🦋جعلوني زوجة له 🦋 (مكتملة )

part60

💎جعلوني زوجة له💎
َجزء 60

✴✴الكون على اتّساعِـه لا يضاهي أبداً سعة قلب اﻷب✴✴

تصدم مسعود وتكا على لحيط نفس كيطلعها بزز
طبيب:سييدي واش نتاا بيخير
مسعود:✋ بيخخير بيخيير ،ف ف فيين بنتي
طبيب"فهداك شوومبر
مشا مسعود كيعكز على لحيوط دخل وهو يلقى جيهان جالسة دايرين ليها فاصمة على راسها وفاصمة على يديها كتبكي ماشي على لحمل حيث هي اصلا باقي مافراسهاش كتبكي غير على قبل يديها حيث كتقصحها
جيهان:هئ هئ بااابا جيتي
مسعود:(كيقرب ليها)علااش علااش
جيهان:هئ هئ كنت هنموت
مسعود:(قرب حداها)علااش درتي في هااكا علاش بغيتي تكحلي وجهي قدام ناس
جيهان:هئ هئ الى كنتي كتدوي على لولد لكان معايا فطونوبيل فراه غير صديق كيقرا معايا
مسعود:ايناا صديق ولاا زمر (ضربها بالورقة)شوفي فضيحتك نتي رااك حاملة (كيترعد)
جيهان:😨😨😨😨
مسعود"علاااش درتي في هاااكا،علااش انا ضربت عليك تمارة ربيتك وقريتك فاحسن لمدراس علاش كحلتي لي وجهي (كينهج)اش هنقول لناس باينا وجه هنشوفيهم
جيهان:هئ هئ باابا انا
مسعود:(قاطعها)شحاال وصييتك هااا شحال مادرتكش بنتي درتك صاحبتي وبركت كندوي معاك اممم (حط يديه على قلبو)
جيهان:بابا ماالك
مسعود:م من اليووم انا (طاح غيب)
جيهان:(غوتات)باااااباااا (تحنات عندو)بااابا ،عتتتقونااا هئ هئ بااابا

اول ماسمع لغوات كان يووسف لجاا طل على جيهان لقاها طايحة اﻷرض كتبكي وحداها باها
جيهان:هئ هئ يوسف عتققني هئ هئ باابا كيموت
بقا كيشوفيه يوسف رجع بلور وضربها بجرية خرج فحال الى عمرو ماكان هنا اما جيهان فدارو بيها اطباء وهزو مسعود كيفحصو فيه وجيهان بقات غادة جاية فلكولوار ديال سبيطار كيف لمسطية ماحيلتها لباها لطاح كوومة ماحيلتها لمصيبة ديال حملها
تماو داخلين لعائلة كيجريو باقي مافراسهمش خبار مسعود
رجاء:(عنقات جيهان)هئ هئ الحمد لله نتي بيخير الحمد لله ماوقع ليك والو
جيهان:هئ هئ
سوسن:جيهان ختي شنوو وقع ليك كيفاش درتي لكسيدا
جيهان:هئ هئ باابا بابا
سليم:مال بابا وفيناهوا ياك سبقنا لهنا
جيهان:هئ هئ باابا غيب مااعرفتش مالو
سوسن:😱😱😱 اشش كتقولي نتي
رجاء:م مسعود (سخفات)
جيهان:😨 مااامااا
بعد مرور 10 دقائق
طبيب:صراحة الحالة ديالو صعيبة خلطة دماغية وازمة قلبية فنفس لوقت خاصو يدخل لغرفة لعمليات فاسرع وقت
سوسن:اشش كتسنى ديير ليه لعملية
طبيب:هنكوون معااكم صريح نتوما ناس لباس عليكم عندكم لقدرة ديرو للعملية لباكم فبلاصة حسن من هاد سبيطار راكم كتشووفو
سليم:صاافي فهمتك،سوسن انا هنتكلف بهاد لموضوع
سوسن:هئ هئ وااخا وانا هنعيط للقمان

