🦋جعلوني زوجة له 🦋 (طور التنزيل )

part13

💎جعلوني زوجة له💎
جزء 13
يوم غد صباحا
كانت فدوى واقفة لابسة بينوار فلبيض وشعرها فازك وريحة شومبوانات وروايح عاطية فلبيت وفوق ناموسية جالس ادم لحتى هو مدوش ولابس بينوار
فدوى:اليووم هنلبسك على دوقي نشوف واش دوقنا فلبس فحال فحال
ادم:(شد فيديها)فدوى انا كنعتادر بزااف على ليلة لبارح سمحيلي حيث ماقدرتش
فدوى:(جلسات جنبو)الى مااقدرتيش اليوم هتقدر غدا واﻷيام باقا طويلة وانا هنبقى ديما حداك وهنستناك حتى لنهار لهتقدر فيه (باستو ففمو)
ادم:(رجع باسها)لله يخليك لي وخلاص هادشي لعندي مانقول
فدوى:وداابا خلينا نلبسو حوايجنا قبل ماعائلتك يمشي بالهم بعييد ويصحابونا بايتين خدامين حتى لصباح هداكشي علاش صبحنا ناعسين هههه ويقولو هاد لبنت فسدات لينا ولدنا من اول نهار
ادم:هههههههه،عطيني عطيني مانلبس دغيا
#عند لعائلة
كانو لعائلة جالسين كيفطرو باستثناء سوسن
جنان:شنوو واش لعرسان ديالنا بااقي مافاقوش
رجاء:كنضن بلي باقي
جنان :جيهان كون غير مشيتي عيطتي ليهم يفطرو معانا
لكبيرة:نتي هي نتي فضولية ومكاتدخليش سوق راسك خليهم حتى يفيقو على خاطرهم ويجيو يفطرو
رجاء:اهاا هاهوما جااو
تمات فدوى داخلة لابسة كسوة بيضة حد ركبة ودايرة ماكياج خفيف كتبان غزالة ومضوية
فدوى:صبااح الخير
الكل:صبااح نور
فدوى:ادم فيين نحطك
ادم:هاادي هي بلاصتي جري لكرسي ودفعيني وجلسي جنبي
دارت فدوى لقاليها وجلسات جنبو
رجاء:بنتي شنو تشربي قهوة اتاي عصير خودي لبغيتي ماتحشميش
فدوى:شكرا
جيهان:هااي هااي على خويا وجهك صابح مضوي واتاك زواج
ادم:ههه واش نتي ماعندكش لحباسات لجات على بالك كتقوليها
جيهان:😕😕 ماالي شنوو قلت عوتاني
ادم:ههه والو واالو
فدوى:ادم شنو بغيتي مسمن ولا لبغرير
ادم:مسمن وديري لي فيه العسل
هزات فدوى لمسمن دارت فيه العسل ومداتو ليه وكلشي كيشوف
فدوى:ههه واش ممكن ماتبقاوش تشوفو في بهاد طريقة راكم كتحشموني
جيهان:مااشي لخاطرنا احبيبة هاد رومانسية وهاد لكيميا لبينك وبين سي ادم مامولفينش بيها
الكل:هههههه
رجاء:لله يمسخك
فهاد لحظة تمات داخلة سوسن كتغوت وطالع ليها دم
سوسن:مااتبقااش تغووت علي القماان اناا درت كلما فجهدي باش بابا مايوقعش صفقة ولكن هو مابغاش يسمعلي
مسعود:(وقف)شنوو واقع
سوسن:لقماان بااغي يدوي معاك
مسعود:(خاد تيلي)ويي لقمان
لقمان:(كيغوت)علاااش وقععتي على صفقة ياك اناا قلت لسوسن تقوليكم ماتوقعوش
مسعود:تهدن فاﻷول وبلا غوات واخا
لقمان:نتاا حطيتي راسك وشركة فوضع صعيب والى كنتي هتخرج منو فراك هتخرج منو بزز
مسعود:نتاا شنوو كتقصد
