🦋جعلوني زوجة له 🦋 (طور التنزيل )

part107

ماجاوبهاش وخرج وهي ناضت دخلات ادووش دوشات وخرجات لبسات عليها بودي بالعنق والكمام لون كراميل مع سروال دجين طاي اوط وسبرديلة بيضة طلقات شعرها وهبطاات لقات جيهان جالسة حاطة رجل على رجل و المصمم كيوريها فالكساوي وهي ماعاجباها تا حاجة..... جلسات فدوى حداها حاطة رجل على رجل بطريقة كلاس كتشوف تاهي

جيهان:عرفتي ماعجباتني حتى وحدة
فدوى:(طالع ليها دم)علاش كلهم زوينين
جيهان:(شافت فيه) سيري فطري بعد عاد اجي
فدوى:مافيا ليفطر، قلت ليهم يصايبو لي كاس لحليب سخون نشربو
جيهان:حتي انا والله مافطرت منين فقت وانا نوجد

وهوما كيدويو وقفات عليهم رجاء ومعاها خدامة هازة كسوة وسط ميكة ديالها

جيهان(هزات فيها راسها) ماما شنو هادشي
رجاء(شافت فالمصمم) تقدر تمشي ،لاسف بنتي باينة باغية دكشي لوصيتك عليه

تبسم ليها المصمم وطلب من مساعدين ديالو يجمعو داكشي وخرج
فدووى وجيهان شافو فيها مصدومين وهي مبتاسمة عارفاهم
رجاء:ماكاينش لكيعرف البنت كثر من مها

شيرات الخدامة على الميكة وجبدات واحد الكسوة توبها ملس وطويلة حتى رجلين وطالعة بفتحة حتى الفخاد وجاية من جهة الصدر وظهر على شكل vu وكمامها مشدودين بسيور وفيهم فتحة من يد حتى الكتف..... بدات الخدامة كتوري لجيهان لكسوة وهي مرسومة ابتسامة عريضة على وجها ووقفات كتقلب فيها
جيهان: واااو وااعرة وااعرة كتحمق كتحمق وااااو
فدوى:اه صراحة  زوينة بزاف
جيهان:اليوم مستحيل نلبس شي كسوة من غيرها (عنقات رجاء) شكرا يا احسن ام فدنيا

وسط هاد الاجواء دازت ليناا كتشوف فيهم وبالأخص ففدوى لحتى هي شافتها ولا اراديا تبسمات ليها يمكن حيت تعاطفت معاها بسباب شي لعرفاتو على ولدها..... لينا شافت فدوى مبتاسمة مافهمات والو تجاهلاتها وكملات طريقها حتي وصلات عند طونوبيلتها هزاتها وديمارات عند الحبس فين كان حاج
دازت يمكن شي ربع سااعة ولينا جالسة كتسناه حتى تحل  الباب دخل لحاج وقفات عندو كتعنق وتبوس فيه

لينا:اهئ اهئ توحشتك توحشتك بزاااف
حاج(نتابه لكرشها وحط يدو عليها) تبارك الله على بنتي ولدها لطكيكبر(هز راسو فيها ضاحك) البطل ديالنا كيكبر
لينا:جلس بعدا ونهضرو
حاج(جلس) اش كتعاودي
لينا(شادة ليه فيدو) كيفداير واش لباس مهلين فيييك اش خبارك
حاج:انا لباس خليك مني وقولي شنو واقع بانت لي حالتك ماعجبانيش
لينا(عينيهاعمرو دموع) انا بيهير  ولكن ولدي (تنهدات)
حاج:شنو مال ولدك
لينا:اهئ اهئ ولدي عندو تشوه خلقي وقالت لي طبيبة ولدي لا تزاد غادي غير بتعذب، اناا حايرة الحاج ماقداش نطيحو ومقاداش نخليه
حاج:هادشي كياسف ابنتي، مانقدرش نقوليك طيحيه، قدر الله ماعندك ماديري ماتقتليش ولدك ولكن شوفي هادشي من ناحية اجابية
لينا:كيفاش
حاج:لقمان لاشاف ولدو مريض غادي يتعاطف معاك وماغاديش يتخلى عليك وعلى ولدو ،يعني هو مهايسمحش فيك وحتى طلاق مهايطلقكش بالعكس غادي يتقرب منك ويديرك حداه
لينا:وفدوى😢
حاج:هاديك عليك نتي خاصك تشوفي شنو ديري  معاها وحروب لفاعي مانخافش عليك فيهم
لينا:صافي عرفت ليها بلانها وغير تهنى غادي طير اليوم قبل غدا (دارت ضحكة شريرة)
#عند_سليم
كان سليم هابط من طونوبيلتو من بعد مادار نظاراتو شمسية و كيتسنى فالباب يتحل..... حلات خدامة الباب وهي مبتاسمة عاطياه اشارة باش يدخل