🦋جعلوني زوجة له 🦋 (طور التنزيل )

part17

💎جعلوني زوجة له💎
جزء 17
حققت فيه مزيان كان شادني بيد ويد لاخرا شاد بيها الكارو
فدوى:نزلني
ماجاوبنيش وانا نجعر بديت كنضرب فيه وكنغوت
فدوى:طلااااق الحبس طلااااق مني نوري مها مرات المعوق اش كتسوى، طلق خليني نوري الجيفة ديال الكلاب المطوطة شكون هي فدوى
جنان شافتها محكوومة من عند لقمان ناضت بداك الحر والسم كتجري جراتها من شعهرها حتى تسمع صوت زغب طرطق
فدوى:اييييي شعري عووك عووك اعيباد الله طلقيي
شاف لقمان جنان شنوو كدير ،حط لكارو ففمو وجر جنان من شعرها طيحها الارض اما فدوى عاد ماحماتها لغوات وترطية
فدوى:طلللق طلااااق خليني نوريها شنو معنى تنتفني، لابقات فيك ياعود سبسي يا لعتوكة شارفة اجي سيلي لي
جنان:(وقفات شدات فسليم) شفتي شفتي خوك ومرات خوك اش دارو في كيتحاماو علي ،اهئ اهئ اهئ دير شي حاجة اسليم خود حقي منهم 😭😭
سليم:(غوت)لقماااااااااان اش درتي ،كيفاش تجرئتي تمد يديك على مرتي
لقمان:(خنزر فيه)فلول جمع شرويطة ديال مراتك عاد اجي دوي معايا،تانيا ملي تولي تبغي تقول شي حاجة قولها بلا ماتسنى اوامر من عند مرااتك ،تالتا هذا راه قصر ديال عائلة محترمة ماشي بار من لبيران لكانت مراتك كتضارب فيهم
سليم:(ورك على سنانو)لقماااااااان جمع فمك وعرف راسك اشنو كتقول
لكبيرة:سليم جر مراتك وطلعو خلاص براكة من صداع
سوسن:(بتكبر)اويليي اويلي اش هاد نيفو عرايسات ارسلان نازلين ليه افففف افففف، عمري تصورت شي نهار هيوقع  هاد الهماج فدارنا ،ولكن انا شنو هنتسنى من وحدة كانت كتغني فريسطورات ولكاباريات ووحدة كابرة وسط حي شعبي لمشاش مايعيشوش فيه ،انا هنمشي حيث مابقيتش قادرة نتحمل هاد الوضع هادشي بزاف
دازت شافت فيهم بجوجات باحتقار وخرجات اما فدوى فبقات مقلشة فيد لقمان
مسعود:يالاه فرتكو علي هاد جقلة لعندو شي بيت يمشي ليه
جر سليم مراتو طلعو لبيت سدو عليهم ،سليم جلس فجنب ديال ناموسية كيتنهد وجنان بقات غادة جاية وسط لبيت معصبة وكطرطق فصباعها
جنان:(كترجف)شفتيها ياك شفتيها ا شدارت في
شافيها سليم بدون اي رد كتافى انه يشوفيها فحال الى كيقوليها اش بغيتي ندير ليك
جنان:(وقفات فجآة) لقماااااااان حتى هو معاونهااا(حطات يدها على وجها كتمسحو) افففف وانا لقلت هيجري عليها وهنتهناو منها مورا لموت ديال ادم اففف على موصيبة
سليم:اش كتخربقي نتي عوتاني
جنان :ماشفتيهش كيف حاما عليها مني
سليم:المعنى
جنان:ماخاصوووش يتجمع معاها مخاصوش يثيق فيها ،مخاصوووش يخليها هنا فالقصر ،لا لا ميمكنش بقات لي غير هي، جريت على لقمان وقلت تهنيت منو ومن بعد جات فدوى قلت نصبر هيموت اددم وحتى هي هنتهناو منها ايواا دابا شفت حتى حاجة من هداكشي لخططت ليه ماصدقات ها لقمان رجع وغدا ولا بعدو واخا يموت ادم فدوى مهاتمشيش فحالها
#عند_فدوى
فدوى:صااافي اسيي راها مشات(كنشير بدي)نزلني خلاص 😖 
لقمان:(بدون رد)
فدوى:واش مكاتسمعش صمك قلت ليك نزلني
ماجوبنيش خلاني معلقة وتم طالع بيا فدروج وانا كنترطى كيف دجاجة.... تاوصلنا البيت عند ادم حل الباب بجهد ولاحني فاﻷرض تا حسيت بطرمتي طرطقات
