🦋جعلوني زوجة له 🦋 (مكتملة )

part10

💎جعلوني زوجة له💎
جزء 10
فدوى:شحال هادي كان كيقوليا ماخدامش مانقدرش نجي نخطبك وفجأة جا خطب غزلان هادشي الى كان كيعني شي حاجة فهو انه كان كيكدب علي وكيدوز بي لوقت شوهني فدرب لله يشوهو كلشي حال علي فمو ولكن انا عارفة كيفاش هنسد ليهم لفام وهيوليو فينما يجبدو سميتي يشللو فمهم بسمن والعسل
يوم_غد
كانت ل 12 ديال نهار ادم جالس على اعصابو كيتسنى فدوى لباقي لحد ساعة ماجاتش
رجاء:ماالك ساكت اولدي علاش مابغيتيش تفطر راه خاصك تشرب دوا
ادم:مااجاتش ماجاتش
لكبيرة:شكوون هادي اولدي
ادم:خرجووو خلييوني بوحدي
رجاء:ولدي حاالك ماعاجبنيش مالك شنوو بيك
ادم:(غوت)قلللت لييكم خرجووو
رجاء ولكبيرة:😨😨
لباب:دقق دق
رجاء:د دخل
تحل لباب وهي تمي فدوى داخلة مبتاسمة رجاء ولكبيرة تصدمو اما ادم فمسكين تهز من بلاصتو
فدوى(مبتاسمة) :سلااام
ادم:(كينهج)فدوى
رجاء:وااش سوسن لجاابك
فدوى:(كتشوف فادم)لاا هاد لمرة جابني ادم
لكبيرة:اا مرحباا بيك
ادم:ماما شنوو ظهر لييك تخرجو وتخلييونا بوحدنا
رجاء:واخا اولدي (خرجات سدات لباب)
ادم:وااش هتبقاي واقفة بعيد
بقيت كنشوفيه حطيت صاك ومشيت وقفت قدامو وهو يشد فيدي وقلبي هو يبدا يضرب
ادم:توحشتك بزاف
فدوى:حتى اناا توحشتك ،توحشت نجلس ندوي معاك بسوايع ونلعبو ف bubgy وتبقى تسول في ونسول فيك
ادم:ماتبقاايش واقفة  جلسي
فدوى:واخا
جلست وادم دفع بكروستو وجلس اونفاس معايا
ادم:تعطلتي بزاف كنت خايف لا ماتجيش
فدوى:سمحلي خليتك كتسنى غير هو خاصك دير فبالك بلي ااقصر ديالكم بعيد بزاف على لمدينة وباش نوصل لهنا كان خاصني نشد ثلاتة طاكسيات
ادم:(متوتر)بصح عندك الحق مشات لي من بالي،ااا قولي لي شنوو تبغي تشرب
فدوى:(شديت فيديه)ادم ماكاين لاش لهاد توتر واخا
ادم:ملي شفتك قدامي ماعرفتش شنو وقع لي فجأة كاع لكلام لكنت ناوي نقولو ليك مشا
فدوى:قول لجات فبالك
ادم:ههه نخاف لا نزبلها
فدوى:ماتخافش لقلتيه انا غادي نتفهمو
ادم:صراحة مانعست ماشفتو كنت كنقول محال واش تجي
فدوى:لبارح قلتي لي واحد الكلمة هي لخلاتني نجي
ادم:شنوو هي
فدوى:قلتي لي بلي نتا مدمر ومجروح وانا فحالك وبلي الى درنا يدينا فبعضياتنا غادي نتشافاو بزوج وانا تقت بكلامك وجيت ندير يدي فيديك
ادم(بفرحة) :ه هي ق قبلتي تزوجي بي
فدوى:اه قاابلة
ادم:(شد يدي باسها)تيقيني ماغاديش تندمي على هاد القرار
فدوى:(تنهدت)عاارفة بلي ماغاديش نندم
ادم:دابا شنوو هندييرو
فدوى:كنضن بلي خاص تعلم عائلتك وحتى انا واخا كنضن بلي بزوج مهايقبلوش بهاد زواج
ادم:انا والدي مستحيل يقولو لي لاا لشي حاجة انا باغيها ودابا بقات غير ماماك
فدوى:هنقنعها واخا صعيب ،انا هنتزوج بيك ولكن عندي شروط
