🦋جعلوني زوجة له 🦋 (مكتملة )

part23

💎جعلوني زوجة له 💎
جزء 23
لقمان:وااش كيصحااب ليك انا هنخلي ق**ة ديال لخلا تشوه سميتنا وسمعتنا هاا
سوسن:هاادشي انا كيبان لي غير تخربيق
لقمان:ماكيهمنيش كيفاش كيبان ليك،لمهم عندي انا هو مانخليش ناس يقولو راها مرات ادم ارسلان خارجة داخلة مع فلان،وصية خويا هتنفد واخا نعرف نطيح على دينمها رواح ونريب عليها لقصر
ضرب فيها ومشا طلع فطوموبيل خرج وسوسن بقات واقفة معصبة
سوسن:تفووو تفووووو على زهر
بعد_مرور_يومين
#عند_فدوى
كانت فدوى جالسة فدار لابسة لبيض لمفروض عليها ودايرين بيها لعيالات لصاوبو كسكسو وجاو يعزيوها
لمرا 1:لباراكا فراسك ابنتي من جهة راجلك
فدوى:ماامشاا معاك باس
لمرا 2:ماالو مسكين باش مات
رقية:كاان مرييض
لمرا 3:نهار جاا خطبك كان مسكين بصحتو على طولتو (كتقصد سليم)كيفاش راجل فحالو مرض ومات
فدوى:هداك ماشي
رقية:(قاطعتها)لمكتااب اختي لمكتاب،لكونسير
مكايعرف لا ضعيف لا صحيح
ايوا كملو لعيالات كسكسوهم وكالوه وزادو خلفة
فدوى:(حيدات شال على راسها)لله واخيرا مشاو فحالهم بزز باش قدرت نتحكم فراسي معاهم ،جنس لمنافقين
رقية:عييت مانماطل فيهم باش مايجيوش ساعة لفراسهم ،فراسهم شووفي انا هنمشي لسوق ياك خوك راه ناعس مرة مرة طلي عليه لا يفيق
فدوى:وااخا كووني هانية
لبسات رقية جلابتها وخرجات ،دازت شي خمسة دقايق هكاك وهو يتسمع دقان فلباب
فدوى"ماالك وااش نسيتي بزطامك (حلات لباب)😨😨😨 غزلاان
غزلان:سلاام
جات فدوى بغات تسد لباب وهي تحبسها غزلان
غزلان:اناا مااجاياش نتعاير ولا نضارب معاك انا جيت باش ندوي معاك ونصفيو لخواطر ،عفاك خليني ندخل باغا ندوي معاك
بقات كتشوفيها فدوى حلات لباب ودخلات غزلان
فدوى:دخلي لصالون
دخلات غزلان لصالون وفدوى جلسات اونفاس معاها
غزلان:جامي تخيلتك هنشوفك شي نهار لابسة لبيض
فدوى:وجامي تخيلتها حتى انا قولي اش عندك دغيا وسيري من هنا قبل ماتجي رقية
غزلان:بعدا لباراكا فراسك من جهة راجلك،لله يرحمو ويوسع عليه
فدوى:اللهم امين
غزلان:جييت عندك اليوم باش نطلب منك سماحة على هداكشي لدرت فيك
فدوى:علاش نتتي شنوو درتي في
غزلان:راك عارفة زواجي بمنير قدام عينيك ولهضرة لقلت ليك وجرحتك بيها
فدوى:(تنهدات)نتي اغزلان راك ماكنتيش صاحبتي كنتي ختي ،كنا بصح كنتخاصمو وكنتصالحو ولكن عمري ضنيتك هطعنيني فضهري وهتغدري بي
غزلان:تيقيني ندمت دنوبك خرجو في، انا من نهار تزوجت بمنير ماشفت نهار لبيض وليت كل نهار كناكل لعصا وكل نهار كيسبني
فدوى:(الصمت)
غزلان:ودابا ملي رجعتي لدرب منير جمع لي حوايجي وسيفطني لدار با ،قاليك هيطلقني ويرجع معاك
فدوى:ودابا توضح لي علاش جيتي،جيتي باش تشووفي شنو تحت راسي وتعرفي واش انا مزال عيني فرجوع مع منير
غزلان:لا لا فهمتيني غلاط
فدوى:تنطابق سماا مع اﻷرض اغزلان،وواخا يبقى منير هو راجل لوحيد فدنيا انا مستحيل نرجع نشووفيه ،عقلتي ملي كنت صغيرة كنقوليك انا كنكره بابا للاحني انا وماما ومشا ياك ايوا انا كنكره منير ضوبل ولا تريبل ديال كرهي لبابا
غزلان:صراحة ماعرفت مانقوليك
فدوى:ماتقوولي والو جواب لبغيتيه راك خديتيه تقدري تمشي
