🦋جعلوني زوجة له 🦋 (طور التنزيل )

part2

💎جعلوني زوجة له💎
جزء 2
من بعد شافت فيها بنفاد صبر خشات يديها فصاك جبدات الفلوس وهزات يديها عطاتها ليها
فدوى:100 درهم كافياك باش تسكتي وتخليني نرتاح (رجعات يديها)
رقية:(شداتها)كافية ولكن ابنتي ديري بكلامي هداك منير راه مايصلاحش ليك
نجوى(تنهدات) مي لله يرحم ليك باك هنينا راسي هيتفركع
رقية(كتشوف فالفلوس) وااخا هاهي ساكتة
جلست نرتاح وكنفكر ولكن وخا هكاك مي  عينيها ماسكتوش ولزاد كمل علي هو البرهوش ديال خويا لدخل معربط فعمرو 19 لعام شمكار لا قرايا لا ردمة ومكملها بصداعات
#فبلاصة اخرى
بضبط داخل قصر ارسلان لهو المنزل ديال اغنى عائلة فالمغرب والغنية عن تعريف عائلة ارسلان عائلة كبيرة كتكون تقريبا من 8 افراد ،أم وأب مدام رجاء ارسلان واﻷب مسعود ارسلان تزوجو عن حب وهاد الحب نتج عليه خمسة ديال لولاد ثلاثة لولاد وزوج بنات  لغنتعرفو عليهم من بعد واحد واحد ومع هاد العائلة كاينة عمتهم لكبيرة فالعمر وساكنة معاهم ،هاد العائلة كانو عايشين حياة عادية فرحانين حتى وقعو شي مشاكل لخلات حياتهم تقلب بدات بخروج ولدهم لكبير من دار وكملات بمرض ولدهم صغير لجاه لكونسير وضرب ليه رجلين
فباحة القصر فين كانت العائلة جالسة مجموعة وكيتناقشو برقي ولباقة ناهيك علي اللبس الراقي طبعا الرجال بالكوسيتيمات الفاخرة واكيد النساء بفساتين راقية وكلها انوثة
تكلمات الام الكبيرة بصوت خافت ولباقة وكتشرح بيديها
رجاء:(وجهها صفر)اليوم داز صعيب عليا بزااف
مسعود(بخشونة) :قولي الحمد لله على كل حال دازت سالمة
لكبيرة:(اخت مسعود )ملي شفتو فديك الحالة قلبي تقطع عليه باقي صغير ولله بتالاه بهداك المرض الخبيث
مسعود:لله بغاه ليه ماعندنا مانديرو
سوسن:(بنت مسعود)قبيلة دوا معايا لقمان سولني على آدم
مسعود:ايواا الحمد لله ملي تفكر بلي عندو خوه مريض سول عليه
مروان:(راجل سوسن)ماتقولش هاكا اعمي لداز عليه ماشي ساهل قول لله يحسن لعوان
رجاء:حتى حنا راه لله يحسن عوانا شي لوقع راه ماصعيبش عليه غير هو صعيب علينا حتى حنا
مسعود:وماشي غير هادشي ناض كملها وجملها دخل فهداكشي ديال لمافيات
كبيرة:دعي معاه بالهداية اخويا وقول لله يرجعو لطريق
مسعود:لله يهديه لله يهديه
رجاء:سوسن فين هي ختك جيهان
سوسن:مشات لعند صاحبتها شوية وهتجي
رجاء:وااخا هاحنا هنشوفو هاد صاحبتها
مسعود:انا مابقات عندي قيمة ولدي لكبير خرج من دار ولولد لاخور مراتو مسيراه كيف بغا قبل سيمانة من عملية خوه جراتو مشاو سافرو ولبنت صغيرة كتخرج مكانعرفو كاع امتى كتجي لحاصول لله يدير لفيها الخير وصافي
سوسن:مايبقاش فيك الحال ا بابا الى لقمان وأمين وجيهان ماواقفينش معاك انا معاك
يوم غد
فلكلينيك
سوسن:خويا كيف بقيتي