ادم:شرطي شروطك هتنفد كاملة
فدوى:مابغيتش شي عرس ولا شي حفلة كبيرة يكفي يكونو عائلتك وعائلتي وبس
ادم:قابل
فدوى:زواج خاصو يكون فهاد اﻷيام حيث بلا مانكدب عليك مابقيتش قادرة نعيش فهداك درب
ادم:كتقصدي مابغيتيش تشوفي يوميا وجه x
فدوى:اه مابغيتش نشوفو ماشي حيث كنبغيه ولا حيث كنت كنموت عليه لا اناا مابغيتش مزال نشوف وجهو حيث فينما هنشوفو هنفكر شمتة لشمتني وكيفاش خلااني ومشا تزوج بصاحبتي (عيني غرغرو)
ادم:شنوو وااش تزوج بصاحبتك
غدوى:اه تزوج بصاحبتي ولكن هادشي مابقاش كيهمني حيث صافي قررت نبدا صفحة جديدة وهاد صفحة معاك نتا وهتكون فيها بوحدك
#فصالون_ديال_لقصر
سليم:ماافهمتش هااد لبنت شكوون جابها
جنان:باينة هو لتاصل بيها وجابها وطبعا هي مهاتضيعش هاد الفرصة من بين يديها واحد مريض وولد عائلة لباس عليها وكيبغيها خاصها تستغل لفرصة وتضرب يديها
لكبيرة:دييب كيعااود غير لجرااليه
جنان:داابا شنوو واش كتحشي لي لهضرة
سوسن:هذاا ماشي وقت هاد لهضرة انا كنت كنصحاب بلي ادم نساها ملي مابقاش دكر سميتها فهاد ايام لفاتو ساعة كيبان لي العكس و
جيهان:احمم احمم خويا جاي
#بلسان_فدوى
تميت داخلة دافعة بادم لكروسة كلهم تلفتو شافو فينا ورمقوني انا خصيصا بنضرات فشكل قلبي فديك لحظة كان غادي يسكت بزز باش تحكمت فراسي
رجاء:(وقغات)ولدي علاش خرجتي من بييتك
ادم:خرجت من لبيت باش ندوي معاكم كاملين ماحدكم مجموعين
مسعود:فااش غادي تدوي معانا اولدي ياكما واقعة شي حاجة
ادم:وااقع غير لخيير ابابا،فدوى اري يديك (شد فيدي وضحك)
سوسن:خويا شنوو كاين
ادم:اناا قررت نتزوج بفدوى حب حياتي (باس يدي)
كلشي بانت صدمة على وجهو وبداو كيشوفو فبعضياتهم انا كنت عارفة بلي مهايقبلوش بي وكنت متوقعة هاد صدمة على وجههم
ادم:شنوو وااش مهاتقولوش ليينا مبروك
مسعود:ولدي نتاا شنو كتقول واش هذا وقت زواج
ادم:ااه وقتو انا وفدوى قررنا نتزوجو وجينا نخبروكم بقرارنا باش تباركو لينا وتفرحو معانا كيفما حنا فرحانين
سوسن:نفرحو معاكم وااش من نيتك اخويا
ادم:انا مكاندويش معاك نتي كندوي مع ماما وبابا حيث هوما لكيهمني رأيهم
سليم:لاا حتى رأيها ورأيي ورأينا كامل مهم هاد زواج غير نساه حيث ماعندك ماادير بيه
فدوى:اددم اناا هنمشي دابا حتى لمن بعد وندويو
ادم:لاا ماتمشييش
فدوى:من اﻷحسن مانحضرش لهادشي ملي يتقاد كلشي تاصل بي وهتلقاني واجدة كنتسناك
ادم:وااخا لبغيتي
حدرت راسي وخرجت وخليت ادم مع عائلتو يتفاهم ويتناقش معاهم حيث الى بقيت تما
رجاء:ولدي سمعني هاد زواج راه مامسلككش
ادم:وعلااش وااش حيث انا معاق ماعنديش رجلين ولا حيث لكونسير طلع لي سلسلول وقريب نموت
سليم:ااه حيث نتا مريض وحيث هاديك لبنت مهاتكونش باغا تزوج بيك فسبيل لله اكيد هي باغا تستغلك وتضحك
