🦋جعلوني زوجة له 🦋 (مكتملة )

part26

💎جعلوني زوجة له
جزء 26
طاح ظلام فالقصر وسوسن غادية جاية وسطو كتصوني لمروان والو تيليفون طاافي.... دخلات جيهان وحالتها مكتبشرش بلخير وجهها صفر مافيه نقطة ديال دم.... بغات تجاهل سوسن وهي توقفها... كتطلع وتهبط فيها بنظرات كلهم شك
سوسن:مالكي انت
جيهان(كتفتف) ماالي انا اش كاين
سوسن:حالتك معجبانيش
جيهان:لا عادي غير عييت من لحفاضة، وزايدون اش دخلك نتي فين عمرك ديتيها في
طلعات فيها وهبطات
سوسن:سيري غبري دابا، مامسلياش نتعاطى معاك
طلعات جيهان وخلاتها كتشوى بوحدها مفقوصة على راجلها....دازت ساعات وساعات وهي كتسنى
فهاد الوقت كان مروان حال عينيه بثقالة... شاف فسقف ودور وجهو شاف جنبو لقا درية ناعسة حداه، قفز بلخلعة وهو مافاهم والو.... دفع البنت كيفيقها وهي ماكيناش فهاد العالم مغيبة بنعاس ،وقف بزربة شاف فلمرايا لقا راسو عريان كيف ولداتو مو و كولو مصان وعضان وعكر
مروان:فاك اش هاد العجب تاني تفووو
مشا عند البنت كيفيقها ويغوت
مروان:فيقي دغيا انت هيي قولي اش وقع هنايا
فاقت لبنت من نعاس كتعوج ردات شعرها لور وخنزرات فيه
.لبنت: كيفاش اش وقع واش حمق
مروان:اش وقع بيناتتا
لبنت: بلاما ديرلي فيها ماعارفش شنو وقع وديك لهضرة ديال والو راني حافضاها اه حاكل ماكنتش بوعيي ماكنتش بخرا انا مكانعرفهاش ،هتحطلي 3000 درهم ديالي لتافقنا وهتضرب الباب خليني ننعس
مروان:3000 درهم ديالاش
لبنت:واش كيسحابليك كوا فابور..راك اسيدي كويتيني؛ودابا ارا خلاصي وسير فحالك خليني ننعس اففف(كتحك فراسها)
مروان(حط يدو على راسو) ش هادشي درت
ناض بزربة جبدا شيك من بزطام حطو ليها ولبس حوايجو خرج زربان.... ركبت فطونوبيلتو وشعل تيليفون..... لقا 50 ابييل ومن بينهم ميساجات كتعتاذر سوسن فيهم على كلام جارح ليقالت ليه.... كمل طريقو وهو مرفوع ماعارفش كيفاش غادي يخبي هدشي لفلحمو عليها وكيفكر فكيفاش هيدخل وهو شراب باقي شااد فييه وماسحاش مزيان... وصل القصر فين سوسن كانت مزالة كتسناه....كانت غادة جاية غير شافتو وهي توقف
سوسن:فين كنتي
مروان:واخيرا تفكرتي بلي عندك راجل
سوسن:جاوب
مروان نهار تكوني مسالية لي اجي حاسبيني
طلع بزربة قبل ماتنتابه ليه بلي شارب وقبل ماتشوف طبايع زرقين لفعنقو.... خلاها كتشوا بوحدها حيت عمرو ماعاملها هكدا
سوسن:واخا اسي مروان وصلات فيك لهاد درجة، وخا هاحنا هنشوفو واش مزال غدي تبقى فيك هاد الجراة كاملة غدا فصباح
وهي واقفة كتفكر تم داخل لقمان.... مشات لعندو وهي مخنزرة