لقمان:شركة لوقعتي معاها انا هداك نهار قلت لسوسن راهم نصابين ونتاا شنوو درتي وقعتي معاهم ودابا فيين هي هاد شركة ممكن تقوليا
مسعود:لقمان بلا قوة لهضرة وقوليا شنوو كاين
لقمان:نتا اسي مسعوود رااك كنتي ضحية نصب من هاديك شركة راهم نصبو عليك فعشرة لملاير مبروك علييك
مسعود:ش شنو ن نتاا باش عرفتي هادشي
لقمان:ليوم فصباح سولت واحد صاحبي على هاديك شركة قالو لي بلي نصبوو على بزاف ديال ناس داو ليهم فلوسهم ومن بين ناس كاين با لانا ديجا موصيه باش مايوقعش معاهم
مسعود:د داابا شنوو هندير
لقمان:مااعندك مادير حيث حتى لعقد لوقعتي معاهم  سبانيا مكاتعترفش بيه يعني الى رفعتي عليهم دعوة فاسبانيا مهاتصور والو
مسعود:(شاف فسليم)لقمان لقاا لي حل عشرة لملايير تمشي لي هكاك هادي راها مصيبة
لقمان:الحل ؟؟قول لولدك سليم يلقاه ليك ياك هو لبغا هاد صفقة ايوا يكون راجل ويتحمل لمسؤولية (قطع عليه)
سليم:باابا شنو واقع
مسعود:(شنق عليه)خرججتي علي، صفقة لجبتي لشركة صدق مامنها والو هاديك شركة دات لي عشرة لملايير هكااك
سليم:ماايمكنش ابابا راه بيناتنا عقد
سوسن:هدااك العقد غير معترف بيه فاسبانيا،ملي قلت ليك خلي لمحاميين يدققو فالعقد قلتي لي لا بلا ماتشوهيينا مع ناس ايوا دابا تحمل لمسؤولية وشوف كيفاش هتعتقنا من هاد المصيبة
مسعود:(جلس كينهج)علااش القمان علاش درتي في هاكا علاش مشيتي وخليتيني فيد دراري صغار
سليم:داابا انا دري صغيير وولدك رااجل ياك
مسعود:(وقف)ماتحاااولش دير لي فيها مضلوم وبلي انا مااعاطيكش حقك فيين تبان، كل مرة كنعطيك فرصة فين تثبت لي جدارتك فالخدمة و و كتبث لي بلي نتا فااشل وبلي مافيديك حتى زمرة
ادم:هههه (حاول يجمع ضحكة)
سليم:صاافي هانتا ضحكتي في ولادك لاخرين برافو ولله حتى براافو
تما غادي سليم وهي تبعوو جنان
سوسن؛داابا شنوو هنديرو ابابا
مسعود:ماعندنا مانديرو عشرة لملايير مشات
ادم:ولكن لقمان يقدر يرجعها
مسعود:كييف هايدير ليها
ادم:لقمان عندو طرق ديالو لخاصة
مسعود:شنوو بغيتيه زعما يمشي يقتل هداك لنصب علي ويجيب لي فلوسي
ادم:ماشي لهاد درجة زعما يهددو ولا يخلعو
سوسن:ايييه ابابا، حتى هادي فكرة لقمان راه يقدر يرجع لينا لفلوس خاص غير نتا تدوي مع
لكبيرة:هادي ثلت سنين وحنا مضاربين معاه باش يحيد من ديك طريق ،ثلت سنين وحنا كنقنعوه باي هاديك طريق مامنهاش وفاﻷخير نوضو نتبتو ليه بلي هاديك طريق هي حل لكاع لمشاكل لا انا ماقابلاهاش شوف اخويا عتابر هادوك لفلوس صدقة داو لبلا ولباس
ماجاوبهاش مسعود زاد وخلاهم وتبعاتو رجاء