#عند_لقمان
كان لقمان فلفيلا ديال لحاج اصلا هادي ربعيام وهو كيبات هنا
لقمان:(كيدوي فتيلي)وي قلت ليكم بغيت زوج كاميوات ديال لحشيش فراس شهر (شاف لينا داخلة)صافي مزيان (قطع)
لينا:(مدات ليه كاس ديال شراب)توحشت ليالي لكنا كنجلسو بسوايع كندويو وفيدينا كاس ديال لويسكي شادين بيه لمزاج
لقمان:(خاد لكاس)كتقصدي ليالي لكنتي كتدوي فيهم وانا كنبقى ساكت(شرب جغيمة من لكاس)
لينا:هههه اه (حطات يديها على صدرو)توحشتك بزاف
لقمان:مزييان
لينا:ونتاا ماتوحشتينيش
لقمان:لااا
لينا:(باستو ففمو)كذااب دوور دنيا كاملة ماتلقاش شي وحدة لهتفهمك فلفراش كثر مني
لقمان:(تفكر فدوى وبتاسم)ااامم
حيدات لينا لقمان لكاس وتلاحت عليه كتبوس فيه وحتى هو تجاوب ولكن يافرحة ماتمت صونا تيليفون لقمان بعد عليها وجاوب
لقمان:وووي الووو
سوسن:هئ هئ لقمان خوويا
لقمان:ماالك
سوسن:بابا ا لقمان كيمووت هئ هئ جااتو جلطة دماغية وازمة قلبية فنفس لوقت
لقمان:(لونو تخطف)فيينكم نتووما داابا
سوسن:هئ هئ غادين لكلينيك بدر تما فين هيدير بابا لعملية
لقمان:انا داابا جاي (قطع)
لينا:ماالها
لقمان:(هز جاكيط وتما خارج)لواليد جاتو جلطة دماغية ودابا فلكلينيك
لينا:هنمشي معاك
خرج لقمان ولينا طلعات معاه فطوموبيل غادي كيصوك بلا عقل كيف لمجنون ماوصلو لكلينيك حتى لينا شهدات على روحها الف مرة بسباب صوكان لقمان ،دخل كيجري لداخل لقا سوسن ورجاء كيبكيو وسليم واقف حداهم
لقمان"سليم لواليد كيف بقاا
سليم:حاالتو خطيرة
رجاء:(وقفات عنقات لقمان)هئ هئ بااك هيمشي مني ا لقمان هيمشي
#فالقصر
لكبيرة:(كتبكي)هئ هئ لله يااربي لله على خوويا هئ هئ ،لله يااربي فين كاان مخبي ليينا هادشي 😭😭
جنان:(فوق راسها كتشوف فتيلي)تهدني راه مهايوقع ليه والو (شافت فلخدامة)ردي لييها لبال
خرجات جنان مشات بعدات على لكبيرة ودوات فتيلي
جنان:راه طاح جاتو جلطة دماغية وسكتة قلبية فنفس لوقت
الياس:اممم فهاد الحالة محاال واش يعيش
جنان:عندااك يعرفو بلي وقع معاه هادشي بسباب دوا لكنعطيه
الياس:ماعندك مناش تخافي ،قلت ليك داك نهار دوا ماكيبانش فدم يعني ماكيبانش (قطع)
#عند_فدوى
كانت فدوى واقفة كتشوف فدوا ديال زهرة لكانت داخلة لحمام
فدوى:نفس سمية ديال دوا لكياخود ادم ولكن ماشي نفس شكل ديال لحبات شنو زعما غير دازو شهوور بدلو شكل
زهرة:(خرجات من لحمام وشافت فدوى كتشوف فدوا)اششش كديري نتي هنا (خادت ليها دوا)
فدوى:دخلت نشووفك واش ناقصاك شي حاجة ونعاونك (طلعاتها ونزلاتها)ساعة كتباني لي مامحتاجة لعوين ديال حد
زهرة:دوا لكناخود هو لكيخليني واقفة
فدوى:دواا لكتاخدي هو نفس دوا لكان كياخود راجلي ادم لله يرحمو وماكان كيدير ليه والو
زهرة:لمرض لكان عند راجلك ماشي هو مرضي انا،انا عندي سرطان دم ونتي راجلك كان عندو سرطان العضام (دخلات فلفراش)وااش ماكاين عشا اليوم
فدوى:لاا كااين ،صايبت ليك فخاض ديال دجاج واش نجيبهم ليك تاكليهم ولا بلاش حيث هتخليهم لي فطبسيل وهتقولي لي ماعجبكش طيابي
زهرة:طيابك حالتو ،واش مك ماعلماتكش طيبي ولا شنو
فدوى:لا علماتني وعلماتني حتى كيفاش نوقف كل واحد عند حدوو ،انا محتارماك حيث مريضة ولكن نتي كيبان لي بلي ماحاملانيش وبلي من نهار جيتي واخدة مني موقف
زهرة:ولدي مامرتاحش معاك هداكشي علاش مكايجيش لدار
فدوى:ولدك الى كان مكايجيش لدار فراه بسبابك نتي الالا ،حيث وجودك هنا كيخنقو
زهرة:ياااك
فدوى:اييه حتاارميني كيف محتاارماك ومحتارمة لمرض ديالك بغيتي طولي فهاد دار تكوني وهنيني باش مانضطرش نوريك وجهي لاخور (خرجات وسدات لباب)

