🦋جعلوني زوجة له 🦋 (مكتملة )

part155

💎جعلوني زوجة له💎
جزء 155

........ خاصها ولادة قيصرية ضروري راس البيبي مابغاش يخرج الحجم ديالو كبير غادي تعدب بزاف وهدشي خطاار

..... وخا ادكتورة

فدوى تهزات الغرفة العمليات تولد ولاد  قيصرية ولقمان بقا لتحت غادي جاي مخلوع شوية تمات داخلة رقية هي وكريم كيجريو

رقية:ماالها اشش وقع ليها

لقمان:مااعرفتش عيطات لي مشيت عندها لقيتها فيها الوجع وقالو لي دابا بلي هيفتحو لي

رقية:كيفاش جااها الوجع ياك طبيبة قالت ليها من هنا زوج سيمانات عاد هتولد

لقمان:(راسو هيتفركع)شووفي لله يرحم باك راسي هيتفركع ماتزيديش علي باسئلتك لحامضين واخا دخلات كتولد كيفاش وعلاش حتى تخرج وسوليها

رقية:باينة هتكون نتاا هو سبابها فهاد لولدة المزروبة

لقمان:يااربي عطيني صبر سيدنا ايوب

من بعد 4 ديال السوايع حلات فدوى عينيهااا وهي كتشوف فالبولة فالسقف رمشات عينيها زوج مرات عاد بانت ليها صورة واضحة..... وقفات عليها رقية مبتاسمة

فدوى كتشوفيها بعنين ثقال وصوتها ناعس:ماما

رقية وهي كضحك :مبروك عليك ابنتي راك ولدتي وليد على من زيناتو

فدوى تفكرات راها ولادت وهي ضحك :ولدي فينوو

وقف عليها لقمان: مراتي العزيزة

جلس حداها فطرف ناموسية شد ليها يديها وكيدوز على شعرها وهو مبتاسم  والفرحة باينة فيه فعينيه كيلمعوو

فدوى:ولدي بيخير فينو

لقمان:هاهو غيجيبوه مابغيتش نشوفو تانكون معاك ونشوفوه بجوجنا

رقية مشات عيطات على الفرملية جابت الولد.... كان واخا صغير ولكن طبيبيز وبشرتو بيضة ناصعة وشعرو شهب بحال باااه

فدوى عضات علي شنافتها بالفرحة شافت فلقمان ورجعات شافت فيه وقلبها كيضرب.... هز ليها لقمان ناموسية عاد مدات ليها الفرملية الولد..... مدات يديها هزاات وخشاتو فحضنهاا كتشوف فيه ودموع هابطين من عينها،كانو دموع الفرحة قلبها كيخفق بسرعة وكتشهق بالبكاء..... قرب لقمان ليها كيشوف فولدو وعينيه كيبريو بالفرحة....... البيبي بدااا كيبكي ويجبد فيديه مكمش صباااعووو وعنكش

فدوى(شافت فرقية مخلوعة) ماالو اماما

رقية:هداااباااينة هيخرجها منك كيهزيتيه بدا عليك بنكير

فدوى(كتهزهز فيه) خارج لباااه(هزات راسها فلقمان) لقمان

لقمان سااهي كيشوف فولدو والفرحة فيعينه بااينة

فدوى:مغتهزووش

لقمان(كيشوف فيهااا متردد) نخاف نهرسو يدي مامولفينش اللحم الرطب