🦋جعلوني زوجة له 🦋 (طور التنزيل )

part29

مسعود:اش هاد الهضرة
رجاء:(قربات ليه بغات تقيصو)هئ اهئ ولدي الااااا متقولش هاكاا انا ماماك ماماك هئ اهئ 😭
لقمان:(بعد عليها وهو مشمأز منها) اخير مرة تقولي لي ولدي شنو فيها كون جيتيني الصراحة وماعيشتونيش فهاد لكدبة ها؟
مسعود:حنا خبينا هادشي لمصلاحتك
لقمان:مصلاحتي هي كون درتو لي قيمة واش ماشي من حقي نعرف،انا ماكنتش هنحقد بالعكس كنت انحتارمكم ونهزكم فوق راسي لكدووب عمرهم ماكانو الحل ،ماعلينا دابا بغيت نعرف هاد المرا لكتقولو سمحات في شكون هي ومنين جات
مسعود:كنصحك تبعد على هاد الموضوع
لقمان:(خنزر فيه)كنصحك نتا تعطيني عنوانها ولا راك عارف نجبدها نجبدها فينما كانت
مسعود:ولدي لقمان
لقمان:(غوت)سربيي

جبد مسعود ورقة وستيلو كتب العنوان وسمية لمرا وعطاه لقمان لي غير شافو خرجو عينيه وشاف فباه مصدوم

مسعود:تحمل مسؤولية هادشي

خرج لقمان وضبابة فعينو مكيشوفش قباالتو،كيشوف فلورقة كل شوية مامتيقش بلي هاد لعنوان هو لفيه لمرا لولداتو، حبس الفران وهز راسو بكل ثقة  عقد على حاجبو و هبط تما غادي وقف حدا الباب هز راسو ،كانت مكتوبة بخط عريض خيمة شيوخ الخليج،^^ كباري خاص بسواعدة^^ هبط راسو وتم داخل يلاه هيوقفو واحد لكارد كور عطاه براس جابو طاايح مع دخلة تعرضات ليه بنت كتحلون

لبنت: وينوو هاد زين كاوري كامل عندنا، هيلووووو بنجورنو هههههه

ماجاوبهاش خنزر فيها وكمل طريق كيسرح عينو.
كان كاباري عامر بسواعدة وموسيقى خليجية بوحدها مسموعة ولبنات لابسين لمعري كثر من لمغطي وكاينين لكيتباوسو كاعما مسوقين دازت بنت من حداه وهو يشدها من دراعها

لقمان:فين فاتن
لبنت: هههههه بغيتي لمعلمة ديالنا(شيرات
بصبعها)راها فين جالسة

دور راسو جهة زهرة لكانت جالسة فطبلة بوحدها وكارد كور واقف عند راسها وهي حاطة شيشة قبالتها كتشيش ولابسة لبس فاضح  طريقة ديال جلسة ديالها ولحركات لكانت كتدير بيديها كانو كافيين باش يعرف مو شكون هي ماكملش طريقو وقف و سرح عينو فلكباري مزيااان دفل فلارض وخنزر فزهرة او فاتن لقب ديالها فعالم لعهر ،هاد اخيرة غير شااافتو وقفات مخلوعة وتمات جاية كتجري لعندو،قلبات شيشة فطريقها ووقفات قدامو وهي فرحانة

زهرة:هههههه ولدي جيتي جيتي تقلب على مك ياك هههه

بغات تعنقو وهو يدفعها ودفل فلارض

لقمان:كون كنت كنصحاب هنلقى لمرا لولداتني هاكا بهاد شكل كون كعما جيت (دفل) يخخخخخخخ كرهت راسي وكرهت دنيا حيت لقيت مرة فحالك هي لوالداني
زهرة:الا ماتقولش هاكا ماتحكمش علي ونتا ماعارفنيش انا

قبل ماتكمل هضرتها عطاها بظهر وخرج، ركب فطونوبيلتو،ماوقف حتى لقصر تما داخل وباين على وجهو هم دنيا ولاخرة، فطريق وقفو مسعود
مسعود:شفتي علاش مابغيتش نقوليك عليها اولدي
طلع وهبط فيه بحقارة ودفل فالارض
لقمان:زدت كرهتكم وباﻷخص نتا حيث جبتيني من رحم وحدة فحالها كون غير قتلتيني وماخليتينش نعيش هاد نهار كون غير دفنتيني ولا خليتيني نحس بهاد دل والعار حياتي كاملة