فدوى:تفووو الله ياخود فيك الحق
ادم:😲 خويا فدوى مالكم شواقع
خنزر فيا وتنهد وشاف فادم وبدا كيهضر وكيحاول يبرد
لقمان:(كيورك على سنانو) اتقول لزوجة المصونة تجمع فمها شوية ودير عقلها وتبت(شاف فدوى باحتقار) مرات خويا ماخصهاش تكون فيها طيرة بزاف ولخفة
ادم:فدوى مالكي اش درتي
فدوى:(كنتنفض)مالي اش درت؟؟ سول هاد جثة ديال خوك
يلاه ايطير عليا وانا نجري تخشيت فادم
فدوى:(مخلوعة)شوووف والله وتزيد خطوة اخرى تاندير صبعي فودني ونعيط العدااااو
ماجوبنيش تم جاي عندي وجرني من رجلي ونار اتخرج من عينيه.. جرني جرة وحدة حتى طحت اﻷرض شدني من رجلي بزوج وشدني من  خصري وهزني وليت مقلوبة راسي لتحت ورجلي لفوق وشعري مدلي كيتجر مع ارض تما غادي بي جهة شرجم
فدوى:ولااااااااااا وااااااااع اهئ اهئ (كنمد يدي جيهت ادم) ادم اهئ اهئ دوي معاه😭😭😭😭
ادم:لقمااان اش كدير اخويا طلاااق منها طلاااق
لقمان:شفتي هاد لبالكو كون ماكنتيش مرت خويا كون لحت مك منو
قال هدشي ولاحني فارض تا تزدحت
فدوى:(كنتوجع)ايي امييي ايي اهئ اهئ(بقيت كنشوفيه حتى خرج) تفو الله ياخد فيك الحق الجثة تفووو
ادم:فدوى واش لبااس (مد يديه) اجي عندي
نضت عندو كنمسح فخنونتي وظهري مقوص
فدوى:(كنتمسكن) اهئ اهئ اهئ شفتي خوك شفتييه شدار لي 😭
ادم(عنقها)ونتي كطيري قلت ليك متجاوبيش معاه
فدوى:(كنمسح وجهي فيه) اهئ اهئ دابا انا لوليت فوتيف ياك
ادم:انا سبق لي قلت ليك خويا طبعو صعيب حمدي الله مارماكش من تما اجي انت مالك معاه
فدوى:(بديت ندور فعيني وعطيتها التمسكين)هئ اهئ شافت الموت بعيني والله اهئ اهئ
ادم:(كيطبطب  عليها) صاافي احبيية صاافي تهدني متخافيش هو غير بغا يخلعك هو راه مهايآديكش عارفني كنبغيك كح كح كح
فدوى:مالك
ادم(كيشير جهة المجر) كح كح كح دوا
فدوى:وخا(نضت بزربة جبتو هو والماء) هاهو هاك شربو
شراب دوا وتكا غمض عينيه كينهج
#عند_جنان
كانت جنان باقا كتبكي وكتشكى على سليم لراسو هيتفركع
جنان:اهئ اهئ(كتمسح نيفها)انا جنان تجي كلبة ديال لخلا تشطب بيا الارض
سليم:(كيطبطب عليها) وصاافي احبيية دياالي
جنان:(كتغوت) كيفااااش صااافي
سليم:حتى نتي راك مخليتيش فيها احبيبة
جنان:(غوتات)كيفاش مخليتش فيها واش ماشفتيش خوك اش دار ليا
سليم:صافي هاتهدني هداك حسابو معايا من بعد
جنن:اهئ اهئ غير بلاتي الى مت وريتوش اش كنسوا راني ماشي جنان ارسلان
سليم:اش هديري
جنان:(مسحات دموعها) هانتا هتشووف
سليم:(بتحدير)جناااااان
جنان(ابتسامة شر)😈
سليم:انا باري منك، لادرتي شي موصيبة
جنان:(شافت فيه بمكر) قولي من نهار جا داك لماكتسماش مك مخرجاتش من بيتها
سليم:اه ديما كتفاداه علاش
جنان:امممم مزياان
سليم(هز حاجبو) لاش كتخططي
جنان(ضحكة شر) ههههه ها نتا هتشوف
سليم:جنان كنحدرك واياك ديري شي موصيبة ولقمان كاين
جنان:قولي نتا بغيتي لقمان يرجع منين جا ويهنينا من صداعو ياك
سليم:مكرهتش ومن دابا
جنان:امممم مزيااان ايوا سمعني مزيان اش هنقوليك وجمع فمك
سليم:هانا الالا 👂
جنان:لقمان من داك لبلان باقي ماكيهضرش مع واليديك وكنضن حاقد عليهم