ادم:(كيهضر بزز)شوية وصافي
مروان:كتبان بيخير على لبارح
ادم:بصح ألم لكان في لبارح مابقاش اليوم ،ماما وبابا فينهوما
مروان:كيدويو مع طبيب برا شوية وهيجيو
ادم:وواحد لقمان واش ماسولش في
سوسن:سول عليك لبارح فليل دوا معايا وقاليا نقوليك الحمد لله على سلامتك
ادم:مرة اخرى ملي يتاصل بيك قولي ليه بلي ادم قاليك الحمد لله على سلامتك مابقاتش كافية فتيليفون
سوسن:صاافي واخا لبغيتي
دق لباب وتمات داخلة واحد لفرملية دايرة لكمامة على وجهها
لفرملية:سمحولي جيت نبدل سيروم
سوسن:تفضلي
ادم:عفاك ممكن نطلبك واحد طلب
لفرملية:وي تفضل
ادم:عفاك واش تقدري تحيدي لكمامة على وجهك
لفرملية:هه واخا(حيداتو)
ادم:سمحيلي عذبتك (دور وجهو)
كملات لفرملية خدمتها وخرجات
مروان:وراك ماساهلش مع راساتك مريض وباقي عندك لخاطر فين تشوف فلبنات وتغزل فيهم
ادم:ماشي هكاك غير هو لبارح ملي كنت فلبلوك اول ماحليت عيني لقيت قدامي واحد لبنت وجهها كيف لملاك قالت لي كلام خلا قلبي مثلج ولبارح كان فينما كيجيني الام كنت كنتفكر وجهها كيمشي
مروان:هاي هاي على سي ادم وراك ماساهلش مع راسك
ادم:(بتاسم)ملي شفت عينيها امروان رجعت حييت ،عينيها فلحظة رجعوني هاداك ادم لمات عام هذا
سوسن:خويا يقدر تكون تخيليتيها حيث راك كنتي يالاه فايق من البنج
ادم:مستحيل هي شدات فيدي ووركات عليها لدرجة ريحة يديها بقات فيدي ليل كامل ،هاد لبنت الى رجعت شفتها غادي نكون مرتاح وبزاف
بقاو كيشوفو فيه وخرجو برا عاودو لباه ومو شي لقالو ليهم
رجاء:غاادي غير يكون كيتوهم راك عارفة فالعملية لقبل هادي ملي فاق من لبنج قال بلي شاف لقمان ولقمان ماجاش كاع
مروان:والى كانت بصح
مسعود:والى كانت بصح من بعد
سوسن:بابا انا راني شفت خويا ملي كان كيدوي على هاد لبنت عينيه كيف كانو كيبريو الى لقيناها وجبناها ليه ماتعرف لوضع ديالو يتحسن
رجاء:(نزلو دموعها)خوك وضعو عمرو مهايتحسن
سوسن"خير شنو واقع شنو قاليكم طبيب
مسعود:قالينا بلي خوك مناعتو ولات زيرو وبلي لوضع ديالو مع الوقت غادي يدهور ونقدرو كاع
نخسروه
سوسن:😵 شنوو
مسعود:ادم داابا ولا بين يدين لله سبحانه حنا مابقا فجهدنا مانديرو
سوسن:(عنقات ماماها)هئ هئ ماما خويا
رجاء:صبري ابنتي حنا درنا مافجهدنا والكمال على لله
عند_فدوى
رقية:شفتك صابحة ناعسة واش ماخداماش
فدوي:اليوم جمعة مكانخدم حتى ليل
رقية:امم ايوا صابح عندك شي صرف ولا والو
فدوي:واقلة نتي باغاني نتعرا عليك عاد ترتاحي يالاه لبارح فليل عطيتك 100 درهم واش سحابليكم كنطبعهم
رقية(كتحسب بيديها) :عمرت بيها لبوطة وشريت لحليب وليكوش ودقيق باش عجنت لخبز ووقفت
فدوي:ووقفتي وانا مالي بنت ليك سطوب انا ولا سطاسيون يااكما كيصحاب ليك اختي راني كنهز رجلي راه كنضل واقفة باش نجيب لفلوس نخسرهم عليا ماشي عليك وعلى راجلك
