يا صدفً عشنا بعدها حبيبين

١٠

غيم بأسلوب لطيف وطفولي :يااي يعني الحين أنا المفروض اخق واقول ولد عمي محزمي وكفو ..دز امها بس وتقلع
مشت تاركته وعز انجذب لاسلوبها وطفولتها حس بشعور داخلي يعتريه بس رجع للسياره وهو ميت ضحك عليها وصار يمشي بالسياره بجنبها با الشويش وهو يحاول يقنعها تركب:ي بنت الحلال ارحمي حالك وارحميني من هالبرد ابي أبيع خضاري وارجع بدري
غيم بعناد تهز راسها:ما ابي
عز عرف ان غيم تحفظ الجميل من اسلوبها فقال بمساومه:عندي اقتراح
غيم ناظرته وهي تمشي:وش
عز:تجين معي نبيع الخضار وتساعديني بعدها اكون ساعدتك ووصلتك بيتك
غيم وهي تحس رجولها تعبتها وحست ان الحل مناسب استمرّت تقلب الفكره براسها حتى قطعها عز الي وقف وقال:ي الله
هزت راسها غيم وتقدمت تركب معه وهي سيارته غماره وقالت:ابي عبايه
عز:في فروتي خذيها
اضطرت غيم تلبس فروته وسحبت طرحتها وهي تسحب شماغه من راسه عز بصدمه:خيرر ان شالله
عز يناظر شعرها الي كانت قاصته لرقبتها وكثيف وحرير مره كان معطيها شكل أنثوي وطفولي ولفت الشماغ على وجهها تتلطم وهي تقول:اكيد ما بحرج معك بالطرحه
عز:لا مابتحرجين بنتضرين بالسياره
غيم:مو انت تملي علي وش اسوي اركد
عز جاء بيتكلم بس قطعته وهي تقول:لاتناقشني والا بنزل
استسلم عز وهو فهم انها عنيده وممكن تنزل وقال:طبق الجابر ما نحتاج DNA
غيّم بأستغراب:كيف!!
عز:قصدي نفس طبعه كلمه وحده غير قابله للنقاش طبعكم واحد
غيم:بس أنا بالحق اما جدك ضالم
عز تنهد يطلع يده من دريشه السياره وهو يهوجس
غيم:ادري ان رغم الاذى الي اذاك هو بعدك تحبه بس أنا ما احس بيوم اقدر اتقبله كجد
عز:وصلنا سوق الخضار
انتفضت غيم ووقف عز وهو يعدل ثوبه ويرفعه يربطه على خصره اما غيم كانت عينها عليه تتأمل وقفته وطوله وهيبته وحتى وسامته صحت على نفسها وهي تنزل من السياره طلعت على طول صندوق سيارته وقالت بهمس:حلف عليك أنا بحرج عليها
عز بهمس:يبت انزلي لاتفضحينا المكان كله رجال
غيم:محد راح يعرف بفخم صوتي
عز كان يناظرها تنحنح وهي تفخم صوتها وبالرغم من ذالك مازال نبرتها الانثويه طاغيه شوي وبدت تحرج:قرب يولد قرب عندنا طماط وخيار
عز بضحكه:طماطم مو طماط
غيم:نفس الشي لا تدقق
جاء رجال وهو يسأل:كم كرتون الطماطم؟
همست غيم لعز:هي ولد كم سعر الكرتون
عز:٢٥
غيم:بكم تبي انت ياعم ؟
الرجال:ودي ب١٠
غيم :تم الله يبارك لك
ابتسم الرجال وخذا الصندوق وراح مبسوط وعز مصدوم يناظرها وجاء رجال:كم سعر صندوق التمر
غيم همست لعز ورد:٨٠
غيم:بكم ودك إياه ياعم
الرجال:إذا علي ودي إياه ببلاش
غيم مدت له الصندوق:خذ تستأهله
الرجال انصدم وهو معروف ان عز اكثر شخص التمر عندها فنان ولف لعز:الله يخلي لك اخوك
عز هز راسه وبس بعد الرجال مسك بيد غيم سحبها بقوه ومالت بتطيح شهقت وتوسعت عيون عز بصدمه وغصب ثبتها وجلست في صندوق السياره وهي تقول:ي اهبل كنت بتعورني
عز:اشبك انتي تسوقين امها اقلك سعر تقولين غيره ولا كمان توزعين مجاناً
غيم تنحنح:ودي اجلط جدك خله يرتفع عنده الضغط
عز:ي مره انتي بتجلطني أنا أنا بوجه المدفع جدي بيجيب أجلي أنا
غيم تنحنح:جد ؟؟
خافت ان عز فعلاً ينضر لانها تعرف ان جدها شديد مره
عز:لا مزوح اكيد جد
تنهدت غيم:طيب بحاول اعوض الخساره
عز:ماتعوض
غيم وقفت تحرج :والله لعوضك
رجعت تصارخ وبدت الناس تلتم وصارت تحاول تسوق بطريقتها في ضل صدمه عز من طرقها في التسويق وما مر إلا نص ساعه وقد صندوق السياره فاضي
عز بصدمه:اوف والله استهنت فيك
غيم بغرور:شفت قايله لك لاتستهين بي
نزلت غيم وركبت السياره وبس مشو بعيد الحلقه نطلت الشماغ وهي تقول:كتمني اوف
عز وهو ماسك الطاره:والله عرفت انك دكتوره بس مسوقه ذي جديده علي
غيم بتنهيده:وش تعرف عني غير اني بنت عمك الي تبرا منها جدها
كبس فرامل عز وهو ملتمس نبره الم بصوتها وقال:إذا ودك ارجعي عيشي عندنا
غيم وهي تحس انها مخنوقه:ليت الحياه سهله نفس مانظن
بعدت الغصه بحلقها وهي ماتبي تبحر بحزنها ويبان ضعفها قدامه مدت له الفلوس:خذ وطبعاً الفائض لك يعني قول لجابر ان سعر الكرتون ب٨٠ بس حنا بعنا الواحد ب ١٥٠ يعني مافوق ال٨٠ لك
عز ابتسم:تدرين اني مصدوم لمن الحين بس امسكي خذي
مد لها ب٥٠٠ واشرت بيدها بمعنى:ليه
عز:حق تعبك
غيم وهي صاده للدريشة:ماني بحاجة وبعدين حق تعبي انك توديني بيت عمي ابو اديم
عز عرف انه ما بيتخارج معها فا استسلم واتجه لبيت ابو اديم وهو مأخذ العنوان منها

~في فله راقيه جداً وكبيره في الرياض "بحاول أصيد اللهجه الكويتيه"
تجهز شهاب وهو ينسف شماغه واخذ سبحته نازل للدور الأرضي صدفً غنى الي تمشي لحد نص الدرج وبعدين تزحلق على حديد الدرج حتى توصل
شهاب بيأس:شنو انتي ماراح تعقلين ابد
غنى تنحنح وتزبط نفسها:شنو اسوي ي اخوي احس مسافه لمن أتزحلق وأيد اسرع
شهاب يضرب راسها بخفيف:والله بيجي يوم تتعورين وعقبها معد ينفعج التزحلق
غنى تحضنه:صبح ي روحي
شهاب يضحك معها :صباح الجنان يا مينونه
غنى:هههههههههههه صباح الصبر ي عيوني
تقدمو يجلسون على طاوله الفطور وهم يتدافعون ويضحكون
ووو