سليم:بزاف كاااع
جنان:مزيان وباﻷخص رجاء مابقاش كيشوف فوجهها وهي مكتقدش تواجهو الحد الان
سليم:باش تفادا المشاكل
جنان:اوا حنا غنقلبو على هاذ المشاكل وهنديريهم ،اول حاجة غدي نلاقيوهم ،كيفاش وايمتا دابا حماتي فبيتها ولقمان معرفتش وحيت حنا منقدوش نجيبوه غنخليو رجاء تمشي لعندو
سليم:وكيفاش
جنان:هادي خليها عليا😈
مسحات دموعها وقدات شعرها ودارت بعض التعديلات لوجهها وخرجات كتعوج بطالون وكضحك حيت ناوية على خزيت... وقفات قبالت بيت رجاء لكانت جالسة فوق لفطوي كتقرا فروايتها كيف العادة.... سمعات الدقان فلباب وهزات نظارات ديالها وهي تقول
رجاء:تفضل
جنان:(داخلة كتفرنس) حماتي الحبيبة
رجاء:(حطات الكتاب) اش دكشي اجنان
جنان:جيت ندوي معاك بخصوص لقمان
رجاء:ماالو
جنان:اااا صراحة انا حشمانة منك ماعارفاش كيفاش هنقوليك هادشي لسمعت
رجاء:دوي خلااص شنوو سمعتي
جنان:(جلسات حداها)انا سمعت بلي لقمان مشاا شااف هاديك لمرا ووقف معاها وعاونها
رجاء:على ايناا مراا نتي كدوي
جنان:على مو
رجاء:(وقفات)اش كتقولي ياهاد لبنت وااش تسطيتي ولا شنو
جنان:ماكنتش بغيت نقلقك ولكن بقيتي في وقلت ضروري ماخاصك تعرفي
رجاء:داابا لقمان فينااهوا
جنان:واقلة فجردة
ضربات فيها رجاء ونزلات كتجري كلها كتفيبري نزلات لتحت دنيا خاوية مشات لجردة لقات لقمان واقف كيدوي فتيليفون مشات وقفات قدامو
رجاء:قطع داابا تيليفون
شافيه لقمان مافاهم والو قطع وهز حاجبو
رجاء:اناا فاش غلطت معااك حتى كديير في هادشي
لقمان:(الصمت)
رجاء:جااوب واش هتبقى ساكت
لقمان:هاني دويت شنو واقع
رجاء:هاديك لمرا ماشي مك انا اناا هي مك انا لتعبت عليك سنين انا لرضعتك من صدري انا لسهرت عليك ليالي انا لديتك لمدرسة وقريتك انا لبدلت ليك حوايجك انا لملي كنتي مريض سهرت عليك ليالي وديتك عند طبيب ماشي هي
لقمان:غير تهناي لا نتي لا هي ما مي
رجاء:(سرطات ريقها)حتى لامتى هتبقى حاقد علي انا فهاد القصة ماكان لي حتى ذنب انا ماكنتش عارفة بوجودك اصلا انا كنت يالاه والدة جا مسعود حطك فحضني  وقاليا ولدي صبرت وتقبلتك وقلبي تعلق بيك اما هاديك لولداتك فراه شوفة ماشافتهاش فيك شداتك من اول نهار عطاتك لمسعود وخدات عليك تلاتة لمليون فالوقت لا انا ماكنتش نقدر نسخى بيك بفلوس دنيا هي سخات بيك بتلاتة لمليون
لقمان:(غوت)صاااافي حبسي ،عرفتي شنوو هي مشكلتك الالا رجاء مشكلتك هي انك كديري لمستحيل باش تباني بريئة وسط هاد القصة ،ولكن فعيني انا دنبك فحال دنب هاديك لمرا للاحتني فحال دنب راجلك كلكم كنشوفكم فحال فحال
رجاء:كتكرهني ياك
لقمان:قبل مانكرهك كنكره راسي الالا رجاء وغير تهناي انا عمري مهانشوفيها ولا هنشوفيك حتى نتي ،جيت على قبل ادم وهنبقى على قبل ادم ومن بعد هنمشي فحالي وفهاد لفترة ماتحاوليش تقربي لي لا نتي لا راجلك لكيحاول يتصرف معايا فحال الى ماواقع والو
زاد لقمان وخلاها وهي بقات فجردة كتبكي وسليم وجنان كيطلو من لفوق
سليم:ماما كتبكي
جنان:عاادي هتبكي شوية وهتهدن
سليم:هاادشي لدرتي ماشي معقول ماشي معقول