🦋جعلوني زوجة له 🦋 (مكتملة )

part41

💎جعلوني زوجة له💎
جزء41
رجاء:اناا هنخلي عمتك تدوي معاه وهتقنعو نتي داابا مااعليك غير تمشي لعند فدوى تدوي معاها
جيهان:وااخا
رجاء:ياالاه نووضي سيري لعندها
جيهان:وااخا اماما
خرجات جيهان من بيتها مشات لبيت فدوى ودقات

#بلسان فدوى
كنت جالسة ماعلي مابي كنتسنط لعضامي وكنفكر فايامي لكحلة فهاد القصر حتى سمعت دقان
فدوى:دخل
جيهان:(طلات)سلاام
فدوى:دخللي
جيهان:(جلسات حدايا)كييف بقييتي
فدوى:شوية الحمد لله حسن من لباارح
جيهان:شي لوقع من أحسن تنسايه
فدوى:مااعندي ماننسى تخيلي كون ماكانش لقمان كون راه كلمة شفارة طبعات علي عمري كامل
جيهان:صاافي لموضوع راه مايستاهلش
فدوى:لا يستاهل انا راه تهانيت فكرامتي ولكن دارها لي زهري لعوج لحطني وسطكم وخلاكم دايرين في مابغاو
جيهان:صاافي نسااي هاادشي عفاك وخليني نقوليك واحد لمفجآة
فدوى:لهي
جيهان:اناا وياك هنخرجوو من ورا لغدا نديرو شوبينغ
فدوى:ههههه بصحتك مسبقا
جيهان:بصحتنا بزوج
فدوى:خووك مانعني من الخروج اجيهان
جيهان"خوويا ماتاكليش ليه الهم هتدوي معاه عمتي
فدوى:وزعما تقنعو
جيهان:تقنعو وتفوتو لهيه هاديك راها لكبيرة لكبيرة