جعفر:(دخل) لا باش تخسريهم على هاداك لبيطالي ديال منير
فدوي:(وقفت)صباحاتو لله مالنا اش كاين
جعفر:نتي لاش كاين ضسرتي وفرعنتي واش كيصحاب ليك هداك منير دايم ليك انا انا ومك لدايمين ليك فهاد دنيا اما شي حد اخر لاا
طولت الشوفة وضربت فيه ودخلت لطواليط غسلت وجهي وسناني خرجت كنفطر وفنفس لوقت مكونيكطيا دخلت ندوي مع غزلان لقيتها مبلوكياني
نجوى:هااي هاي على لكلبة بلوكاتني 😕
حطيت تيليفوني وكملت فطوري متسوقتش شوية وانا نسمع لغوات وصداع ،جعفر مضارب مع خويا
جعفر:فيييناهو لكاارو لكاان فجييبي
كريم:تااا ايناا كارو وااش غير كتحفى لييك جرية كنبان ليك فلبلان
جعفر:شووف ياداك شمكار كارويا هتحطو لي ولا بربي حتى نفركعك ليك راسك هنا
خليتهم منكارين وكيغوتو ودخلت لبيتي سديت علي و تكيت وهاكا داز نهار جعفر وكريم كيتغاوتو ورقية كل مرة معايرة مع جارة ولبرهوش صغير كيغوت باغي ياكل وانا فالوسط راسي هيتفركع
فليل ☀☀
خرجت من دار مع 7 تلاقيت مع منير لداني لكلينيك
فدوى:وصلناا
منير:امم وصلنا
فدوى:منيير وااش بيك شي حاجة كتبان لي ماشي حتى لهيه
منير:ماماليش راك عارفة طلع لي دم من تقلاب على خدمة راه فعمري 28 عام ولحد ساعة باقي مادرت حتى زفتة فحياتي
فدوى:(شديت فيديه)داابا لله يفرجها من عندو
منير:امتى انا عييت ولله حتى عييت
فدوي:غادي يفرجها تيقني احساسي كيقوليا بلي كلشي غادي يتبدل غدا ولا بعدو غادي تخدم وغادي نتزوجو وهنديرو دارنا بشوية بشوية وهنولدو ولادنا زياد ورزان
منير:لكلام ساهل سنين هادي وحنا كنقولو نفس لهضرة وحتى حاجة ماحققناها نتي على اﻵقل لقيتي خدمة اما انا والو اكيد غادي يجي واحد نهار وهيطلع ليك مني دم وهتمشي تشوفي شي حد اخر حسن مني
فدوى:ماكاينش حسن منك تيقني انا كنبفيك غير نتا وهاد العينين مستحيل يشوفو شي واحد اخر من غيرك (بستو ففمو)كنبغيك بزاف وسوا خدمتي ولا ماخدمتيش غادي نبقى نستناك حياتي كاملة
منير:نتي مامنكش زوج شووفي يوقع ليوقع خاصك تعرفي بلي انا بغيتك من كل قلبي وهنبقى نبغيك طول حياتي
فدوي(بتاسمت) :عارفة هادشي ماتحتاجش تقولو يالاه انا هندخل تعطلت بسلامة
منير:بسلامة
خليتو ودخلت لخدمة قلبي مامرتاحش من جهتو بدلت حوايجي وبديت بالخدمة مشيت لجناح ديال دراري صغار لعندو شي صيروم يتبدل بدلتو ولخاصاه شي حاجة جبتها ليه ومن بعد بديت لخدمة فلجناح ديال ناس لكبار دخلت لواحد شومبر لقيت واحد عاطيني بضهرو وفراشو مخسر
فدوى:سمحلي واش ممكن تقاد
ادم:وااش باقي شي حد من عائلتي هناا
نجوى:اا مانضنش دنيا خاوية واش باغي شي حاجة
ادم:لاا غير سولت
فدوى:شنو ظهر ليك نعاونك دور