غزلان:واخا هنمشي ولكن قبل خليني نقوليك واحد لحاجة انا راني حاملة هادشي علاش قبل ماتفكري ديري شي حاجة فكري فهاد لولد لفكرشي
فدوى:ايوا مبروك عليك وماتخافيش انا ولدك ماعندي علاش نفكر فيه حيث ماناوية ندير والو يالاه نوضي سيري فحالك
غزلان:(وقفات)لباراكا فراسك من جهة راجلك ولله يجعل محبتو صبر
خرجات غزلان وفدوى سدات لباب من وراها ودخلات
بعد_مرور_اربعة_اشهر
كانت فدوى فلحمام داخلة لسخون كادير فصابون وهي تجي عندها رقية
رقية:اناا هنسبقك لدار ،جعفر عيط علي خوك كيبكي
فدوى:وااخا غير سيري
خرجات رقية وفدوى كملات صابون تشلالات ووقفات جمعات حوايجها ولبسات لبينوار وخرجات خادت صاك وجبدات حوايجها لكانو ملونين ،جلسات كتلبس فيهم وكتبكي احساس فشكل من بعد ربع شهور وعشريام تحيدي لبيض لكان كيرمز ليك ولناس موت راجلك،فدوى فديك لحظة نزل عليها ضيم تفكرات ادم تفكرات الوصية وشي لداروه معاها عائلتو وجلسات كتبكي،كملات لبيس ودارت فوطة فوق راسها وخرجات من لحمام هازة سطولة غادة بشوية عليها حتى حسات بشي يد جراتها من لور بالخلعة لاحت سطولة وصاك ودارت
فدوى:😨😨😨😨😨😨😨😨 لق لقمان
لقمان:(طرطق عنقو)تحركي
فدوى:😱😱(مصدومة)اش كدير هنا
#بلسان_فدوى
ملي شدني من يدي ودرت تصدمت قلبي تهز من بلاصتو وحسيت بلحمي بورش علي يالاه سولتو غلى شنو كيدير هنا وهو يتمي جاي منير كيجري
منير:😡😡طلاق منهاا
ماشافش جيهتو دفعو بيد وبيد لاخرا جرني ،مزال منير حتى ماطاح الارض وقفات قدامي سيارة كلاس... نزل منها راجل لابس كوستيم كحل.... حل لباب لوراني،ولقمان ورك علي ولاحني لداخل
فدوى:(كنتنتر منو) اش كديير واش تسطيتي ،طلق مني خلييني ننزل
ماجاوبنيش بقا شادليا يدي وانا كنغوت فوجهو وكنترطل
فدوى:الخرااا معاك كنهضر(عضيتووو من يدوووو)ااععععع😡،طلللق مني
لقمان:(طرطق في عينو) غتزيدي ترطاي مزال هنخشي لمك راسك فزاج ديال شرجم لوراك
فدوى:هكاوا هاكيلي هاجم عليا وزايدها بلغوات وتهديد(حميتها الغوات)واااااااااااع وعوووووووك عووووووووك اعيباد ﷲ عتقووووووو روووووووح عوووك عووك عتقووني باغي يقتلني
سد لي فمي بيديه وانا كندفع فيه و كنتعافر معاه مابغيتش نزكى وهو يشدني من شعكاكتي ردخني مع باب ديال طوموبيل ورجع جرني وعاود ردخني هنا غيبت ومابقيتش عاقلة
تكاها على كوسان ورجع اللور حاط يدو على شعرو
شخص:موسيو واحد البوليسي كيشير لينا
شاف فزاجة ديال طونوبيل ورجع تكا على ظهرو
لقمان:كسيري و ماتحبسش وخا يكون لبغا يكون
مسيو:واش هنمشيو لقصر
لقمان:اااه القصر
كسيرا شيفور من بعد ساعة ونص ديال طريق وقفو قدام القصر تحلو لبيبان وتمات طوموبيل لقمان داخلة ،هنا كانت لكبيرة ورجاء واقفين كيتسناو فيهم
لكبيرة:ختي انا هدشي مامريحنيش
رجاء:كاملين هكداك اختي ولكن ماعندنا منديرو اختي وصية لمرحوم خاصها تنفد
لكبيرة:حطنا ادم فموقف صعيييب
رجاءكان كيبغيها ومبغاش يفرط فيهاا حتى من بعد موتو
لكبيرة:انا هادشي مابقاش عاجبني واقلة غادي نتعداو على لبنت، لقمان ماصبارش وهي قالت ليه مكاتعرفش غدا ولا بعدو طلعليه فراسو يلوحها لكلاب صعرانة ويتفرج فيها هو فرحان
رجاء(خنزرات فيها) لاواه متزيديش فيه ماشي حتى لهاد الدرجة
لكبيرة:بلاما ظركي الشمس بلغربال