على سيرة لكبيرة فهي كانت واقفة لتحت غادة جاية كتصوني على لقمان صونات ليه لمرة لولا قطع عليها وعاودت صونات عليه وهو يجاوبها
لقمان:وييي
لكبيرة:كيفااش ويي ماالك كتنفخ علي
لقمان:عمتتي شنوو باغا
لكبيرة:تاصلت بييك على قبل فدوى هتخرجها جيهان اليوم بلعشية هيمشيو لمول وعيطت ليك نتشاورو معاك
لقمان:لاا مااعندها فين تخرج
لكبيرة:وااش نتا مسطي ولا شنوو واش باغي تحبس لبنت هنا طوول لعمر واش هاد لبنت ماتخرجش تشم لهوا هنا
لقمان:راه جردة قدامها تنزل تشم فيها لهوا
لكبيرة:جردة ماالها بانت ليك معزة ،شوف لله يرضي عليك لبنت راه حالتها بلويل خليها تخرج مع جيهان يمشيو يشريو لحوايج ويرجعو مهايتعطلوش
لقمان:(بعد طول تفكير)صافي واخا ولكن مهايفوتوش ،ساعتين ونص برا
لكبيرة:كوون هاني يالاه بسلامة (قطعات عليه)
فالعشية
خرجات فدوى كانت لابسة سروال غوز وقميجة من لفوق ملونة طالقة شعرها لمسرح بلبريصة ودايرة ماكياج خفيف وريحة لباغفا ديالها معطرة دنيا اما جيهان فكانت واقفة لابسة كسوة قصيرة فلموف وجامعة شعرها لفوق
جيهان:مشيناا
فدوى:وااش مهايمشي معاانا حد
جيهان:شكوون كتقصدي
فدوى:رجال خووك
جيهان"ههه لا مهايمشيوش معاانا
فدوى:والى هااكا خليني اختي نصوك طوموبيلتي هاكا على اقل هنحس براسي بنادم وعندي فائدة فلحياة
جيهان:ههه وااخا
طلعو فطوموبيل فدوى لحطات نضاضر ديال شمس على عينيها وكسيرات غادة فطريق حالا شراجم وطالقة لمزيكا على جهد كتشطح وصلو
لمول وبداو كيدورو كيتقداو
جيهان:كييف جااتك هاد لكسوة
فدوى:زويينة بزاف
جيهان:صاافي هنااخودها،شنوو ظهر ليك نمشيو لمحلات ديال رجال
فدوى:شنوو هنديرو فلمحلات ديال رجال
جيهان:شهوتي نشري ليوسف شي حاجة
فدوى:😕😕 نتتي تشري ليه
جيهان:اه
فدوى:(قربات ليها)اجي هاد يوسف ديالك واش فايت جاايب ليك شي كادو
جيهان:صرااحة لا
فدوى:ايواا ونتي باغا تشري ليه كادوات كيف درتي ليها
جيهان:هو مسكين ماعندوش يالاه مكافي مع دوا ديال مو ولمشاكل لعندو ريال مكايشيط ليه
فدوى:امم لله يحسن لعوان
جيهان:وداابا يالاه خليينا نمشيو لمحل لقلت ليك
خرجو من المحل ومشاو لواحد لمحل اخر ديال رجال كان محل كبير فيه لحوايح واكسسوارات وروايح ديال رجال
جيهان:زويين هااد تيشورت ياك
فدوى:اه زوين (كتشوف فليكوستيم)هاد لكووستيم يجي مع خوك
جيهان:الى عجبك خووديه
مشات جيهان كتسارا وفدوى مشات لجهة لعطور هزات ريحة رشاتها فيديها شماتها وغمضات عينيها
فدوى:نفس رييحة لقمان
****:ذوقك زويين فحالك
حلات فدوى عينيها وهي تلقى قدامها رجل طويل ووسيم لابس حوايح كلاص وباينة فيه لاباس عليه
فدوى:pardon
****:قلت ليك دوقك زوين فحالك (بتاسم)
فدوى:(دورات وجهها كتشوف فروايح)😶😶
****:زين شنوو سمااه لله
فدوى:(الصمت)
****:ماالك واش ماباغاش تدوي معايا ولا ماشي قد لمقام
فدوى:اناا مزوجة (وراتو لخاتم)ماعندك ماتصور مني
****:(بتاسم)ماعرفتش كيفاش ماتوقعتهاش وحدة بهاد لجمال مايمكنش تبقى بلا زواج
خنزرات فيه فدوى وزادت وهو بقا كيطلع فيها وكيهبط مبتاسم
****:زوينة بزااف ،سعدات هذا لمزوج بيك
رجل:(قرب حداه)سي إلياس سي زروال كيتاصل بيك
الياس:(خاد تيلي جاوب وكيشوف ففدوى)وي لواليد
زروال:فيينك
الياس:فلموول كنشري شي حاجة (كيشوف ففدوى)
زروال:رجع لعندي داابا هداك لقمان شرا واحد شركة ديال تصدير واصدار واقلة كيوجد لينا شي حاجة
الياس:هههه (دوخاتو فدوى)ضحكتها زوينة
زروال:شكوون لضحكتها زوينة (غوت)اليااس ركزز معااايا كنقوليك لقمان شراا شركة لمرنيسي رااه كيوجد لينا شي حااجة رجع عندي داابا خاص ندويو
الياس:وااخا هاني جاي(قطع)مامكتابش لي نتعرف عليك اليوم مرة اخرى ازين
عند_سوسن
كانت سوسن فشركة خدامة على واحد ضوسي
سوسن:ماال هااد ضووسي عامر اخطاء فحال هاكا واش هاد مروان تسطى ولا شنوو
ناضت سوسن من بلاصتها ومشات لعند مروان دخلات لمكتب ديالو مالقاتوش
سوسن:بففف فيين مشاا هذا
يالاه بغات تخرج من المكتب وهي تسمع تيليفون كيصوني دارت لقاتو تيليفون مروان محطوط فوق لبيرو مشات قربات هزاتو لقات كاتب على لكيعيط MB وهي تجاوب
سوسن:الووو
بنت:الوو واش هذا تيليفون مووسيو مروان
سوسن:اييه تيليفونو هذا شكوون معاايا
بنت:ااا سمحيلي مي شكوون نتي
سوسن:مرااتو ونتي
بنت:انا مساعدة اجتماعية معيطة من دار عجزة نسيم
سوسن:اه مرحبا ،شنوو حب لخاطر
بنت:تاصلت باش نقول لموسيو مروان يجي يشوف مو راه هاد يومين تزاد عليها لحال وولات كتهتهت غير بسميتو
سوسن:موو كيفاش
بنت"اه موو واش مافراسكش موسيو مروان حاط والديه هنا فدار العجزة
سوسن:(تصدمات وبرد ليها لما فركابي)وااقلة اختي غالطة راجلي ماعندوش لوالدين، راجلي يتيم
لبنت:لا اختي راه عندو واقلة غير كادب عليك هو حطهم هادي ست سنين فدار لعجزة نسيم وراه مرة مرة كيجي يشوفهم

