🦋جعلوني زوجة له 🦋 (مكتملة )

part94

💎جعلوني زوج له💎
جزء 94
وصل الخبار القصر وتقربلات دنيا عندهم هبطو كلهم تجمعو لتحت حدا تلفازة واولهم فدوى لمربعة يديها حيت عارفة اش كاين و هي بوحدها لفيهم مرتاحة....واقفة مربعة يديها كتتشوف فيهم كيفاش متوترين ومتبعين الخبر لحظة بلحظة
رجاء:ياربي داك حاج يمشي فيها ويدخل بالمؤبد ويعطي لولدي تيساع
جيهان:هادشي الى ما مشا فيها حتى خويا معاه غير سكتي
رجاء:يااااااربي حمي لي ولدي يااربي مابغيتوش يتادى ولا توقع ليه شي حاجة يااربي تهنيني عليه
جيهان (عنقات ماماها):انشاء الله مهايوقع ليه والو
فدوى( كتهضر تحت سنانها)انشاء الله يمشيو فيها بثلاثة بيهم ونتهنى منهم ومن صدااعهم يا
مزالة ماكملات كلامها وقفات عليها خدامة
..... مدام تيليفونك من صباح وهو كيصوني
مدات يديها خداتو وهو يبان ليها خوها كيصوني
فدوى:الو مالك اش كاين
كريم:فدوى راه مي طاااحت لينا اليوم سخفات وراه جبناها لسبيطااار
فدوى( غوتات وضربات على فخدها) اويلي مالهاااا😱
كريم:مزاال ماعرفناش راه حنا فسبيطار ميريزكو
فدوى:وخا وخا هاني جاية(قطعات وعيطات على خدامة) نتي طلعي لبيتي جيبي لي كونطاك ديال طونوبيل راهم فوق الكوافوز
رجاء:شواقع ابنتي ياكما لقمان وقعات ليه شي حاجة
فدوى(قاطعاتها) مي مي طاحت راها فسبيطااار
جيهان :وكيف بقات
فدوى:ماعرفتش هنمشي نشوف
رجاء؛ :كون تسنيتي حتى يجي راجلك مهايعجبوش الحال الى جا ومالقاكش
فدوى:مي طايحة فسبيطار ونتسنى انا ولدك حتى يجي
رجاء:يهديك لله افدوى
ماداتهاش فيها منين جابت الخدامة لكونطاك  خلاتها كتعيط وهبطات لكراج هزات طونوبيلتها وكسيرات وفلباب حبسوها
.....ممنوع امدام هادو اوامر مسيو لقمااان ممنوع تخرجي
فدوى(كتغوت) كنقسم فمي بالله وماتحلو لي هاد جالوق ديال لباب دابا حتى نرجع ماشريال وندخل فيه ياندوز يانتفركع عليكم ويجي هو يفركع مكم ختارو وحدة فجوج
حدر كاردكور راسو وبعد كيهضر فسماعة فودنو وتواني تحل الباب وتبعاتها جوج طونوبيلات من نوع جيب فاسود عامرين برجال من وراها
وصلات سبيطار وهبطات كتجري هازة تيليفون بيد وكونطاك فيد لهازة بيها وهي كتجري بان ليها خوها
فدوى(بلهفة) فينهايا مي
كريم:هاهي راها فاقت معلقين ليها سيروم
فدوى:فين حاطينها
كريم:سيري نيشاان مع لكولوار اخر بيت على يدك ليمن راها فيه
دخلات فدوى على مها لقاتها متكية كتبكي
فدوى(جلسات حداها) ماما مالكي اش وقع ليك
رقية:لا والو ابنتي شفت الخبار وخفت عليك وطاح لي طونسيو دابا راني لاباس
فدوى(تنهدات حاطة يدها على صدرها) الله يامي طيريتها مني خلعة والله
رقية:متخافيش ابنيتي راني لاباس
______________________________
نهار كامل ولينا ولقمان كيتسناو وحد مبغى يعطيهم الخبار ولا اش كاين وحتى يونس غااابر ليه الاثر و القصر نهار كامل كيصونيو وهو كيقطع حتى عيا وطفى تيليفون ديالو..... واخيرا خرج المحامي وجهو ماكيبشرش بالخير....