فلكلينيك
كان كلشي واقف ضاربينها بصقلة شوية جيهان تمات جاية هز لقمان راسو فيه وخنزر وهي تزعزعات من تخنزيرة لقمان
لقمان:ماالكي اش هاد الحالة نتي فيها
سوسن:دارت كسيدا وبابا واقلة تخلع عليها هداكشي علاش طاح
رجاء:(عنقاتها)هئ هئ لله ياربي على بنتي كنت هنترزا فيها فهاد ليل
جيهان:(كتبكي بحرقة)سمحيلي اماما على هادشي لدرت سمحيلي
بقا لقمان كيشوف فجيهان حس بشي حاجة ماشي حتى لهيه
لينا:(شدات فدراعو)لقماان مالك
لقمان:(الصمت)
لينا:مااعندك علااش تخااف داابا يولي بيخير
لقمان:نتمنى
باتو كلهم تما فلكلينيك وصبح صباح دنيا ترونات وصحافة عند لباب وفدوى يالاه ساقت لخبار هزات طوموبيلتها ومشات لكلينيك غير وصلات لقات صحافة تما مادخلات لداخل غير بزز وصلات لعند لعائلة ولقات لينا واقفة جنب لقمان مبندرة
رجاء:فدوى جيتي (عنقاتها)
فدوى:كييف بقاا عمي انا يالاه سقت لخبار غير سمعتها جيت كنجري
رجاء:ليل كولو وهو فغرفة لعمليات يالاه خرجوه دابا تقريبا شي ساعة
فدوى:شنوو وقع ليه
لكبيرة:سكتة دماغية وجلطة قلبية فنفس لوقت
فدوى:(حطات يديها على فمها)لا ماتقووليهاش ياربي تحميه وتوقف معاه
لكبيرة:اميين
فدوى:جيهان حبيبة مال وجهك صفر،ماتخلعيش دابا باباك ينوض ويصح
جيهان:(عنقاتها)هئ هئ اناا سبااب اناا سباب ا فدوى
فدوى:ماتقووليش هااكا قدر لله وقضائو وخاصك ترضاي بيه
جلسات فدوى حدا جيهان ساكتة شوية بان ليها لقمان مشا وهي تبعو طلع فاسانسور لسطح واقف كيشم فلهوا وهي توقف وراه
فدوى:كييف بقيتي شوية
لقمان:علااش تابعاني اش بااغا
فدوى:(وقفات حداه)عارفاك مخلوع على باباك وخايف لا تخسرو ماتخافش دابا يولي بيخير
لقمان:(الصمت)
فدوى:عارفة بلي هضرتي هتكون زايدة ناقصة عندك حيث مهانحسش بشي لكتحس بيه وعمري مهانحسو حيث ماعنديش با (بتاسمات)عرفتي ملي تزوجت بادم وجيت لقصر وشفت باباك كيفاش كيعامل جيهان وسوسن وكيفاش كيعنقهم كنت كنغير (نزلو دموعها)تمنيت كون حتى انا كان عندي بابا ليعنقني وليقوليا انا معاك ابنتي،من قلبي ا لقمان كندعي مع باباك باش ماتخسروهش مابغيتك لا نتا لاخوتك تجربو معنى لعيشة بلا اب
لقمان:مؤخرا قلقتو بزااف وشحال من مرة قلت لييه كلام كيجرح والى دابا مات ولا وقعات ليه شي حاجة جاامي نسمح لراسي
فدوى:(وقفات قدامو)مهاايوقع ليه والو احساسي كيقولها لي (شدات فيديه)دير تقتك فالله ومهايكون غير لخير
لقمان:ملي سمعت هضرتك رتااحيت
عنقها لقمان دخلها بين حضنو وورك عليها وحتى هي عنقاتو وحطات راسها على كتفو يالاه بغات تمشي فشعور الحب والوئام وهي تقشع لينا كطل عليهم ولالا فدوى مستحيل ضيع لفرصة فين تخلي لينا تاكل حوايجها تلاحت على لقمان ببوسة رومانسية لجرات كاع طاقة سلبية منو وخلاتو يرتاح عليه
فدوى:(بعدات عليه)رتااحيتي داابا
لقمان:اااه
شافتهم لينا دموع نزلو من عينيها وهبطات كتجري وخلاتهم اما لقمان صونا تيلي ديالو وقالو ليه بلي طبيب باغي يدوي مع عائلة مسعود وخاص يكون معاهم