🦋جعلوني زوجة له 🦋 (مكتملة )

part48

💎جعلوني دوجة له💎
جزء 48

     لا تحاربي النساء على رجل أحببته
         إن لم يضع هو حد لهن،
            فلا حاجة لك به .....

بلسان فدوى
شافت فيه لينا وعينيها مغرغرين،باينة فيها تصدمات من ردة فعل لقمان
لقمان:ياالاه تحركي
ماجاوباتوش لينا حدها نزلو دموعها على خدها وهو سد عليها لباب على وجهها بجهد ودخل ،مهانكدبش عليكم تشفيت فيها حيث لفحالها الى مادرتيش ليهم هاكا عمرهم مايجمعو مخهم

لقمان:اجي لهنا
فدوى:😅😅😅مالك
لقمان:اجججي قربي
بتاسمت وقربت ليه وهو يشدني من ورا عنقي وعيني فعينيه
فدوى:علااش شادني هاكا مالي شنوو درت
لقمان:هااد الحركات مااشي معايا
فدوى:😕 م ماافهمتش
لقمان:ماكاين لاش لهاد تصرفات مع لينا ولا مع غيرها
فدوى:الى بفيتيني مانبقاش ندير هاد لحركات فرق عليك لينا وماتبقاش تلاقى معاها
لقمان:هادشي مستحيل يوقع بيني وبين لينا لخدمة
فدوى:يلعن بو لخدمة لهتخلي راجلي اناا يخدم مع خامجة ديال لخلا
لقمان :(دور يديه على ضهرها ولصقها معاه)كتغيري علي
فدوى:(كتعض على قنانفها)بيان سيغ هنغير عليك مالك ماشي راجلي حلالي (باستو ففمو)
لقمان:(بعد عليها)شي لوقع لبارح بيناتنا وهاد الحركات لكديري فيهم دابا مهاينسيونيش شنوو درتي لبارح فلحفلة
فدوى:اففف شحاال فيك
لقمان:لبارح بسبابك فرتكت افتتاح لشحال وحنا كنوجدو ليه واش عارفة شحال خاسر فلحفلة ديال لبارح ولا لا
فدوى:شحاال خاسر انا نخلصو ليك
لقمان:شفتي تخسار لهضرة كيفاش تخلصي لي واش انا بنت ليك بيدق هنا
فدوى:فهمتيني غلاط انا قصدت بلخلاص حاجة اخرى(باستو فعنقو)
لقمان:وهاد لخلاص عجبني من هداكشي
هز لقمان فدوى بين يديه وطلعو لبيت لاحها فوق ناموسية وبداو فليبيتيز

نخليو هاد قلالين اداب ونمشيو لقصر عند عائلة ارسلان ،كانو جالسين على طبلة ديال لفطور كيشوفو فجورنالات لفيهم فضيحة لقمان وفدوى
مسعود:علم لله شنوو دار ليها من بعد هاد لفضيحة
رجاء:شنوو زعما هيكوون مد يديه عليها
مسعود:كلشي ممكن ،ولدك حمق ونتي عارفاه
كبيرة:صراحة لقصر بلا بيهم خاوي ،هاديك دخلة ديال لقمان لقصر كانت كتحسسنا بلي حنا فامان وبلي باقين عائلة
مسعود:انا جاتني واحد لفكرة علاش غدا ماتمشيش ارجاء نتي وختي لكبيرة تشوفو فدوى وتدويو معاها وشوفو شنو واقع معاهم تما
جنان:هههه علاش اعمي ماتجيهمش نيشان وتقوليهم سيرو لعند فدوى لعبو ليها بدماغها باش تصدع لقمان ويرجعو يعيشو هنا فالقصر
سليم:جنان سكتي 😑😑
سوسن:لساانك طووال الالاهم جنان ،انا قلت من بعد لقتلة لخرة لماعرفنا من عند من كلتيها هتكوني درتي عقلك ولكن بان لي لعقل عاد مازاد مشا ليك
سليم:شنوو داابا واش كتشفاي فمراتي
سوسن:مراتك قليلة اداب ،ديما كنحدرك تجمعها ولكن نتا غير حال فمك فيها فحال الى محركة ليك لمجامر
سليم:الى كان شي واحد خاصو يتجمع وسط هاد لعائلة فهو نتي؛شفتك دغيا نسيتي زبلتك لتفضحات قدامنا قبل ماتعاتبي وتحدري وتهددي ناس سيري شووفي مخك هو لول ولكن عادي حيث جمل كيشوف غير حدبة عباد لله حدبتو هو لا
مسعود:(غوت)حبسووو علي هاادشي واش نتوما مابقيتو كديرو بحساب حد وليتو دايرين هاد القصر كيف لحمام
سليم:هي لبدات وسمعتها هداكشي لكان خاصها تسمعو،جنان نوضي يالاه خلينا نمشيو
جنان:واخا احياتي
وقفو وسليم شد فيد مراتو وتماو خارجين خرجو برا يالاه هيركبو فطوموبيل وهو يوقف مروان
مروان:سلاام
سليم:(خنزر فيه)طلعي لطوموبيل خليينا نمشيو
طلعو فطوموبيل زادو ومروان دخل على لعائلة لكانو باقين جالسين
مروان:سلاام
سوسن:(دارت شافت فيه)😠😠😠 نتااا اشش كديير هناا (وقفات)
مروان:جاي باش نشوف ولدي
سوسن:مااعندك ولد فهااد دار،سير خرج علي مانرجعش نشووف كمارتك
رجاء:تهدني اسوسن وماتنسايش هذا راه راجلك أب ولدك ويوقع ليوقع ماخاصكش دخلي ولدك فلمشكل لبيناتكم ونتا امروان طلع شوف ولدك
مروان:شكرا اخالتي
طلع مروان وسوسن دارت لعند والديها كتشوفيهم
سوسن"انااا هنطلق منووو
رجاء:(عقدات حواجبها)حناا ماعندناش لبنات لكيطلقو فلعائلة
سوسن:هاادي حياتي وانا لكنقرر فيها بغيت نطلق هي هنطلق
مسعود:هاادشي لناقصني واحد شاد طريق ديال لحبس، واحد تابع مراتو كيف لحمار واقلة موكلاه سبرديلة وثالثة قالت ليك باغا تطلق عشنا وشفنا
لكبيرة:بينك وبين مروان كاين ولد ديري بحسابو وفهمي بلي فهاد الوقت لمرا بلا راجل راه مكاتسوى والو ،وزيدون هو مادارش شي حاجة ليستاهل عليها طلقيه سامح فوالديه لايحهم فلخيرية سووقو هداك ماشي سوقك هو لهيتحاسب غدا قدام لله ماشي نتي