🦋جعلوني زوجة له 🦋 (طور التنزيل )

part112

فليل 🌑🌑
كانت فدوى جالسة فجردة ملوية فمانطا كتشوف فسما حتى وقفات عليها جيهان

جيهان:فدوى حبيبتي كيف بقيتي
فدوى:(شدات فيديها وبتاسمات)صاافا
جيهان:شفتي لقمان اليوم فالمحكمة
فدوى:شفتو وغوت علي ههه كيف ديما
جيهان:داابا يخرج ماتخافيش
فدوى:(ردات شعرها لور)ساهلة تقولي كلمة ماتخافيش حيث ماشي نتي لكتعيشي هادشي قلبت ليوم فانترنيت لقيت بلي يقدرو يحكمو عليه من 5 سنين حتى ل 15 لعام فينما كنتخيل بلي يقدر يحكمو عليه بشي حاجة فحال هاكا عقلي كيبغي يوقف على لخدمة
جيهان:صراحة ماعرفت مانقوليك لمهم انا جيت داابا باش نتعاذر منك على شي لوقع معاك بسبابي
فدوى:تعتاذري من نيتك رااك ختي الهبيلة الى بغيتي روحي نعطيها لييك
جيهان:(عنقاتها)نتتي احسن مرات اخ فالعالم
فدوى:هههه هبيلة
سوسن:(قاطعاتهم)شنوو واش دايرين اجتماع بلا بي (جلسات)
جيهان:لقيتينا كندويو على شي لوقع معانا على لبلان ديال لحمل ديالي
سوسن:اففف باقي مانسيتوش هداك الموضوع صافي لوقع وقع ،نتي من بعد شهر هتزوجي ونتي افدوى خويا ملي هيخرج من الحبس هيكون نسا وهترجعو سمن على عسل
فدوى:اناا وخوك عمرنا ماكنا سمن على عسل باش نكونو من هنا لقدام (تنهدات)انا ويااه كييف ليسانس والعافية
سوسن:اممم ليسانس والعافية ولكن كتموتو على بعضياتكم
فدوى:كتقصدي اناا لكنموت عليه ،وااقلة انا هي اكبر مدلولة فدنيا كنبغي راجل ماكيبغينيش ومن فوق هادشي ماكيعاملنيش زوين
سوسن:غالطة لقمان راه كيبغيك ،غيير نتي ماملاحضاش هادشي
فدوى:امم ماملاحضاش
سوسن:شووفي انا كنعرف لقمان كثر من أي واحد فهاد دنيا خويا كيبغيك وهادي مافيهاش شك غير هو كراكطير ديالو صعيب يعني مهايعتارفش ليك بسهولة
فدوى:تيقيني اسوسن رااك غير داوية خوك من بعد اخير مشكل قاليا بلي صافي سالينا يعني هجرني
جيهان:🥴 ساالينا غيير صبري حتى يخرج من الحبس عري ليه طرف وشووف وااش ساالا معاك ديال بصح ولالا
فدوى:هههه ليمسخك

#عند_الياس
كان الياس واقف بطونوبيلتو حتى جا لعندو يونس طلع لطونوبيل وبداو كيدويو

الياس:فراسك دخول لقمان الحبس قالب
يونس:اممم فراسي صباح ملي خرج منها هداك يديه ليمنى فحال شعرة من العجينة عرفت بلي هو لباغي يدخل لحبس، فلحظة خلانا نتيقو بلي ربحنا ساعة قلب علينا كلشي
الياس:انا وياك باين هدفنا واحد نتا باغي تنتاقم من لقمان وحتى انا نفس شي هادشي علاش خاص نديرو يدينا فيد بعضياتنا وهنمشيو بعيد
يونس:فهمتك غير هو انا شنوو نقدر ندير
الياس:هتقدر دييرر بزاف مثلا انك تستغل ختو ضرها
يونس:ماافهمتكش
الياس:لاا راك فاهمني انا عارف بلي نتاا وخت لقمان بيناتكم علاقة وعلاقة ماشي عادية خاصة انها هي مزوجة
يونس: هاانتا عارف اووو من بعد
الياس:مااتفهمنيش غلط اناا ماناويش نهددك بيها
يونس:انااا كنبغي سوسن ماعنديش نية ديال نستغلها ونضحك عليها
الياس:كتبغييها ههههههه كتضحك علي ولا كتضحك على راسك،لكيبغي شي وحدة ماكينعسش معاها فلحرام ولواعرة هي ملي كتسالي معاها كتسيفطها لراجلها حتى هو كينعس معاها تقدر تشرح لي فينااهوا الحب فهادشي انا ونتاا وكااع رجاال عارفين بلي لبنت لكتهز ليك رجليها فابور مكاتصلاحش لا لزواج ولا لدار وخاصة الى كانت هاد لبنت مزوجة يعني كيف خانت راجلها معاك حتى نتا هيجي واحد نهار وهتخونك
يونس:(الصمت)
الياس:اشش قلتي داابا
يونس:خلييني نفكر ونرد عليك