ادم:الى نتاا مرااتك مستاغلاك وكتضحك عليك ففدوى ماشي فحالها
سليم:(غوت)اااددم لززم حدددك
ادم:نتاا للزم حددك ،نهار بغيتي تزوج بمراتك حتى واحد مادخل فيك وحتى واحد ماقاليك شي حاجة واخا مراتك مامعروف لا اصلها ولا فصلها تزوجتيها اما فدوى فراه معروف شكون هي قارية وخدامة بعرق كتافها ماجاتش من زنقة واﻷهم من هادشي وﻷنا متأكد منو هي ماقبلاتش تزوج بي على قبل فلوسي
سوسن:ايواا وعلااش قبلاات تزوج بيك بسلامة
ادم:هداكشي كيبقى بيناتنا ماشي سوقكم فيه ودابا سمعو غدا فليل هتمشيو تخطبو لي فدوى
سليم:مستحيل فاحلامك
ادم:اناا ماداوييش عليك نتا وسوسن انا كنقصد بكلامي ماما وبابا وعمتي
لكبيرة:شوف اولدي نتاا من حقك تزوج وتكون عائلة ولكن ماشي دابا نتا باقي مريض خليك على اﻷقل حتى تبرا
ادم:عمري مهاانبرا اعمتي حيث غادي نموت
سليم:ملي عاارف راسك بلي عمرك مهاتبرا علاش باغي تزوج بيها
ادم:حيث كنبغييها وحيث باغي اخير عيون نشوفهم وانا كنمووت يكون عينيها ودابا انا كنتسنى جواب بابا ،بابا شنو قلتي
مسعود:صاافي واخا انا غدا هنمشي انا وماماك وعمتك نخطبو ليك
ادم:مزيان فرحتيني بزاف غدا هتمشيو تخطبو لي ديرو فحال الى غادين ديرو لخطبة لكبيرة ومن بعد مباشرة هنتزوجو (بتاسم)انا هنمشي لبيتي جيهان عفاك واش تقدري دفعي بي
جيهان:وااخا (جات دفعاتو)
سليم:باابا وااش هادشي لقلتي لادم بصح
مسعود:(الصمت)
سوسن:باابا قول بلي غير كتسايرو باش مايتقلقش
مسعود:مكانسايروش هو باغي يتزوج بيها وانا هندير ليه هداكشي لبغا
سليم:باابا هادشي مااشي معقول كيفاش تقبل دخل وحدة فحال هاديك لعائلتنا باغا تزوج بخويا غير على قبل لفلوس
مسعود:كيفما قبلت بمراتك هنقبل بيها حتى هي
جنان:ياك اعممي كتقارني انا بهاديك لبنت
لكبيرة:هاديك لبنت راه عندها دارهم وعندها والديها وقارية وخدامة فرملية اما نتي فراه مامعروف لا اصلك ولا فصلك وخدمتك كانت (سكتات)
جنان:(كمليها)قولي كنت كنغني فريسطو ديال ولدكم لكبير
رجاء:عفاك بلاا ماتحاولي داابا ديري علينا هاديك دراما ديالك حيث مامسالينش ليك حنا دابا فاﻷهم لهو ولدي ادم
جنان:اييه مامسالينش لي واخا انا هنطلع لبيتي ونتا اراجلي برافو عليك شفتي كيفاش خوك وعمتك ودابا مك كيبهدلو في وساكت (زادت وخلاتو)
سليم:نتووما زدتو فيه وبزاف
مسعود:الى بقات فيك تبعها، وداابا سمعووني كلشي يوجد لراسو لغدا ،حناا هنمشيو نخطبو لادم غدا انشاءلله (تما خارج)
سوسن:هاادشي لكيوقع راه ماشي معقول
رجاء؛(كتضحك)ختي لكبيرة شنوو ظهر ليك نمشيو دابا نخرجو نتقداو
سوسن:مااما وااش من نيتك واش حتى نتي عجبك هاادشي لدار خويا