وهوما كيهضرو تضرب الفران عند رجليهم... نزل لقمان وتحنى جبد فدوى هزها بين يديه وهو ينتابه لدم لفجبهتها.... كرز على سنانو وكمل طرييق
رجاء:ويلييييي ويلي مااال البنت 😱
لكبيرة:(وجهها ولا حمر)ها لقلنا مزال حتى ما ولات مراتو وشوف اش وقع ليها
رجاء:باراكا من لهضرة لماعندها فاش تنفع زيدي دخلي خلينا نشوفو مالها بعدا
دخل لقمان داخل لقصر هاز فدوى فيديه تلاقى مع سوسن هي ورجلها
سوسن:هادي شكون رجعها تاني
مروان:مال البنت
ماجاوبهمش طلع نيشان الفوق..... حل الباب برجليه دخلل ورجع سدو بنفس رجل.... حط فدوى فوق ناموسية وهي مغيبة يلاه بغا ينوض حبسو شعرها للصق ليه مع صدفة
لقمان:فاك اش هاد الخرا
وهو كيزولو بدات فدوى كتحرك..... زولو دغيااا وناض.... شاف فالتيشورت لقا فيه طبعة ديال دم صغيرة.... زولو وهي كيسوط ومشا جهة دوش كيقلاب فلبلكار ويردخ تال لقا علبة الاسعافات ورجع عند فدوى لكانت مزالة مغيبة.... شعرها مشتت فوق النموسية ويد على كرشها ولاخرة مليوحة حدا راسها.... تكى بركابيه على النموسية وجبد لانكول كب منو شوية فقطن وحط منوو على بلاصة الضربة.... فهاد اللحظة فدوى توجعات وبدات كتفيق..... حطات يدها على جبهتها وهي كتوجع وبصوت خافت ورقيق قالت
فدوى:اييي راسي
شااف فيها بنضرات مامفهومينش وسهى
فدوى:احححح
فااق من سهوتو وزول يديه بعد ما طهر البلاصة ورجع العلبة جبد منها طرف من لصقة حطها على جبهتها وهي تحل عينيها بثقالة
فدوى:اففففف راااسي
#بلسان_فدوى
حليييت عيني وانا راسي غيتشق من بلاصتو... ضبابة كتباالي قدااامي وشخص واقف عند راسي مزال مبانش.... كنحل عيني ونسدهم باااش توضاح صوورة..... واخيرا افففف هو وشكون من غيرو... بغيت نوض راسي ثقيييل عليا ماساعدنيش باش نوقف... رجعت تكيت وانا كنتوجع
فدوى:ايييي ميمتي رااسي اييييييييي
تم جاي راسم ضحكة جانبية على فمو ،وكيدير في واحد شوفات مكيبشروش بخير.... جلس حدايا وانا قلبي هيخرج من من بلاصتو
لقمان:كيبان لي انا وياك هندوزو وقت زوين مع بعضياتنا
فدوى:شنوووو
لقمان:قولي لي كيفاش كنجيك انا
فدوي:(الصمت)
لقمان:(مركز فعينيها)اه نسيت مرييض يااااك
فدوى:اه مرييض حمق ومسطي
حول عينيه وكرز على سنانو.... وبدون سابق انذاز شد من شعرها وقربها عندو وهي شادة يدو
لقمان:سمعيني اش هنقوليك،انا لحد ساعة مزال مبرد معاك(كيسوط نفسو سخونة فيها) بلاما تلعبي معايا حيث مانليقش ليك
فدوى:(عنيها مفكسين مع عينيه)راه انا اسي لقمان لمانليقش ليك ماشي نتا
شاف فيها بحالا كيحاول يفهم قصدها.... وهي ستغلات لوضع وجمعات يديها على شكل قبضة ونزلات بحر جهدها على حجرو، عينيه فديك اللحظة حمارو ولاو كيف جمر تفيكسا فبلاصتو وهو كيشوف فيها، كيتسنى اﻷلم يفوووت
فدوى:هادي باش تعلم تضربني ولا تجرني من شعري(ناضت كتجري) ودابا رجعت ليك صرف الله يعاونك
#بلسان_فدوى
نضت كنجري جهة الباب حاولت نحلو ووالو كانت صدمة انه مسوورت.... مدرتش عندو باش منزيدش نتوتر حيت عارفة
شكيتسناني، بان لي الحمام مشيت كنطير ليه،سورت الباب كنقلب منين نخرج
فديك لحظة كان لقمان جالس مدار حتى ردة فعل
غير كيشوف فيها شكتصنع..... ورك على يدو وناااض عندها وهو كيلوي عنقو ويحك يديه بجوج....بنبرة حادة نطق