سوسن:صافي رتاحيتي تزوجتيها ورجعتيها
لقمان: من امتى كدخلي فيا
سوسن:سمع نقوليك
قبل متكمل هضرتها ضرب فيها وزاااد طلاع لبيتو حل لباب ملقاش فدوى.... دخل لدوووش مالقاهاش وهو يكرز على سنانو وزدح الباب وتما غادي حيت عارف فين هيلقاها.... دخل البيت ديال ادم فين كانت متكية.... ناعسة مغوبشة ودمعة فعينيها وجهها مزنك... نيفها حمر وحناكها بحال مطيشة.... شعرها مشتت فوق النموسية ويد كانت جامعة بيها رجليها بحال بيبي ويد لاخرة خاشية وسط فخاضها.. العصبية ديالو كاملة مشات منين شاف داك المنظر ديالها وهي ناعسة... ضرب على بلاطو ديال ماكلة عرفها ماكلاتش.... ساااط ومشا جلس حداها كيشوف فيها.... تحولو ملامح ذيالو من غضب لاستفهام.. كيشوف فيها وماعارفش علاش كيشوف يدو باغية تمشي لعندها ترسم ملامحها بصباعو.... تشهى يقيص ليها حناكها ويهبط يدو على شنايفها.. بتاسم َمنين شاف شنافة التحتانية مدلية بحال شي بيبي صغير.... نتابه لراسو....وهوما يرجعو ملامح الغضب على وجهو خرج وخلاها ناعسة تماك
اصبحنا واصبح الملك الله🌥️
صباح بكري الشمس مزالة كتشرق فاقت جنان هي لولة.... لبسات حوايجها وخرجات وفطريقها دازت على بيت لقمان.... شافت فيه باحتقار
جنان:هاهنا خنشوفو اسي لقمان
كملات طريقها  تاوصلات لطونوبيلتها كسيرات ماوقفات حتى لعند واحد الحي راقي.... وقفات قبالت واحد العمارة.... طلعات فسانسور.... وكملات توصلات لشقة... سررر سررر،طق طق طق ✊✊
دازت شوية وهي تحل الباب خدامة.. شافت فيها جنان مطلعة حاجبها
جنان: لالاك هنا
خدامة:اه ولكن
قبل متكمل كلامها ضربات فيها.. ووقفات وسط دار كانت شقة فاخرة ولكن لاسف الحالة ديالها كانت بحال شي بوااط.. قراعي ديال شراب معمرين دنيا، زوج ديال ناس مفرشين فارض عريانين مغطيهم غير ليزار.... خنزرات ومشات دقات فواحد البيت،تحل الباب وخرجات منو امراة تكون ف50 من عمرها ولكن مهلية فراسها تعطيها 30 عام شعر مصبوغ وشفار وضفران مركبين زيد على بوطوكس وشنايف منفوخين،سدات بينوار ديالها وحطات يدها فجنب الباب
جنان:حالتك هي حالت ازهرة
زهرة:(خنزرات فيها) فاتن
جنان:واخا ماعرفت اش تولي انا بوحدي لعارفاك شكاتسواي
زهرة:مالنا على صباح شكاين جاية على نبوري ماخليتينا نتكواو حتى فخاطرنا ومكملاها بهاد هضرة طلقيني خلاص
جنان:ماتخافيش عندي ليك خبار زوين
زهرة:لاختي غير سيري عليا من خباراتك زوينين
جنان:هاد المرة ماشي اي خبار
زهر:كيفاش
جنان:لخبار كيخص ولدك لقمان.