لينا:امدرا شنو كااين
لقمان:قولي علاش شادينو
...... بصراحة الوضع ديال حاج  صعيب محال واش غادي  يقدر يخرج حيت البوليس طاحو فيديهم شي وراق خطيرين
شاف لقمان فلينا بشك وهي كذلك و رجعو شافو فلمحامي
لقمان:كيفاش زعما
محامي:الوراق فيهم بلي كيبيع سلاح بطريقة غير شرعية فشرق أوسط كنضن من بعد هاد دليل للقاو عليه مستحيل يقدر يخرج منها
دااار لقمان عند لينا وجمعها معاه بتصرفيقة تا صماكو يديها
لقمان:امنتك عليهم الينا شوفي اش درتي كيفاش طاحو فيد البوليس
لينا:ماعرفتش القمان اهئ اهئ خبيتهم حداك فدار من تم ماوليت جبدتهم راك شفتي
لقمان:شنو زعما تهزو من تماك
لينا؛ :اه تهزو هئ هئ
لقمان(طرطق عنقو) وخا هنشوفو هدشي
محامي:لمهم حنا دابا مابقا عندنا مانديرو هنا،لحاج هيبات هنا وغدا فصباح هيدوزوه عند وكيل لملك وتما توقعو أسوا
ماجاوبوش لقمان جر خرج من كوميسارية ونفس شي صحافة مجموعين ولينا متسوقش ليها تابعاه كتبعد عليهم حتى وصلات الطونوبيل وطلعت..... ديمارا لقمان طونوبيل وصل القصر ودخل وفطريق وقفاتو رجاء
رجاء:ولدي خاصني نهضر معاك
لقمان(عاطيها بظهر) ماشي وقتو دابا
رجاء(ربعات يدها) مرتك فدوى
لينا شافت فيها هازة حاجبها
لقمان(دار بزربة) مالها
رجاء:خرجات صباح وخا حبسناها انا وكاردكور ماتسوقاتش وخرجات
لقمان(تحت سنانو) فدوى
رجاء:تهدن راه مها طاحت وهزوها السبيطار هداكشي علاش خرجاات ماصبراتش وخا عيينا نحبسوها مابغاتش ،جيت هنعلمك باش تعرف لا تكون واقعة ليها شي حاجة
طرطق عنقو:وخا (شاف فلينا) طلعي نتي
لينا:وخا
جبس لقمان كيطرطق فصبعان وحط رجل على رجل ويديه مورا عنقو مقابل مع البا
بعد مدة تمات داخلة فدوى شافتو جالس وهي توقف وغمضاات عينيها
فدوى:تهدني افدوى مااكاين لاش تغاوتي معاه ماتنسايش،راه ماواخدش دواه
لقمان:(بنبرة مرتافعة)مساااا لخير امدام ارسلان
فدوى:مساا نور (قربات حداه)
لقمان:شفتتك جاية بكري،دييك ساعة بقاي حتى لفجر
فدوى:(كتشوف ليه فعنقو لعروق كيضربو)لقمان
لقمان:(هز حاجبو)شنوو
فدوى:ممكن تهدن فالأول،انا عارفك مانعني نخرج من القصر ولكن راني كنت مضطرة ماما مرضات تخلعت عليها ومشيت لعندها بلا عقل
لقمان:(شدها من دراعها وورك)وااش فراسك بلي فكل مرة مك كتكون هي سبابنا حتى كنضاربو
فدوى:طلق مني راك قصحتيني،حط راسك فبلاصتي كون سمعتي بلي مك فسبيطار اش كنتي هادير
لقمان:اناا ماعندي علااش نحط رااسي فبلاصتك حيث انا انا ونتي نتي
فدوى:واخا اسيدي دابا شنوو ،باش هتعاقبني هاد المرة هتضربني يالاه ضرب