لقمان:جوج حوايج ياتخرجي يا نهرس الباب
فدوى:اهئ اهئ لااااااا اهئ اهئ سير فحالك😭😭
تالفة كندور فلحمام،ماعارفاش لاش مهم كنقلب على شي حاجة تفكني منو.... رجع دق بشوية وكل دقة كانت بنسبة ليا كانذار
فدوى:اش باغي
لقمان(ببرودة) خرجي
فدوى:لااااااا اهئ اهئ😭
لقمان:جوج حوايج ياتخرجي يا نهرس الباب
فدوى:اهئ اهئ لااااااا اهئ اهئ سير فحالك😭😭
تلفت وسط لحمام وليت غير كندور كنقلب على شي حاجة تفكني منو، رجع دق بشوية وكل دق بنسبة ليا كانذار
فدوى:اش باغي
لقمان(برودة) خرجي
فدوى:لااااااا اهئ اهئ😭
لقمان:ومنين كتبكي دابا اش داك طيري
ماجاوبتوش بقيت عاطياها غير لبكا لخلعة سيطرات علي وكملت ملي تغكرت مرضو وليت كنقوب الى مشا حتى شدني مايطلقنيش.... وانا كنفكر بان لي شرجم كيفاش مفكرتش فيه...... طلعت كنطل منو  بان لي من تحتو سوووور...... حليتو ومديت رجلي لولا باش نحطها.... يلاه هنخرج تانية وهو يتفرع الباب.... تشوكيت فبلاصتي ماعرفت واش نزيد ولا رجع..... تلفت..... بغيت نخرج بزربة لحت الرجل تانية ومن زربتي زهقات لي رجلي..... يلاه هنغوت حيت سحابلي هنطيح وهو يشدني وليت بين يديه..... شفت لتحت بانو لي رجلي مدليين واﻷرض بعيدة..... رجعت شفت لفوق بانلي شادني و كارز على سنانو لله ياربي لله على مصيبة واش هاد زهر واش هاد لمكتاب
لقمان:(كيغوت)يحرق دينمهاا لوصية لخلااتني واقف وداير راسي فق**ة فحالك
فدوى:اهئ اهئ يدي كتحرقني😭
بقا كيشوفيا دور يديه مزيان علي وخشاني فيه وحتى انا ماكنتش من لعاكزين عنقتو بجهد اصلا كنت فديك لحظة محتاجة نعنقك شي حد باش نرتاح وننسى لخوف لكنت كنحس بيه، خشيت راسي فيه وانا مغمضة عيني وكنبكي
هو ماقال حتى حاجة خلاني معنقاه وكنبكي وكنمسح خنونتي فعنقووو..... تما غادي بيا جهة ناموسية حطني وانا ماطلقتش منو كيف شي قردة ،فجاة تفكرت اش لوضع لانا فيه وانا ندفعو على حر جهدي مخرجة فيه عيني
فدوى:نتااا كيفاااش سمحتي لراسك تقرب لي،بأي حق تعنقني الحمار ،(ضربتو بمخدة)نتاا كلب كلب تفوو استغلالي
بقا واقف قبالتي كيشوف فيا..... مربع يديه ومطلع حاجبو... شفتو هكداك جمعت رجلي عندي وحنيييت راسي كنتسنا ردة فعلو
فالوقت لفدوى ولقمان فلبيت دخلات رقية لقصر كلها كترعد
رجاء:لالا رقية
رقية:فيناااهياا بنتي
رجاء:تهدني بنتك فالحفظ وصون ماعندك علاش تخافي عليها
رقية:هبطوو لي بنتي داابا بغييت نشوفها
لكبيرة:بنتك داابا كتدوي مع راجلها لمستقبلي مامسالياش
رقية:ايناا راجل كتدويو عليه واش هداك ولدكم لمريض
رجاء:لزمي حدك وعرفي راسك شنوو كتقولي
رقية:ماالي اش كنقول هاا كنقول لكااين بنتي مهاتزوجش بداك لمخلخل ديال ولدك واخا تنطابق سما مع اﻷرض
لكبيرة:سما هتنطابق مع اﻷرض وبزز منك الالا رقية
رقية:شنوو دابا واش كتحداوني
لكبيرة:اه بنتك كانت بنتك شحال هادي اما هي داابا راها مرات ولدنا لمرحوم ولات محسوبة علينا ماشي عليك
رقية:يااك هذا هو اخير كلامك
لكبيرة:اه ودابا سيري فحالك خلي نهار يدوز بيخير بنتك ملي هتكون مسالية هتعيط ليك تقدري تمشي
رقية"اناا مهانتحركش بلااا بنتي (غوتات)جيبوو لي بنتي اعباااد لله بغييت بنتي
دارت رجاء اشارة بيديها دخلو رجال هزوها خرجوها برا
#يتبع