🦋جعلوني زوجة له 🦋 (مكتملة )

part120

💎جعلوني زوجة له💎
جزء 120

🔥يرعبهم كونك إمراة قوية في سن مبكر 🔥

نزلات جنان من طوموبيل لابسة كسوة طويلة فلبيض لاصقة عليها ومن وفوقها مونطو ديال فورير فلباج وسباط طالون فلباج حاطة ماكياج جريء عكر لحمر للففمها من بعيد كيشعشع

جنان:(كتشوف فالعمارة) وصل وقت الحساب اسي سليم

دفعات لباب ودخلات لقات واحد لولد جالس فاستقبال

.....نعاام امدام كتسولي على شي حد
جنان : هادي شركة شرايبي ياك
..... اه الالا
جنان : عندي مع مدام ايناس شرايبي
.......اه تفضلي طابق رابع

مشات جنان بلا عكز طلعات لطابق رابع بانت ليها دنيا عامرة بالموضفين،قصدات واحد لبنت جالسة فبيرو ديالها

جنان:عفااك نسولك
........وي سولي
جنان:عفاك المكتب ديال مدام ايناس شرايبي
....... (وقفات) انا سكرتيرة ديالها وااش عندك معاها شي موعد
جنان:فحال هداكشي فيناهواا المكتب ديالها
....... اااا ماافهمتش
جنان:هذاا يااك (تمات غادة)
........مدام مدام رجعي فيين غاادة

ماجاوبتهاش جنان حلات باب لمكتب ودخلات هاجمة على ايناس لغير شافتها وقفات

جنان:اووووولاااا سينيوورة
ايناس: (بصدمة) نتتي اشش كدييري هنا
جنان:(جلسات دارت رجل على رجل) من أخير مرة شفتك فييها جاني لفضول نتعرف عليك وقلت ضروري مااخاص نتعرف عليك
ايناس:(شافت فسكرتيرة)نتتي خرجي (تقدات فالجلسة) نعام ا آنسة شنوو حب لخااطر
جنان:(بدلع) مااشي انسة مداام عفاك
ايناس: واخا امداام شنوو حب لخاطر
جنان: جيت ندوي على قبل سليم
ايناس:اهممم مال سلينم
جنان : هتبعدي منووو وهتفرقيه عليك باش انا وياك نبقاو طرونكيل بلا صداع بلا مشاكل
ايناس:احم احم نفرقوو مانفرقوش هداك كيبقى شغلي ،علاقتك بسليم سالات شحاال هادي نتوما طلقتو وكنضن بلي فحالو فحال أي راجل من حقو يرجع يبني حياتو مع مرا اخرى وهاد المرا هتكون هي اناا
جنان:(عوجات فمها)بصاااح اممم
ايناس:سليم ماطلقك حتى درتي علاش ومن عينيه باين بلي جرحتيه وآديتيه بزاف وكنضن بلي سوا كنت انا سواا مااكنتش مهايرجعش ليك واخا تنطابق سما مع الأرض
جنان:(ردات شعرها لور)عجبااتني طريقة باش كتدوي (ضحكات) غير هو امدام ايناس شرايبي سليم عمرني ضيعتو باش يرجع لي هههه انا وسليم بااقين مزوجين ومن فوق هاادشي عايشين فداار وحدة
ايناس ؛(بصدمة) اششش كتقولي نتي اش كتخربقي
جنان:ههههه ونزييدك انااا حاملة قرييب هنجيب ليه بيبي وداابا من بعد هادشي كنتمنى تلاحي توش وتخليني انا وراجلي عليك فتيقار
ايناس:(وقفات) نتي كداابة هادشي لكتقولي فيه كدوب انا مهانتيقكش خرجي سيري علي فحالك من هنا
جنان:(وقفات)تيقي ماتيقيش هداك كيبقى المشكل ديالك  ،ولا عرفتي شنو سيري سولي سليم هو لهيعاود ليك كلشي بتفصيل (قربات حداها) سليم مقلق مني اه غضبان علي اه ولكن تيقيني كيموت علي وكيموت على الأرض لكنتمشى عليها وحدة فحالك (طلعاتها ونزلاتها) مستحيل تعجبو ولا يبغيها راجلي وكنعرفو
ايناس:خرجي علي من هنا مانرجعش نشوفك مزال هنا
جنان:الى بعدتي على راجلي مهاترجعيش تشوفيني ولكن الى مزال لقيتك مع راجلي ماتلومي غير راسك