درت لعندو كان مغمض عينيه تحنيت عندو وشعري قاس وجهو وهو يحل عينيه
ادم:😰😰😰

#تتمة
بقا كيشوفيا فحال الى تصدم وانا مافهمت والو
فدوى:هندوك لجهة لاخرة غير بشوية
دورتو وقاديت ليه لفراش وفينما هزيت عيني كنلقاه كيدير في شوفات ماشي طبيعيين
فدوى(بسخرية) :عجبتك
ادم:(تصدم من الجرأة) هااا
نجوى:هههه واش عجبتك
ادم:شكون ماتعجبيهش وانت ماشاء الله زويينة بزااف لعيون خضرين وكبار وشعر مسبس وخا مطويلش بزاف  شكلو عاطيك جمالية بوحدها وخدود لفاش كضحكي كيتهزو ويتغمضو عويناتك وكيوليو كيبريو بحال شي بيبي شنو لمغيعجبنيش فيك
نجوى:(هزات حاجب)كتعرف تدوي ماعليكش حتى نتاا راك زوين
ادم:نفس لكلام قلتيه ملي فقت من لعملية واش عاقلة
فدوى:امم عاقلة الحمد لله على سلامتك
ادم:لله يسلمك،فراسك فلحظة ضنيت انك غير حلم وبلي غير تخيلتك وضنيتك ملاك
فدوى :ملاك اه اناا اصلا رااني ملاك ،شووف راه عندي جناح وشوية هنحل هاد شرجم ونطير
ادم:هههه هوما لناقصينك
فدوي:ههه ودابا خليني نعطيك لبرا راه باقي تابعاني بزاف ديال لخدمة
ادم:واخا
خديت ليه يديه عطيتو برا وهو عينيه ماحيدهمش علي مهانكدبش عليكم هادي اول مرة فحياتي هنتنكرا من شوفات ديال شي حد
فدوى:وااش فينما كتشوف شي بنت كتبقى تشوفيها هاكا
ادم:لاا نتي اول وحدة شنوو سميتك بعداك؟؟
نجوى:(شفت فيه وضحكت)شنوو تبغي نتاا تكون سميتي
ادم:ملاك حيث وجهك فحال لملاك
فدوي:ههه ايوا صافي بقا تعيط لي ملاك خليت ليك راحة ولله يشافيك
ادم:اميين
خرجات فدوى وخلات ادم هايم فتفكيرو فيها هادي اول مرة قلبو يضرب لهاد درجة ملي يشوف شي بنت
ادم:(شاف فسقف)ملااك ملااكي ههه اش هادشي درتي في دغيا مشات امم شنوو هندير شنوو هندير
هز تيليفون وتاصل بريسيبشن
ادم:الوو
لبنت:وي موسيو ادم
ادم:ااا عفاك واش ممكن تسيفطي لي واحد لفرملية
لبنت:شنو سميتها
ادم:صراحة ماعرفتش واقلة ملاك
لبنت:ماعندنا حتى وحدة بهاد سمية مي نقدر نسيفط ليك شي وحدة الى كنتي باغي شي حاجة
ادم:لا صافي شكرا (قطع)ماعرفتش شنو هي سميتك مي سمية ملاك لايقة بيك كثر
يوم غد صباحا 🌝
ادم:قلت لييك جات لعندي شفتها انا ماكنتش كنحلم
سوسن:ههه خويا شفتك واخد هاد لبنت بجدية كثر من القياس
ادم:سوسن انا خوك ياك
سوسن:اهمم خويا
ادم:ايوا قلبي لي على هاد لبنت وجيبيها لي
سوسن:ادم دير عقلك
ادم؛(شد فيديها)محتاج لييها تيقيني ملي كنشوفها كنولي غير
رجاء:ولدي نسا هاد لبنت واخا حيث ماشي وقتها
ادم:ماما انا عاارف بلي عمري بدا غادي وكينقص وآخير حاجة كنت كنتوقعها هي نشوف شي بنت ونتعلق بيها
مروان:تعلق بيها؟؟علاش شحال من مرة شفتي هاد لبنت
ادم:زوج مرات وتقدر تقول بلي هادشي لكنحس بيه هو حب من اول نضرة
لباب:دقق دقق
سوسن:تفضل
تحل لباب وتمات داخلة فدوي عليهم مبتاسمة
#يتبع