🦋جعلوني زوجة له 🦋 (مكتملة )

part144

💎جعلوني زوجة له💎
جزء 144
سكت الحاج بقا كيشوف ففدوى لعينيها خارجين بلع ريقو ووجد راسو يسمع أسوأ كلام لممكن يخرج من فم فدوى

فدوى:25 عام هادي فيين كنتي

لقمان:تهدني مااكاين لاش لغوات

فدوى:دخل نتااا سوق راسك اليوم ماعندكش الحق تقوليا شنو ندير وشنو نقول اليوم مني لهاد راجل نتااا ماتدخلش

الحاج:شووفي افدوى انا عارف بلي معصبة مني ومن حقك تلوميني على هاد 25 عام لدازت ولكن حتى نتي تفهميني اناا راه مااكانش فراسي بلي عند بنت وحتى انا راه يالاه عرفت فحالي فحالك

فدوى:مزيااان وااخا نتاا يااالاه عرفتي ايواا من بعد وااش باغينا نوليو اب وبنتو

الحاج:وعلااش لااا

فدوى:ههههه لااا هادشي لناقص،سمع اسيدهم الحاج ملي كنت صغيرة كنت بصح كنتمنى يكون عندي باا لنشد ليه فيديه ونعيط ليه بابا ولكن ملي درت 10 سنين لفكرة ديال يولي عندي أب كرهتها انا فسن 10 سنين كرهت كلمة بابا وكرهتك حتى نتاا واخا عمري ماشفتك

لقمان:فدوى نتي راكي كتلومي فلحاج غير هكاك نتي راكي ماعارفة والو على لماضي دياالو زيدي عليه ماكانش عارف بلي عندو بنت اما راه كعما يسمح فيك

فدوى:حتى نتااا راك ماعارفش ماضي زهرة اذا علاش ماتفهمتيهاش الهضرة ساهلة ولكن ملي كيكون المشكل نتااا لوسطو كيكون صعيب (شافت فلحاج) انااا جامي هنتقبلك بااا حيث ملي كنت صغيرة ماهزيتيني ماحطيتيني ماشقيتي ماتعبتي علي كلمة اب راه مكاتجيش هكاك لا، الأب هو لكيدمر وكيعطي وكيتقاتل باش يكبر ولادو اما نتا فراك جيتي ولقيتيني كبيرة ماعرقتي مانشفتي علي (شافت فلقمان) واااش نقدرو نمشيو

لينا:(من ورا الحاج) فيين هتمشي احبيبة

فدوى:هااادشي لناقصني،لقمان يالااه خلينا نمشيو

لقمان:(شد فيد فدوى) يااالاه

لينا:(وقفات قدامهم) بلاااتي عندي ليكم شي هضرة خاصكم تسمعوها قبل ماتمشيو

الحاج:(جر لينا من دراعها) لييينا

لينا:حشوومة عليك الحاج هادشي لكدير فيه خلييني نعاود لبنتك الغزالة على شنوو كنتي ناوي دير فيها شحال هادي

لقمان:اشش كتقصدي

لينا:عقلتي نهار شي حد هجم على مراتك فدار وكان باغي يقتلها هداك الواحد الحاج لسيفطو باش يقتل فدوى باش نتاا تبقى لي ونتزوج بيك

لقمان:(تصدم) الحاج وااش هاادشي بصح

الحاج:فدوى ب بنتي سمعيني انا فداك الوقت ماكنتش

فدوى:(قاطعاتو) مااتكملش كلامك صوتك كيضرني فودني (شافت فلقمان) هذا هو أب لجااي تعرفني عليه براافو عليك اسيي لقمان (بغات تمشي)