رجاء:ولدي الى كان هيكون فآخير ايام حياتو فرحان مع هاديك لبنت انا مستحيل نرفضها وزيدون انا طول عمري كنت كنحلم بنهار لنزوج فيه ولدي صغير والحمد لله هاد الحلم لله مارضوش فوجهي
سوسن:لاا نتي تسطيتي
رجاء:سوسن انا عمري ماخسرت ليك خاطرك ياك ايوا حتى نتي ماتخسريش لي خاطري ولا هنوريك وجهي لاخور ،ختي لكبيرة وجدي راسك هنخرجو
كبيرة:واخا
#عند_فدوى
حطني طاكسي ووصلت لدرب دزت من حدا مول لحانوت وهو يبان لي منير لابس جابادور بيضة كيشري فالخبز شافيا وانا دورت وجهي كملت طريقي دخلت لزنقتنا وهوما يبداو لعيالات كيشوفو في وكيدويو وهي تنقز وحدة من وسطهم سميتها سعدية كتطيب فلعراسات
سعدية:فدوى اتتتي كيفداايرة لبااس
فدوى:لبااس الحمد لله ونتي
سعدية:لباس واش راجعة من الخدمة
فدوى:لاا راجعة من بلاصة اخرى علاش كتسولي
سعدية:اش هنقوليك بنت خويا ولدات فلكلينيك لخدامة فيه ومشيت تما سولت عليك بغيت نوصيك عليها ساعة قالو لي جراو عليك صراحة ابنت رقية بقيتي في لخدمة لكانت مك كتبان بيها مشات وحتى من سعيد هاد صباح سمعت بلي شد طيارة لميريكان ومنير ح
فدوى:(قاطعتها)لالا سعدية
سعدية:نعاا
فدوى:وااحد ولدك فين شدها مع مراتو امضرا بشحال حكمو على مراتو بعدما لقاوها كتخونو
سعدية:اا اه هاديك القضية تسدات شحال هادي وولدي راه طلقها ودابا مشيت خطبت ليه واحد لعويتقة كتضوي تختاريها غير هي من بين لبنات انا بعدا ولدي يوقع ليه ليوقع كيبقى راجل كية لبنات لعويتقات لولاو على لسان ليسوى وليمايسواش
فدوى:فحال بنتك عقلتي شحال هادي ملي راجلها قال بلي مالقاهاش بنت وطلقها اجي فين شاداها داابا فامارات ياك اش كددير تما كتغرق شكلاط
لعيالات:(كيضحكو من تحت نيفهم)هههه
سعدية:لسانك طوويل ابنت رقية لله يستر حتى حاجة مكاتهدك دايرة كيف تران
فدوى:(رديت شعري لور)اوويلي ياكماا تقلقتي مني اخالتي سعدية راني غير كنضحك معاك ماعلينا انا  واقفة عليك فواحد لحاجة
سعدية:لهي
فدوى:تريتور لكنتي خدامة عندو بغيت نمرتو عندي شي حاجة وباغاه
سعدية:ولاش باغاه واش على قبل لماكلة ولا شنو
فدوى:من طبيعة الحال على قبل لماكلة برأيك علاش هنبغيه
سعدية:باغاه لماكلة وانا شنو كنددير هنا راني معروفة طيابة وكنطيب لكاع ناس ديال درب وغير فابور
فدوى:اييه نتي طيابة ولكن هاد لمرة مهاتفعيش فهداكشي لباغا انا حيث انا باغا طياب ديال ناس لكلاص
سعدية:قلتي ناس لكلاص هي شي عراضة فاعلة تاركة
فدوى: لاا مااشي عراضة خطبة
سعدية"😮 شنوو
فدوى:كيفماا سمعتي انا غدا عندي لخطبة ومانكدبش عليك عائلة راجلي لباس عليهم عايشين فقصر تقريبا يدير ضوبل من دربنا وانا خاصني نحمر وجهي قدامهم مابغيتش نتحشم هداكشي علاش دخلي جيبي لي نمرة ديال طريطور دغيا راني زربانة
سعدية:😕😕 واخا هنجيبها ليك
