🦋جعلوني زوجة له 🦋 (طور التنزيل )

part32

💎جعلوني زوجة له💎
جزاء 32
تضرب لفران بجهد حدا لوطيل، هبط لقمان وتما غادي جهة الباب وفطريقو لاح سوارت لواحد من رجال لتما باش يحيدها من طريق ،مشا لسانسور تلاقى مع لينا لي غير شافتو بتاسمات وقبل متسلم عليه قاطعها
لقمان:اش داكشي تماك وليتي تبكي عليا فلقنات
شافت فيه لينا معجبة، وركات على رقم ديال ايطاج لغادين ليه وبدون مبالاة جوباتو
لينا:مافهمتش
لقمان:من بعد ونهضرو فهادشي مزيان
خرجو من اسانسور وحد مامعبر حد ،لينا واخا كتبغيه مكطيحش براسها ولا بقيمتها حداه ديما محافظة على  شخصيتها القوية وناضجة، تحل الباب ودخلو عند الحاج لكان هاز كاس ديال القهوة كيشرب فيه ،غير شافهم حطو وابتاسم
حاج:الله على ولادي شحال كنفرح ملي كنشوفكم هاكا واقفين حدا بعضياتكم
جلس لقمان وهو كيحك فلحيتو عارفو شنو قصد اما لينا حطات الوراق لفيديها فوق طبلة ورجعات راسها لور فحال الى ماعارفاش بلي لحاج دوا عليها مع لقمان وقاليه على زواج.

لينا:لمهم الحاج،لبارح ملي كنتو فلكوميسارية قلبت على هادوك رجال لهجمو عليكم لقيتهم عصابة متكونة من قتلة ماجورين تكراو من ديب ويب باش ينفدو المطلوب منهم ماعارفينش  شكون هذا ﻷمرهم(شافت فلقمان) هدا لكراهم خلا كلشي دايز فسر
لقمان:(حط يدو فوق راسو)وطبعا انا غادي نثيق بهادشي شنو هيأكد لي بلي هاد المعلومات لعندك ماشي غلاط وبلي هوما غير دارو هاد لبلان ديال ديب ويب باش مانتبعهمش ومانطيحش على بلاصة زروال
لينا:(هزات يديها) انا ماشي مكلخة ا لقمان ملي قلت ليك تحريت هي تحريت ونتا ولحاج راكم عارفيني انا مهانقولش ليكم شي حاجة مامتأكداش منها
لقمان:واخا نتي تحريتي مهمتك وقفات هنا دابا جات نوبتي باش نجبدو من قاع لخابية
لحاج:دير ليبان ليك اولدي، لمهم جبدو لي ،انا متاكد هو غير هنا فبمغرب وقريب ليا بزااف وماشي بعيد يكون معايا فنفس لوطيل
لينا:(بثقة)ماتخافش الحاج هادا ماشي اول واحد ولا اخير واحد عندو عداوة معانا، خطأ الوحيد لدار تعدى حدودو (بتاسمت)وحنا هنربيوه
لحاج:هادشي ابنتي هو لكنت محتاج نسمعو (بتاسم)وبيما ان لقمان من نهار جا لمغرب وهو من مصيبة لاخرة فكنضن بلي خاصو يرتاح ،لقمان سير نتا ولينا خرجو نشطو شوية وبدلو لجو ،براكا عليكم من لخدمة نتوما باقين صغار وهتشيبو قبل لوقت
كرز لقمان على سنانو وناض بزعفة ولحاج ولينا تبعوه بعينيهم حدو وصل الباب وقف
لقمان:لينا هنتسناك برا
خرج وخلا لينا هاطير من فرحة كتضحك بوحدها
حاج:(هز راسو لفوق) راني عرفت لقمان علاش تزوج
لينا: علاش تزوج
حاج:خوه قبل مايموت طلب منو يتزوج بمراتو ولقمان تجبر ينفد وصية خوه ،نطمنك زواجو معاها غير على لوراق شي حاجة اخرى ماكايناش
لينا:افف كنت عارفة كنت عارفة بلي هاد زواج فيه إن اصلا لقمان ماكيرتاح مع حتى وحدة من غيري
حاج:يلاه سربي تبعيه ماتخليهش يتسنى بزاف راك عارفاه
لينا:وااخا
خرجات لينا والفرحة باينة عليها غير كتفرنس ،هزات تيليفون ديالها وتاصلات بلقمان
لينا:الو فينك
لقمان:واحد 5 دقايق وهاني عندك
لينا:واش واقعة شي حاجة
لقمان:لبيرو جاب لي شي وراق هنوقعهم ونجي