بقات سوسن مصدومة طاح تيلي من يديها وجلسات كتخوي لما فلكاس هزاتو ويديها كلهم كيترعدو
سوسن:اووويلي اوويلي على حاط والديه فدار لعجزة ،شنوو زعما كذب علي
بقات سوسن جاالسة تما حتى تهدنات هزات تيلي مسحات منو ابيل وخرجات هزات صاكها مشات لدار لعجزة
دخلات رجليها كيترعدو عليها
مساعدة اجتماعية:مدام شنوو حب لخاطر
سوسن:اناا سوسن ارسلان جيت نقلب على شي ناس محطوطين هنا
مساعدة اجتماعية:شنوو سميتهم
سوسن:صراحة ماعرفتش ،(كتقغقف)ولدهم سميتو مروان بطاني
مساعدة اجتماعية:اه نتي واقلة مراتو انا لدويت معاك فتيليفون
سوسن:عفااك واش ممكن نشوفهم
مساعدة اجتماعية:اه ممكن اجي معايا
تبعات سوسن مساعدة اجتماعية حتى دخلاتها لواحد شومبر فيه زوج ناموسيات وحدة ناعسة عليها مرا كبيرة ولاخرة ناعس فيها راجل كبير
م اجتماعية:هاادو هوما والدين مروان بطاني
شافت فيهم سوسن وعينيها عمروو دموع
مساعدة اجتماعية:كتباني متأثرة ملي شفتيهم كنضن بلي نتي عكس ماعاود لينا راجلك
سوسن:اشش عااود ليكم
م اجتماعية:قاللينا بلي نتي لماباغاهمش وبلي نتي هددتيه بلي الى مابعدش عليك والديه هتاخدي منو ولدو
سوسن:(مصدومة)هاادشي ماكاينش عفاك واش ممكن تخرجي وتخليني بوحدي معاهم
م اجتماعية:من طبيعة الحال
خرجات مساعدة اجتماعية وسوسن حطات صاكها ومشات قربات حدا راجل لكان فايق لابس جلابة كاشفة وبنيتو ضعيفة
سوسن:سلام
رجل:(مفافي)و وعليكم سلاام ابنتي
سوسن:وااش كتعرف مروان
شافيها راجل ودار ضحكة جنب وقال
سوسن:سولليه هو واش كيعرفني اما انا الى جاوبتك فهنقوليك اه كنعرفو هو ولدي لربيت سنين وعلي ضربت تمارة وكبرتو فلخر جا لاحني انا ومو هنا فحال الى عمرنا ماولدنا
#عند_فدوى
كانت فدوى جالسة مع جيهان فلكافي ،فدوى كتشوف فلبحر وجيهان جالسة كتشوفيها
فدوى:واخيرا حسيت برااسي بنادم (كتشم فلهوا)
جيهان:عندي ليك شي كلام بغيت نقولو ليك
فدوى:(شافت فيها)ماالك
جيهان:صراحة افدوى ولله اختي ماعارفة كيفاش هنقوليك هادشي ولكن مضطرة تأنيب ضمير كياكل في كولان
فدوى:اش واقع راك خلعتيني
جيهان:صراحة افدوى ذهب لتهز لماما انا لهزيتو
فدوى:😱😱😱 اووويلي نتي لهزيتيه
جيهان:😟😟 ضطريت يووسف كان محتاج دهب وانا هزيتو لماما عطيتو ليه
فدوى:دهب هزيتيه عطيتيه لززامل وانا لبارح فليل لصقات في شفرة
جيهان:هضري بشوية راه ناس كيشوفو فينا
فدوى:يشووف لبغاا يشوف من بعد،لباارح فليل كون ما خووك دافع علي كون راه بقيتي ساكتة
جيهان:لاا ولله ماهكاك
فدوى:لا هكاك (وقفات)لقمان كان عندو الحق نتوما منافقين من كبيركم لصغيركم كلكم كلكم ماخليتوش في حقكم لله ينتاقم منكم لله ياخود فيكم لحق
هزات فدوى صاكها وتمات غادة وجيهان من وراها كتطلب فيها
جيهان:هئ هئ عفااك ماتتقولي لحتى شي واحد هادشي لقلت ليك
فدوى:(دفعاتها)بعدي مني ماتقربيش لي مزال
طلعات فدوى لطوموبيلتها عفطة وحدة ماوقفات حتى لقصر ،دخلات كتدوي راسها معصبة
رجاء:جيتوو فينااهيا جيهان
فدوى:عيطي ليها سولييها ،فرااسك وااحد لحاجة نتي راك والدة غير لهبل ولمسطين ولمرضى نفسيين (ضربا فيها وطلعات)
رجاء:هاادي مالها
لكبيرة:معارت عيطي لجيهان سوليها شنو وقع وفيناهيا علاش ماجاتش معاها...

فليل ☀☀
كانت 1 ديال ليل ولعائلة كلهم باقين فايقين نزلات فدوى من دروج شافت فجيهان وخنزرات
فدوى:كااينة شي خباار على سوسن
لكبيرة:لاا بااقي مكاتجاوبش على تيليفونها تعطلات بزاف خلعاتنا عليها
مسعود:ماافهمتش كانت فشركة فجاة حتى قالو لي خرجات
مروان:اناا تخلعت عليها كيبان لي من احسن نمشي عند لبوليس نديكلاريو
سليم:انا هنمشي معاك
يالاه دارو خطوة وهي تمي سوسن داخلة وجهها منفوخ وعينيها حمرين
رجاء:افف واخييرا جيتي فيين كنتي