🦋جعلوني زوجة له 🦋 (طور التنزيل )

part18

💎جعلوني زوجة له💎
جزء 18
بعد_مرور_ثلاثة_ايام
كانت 3 ديال ليل و فدوى باقا فايقة جالسة فلكرسي اونفاس مع ادم لدايرين ليه اكسجين فجأة حل عينيه وشاف ففدوى وحيد اكسجين
فدوى:حياتي علاش فقتي واش بيك شي حاجة 
ادم:صهد بزاف
فدوى:واخا هاني هنزيد فلكليما ،بغيتي شي حاجة اخرى
ادم:(بصوت منخافض)لااا
زادت فدوى فلكليما وحلات لماريو هزات تريكو ديال صوف لبساتو على لبرد لبيت مكلاصي ولهوا كيهز دنيا وكيحط
فدوى:انا هنمشي نجيب شي حاجة نشربها مهانتعطلش عليك
ادم:وااخا
فدوى:رجع اكسجين ماتحيدوش
ادم:امم واخا (رجعو)
خرجات فدوى من لبيت كتقفقف بالبرد تمات نازلة فدروج وهي تلاقى مع لقمان بغات تفاداه وتنزل وهو يوقف فوجهها
لقمان:كييف بقا
فدوى:(الصمت)
ملي ماجاوباتوش خنزر فيها وطلع وهي نزلات لتحت صيبات ليها كاس ديال لحليب وطلعات لبيتها لقات لقمان جالس جنب ادم
ادم:عفااك اخوويا ديير بالوصية ديالي
لقمان:رتاح دابا
ادم:و واعدني بلي هاادير بيها (ورك ليها على يديه)وااعدني خليني نموت مرتاح
لقمان:(تنهد)واخا كنواعدك
سمعات فدوى كلامهم مافهمات والو شافيها لقمان وخرج
فدوى:(قربات حدا ادم)محتاج شي حاجة
ادم:(كيدوي بزز)لا م ماامحتاج والو
يوم_غد_صباحا
صبح صباح وادم هو هو جاا طبيب شافو وخرج قال لمسعود بلي راه مابقا ليه والو غير قطرو ليه،تطلق لقرآن فالقصر وطلقو لبخور ،فدوى كانت جالسة حتى شمات ريحة لبخور وهي توقف
فدوى:منين جاية هاد ريحة
نزلات فدوى لتحت لقات رجاء جالسة كتبكي وحداها لكبيرة حتى هي كتبكي
فدوى:شنوو واقع هنا
رجاء:(شافت في)كييف بقاا ادم
فدوى:يالاه جاا عندو طبيب ماقاليا والو ونتوما واش قاليكم شي حاجة
ماجاوبونيش سكتو وبقاو كيشوفو في وصلني شنو قاليهم ودني بداو كيسوطو وقلبي تزمط علي
فدوى:ماشي طبيب لهيحدد اجل ادم ،لله بوحدو لعارف ساعة لهياخود فيها روحو،حبسو علي هاد لبخور ريحتو خنقاتتي 
لكبيرة:(وقفات)نتي خاصك تبتي راسك وتعرفي بلي هادشي لكيوقع قضاء لله وقدرو
فدوى:عارفاه قضاء لله وقدرو ولكن ماشي دابا احساسي كيقوليا ادم عمرو باقي طويل
لكبيرة:ماتبقايش تقولي هاكا راك هتصدمي وهتمرضي من بعد
ماجاوبتهاش طلعت لبيتي وسديت لباب ودرت شفت فادم لناعس وبديت كنبكي
فليل 🌚🌚
كانت 3.30 ديال ليل كلشي مجموع فبيت ادم من صغير حتى لكبير كلشي واقف كيبكي ،ولفقيه حتى هو واقف كيقرا لقرآن
ادم:(وجهو صفر وشفايفو كيترعد)ف ف فدوى
فدوى:(شدات فيديه وجاوبات بصوت مبحوح)نعاام احياتي
ادم:عاررفااني شحال كنبغيك
فدوى:امم عارفة
ادم:وعارفاني شحال كنموت عليك