دخلات سعدية وانا بقيت واقفة كنضحك وكنشوف فوجه لعيالات وكندير ليهم ضحكة صفرة ومن عينيهم باينة جاهم لفضول
سعدية:هااكي ها نمرة
فدوى:شكرا لله يرحم لييك لوالدين
سعدية:الى صدقات ليك هااد الخطبة ماتنسايناش عرضي علينا لعرس
فدوى:نعرض عليك العرس علاش نتي فهاديك ساعة هتبقاي من مقامي ،من بعد زواج الى دزت وقلت ليك سلام بوسي يديك من لور ولقدام
سعدية:يااك ابنت رقية
فدوى:اييه ههه بسلامة
زدت وخليتها دخلت لدار لقيت ماما كتجفف
رقية:فيين كنتي حتى لهااد لوقت
فدوى:ماما بفييت ندوي معاك
رقية:فاش
تيلي:سررر سررر
جبدت تيلي من صاك كان ادم فلبلاصة جاوبتو
فدوى:وي ادم
ادم:فدوى والدي قبلو بزواجنا وغدا فلعشية هيجيو يخطبوك
فدوى:صاافي مرحبا بييهم
ادم:ونتي دويتي مع ماماك
فدوى:بااقي يالاه دخلت لدار وهاهي قدامي
رقية:شكوون
فدوى"ادم انا هنقطع دابا حتى لمن بعد وندوي معاك
ادم:واخا احياتي لبغيتي
قطعت وبقيت كنشوف فماما
رقية:شكون هادو لقلتي ليهم مرحبا بيكم
فدوى:خليينا ندخلو لصالون ندويو
رقية:مالك راك خلعتيني
فدوى:(كنحيد فسبرديلة)ماعندك مناش تخافي هنعاود ليك وهتفهمي
دخلت لصالون وهي لاحت جفاف من يديها وتبعاتني وجلسات اونفاس معايا
رقية:دووي خلااص راني كنستنى
فدوى:غدا فالعشية جاييني لخطاب
رقية:شنوو شكون هادو وفين كتعرفيهم
فدوى:عقلتي على ناس لكنت خدمت عندهم قابلت ليهم ولدهم مريض هوما لجايين يخطبوني
رقية:واش هاادوك ناس للباس عليهم لعاودتي لي عليهم
فدوى:اييه
رقية:يااسعدي ياافرحي بنتي واخيرا حطات عقلها فراسها ولقات راجل مكاد ليستاهلها (جلسات جنبي)عاودي لي عليه كيفداير شكلو واش هو خو لولد لمريض
فدوى:لاا لجاي يخطبني راه هو لولد لمريض لمقطوعين ليه رجليه
رقية؛واش كتضحكي معايا ولاا شنوو
فدوى:مكانضحكش داوية بصح لهيتزوج بي هو لولد لمقطوعين ليه رجليه
رقية:(ضربات فخاضها)اوووويلي على مقطوعين ليه رجليه وااش هبلتي ولاا تسطيتي ولا بااغا تسطيني انا
فدوى:ياك نتي لبارح قلتي لي ماكيهمش شكل راجل لمهم هو يكون قاد بي ايوا هاني درت بكلامك ماهمنيش شكلو لهمني هو انه قااد بي
رقية:ايييه ماكيهمش شكلو قصدت كمارتو طولو قصرو ماشي مقطوعين لييه رجليه
فدوى:هاد لهضرة كاملة مكااتهمش حيث انا قررت هنتزوج بيه وقراري مهانتناقش معاك فيك
رقية:(ناضت كتغوت)نقتلك وندفنك وماانزوجكش ليه ،اوويلي واش اناا رقية بنتي لكيف لوردة نعطيهاا لواحد رجليه مقطووعين
فدوى:بنتتك لكييف لوردة دبلات اماما وراقي هادي يامات بداو كيطيحو ولبارح طاحت اخير ورقة،لمنظر ديال منير كيتزوج قدامي بصاحبتي قطعني من لداخل وخلاني نتمنى لموت شنوو بغيتيني ندير نجلس حداك نظفر شيب ونشوف فمنير وغزلان كيولدو ولادهم وانا نجلس نتفرج عليهم