سوسن:انا هنمشي لشركة نشوف شي حل لهاد روينة، مروان يالاه خلينا نمشيو (خرجو)
لكبيرة:ييخ تسدات لي شهية
جيهان:اناا عكسك اعمتي عاد تفتحات لي
ادم:حتى اناا فحالك
لكبيرة:نتووما بزوج لله يستر منكم وصافي تحرق دنيا يتحرق لقصر ماهتسوقوش (ناضت وخلاتهم)
فدوى:دخلت عليكم مباركة مسعودة
جيهان:ههه شنوو زعما منحووسة ههههه، غير تهناي احبيبة حنا فهاد دار الى داز نهار بلا صداع وبلا غوات وبلا مشاكل كنحسو بحياتنا باسلة
ادم:جيهان عندها الحق كولي كولي وماتسوقيش
#فالعشية
بلسان فدوى
كنت جالسة انا وادم كنضحكو وكندويو وهي تجي عندنا مامات ادم
فدوى:خالتي رجاء كيف بقا عمي امدرا لقاو شي حل لمشكل
رجاء:مالقاو حتى حل ومكانضنش يلقاوه لمهم انا جيت ندوي معاكم فواحد الموضوع كان باباك ا ادم لباغي يجي يدوي معاك فيه ويفرحك ولكن لمشكل لوقع دمر كلشي
ادم:شنو هو هاد الموضوع
رجاء:باباك دار ليك مفجآة على شكل سفر نتا ومراتك لتركيا،سافرو بدلو لجو ،نتوما عرسان جداد ومن حقكم تفرحو براسكم وتكونو بوحدكم
ادم:قلتي تركيا (بتاسم)فدوى شنوو بانليك واش نسافرو
فدوى:اناا ماعندي حتى مشكل غير هو كيفهانديرو لهاد سفر ونتا خاصك طبيب وكتشرب دوا
رجاء:ماتاكليش لهم لهادشي حنا خططنا لكلشي،هتمشيو فطائرة خاصة مع طاقم طبي هيبقاو معاكم فسفر كامل
فدوى:والى كان هاكا مزيان
رجاء:وجدوو راسكم اليوم بليل هتمشيو
فدوى:بهاد زربة ولحوايج باقي ماجمعناهمش و
رجاء:ماتاكلي لهم لوالو انا هنسيفط ليك لخدامات ااه قبل ماننسى عندك لباسبور ياك
فدوى:اه
رجاء:اذا صافي لمشكل تحل (مشات)
فدوى:ادم انا هنتاصل بماما نقوليها بلي هنسافرو
ادم:وااخا
نضت من بلاصتي دخلت لبيت هزيت تيلي وعيطت لماما
فدوى:الوو ماما
رقية:الوو فدوى كيفدايرة ابنتي لباس
فدوى:لباس ونتي
رقية:مالباس ماوالو مانعست ماشفتو من جهتك
فدوى:مالك عوتاني
رقية:مالي؟؟نتي كنتي قلتي لي بلي لولد لهتزوجي بيه معاق مقطعين ليه رجليه ولكن ماشي قليل صحة وجهو صفر وباينة فيه مريض قولي لي نتي كيفاش هتعيشي مع راجل دقة ماقادرش يهزها
فدوى:ماما نتي راك كتدوي دابا على راجلي
رقية:اينااا راااجل هاا اينا راجل،رفعي دعوة طلاق عليه طلقيه وتفكي منو،اووويلي على اخير ايامك هتولي فرملية راجلك لمعاق او فاابور
فدوى:ماما انا تاصلت بيك باش نقوليك بلي ليوم بليل هنسافر لتركيا ،بسلامة (قطعت)
قطعت عليها ووقفت فلبالكو كنشوف فادم
فدوى:ماكيهمش شكلك لمهم عندي هو انك كتبغيني وعارفة بلي واخا ندور دنيا كاملة مهانلقاش شي واحد يبغيني كيفما كتبفيني نتا
فليل ☀☀☀
رجاء:فدوى بنتي الى وقعات شي حاجة تاصلي بي صافي