فدوى:قلتي لي نطلع لبييتك
لقمان:ونتتي شنو درتي
فدوى:اناا ويااك مايمكنش لينا نجلسو فبيت واحد خلينا هاكا مرتاحين
لقمان"انا لكنحدد واش نجلسو فبيت واحد ولا لا وانا لكنقرر واش هنكونو مرتاحين ولا لا
فدوى:(خنزرات فيه)ياكما يصحابليك سنيتي عليا جوج وراق راك ملكتيني ،نتا تزوجتيني اه ولكن عمري مهانكون ليك
لقمان:وشكون قاليك انا باغيك تكوني لي انا راه غير كنتفكر بلي وليتي مرتي كتشدني تقية
لقمان:وشكون قاليك انا باغيك تكوني لي انا راه غير كنتفكر بلي وليتي مرتي كتشدني تقية
فدوى:(الصمت)
لقمان:لقحاب لفحالك بزاف عليهم يتزوجو وبزاف عليهم يكونو عيالات رجالة فلحلال،لفحالك سرهم غير يخويو فيهم زوا** ويلوحوهم
فدوى:ياكما تخالطت ليك مع مك ولا ختك اسي لقمان
هنا لقمان بقا كيشوفيها وجهو ولا حمر ولعروق طراساو ليه فعنقو اما هي فبعدما شافت حالتو بتاسمات زعما كتستفزو،بقا كيشوفيه وهو يشدها من شعرها دورها ورضخها مع الحيط ولا وجهها على الحيط وهو جا من وراها حط فمو على ودنيها ودوا
لقمان:اول حاجة انا ماعنديش مي ،انا مي دفنتها فالحياة ثاني حاجة خواتاتي بزاف على لقح** تاع مك ثالت حاجة هاذ لسان لعندك لازدتي مزال تقابحتي معايا بيه هنقطعوليك ونلوحو لكلاب
فدوى:(كتعصر)خوفتيني بزاف
لقمان:مع الوقت هنحيد منك هاد ضسارة غير صبري علي مزال هنعجبك
فدوى:حتى انا هنعجبك اصبر،نتا راك مزال ماعارفش بيمن تزوجتي
طلقها لقمان ورجع لور مبتاسم وهي دارت شافت فيه
لقمان:لبسي حوايجك وهبطي
فدوى:(ربعات يديها)ماعندي مانلبس،تباركلاه تريكتك غير خرجت من القصر معارت فين تلفو لي حوايجي
لقمان:لبسي لكان
فدوى:قلت لييك ماكاين مانلبس،انا خاص نمشي عند ماما نجيب لحوايج لعندها
لقمان:مك نسايها ولبارح قلت ليك هداك درب نسايه،ودابا لبسي لكنتي لابسة لبارح وتبعيني
زدح الباب وخرج وفطريقو تلاقا من مروان لكانو باينين عليه علامات توتر،حتى حد ماعبر لاخور، لقمان هادي طبيعوو ماكيعبر حد ومروان مانتابهش ليه عقلو  طااير
دخل مروان البيت ديالو،جلس فطرف ناموسية حاط يدو على وجهو كيفكر تاوصلو ميساج من رقم غريب
دخل ليه لقا رسالة قصيرة مكتوب فيها "دخل لتصاور ديال تيليفون
ستغرب من رسالة ودخل كيشوف وهنا كانت صدمة لقا راسو مصور فيديو، دخليه بزربة وهو مخلوع والمفاجئة،كانت فيديو ديالو وهو كيمارس مع البنت لفاق لقا راسر معاها ،تطلق الفيديو بجهد وتسمع صوتو وصوت البنت كتغوت تصدم وولا كيترعد حبسو وهو يتسمع صوت الباب دوش تحل كانت سوسن خارجة منو شافت فيه باستغراب وهي مطلعة حاجبها
سوسن:بحال سمعت شي صوت ماشي هو هداك
هز عينيه فيها وهو مخلوع سرط ريقو وحاول
يبان عادي
مروان:لاوالو انا ماسمعت والو
سوسن:متاكد
مروان:اه
جلسات حداه وتعابيرها كلهم ندم ،حطات راسها على كتفو وبصوت حنين قالت
سوسن:انا عارفة بلي مكانش خاصني نقول هداك لكلام لبارح هملتكم بزااف وديتها فلخدمة ومشاكل دااار انا
قبل ماتكمل كلامها صونا تيليفون مروان طل بان ليه درقم المجهول، ناض من حداها بلاما يقول حتى كلمة خرج وجاوب على تيليفون
مروان:الو شكون معايا
****:ههه ماعرفتيش شكون معاك ،معاك شخص لهيدمر ليك حياتك
مروان:اش كتخربق نتاا سربي قوليا شكون نتا ولا هنقطع
