهار جيت حرشتيني  على فدوى وهي مادايرة لا بيدها و لابرجليها خليتيني كل نهار كنسمعها لهضرة ونتي عارفاني كيفاش داير ،نتي ماراعيتيش ليها واخا هي صرفات غير لخير فادم قابلاتو وخلاتو يعيش اسعد ايام حياتو كانت ملاك بنسبة ليه ونتي رديتيها شيطان فعيني انا(كيهضر ويشير بيديه) ولكن هادشي ماخافيش على عائلة ارسلان حيث حنا قلبنا كحل كنعرفو غير فلوس كلشي عندنا ساوي ثمن
رجاء:ولدي هاد لهضرة ماشي وقتها دابا حنا كندويو فل
لقمان(غوت) متابقايش تقولي لي ولدي اناا ماولدكش انا ولد عشيقة راجلك