فدوى:هئ هئ عاارفة ا ادم حتى انا كنبغيك وكنموت عليك
ادم:س سم سمحيلي حيث عدبتك معايا مؤخرا،سمحيلي حيث ماقدرتش نعطيك شوية من لفرحة لعطيتيها لي نتي
فدوى:ماتقوولش هااكا هئ هئ نتا راجلي وإلى مادرتش معاك هادشي معاامن هنديرو (مسحات دموعها ورجعات شدات فيديه)ادم عفااك خلينا نديوك لكلينيك عفاك
ادم:(بتاسم)بااقي عندك امل نعيش
فدوى:كثر من أي وقت احياتي ،عفاك دير لي خاطري،يالاه لكلينيك تيقني تما هتحسن وهتبرا
ادم:انا كنتحسن غير ملي كتكوني معايا،كنتحسن غير ملي كنشوف فعينيك ديك ساعة كاع اﻷلم لكنحس بيه كيمشي (شاف فوالديه)تهلاو فيها ماتخلااوش عليها هي امانة عندكم
فدوى:(كتبكي بحرقة)ماتبقاااش تقوول هااكا نتا مهاتمووتش سمعتي مهاتمووتش نتاا هتبقى معاايا
ادم:(شاف فسقف ونزلو زوج دموع حارين من عينيه)خرجووها من هنا
فدوى:ك ك كيفاش ي يخرجوني من هنا
ادم:سليم جرها خرجها
سليم:فدوى اججي
فدوى:مااخاارجااش ،ياك ا ادم باغيني نخرج مابقيتيش مزال باغي تشوف وجهي
ادم:و و وقتي وصل ماابغيتيكش تشوفيني وانا كنموت خرجي
فدوى:(غوتات)ماااخاارجااش
مسعود:سلييم خرجههها
جر سليم فدوى لكترطى بيين يدييه وخرجها لبرا وسدو لباب وبدا كيتسمع صوت لقرآن كيتقرا بجهد وصوت شهادة ديال مسعود كيشهد ﻵدم
فدوى:(كتغوت)طلقققق مننني ادااااام ،طللق مننني هئ هئ ادااااام
وفجأة صوت لقرأن تحبس وتسمعات لغوتة ديال رجاء
رجاء:اااااااااااه ولدددددددي ادااااااام
فديك لحظة فدوى صقلات وسليم طلق منهاا دارت فدوى شافت فيه وهي تلقى دموعو نزلو تحل لباب ديال بيت ادم وخرج مروان كيبكي
مروان:لبارراكا فراسك من جهة ادم اختي فدوى
شافت فيه وشهقات وتمات داخلة لقاتهم كلهم واقفين كيبكيو الا لقمان لكان واقف مسمر وجهو حمر
جيهان:هئ هئ ماتت خوويا افدوى مات
ماجاوبتهاش فدوى لاحت صندالة من رجليها وطلعات فوق ناموسية شدات يد ادم كتشوفيه
فدوى:(كتحرك فيه)ادام ادم وااش كتسمعني ادم نووض
مسعود:(نازلين دموعو)بنتي مااديريش هاكا
فدوى:(كتبكي)ادم نووض عفااك مااديرش في هااكا عفااك ماتحرقش قلبي عليك عفااك نووض (حطات راسها على صدرو)لمن هتخلليني لمن (كتغوت)نووض ماتخليينيش بوووحدي هئ هئ
سوسن:هئ هئ فدوى نوضي من فوقو حرام هادشي لكديري فيه (جراتها)
فدوى:انااا شكوون هنقااابل داابا هئ هئ لمن هنعططي هااد دوا (هزات دوا ضربات بيه)لمن هنلبس هااد لحوايج هئ هئ (طاحت فاﻷرض)ااااااه ادااام هئ هئ ادم
لكبيرة:صبري ابنتي صبري (عنقاتها)
بقات فدوى كتغوت وكتجدب فوق راس ادم ولعائلة كيواسيوها فاﻷخير ماقدراتش تحمل وطاحت غيبات