****: قطع يالاه قطع نشوف
مروان:(الصمت)
****:هكاك تهدن تهدن باش نعرف كيغاش ندوي معاك بالعقل،اكيد شفتي لفيديو كيف جاك من هداكشي ياك
مروان:شنوو باغي مني
****:لباغيه منك هتعرفو مع الوقت لمهم سير رجع تفرج فلفيديو فهم
بلانو مزيان، نخليك دابا تستوعبو وتفكر فيه مزيان وتاكد انه حقيقي ومن بعد هنعيط ليك و هنتفاهمو مزيان (قطع عليه)طيط طيط طيط
مروان:(كيغوت)الووو الووووووو
تقطع الخط وبقا مروان حاير اش هيدير وكيفكر فشنو باغين منو، دار بجهد باغي يرجع وهو يدخل ففدوى حتى طاحت ارض
فدوى:ايييي واش مكتشوفش افففف
مروان(مد يديه)سمحيلي عفاك مشفتكش سمحيلي
فدوى(عاونها وقفات)ماشي مشكل كتوقع ولكن مالك كتبان ماشي هو هداك
مروان:علاش ماشي هو هداك عادي
زاد وخلاها وهي وقفات كتشوف حتى عيات وهبطات لتحت لقات لقمان واقف فوجهو مسعود كيغوت عليه
مسعود:انااا اشش قللت لييك جااوبيني هااا قلت ليك ماتقربش ليها قلت لييك عطييها تيساع ولكن نتاا شنوو درتي مشيتي خطفتيها وتزوجتي بيها بزز منها واش هاكا هتصون امانة خوك واش هاكا هتحافظ عليها
رجاء:مسعود عفاك تهدن
مسعود:نتتتي سكتتي نتي حساابك معايا من بعد ،ياالاه دوي نتاا جاوبني شفتك سااكت
لقمان:مامضطرش نجاوبك ومامضطرش نفسر ليك هادشي لدرت
مسعود:حتااارم رااسك انا رااني بااك
لقمان:(هز عينيه)لااا غالط نتاا ماشي با، لعلاقة لكانت بيناتنا ديال اب وولدو تقطعات شحال هادي هادشي علاش دابا مابقاش من حقك تحاسبني ولا تسولني على شي حاجة درتها (دار شاف ففدوى)نتتتي تحركي قداامي
فدوى:فين غادين
شافيها لقمان جرها من دراعها وتما غادي بيها وخرجو
لكبيرة:لله يهديه ،لله يهديه
#بلسان_فدوى
خرجنا من القصر بعدما قال لباه دوك زوج كلمات طلعنا فطوموبيل ديالو وكسيرا طول طريق وانا كنفكر فشنو المشكل ديالو بينو وبين والديه،ادم عاود لي كلشي عليه الا علاش بعد على لعائلة،هادي اول مرة كنحقق فيه شهب فحال ادم وعينيه معسلين يديه كلهم وشام وحتى عنقو كولو وشام
لقمان:هتبقااي تشوفي في هاكا ياكما تغالطت ليك مع شي حد
فدوى:علاش دويتي مع باك بهاديك طريقة
لقمان:(الصمت)
فدوى:عمي مسعود راجل مزيان حشومة عليك تعامل معاه بديك طريقة؛من نهار جيتي وانا كنلاحظ شوفاتك ليهم تقول معارت اش دايرين ليك
لقمان:اعدى حاجة عندي هي قوة لهضرة
فدوى:انا كتعامل معايا خايب حيث بالنسبة ليك ق**ة تزوجت بخوك على طمع ايوا ووالديك علاش كتعامل معاهم خايب
لقمان:(كسيرا بجهد وغوت)دييها فك**
فدوى:ب ب بشوية بشوية
لقمان:(زاد فسرعة)😏
فدوى:(غوتات)قلللت ليييك بشوية ابناادم،عندي فووبيا من سرعة بشوية (كتمشي وتجي)وااااع وااش بااغي تقتلني وقااااف وقاااف نزلني
ولد لحرام ماوقفش بقا غادي وزاد فسرعة وانا حامياها لغوت ماوقف حتى ولا كيبان لي زوج زوج من لحوايج نزل وانا حليت لباب نزلت في دوخة
لقمان:تبعييني
فدوى:في دووخة هنطيح
ماجاوبنيش دخل داخل واحد ريسطو وانا تبعتو كنشد فلحيوط دخل جر لكرسي جلس وانا قربت حداه جلست شادة فراسي
لقمان:(كحز حدايا كاس ديال لما)شربيي
فدوى:تقتل لميت وتمشي فجنازتو (شربت لما)