ادم:قهرتيها بتوصية راه مهايوقع والو غير تهناي
لكبيرة:اوودي نتا ااش فهمك فهادشي هادي راها لكبدة لكبدة لمهم ابنتي تهلاو فراسكم وراه مهايخصكم خير تما
فدوى:انشاءلله
مسعود:يالاه سيرو راه شيفور كيتسناكم برا
دفعت بآدم لكروسة ومن بعد شيفور هز ادم طلعو لطوموبيل وحنا خارجين سليم تما داخل شافيه ادم وسليم هز يديه دارليه سلام وضحك
فدوى:هذاا خوك
ادم: باينة فيه سكران القضية هتكون حامضة ليلة احسن حاجة درناها هي هنمشيو نسافرو
#فالقصر
مسعود:اششش هاد اللحاالة نتاا فيها واش سكران
سليم:(كيتخروع)لاا ماسكرانش غير شربت زوج كيسان
لكبيرة:جنان جري راجلك طلعيه لبيت
جنان:سليم حياتي اججي خليينا نطلعوو
سليم:مهاانطلعش الييوم غاادي نفركع رمانة مع بابا ،ليوم هنحط نقط على الحروف
مسعود:اييه هتحط نقط على الحروف حطهم اسيدي وريني نشوف قول شنوو عندك
سليم:اناا شنوو درت لييك علاش مكاتحملنيش علاش كدير بيني وبين ولادك لفرزيات
مسعود:فااش درت لفرزيات فهمني فاش
سليم:(غوت)فكللشي درتي لفرزيات فكلشي من واناا صغير لحاجة لمخيرة كانت لقمان ،اﻷساتدة لمخيرين كانو لقمان لحوايج لمخيرين كانو للقمان وانا ديما كنتو كتعطيوني لحوايج لشايطين على لقمان
رجاء:هاادشي لكتقول فيه راه ماكاينش
سليم:نتتي غير سكتي حيث نتي هي أكثر وحدة كتموت على لقمان،فحال الى ولدك بصح والداه من كرشك ماشي ولد بابا لوالدو مع عشيقتو
مسعود:سكوووت الكللب نتااا تجااوزتي لحدود وفرعنتي وضسرتي
سليم:هاادشي فاش حادك غير فلغوات علي
مسعود:كنغوت علليك حيث ديما كتغلط وديما كتزبلها وانا لكنوحل فيها
سليم:كلشي كيغلط جيب لي شي واحد هنا ماغلطش نبداو غير بعمتي لملي كانت صغيرة هربات مع صاحبها وسوسن لحملات قبل زواج هذا ماشي غلاط والغلطة لكبيرة هي ديال لقمان لمشا مع لمافيات وخلاك بعدما عرف حقيقة انه ماشي ولد ماما وهو غير ولد صاحبتك
لكبيرة:قليل لحياا 😡😡
#تتمة
مسعود:بصح عندك الحق كلشي كيغلط ولكن كلشي كيتحمل مسؤوليتو عمتك ملي هربات مع صاحبها تحملات مسؤوليتها وهاهي عمرها تزوجات ولا ولدات ختك ملي حملات بلا زواج تحملات مسؤوليتها ومشات جبرات راجلها يتزوج بيها ولقمان لمشا فطريق لمافيات فراه متحمل حتى هو مسؤوليتو عمرو ماتاصل بي قاليا عتقني وعمرو مادخل عائلتنا فدوك لمسائل اما نتا ملي كتغلط شنوو كدير كتمشي كتشرب شراب وكتجي تبدا تلومنا وتبكي علينا نتاا انسان فاشل وهتبقى ديما فاشل (شنق عليه)نتاا بلاا بي مكاتسوى والو نتاا بلا بي زييرو سمعتي زيرو
رجاء:😟😟 مسعوود عفاك طلق منوو
جنان:سليم يالاه خليينا نطلعوو لفوق عفاك (جراتو وطلعو).