رقية؛(كتبكي)ماتقووليش هااكا ابنتي سييد رجال تجيبه شوف راسك غزالة وكتحمقي وباقا صغيرة
فدوى"هاد سيد رجال لكتدوي عليه نهار هيجي يسول علي فدرب غادي يقولو ليه بلي صاحبي لقديم شوهني فزنقة وقال بلي ناعس معايا من لور ولقدام وبلي مو قالت لناس بلي انا حملت شحال من مرة وطيحتو وماشي غيير هادشي غادي يقولو ليه على صاحبي لحاول يقتل خطيبي وغادي يكملوها بوقوفي نهار العرس ديال صاحبي وبكايا عليه وطليبي ليه ايوا الالا رقية قولي لي مزال واش باقي هاد سيد رجال هيبغيني
رقية:هئ هئ ماتحرقيش قلببي عليك بهاد تزويجة ابنتي
فدوى:من طول عمرك كنتي كتحلمي نتزوج بشي واحد لباس عليه يعيشني فالقصر فحال اميرات ايوا ها حلمك هيتحقق غير هو لناقص فهاد الحلم هو راجل بلا رجلين
رقية:(سخفات)هئ هئ نتتتي كديري هادشي باش تنتاقمي مني انا عارفة كديري هادشي حيث انا سباب ففراقك من منير
فدوى:غاالطة كندير هادشي باش ننتاقم من راسي حيث ضيعت عام ونص من حياتي مع شماتة مايستاهلش ودابا مسحي علي دموعك وكمدي هادشي فقلبك كيفما كمدت انا شحال من حاجة ونوضي خملي معايا دار عائلة خطيبي غدا جايين وهوما من ناس لكبار ومانبغيش نتحشم قدامهم فين هوما فلوسي هنعيط على طريطور يصايب لي لبسطيلة ولحم وليصالاد والعواصر وفالعشية هنخرجو انا وياك نشريو لماعن ونشري لي شي قميص وقولي لراجلك يمشي لحمام ويحسن علي ديك لغوفالة وغدا يجمع فمو قدام ناس
بقات كتشوفيها رقية وكتبكي عرفات بنتها محروقة وكتبرد على راسها بهاد زواج بكات وندمات على نهار لمشات فيه لعند منير وتعايرات معاه،اما فدوى فتحزمات وجلسات كتفرك فدنيا وتمسح فلحيوط بلا ماترتاح فحال الى هداك الغضب كامل كتخرجو فشقا وصلات 6 لعشية عاد كملات فدوى شقا وناضت بدلات لبيجامة ولبسات جلابة ودخلات لعند رقية لكانت جالسة عينيها طايبين بلبكا
فدوى:نووضي هنمشيو لقيسارية
رقية:ماغادة معااك لفين سيري بوحدك
فدوى:ماما لله يرحم باك لمرة وحدة تبعيني فهداكشي لباغا انا
رقية:ابنتي راك كتغلطي وكتضيعي فحياتك
فدوى:اييه انا لكنغلط ونتي لكلامك كولو صحيح ياك هداكشي علاش اي حاجة قلتيها درتها ايوا شنو هي نتيجة هاهي نتيجة قدامك دابا
رقية:(الصمت)
فدوى؛نووضي خليينا نخرجو نتقداو والى مابغيتيش هنمشي راسي
رقية:صاافي هنمشي معاك
ناضت رقية خرجات مع فدوى مشاو لقيسارية تقداو لماعن ولخاصهم لغدا ومشاو شراو قميص ورجعو لدار
#فالقصر 
كانت جنان جالسة هي وجيهان فصالون كيدويو
جنان:ايواا نتي ماسمعناش رأيك فهادشي لواقع
جيهان:رأيي ففحال هادشي ماكيهمش
جنان:بصح ماكيهمش ههه حيث نتي هي لبنت لمهمشة فهاد دار
جيهان:قلتي لمهمشة هههه ياكما حيث نتي مهمشينك والديك كتصحابي كاع ناس فحالك اجي على سيرة والديك فينهوما دابا امم