وحنا جالسين تحط لفطور لكان اشكال انواع اي حاجة حليتي عليها فمك تلقاها تما،قرب حدانا واحد راجل لابس كلاص
رجل:سي لقمان نورتي ريسطو ديالك
لقمان:كيف غادة اجواء هنا
رجل:الحمد لله اسي لقمان،ريسطو غادي كيف كنتي مسيرو شحال هادي وراه تقارير لكنسيفط ليك كل شهر كيثبتو هادشي
لقمان:صافي تقدر تمشي
مشا رجل وانا جلست كنشوفيه
فدوى:هاد ريسطو ديالك ياك
ماجاوبنيش لقمان كياكل
فدوى:هناا فين كانت كتغني جنان،ههه كنتخيلها دابا واقفة تما كتغني اععع كون راه ناس ملي كانو كيسمعو صوتها كيهربو
لقمان:(هز حاجبو)هنصحك واحد نصيحة،جنان قدما عطيتيها تيساع هيكون احسن ليك
فدوى:وعلاش
لقمان:نتتي ماشي قدها الى بقيتي كتحكي بيها هتآديك
فدوى:مكانضنش هتآديني فحالك
لقمان:علااش شي لكندير معاك كتسميه ادى،كون كنت كنآديك كعما تكوني جالسة دابا قدامي كتفطري
فدوى:ايوا وشنو مانعك متآدينيش
لقمان:وصية ادم هي لمانعاني اما انا كون جات علي كون قتلتك ولحتك لكلاب يهنشروك
فدوى:(تنهدات)اممم وصية ادم،شووف عندي ليك شي كلام باغاك تسمعو يمكن تيقو يمكن لا لمهم هو نقولو،انا واحد لبنت لعانات بزاف فحياتها،خوك ماتزوجتش بيه على طمع ولا على قبل شي مصلحة انا تزوجت بخوك فاﻷول حيث كنت مجروحة وحيث كنت فواحد ضلمة لماعارفاش نخرج منها وخوك كان هداك نور لجاني وسط هاديك ضلمة من بعد مع الوقت بغيت خوك بغيتو من كل قلبي وموتو كان بالنسبة لي فحال شي تصرفيقة ،موتو هرسني (نزلو دموعي)روحي لحد ساعة باقا كتعذب عليه وزواجي منك زاد عذبني؛ انا عارفة مزيان بلي انا هنبقى مراتك طول عمري وبلي لحاجة لوحيدة لهتفكني منك هي لموت ،غير هو فالمقابل واياك تفكر بلي انا هنستسلم ليك بسهولة وبلي هنخليك دير في مابغيتي انا فكرش مي ضاربت مع دنيا وماعنديش مشكل نضارب معاك حتى نتي
لقمان:(هز لفورشيط لفوق)هاد اومليط بنينة بزاف،درت العالم كامل مالقيتش شي بلاصة كيعرفو يصيبو اومليط حسن من اومليط ديال ريسطو ديالي (خشا لفورشيط ففمو)
هنا صافي فهمت بلي هذا مكاينفع معاه لا غوات لا صداع لا هضرة باداب واقلة ماكينفع معاه والو غير سكات صافي
#عند_جنان
جنان:يالاه انا هنمشي دابا عنداك تنساي هداكشي لقلت ليك
زهرة:واخا ولكن ،بلااتي نتي كيف غادة مع راجلك
جنان:غادين مزيان فوق سلك
زهرة:ههه كنفكر نهار هيعرف وجهك الحقيقي اش هيدير
جنان:هداك نهار هو لعمرو مهايكون غير تهناي
زهرة:ماتكونيش واثقة بزاف،لقمان الى حل فمو بكلمة حياتك هتدمر
جنان:اناا مشيت بسلامة
زهرة:سيري ابنتي جنان سيري هههه
خرجات جنان من تما طلعات لطوموبيلتها حطات يديها فوق راسها ونزلو دموع حارين من عينيها
جنان:لقمان ماعندوو مايقول واصلا كون كان باغي يخرب علي حياتي كان دوا نهار تزوجت بسليم مهايسكتش حتى لدابا
تيلي:سرررر سرررر
جنان:وي سلييم
سليم:فيينك فقت مالقيتكش
جنان:خرجت مشيت شفت واحد صاحبتي علاش
سليم:اه شووفي عندي ليك واحد لمفجآة جي عندي دابا
جنان:واخا
قطعات جنان لاحت تيليفون حطات يديها على وجهها وبدات كتبكي
جنان:هئ هئ سمحلي اسليم نتاا مااشي ديال هاادشي سمحلي هئ هئ حييث ماقدرتش نبغيك،سمحلي حيث ماقدرتش ننسى الماضي
#يتبع