🦋جعلوني زوجة له 🦋 (طور التنزيل )

part76

💎جعلوني زوجة له💎
جزء 76

💓لوعة اشتياق💓
كهواء كئيب يحمل فوق عرشه رائحة شخص نشتاق له بشدة....لنستنشقه بقوة حتى يصل لجوفنا ضنا منا أنه سوف يملأ الجزء المفقود من ذلك شخص الذي غاب عنا....

يوم_غد_صباحا
كانت سما مغيمة وشتا خيط من سما ولبرد ولعجاج على جهد ،تسمع دقان فلباب لقمان ماجاوبش وهو يتحل عليه لباب
رجاء:ولدي صبااح الخير
لقمان:(الصمت)
رجاء:(شافت لفراش باقي كيفما هو)وااش مانعستيش
لقمان:لاا
رجاء:فدوى تكوون بيخير ماتخافش
لقمان:فلحطة ماقدرتش نتحكم فراسي وضربتها
رجاء:ضربتيها 😰😰،واش داوي بصح
لقمان:(وقف)كان جهد ديال دوا بدا كيمشي مني ماتحكمتش فراسي وضربتها،هاادي اول مرة هنندم على شي حاجة درتها فحياتي
رجاء:ماتمرضش راسك رااك درتيها من فوق خاطرك
لقمان:يومين هاادي وانا كنقلب عليها قلبت لمحطات لكيران طاكسيات كازا فليتها واالو حسها مااكاينش انا خايف غير لا طيح فيد شي حد من (سكت)
رجاء:كمل فيد شي حد من هادوك لمعادين معاك ياك
لقمان:(الصمت)
رجاء:كوون كانت شي حاجة فحال هادي كون راه عيطو ليك وهددوك بيها
لقمان:هاانوض ندوش هنخرج
رجاء:نعس شوية ومن بعد الى بغيتي تخرج خرج

ماجاوبهاش لقمان دخل لدوش سد عليه حيد حوايجو وطلق عليه رشاشة كيدوش جات قدامو ضحكة فدوى وكلامها معاه تفكر ايامهم فدار لكانو فيها وبتاسم
لقمان:خااص غير نلقاك وهنعوضك على كلشي (حط يديه على لحيط)كوون غير قطعت يدي قبل  مانمدها عليك

بعدما دخل لقمان دوش رجاء خرجات من عندو وقفات قدام بيت سوسن دفعات لباب بانت ليها جالسة فوق لكرسي جامعة رجليها عندها كتبكي ، بقات فيها بنتها ولكن سمعة العائلة ومكانتها عندها أهم من مشاعر سوسن
رجاء:نتتي بااقا كتبكي
سوسن:(كتمسح فدموعها)نبكي ولاا مانبكيش فاش هيهمك يااك لبغيتيه وصلتي ليه،هاني معاك فقصرك لداير كيف جهنم
رجاء:مهاانديش عليك حيث عارفاك معصبة
سوسن:(هزات عينيها فيها)داابا شنوو بااغا
رجاء:عيطت ليك على لكوافور هيجي يصايب ليك شعرك هااد شعر لكورلي مااعجبنيش وليتي كتباني فحال بنت سواق
سوسن:(وقفات)وااقلة زدتي فييه لاا بعدتيني على يونس وجبتيني هنا بزز اوكي دوزتها ودابا كتقولي لي شعري ماعاجباكش وااقلة هادي حياتي وهذا شعري  وهذا جسمي ، يعني كيخصوني انا
رجاء:لااا غالطة اي حاجة كتخصك نتي كتخصني حتى انا،وماتنسايش انا ماماك ومن حقي نصحح ليك اغلاطك ونقوليك هاا اشنوو هدييري وها اش مهااديريش ودابا دخلي دوشي وقادي حالتك هيجي لكوافور يصايب ليك شعر وضفار وفليل هنجيب مروان باش تصالحي نتي وياه وهترجعي لخدمة فحال اول
سوسن:لااا لاا نتي باغا تسطيني وااقلة، كيفاش نتصالح مع مروان ونرجع لخدمة
رجاء:كيفماا سمعتي والى مابغيتيش ديري هادشي هنعاود للقمان كلشي وهو مهايفكرش زوج مرات هيمشي يقتل هداك قليل لحيا ديال يونس وهاديك ساعة هتولي لا بديالك بقا لا بوجهك تنقى هتخسري يونس حيث هيموت وهتخسري مروان وولدك ملي هيعرف بلي خنتيه
لاحت ليها رجاء هاد لهضرة وخرجات خلات سوسن غارقة فدموعها جلسات فوق لكرسي كتبكي وتقول ماتبكيش،صوونا تيليفون ديالها هزاتو لقاتو يونس
يونس:الوو سوسن
سوسن:(كتبكي فصمت)
يونس:الوو وااش كتسمعيني
سوسن:كنسمعك ا يونس
يونس:كييف بقيتي
سوسن:صاافا ونتاا
يونس:مااقدرتش ننعس ،امضرا شنوو وقع
سوسن:(كتحاول تصبر)مااوقع واالو،يوونس
يونس:وي ماالك
سوسن:لبييني وبيينك سالا
يونس:(بصدمة)شنووو
سوسن:كيفمااا سمعتي ،اصلا هاادشي لدرنا كان كولو غلط فغلط
يونس:ياالاه باان لييك غلط ،اناا ويااك كنبغيو بعضياتنا شي لاخور ماكيهمش
سوسن: اناا مكاانبغيكش انا كنبغي راجلي وولدي
يونس:واااش كتضحكي معاايا
سوسن:لااا مكانضحكش
يونس:سوسن ماتمرضينيش لله يرحم بااك فهاد صباح
سوسن:انا فهاد ايام لفاتو كنت مجروحة من راجلي وضنيت بلي كرهتو هداكشي علاش وقع لوقع بيناتنا ودابا صافي قررت نرجع انا وراجلي كيف اول
يونس؛(كيغوت)وااااش عااارفة اش كتقوولي الخرا ،سوسن الى كاانت مك فووق رااسك قولي ليها بلي انا ولله مامفاك معاك سمعتي مامفاكش مااحدك نتي كتبغيني وحتى اناا كنبغيك فراه مهاتفرقنا غير لمووت
سوسن:(كتبكي)مااتبقااش تعيط لي ونساا هادشي لوقع بيناتنا فهاد سيمانة لفاتت ديرو عمرو ماوقع