🦋جعلوني زوجة له 🦋 (مكتملة )

part85

💎جعلوني زوجة له💎
جزء 85
يوم_غد_صباحا
صبح صباح وفاق سليم على وجه ايناس حداه ،بتاسم وحط يديه على شعرها وهي تفيق
ايناس:صباح الخير
سليم:صباح نور
ايناس؛امتى فقتي
سليم:غيير دابا
ايناس:(بتاسمات)لبارح دوزت أحسن ليلة فحياتي
سليم:حتى انا (باسها فوق راسها)رتاحيت معاك بزاف
تيلي:سررر سرررر
دار سليم هز تيلي ديالو كانت سكرتيرة لمتاصلة باغا تدكرو باجتماع
سليم:اناا هنمشي عندي اجتماع
ايناس:بلااتي نوجد ليك لفطور
سليم:لا ماكاين لاش هنتعطل حيث مزال تابعني هنمشي لدار ندوش ونبدل حوايجي عاد هنمشي لشركة
ايناس:وااخا احياتي لبغيتي
ناض سليم لبس حوايجو وخرج يالاه حل طوموبيل وطلع وهي تصوني عليه جنان
سليم:صبحنا على لله ،وي الووو
جنان:من نهاار دفنووه مازاروه مالنا ياكما كاين باس
سليم:يااك درنا من بعد زوج سيمانات عاد هترجعي
جنان:اه من بعد زوج سيمانات ايوا سيمانة لولا راها دازت وهاد سيمانة لبقات مابقيتش هنتسنى فيها عندك مهلة من هنا لغدا تجي ترجعني ولا راك عارف شنوو يقدر يوقع
سليم:وااخا هنرجعك ولكن ماشي دابا (قطع)خاصني نشووف شي طريقة باش نتفك منك فأقرب وقت (طلع فطوموبيل)

#فالقصر
كانت فدوى واقفة قدام لمرايا لابسة تريكو ديال صوف فلباج قصير وسروال بيض مقادة الحالة لهيشوفها مايقولش هي لكانت كتبكي لبارح فليل فجردة
تحل لباب وهي تدخل جيهان
جيهان:صباح الخير
فدوى:صبااح نور (دارت عندها)شووفي واش باينين لي ليسيغن
جيهان:لااا ماباين والو،بغيت ندوي معاك فواحد الموضوع
فدوى:(كتلبس فسنسلة)كنسمعك
جيهان:شحال هادي ،ماما كانت قالت لي بلي واحد خاينة بغا يخطبني من عائلة لجواهري
فدوى:لجواهري؟؟؟ماعرفتهمش
جيهان:عائلة لباس عليهم فحالنا هاكا،لمهم انا فهداك لوقت رفضت راك عارفة كنت مع يوسف
فدوى؛اهمم زيدي كملي
جيهان:لبارح سيفط لي فانستغرام
فدوى:شكوون؟؟
جيهان:ولد لجواهري
فدوى؛وهاد ولد لجواهري ماعندوش سمية
جيهان:سميتو فريد وهو طبيب مختص فالقلب
فدوى:هااي هااي على طبيب
جيهان:واا بلا طلعة،لمهم سمعيني هو بقا كيسيفط لي ليميساج بزاف وملي جاوبتو قاليا بغاني نتلاقى معاه
فدوى:ايواا ونتي اشنوو قلتي
جيهان:اش هنقوول ولله ماعرفت (تنهدات)خايفة من هداكشي لوقع لي مع يوسف يرجع يتعاود
فدوى:(شدات فيديها)جيهان حبيبة اول حاجة خاصك تعرفي بلي رجال راهم ماشي فحال فحال الى كان يوسف شماتة هادشي مكايعنيش بلي حتى هاد فريد يطلع شماتة
جيهان:داابا شنوو نعطيه فرصة
فدوى:ماشي انا لهنقوليك عطيه فرصة قلبك هو لهيقوليك،لمهم دابا خلينا نزلو نفطرو انا قاتلني جوع
جيهان:واخا ولكن هندويو فهادشي من بعد
فدوى:صافي وااخا ندويو من بعد
نزلو لتحت لقاو كلشي جالس ولينا عينيها كيبريو فرحانة
#فالعشية
كان لقمان جالس فشركة حتى سمع دقان فلباب
لقمان:دخل
سكرتيرة:مووسيو واحد راجل بغاا يشوفك
لقمان:شكوون
سكرتيرة:مابغاش يقوليا سميتو
لقمان:ايواا صافي ماتدخليهش
......هي نرجع
لقمان:(ضحك)سي جمال
ناض لقمان من بلاصتو عنق جمال لكان راجل كبير هتكون عندو هاديك 50 عام مي كيبان شباب
لقمان:اش هااد المفجآة امتى جيتي
جمال:جيت لبارح ،كانت عندي شي خدمة قضيتها واليوم فليل هنرجع لامريكا وقلت ضروري قبل مانرجع خاص نجي نشوفك
لقمان:ايواا مرحبا بيك اسيدي،شنوو تشرب
جمال:لااا ماباغيش نشرب
لقمان:ايواا جلس ماتبقاش واقف
جمال:(جلس)ايواا لخدمة كيف غادة،سمعت بلي داير خبلة فلحشيش درتي سيزي لبياعة وشراية ديالو
لقمان:نتاا عارف انا ملي كنلقى فين نضرب ضربتي كنضربها
جمال:عارفك (تقاد فالجلسة)انا سمعت بمشكلتك مع زروال
لقمان:منين سمعتي
جمال:كلشي سايق لخبار،خاصة ملي خطف مراتك سمعت بلي كنتي ناوي تقتل ليه كاع ولادو وواحد منهم مات
لقمان:وباقين هيموتو كاملين ،غير صبر علي
جمال:فعوض ماتركز على زروال وولادو لاخرين ركز على ولدو لكبير الياس
لقمان:حااس بيك باغي تقول شي حاجو ولكن ما قادرش
جمال:اه باغي نقوليك شي حاجة،وصراحة ماعارفش كيفاش هنوصلها ليك
لقمان:غير قول ماتخافش
جمال:الياس ولد زروال حاط عينو على مراتك
لقمان:(وقف)اشش كتقوول نتا
جمال:عارف بلي ماشي ساهل تسمع هاد لهضرة ولكن هادشي لكاين سيد كيهتهت غير بسمية مرتك هو رااه مهووس بيها
لقمان؛(جرو من قميجتو وشنق عليه)واش نتاا عارف راسك شنوو كتقو،ل ولاا لا كيفاش مهووس بمراتي
جمال:لقمان تكالما وااخا،اناا جيت قلت ليك هاكا باش تاخود حتياطاتك وترد لبال لمراتك نتا خاصك دير المستحيل باش مايوصلش ليها
لقمان:(كيغوت)انااا هنقتلووو قبل مايوصليها (كينهج)خااصو غير يطيح بين يدي الى مانسلخ جلدو على لحمو رااني ماشي راجل (طلق جمال)
جمال:اناا درت بوجه العشرة لبيناتنا وجيت قلت ليك لكاين،رد لبال لراسك ولمراتك حيث هو ماناويش لخير لمهم انا هنمشي دابا تهلى فراسك وسلم على لحاج (حل لباب وخرج)
لقمان:(لاح كاع هداكشي لفوق لمكتب)هنقتلوووووو هنقتلووو