🦋جعلوني زوجة له 🦋 (مكتملة )

part30

💎جعلوني زوجة له
جزء 30
وصل لقمان لاوطيل عند لحاج نزل من طوموبيل ودخل طلع فاسانسور ومشا لسويت عند لحاج

لحاج:على سلاامة
لقمان:لله يسلمك،دويت مع لبيرو ،حمادة هيدفنوه من هنا لساعة
لحاج:عاارف
لقمان:شنوو ظهر نمشيو داابا لمقبرة
لحاج:باقي لحال،جلس بااغي ندوي معااك
لقمان:الى كان على قبل هداك زروال فانا لقيت ليه واحد لبلان لهن
لحاج:(قاطعو)لا مااشي هداكشي،جلس بعدا

جلس لقمان اونفاس مع لحاج هاد اﻷخير بدا كيدير فيه شوفات مامفهومينش

لقمان:حاس بشي حاجة ماشي حتى لهيه
لحاج:امم ،بغيت نسولك على زواجك لبارح ماكانش لوقت فين نسولك على قضيتو اش طرا وجرا حتى قررتي تزوج
لقمان:هداك الموضوع كيخصني غير انا ماعندي علاش ندوي معاك فيه
لحاج:غالط كيخصني حتى انا واش ناسي بلي انا كنعتابرك ولدي،سراري كلهم بين يديك وحتى نتا سرارك بين يدي قبل تلت سنين تلاقيت بيك وفتحتي لي قلبك وعاودتي لي كاع مشاكلك وانا رحبت بيك وسط ولادي وعائلتي برحابة صدر ودابا من بعد هادشي كامل هتبدا تخبي علي
لقمان:(الصمت)
لحاج:كنستنى جوابك؛علااش تزوجتي بهاديك لبنت وكون غير اي بنت مرات خوك لمات
لقمان:ضطريت نتزوج بيها الحاج ،خويا قبل مايموت وصاني عليها وطلب مني نتزوجها فاﻷول رفضت ولكن من بعد لح علي وقبلت وواعدتو
لحاج:ونضتي تزوجتي بيها وهي قبلات
لقمان:ماقبلاتش
لحاج:بززتي علييها
لقمان:اه
لحاج:وااش كاين شي زواج بزز ولكن هادشي ماغريبش عليك كل مرة كتصدمني بشي حاجة ماشي حتى لهيه
لقمان:😕😕
لحاج:(رجع بلور)لبنت زوينة بزاف وعاطية لعين قوليا واش كتحس بشي حاجة جهتها زعما واش كتبغيها
لقمان:اشش باانليك
لحاج:ماابان لي والو
لقمان:انا ماحسيت حتى براسي نوض نحس بشي حاجة اتجاه هاديك لبنت ،زواجي منها هو زواج على لوراق شي حاجة اخرى ماكايناش
لحاج:مزياان ريحتيني،ودابا سمعني انا من شحال هادي كنت كنفكر فيك وكنت كنفكر نزوجك
لقمان:(ضحك)نتاا تزوجني انا ؟؟
لحاج:اه كنت باغي نزوجك للينا
لقمان:للينا؟؟؟؟
لحاج:اه وااش كيصحاب ليك انا مافراسيش هداكشي لكيوقع بيناتكم
لقمان:(تقاد فالجلسة)وااش هي لقالتها ليك
لحاج:ماكيهمش شكون قالها لي قدما كيهم بلي انا عرفت
لقمان:شووف الحاج ،لينا ماشي بنت صفيرة هي كدير معايا هداكشي بخاطرها ماضربتهاش على يديها، ماعرفتش بالضبط شنو قالت ليك وماباغيش نعرف لمهم هو انك لا نتا لا غييرك مهاتجبروني على شي حاجة انا ماباغيهاش
لحاج:زواجك من لينا راه فصالحنا وفصالحك نتا بدرجة اولى ،راك عارف نتا ولينا راكم فحال ولادي قول ولادي ،ثروتي فاﻷول واﻷخير هتبقى ليكم بزوح هادشي علاش من اﻷحسن تزوجو باش لخدمة ماتشتتش
لقمان:لحاج راك غير كتخربق،اناا دابا مزوج ولينا لبيني وبينها لخدمة وفاوقات الفراغ كنتسلاو انا وياها،اصلا انا عمري ما وعدتها بشي حاجة وحتى هي كانت كتقوليا بلي مكاتسنى مني والو حيث مكاتحس والو جهتي وهنا قصتي انا وياها سالات (وقف)وقت دفين قريب خاص نمشيو 
لحاج:وااخا