جنان:واالدي ميتين واش انا خاص كل واحد نبقى نشرح ليه هاد القصة
جيهان:امم ميتين تيقناك
جنان:هي اناا داابا كنكدب نتوما
قاطع كلام جنان دخول رجاء ولكبيرة لكانو داخلين ومن وراهم لخدامات هازين ساشيات
جيهان:على سلامتكم
لكبيرة:لله يسلمك ابنتي (جلسات)
جنان:تباركلاه شفتكم جبتو سوق كامل معاكم
رجاء:راك عارفة لحوايج ديال الخطبة كيكونو كثار
جنان:لا ماعارفاش حيث نهار خطبتوني جبتو فيديكم غير بلاطو ديال شكلاط ولورد
لكبيرة:(بشوية)هااهي هتبدا
جيهان:شنوو ظهر ليكم نشوفو لحوايج
ناضت جيهان كتشوف فلحوايج لكانو عبارة على قفطان وعلى تواب ديال جوهرة لحر وجلالب وصيكان وسبابط ولماكياج وروايح عاد زوج كوليي ديال دهب وسلسلة ديال دهب فيها حجر الياقوت وبراسلي وكورميط حتى هوما من دهب وخاتم ديال زواج دياموند
جنان:مااعليكمش تهلييتو فيها
رجاء:(فرحانة)من طبيعة الحال هنفرحو بيها على حنا شحال عندنا من آدم
جنان:لااا منوو غير واحد ولكن سليم منو بزاف هداكشي علاش فعرسي ماتفكرتوني حتى بدبليج من جالوق (مشات)
لكبيرة:اوويلي هادي مالها
جيهان:برأيك مالها جنان ودراما ديالها لمكاتساليش كتبغي تلعب دور ضحية فأي وضع
جنان:خليينا منها ويالاه نمشيو لعند ادم نوريوه لحوايج هيفرح بيهم بزاف
#فليل ☀☀
#عند جنان
كانت جنان لابسة شوميز دونوي واقفة قدام لمرايا كتدهن وجهها وكتفكر وهو يجي راجلها من لور باسها فعنقها
جنان:بعدد اسليم هذاا ماشي وقت هاادشي (دفعاتو)
سليم:ماالك شنوو واقع
جنان:ماماليش ليوم مك وعمتك مشاو لسوق شراو لحوايج لديك لبنت على قبل لخطبة
سليم:اهااه وشنو لمشكل
جنان:لمشكل هو انهم شراو ليها هداكشي غالي كون تشوف دهب لشراوه ليها اسليم ساوي لملاين
سليم:لحد ساعة باقي مافهمت نتي فيين عندك لمشكل فهادشي
جنان:لمشكل عندي هو انه انا فنهار لتزوجت فيه بيك عائلتك ماتفكروني حتى بقميص
سليم:جنان كبري عقلك اشش هاد لهضرة
جنان:نتاا لكبر عقلك وفهم شنو كيوقع حداك ونتا ماجايب خبار خووك لصغر منك ولرجل فدنيا ورجل فاخرة مكبرين ليه بمراتو لباينة علاش قبلات تزوج بيه ونتا عمرهم كبرو بمراتك ديما منقصين مني وسابيني وهادشي كيوقع قدامك ونتاا ساكت فحال صباح شفتي خووك وبااك شنو قالو جففو بكرامتي اﻷرض ونتاا مادرتي والو
سليم:شحاال من مرة كنقوليك والدي راه مامتقبلينكش وماغاديش يتقبلوك حيث نتي مكاديري حتى مجهود باش تخليهم يبغيوك وشحال من مرة قلت ليك خلينا نتهناو من هاد لمشاكل ونخرجو نمشيو نسكنو بوحدنا ولكن نتي مابغيتيش
جنان:سكنة بوحدنا هي لعمرك ماتجبدها لي انا مستحيل نخرج ونخلي قصر لوحدين اخرين
سليم:شكوون هاد وحدين اخرين نتي علامن داوية
#يتبع