يا صدفً عشنا بعدها حبيبين

٦٧

في فله عز الكل مجتمع من البنات بعد مافرق كل الحريم ودخل عز والعيال يدورون بعيونهم على نور ماشافوها موجوده
ثنيان:فين نور
نور تقاطعه شايله سكين بيدها طالعه من المطبخ وصرخو البنات بخوف
سدن:نور تكفين لاتتهورين
عز:نور مايجوز انتبهي تخسرين الجنه عشان احد مايسوى
إيلين:حبيبتي تكفين لاتسوي كذا حنا نحبك ونبيك
مناير:اي إيلين صادقه
جابر:نور اذكري الله هالشي الي تسوينه مو صح
نور عقدت حواجبها باستغراب تناضر فيهم وانفجرت تضحك بقوه الكل جلس يناضر فيها بصدمه وهمس ثنيان لعز:البنت انهبلت
نور:ياهوه حركات الأفلام ذي مو عندي جايبه السكين بقص الكيكه أنا لازعلت احتاج اكل وأسلوب الانتحار ذا فكره قديمه
البنات والعيال انفجرو يضحكون عليها واتجهو الكل يحضنونها وعز باس راسها
سدن:انتي صح بعدين دايم ايش نقول حنا
نور وسدن وغيم مع بعض:لو كان خيراً لبقى
ثنيان:اهبي حتى الأفكار يفكرون نفس بعض
عز:طالع انام تصبحون على خير
طلع عز وواضح معالم الضيقه عليه واتجهت غيم وراه وبقي البنات والعيال يحاولون يخففون على نور الي جتها عقده من عينها ومن الرجال وخايفه انها تكون ضلمت برق لمن وافقت عليه وقلبها مع محمد
عند محمد الي كان جالس قبال البحر وضايع من كل شي صار معه صحيح انه كن مشاعر لنور بس مايعرف ليه قلبه اختار غنى بدأ يحس بالندم انه خسر صاحبه وخسر نور وشد راسه بقهر:وش سويت يامحمد وش سويت
رن جواله يرفعه يشوف الرقم غريب ورد:نعم
غنى:انت محمد
محمد باستغراب:مين
غنى:أنا غنى ابي أقابلك ممكن
محمد:عند البحر أنا تعالي المكان...
قفلت غنى منه متجه له
عند غيم الي دخلت تشوف عز متمدد على السرير والغرفه ظلام وبارده واتجهت له على نور جوالها وهمست:عز
شغل الابجوره عز:نعم وش فيك
غيم:اجلس بتكلم معك
جلس عز مستند على السرير وسحب بيدها بسرعه وشهقت غيم من طاحت عليه وهو يقربها يحطها بحضنه وقال وهو ماسك يدها:الحين سولفي
غيم ببراءه:طارت السالفه
عز:ههههههههههههههه اسف بس محتاج قربك
غيم تشد يده تناظر بوجهه:ادري انك مجروح من محمد شعور مو زين خويك عمر يغدر بك كذا
عز تنهد بقهر:آمنته على بيتي ونفسي كنت أحطه ورى ظهري ولا اخاف واليوم غدر بي وبمين بنور الطيبه الي عمرها مااذت احد مثل نسمه السلام
غيم:صح شعور مو حلو بس يمكن محمد فعلاً ماحب نور او شاف غنى وأعجب فيها
عز:حتى ولو مو يطيح وجهي قدام الرجال
غيم:محشوم ي عز بس القلب ومايهوى مالنا على القلب حيله
عز طلعها من حضنه وشد فكها بقهر:انتي ليه تدافعين عنه ليه تبررين فعلته هاء
غيم:عز أهدى الموضوع مو ك...قاطعها:اطلعي برا
غيم ناظرته بصدمه:عز بس اسمع وجّهت نظري
عز:مهما كان مايصير انك تبررين فعله واحد غدر بزوجك وخذله
غيم توقف بحده:انت خذلتني وهذا أنا سمعت لك ورجعت لك
عز انصدم منها يوقف بحده وسحب بيدها يجرها له وقال:لاتدافعين عن واحد خاين مثله ولاتقارنينه فيني اوكي مو عشان انك تنعتيه بالعزوه يعطيك الحق تبررين افعاله خواتي خط احمر تفهمين
غيم:اترك يدي وجعتني
عز:اطلعي برا عشان ما أوجعك زياده
غيم:مو قبل تسمع وجهه نظري
عز سحبها يبي يطلعها بس غيم دفعت يده واتجه عز ناحيتها بغضب وهو يمسك كتوفها وشاف رجفه الخوف فيها وضرب بضهرها على الجدار بقوه وحطت يدينها على وجهها بخوف وألم وحس عز انه عورها وبسرعه سحبها لحضنه:اسف اسف غيمي تعورتي صح ؟حقك علي حبيبتي ماقصدت
غيم تدفعه تطلع من حضنه:عز ترضى ان محمد يتزوج نور وقلبه معلق بغنى ؟
عز:لا
غيم:نفس الطريقه لمن تزوجت مزون وقلبك معي كيف كانت حياتك ؟
عز:اشهد انها جحيم
غيم:احمد الله ان محمد نطق قبل يطيح الفأس بالرأس وتتعب نور معه خله يروح للي حبها واختارها وبرق رجال باذن الله راح يعز نور ويصونها
عز بقهر من نفسه:تكفين سامحيني حتى وانا موجعك جايه تطيبين قلبي وماتكرهيني بخويي
غيم صدت بتطلع بس عز حضنها قبل تطلع:حقك علي تكفين ي غيمي ماتزعلين مني
غيم تمسح ضهره:مازعلت ومتفهمه زعلك
عز يطلعها من حضنه:خويي خذلني يغيم عشت معه سنين مزحنا سوى وبكينا سوى وفرحنا واحد وعزانا واحد وحتى بين خواتي دخلته ماكان خوي كان اقرب لي من ضلي وش شعور الطعنه الي تجيك بالظهر
غيم تشوف الكسره بعيونه:عساه فداك ي عزي يروح خوي ويجي وراه مليون خوي
عز:والله ان الجرح لاجاء من القريب يتعب حيل ادري انك ماترضين على محمد وتشوفينه عزوتك من قبلي بس سواته باختي اليوم ماقدر اشفعها له
غيم:من قال اني مو زعلانه منه الا زعلانه ومقهوره على نور ومصدومه بمحمد الي عمري ماتوقعته بيوم يعاير احد بشي بلاه الله به
عز:ماصفت لي الدنيا كل ماقول زانت ترد تخرب حتى يوم جيتيني تداويني رجعتي متعوره وموجوعه مني
غيم تضرب مبسمه بخفيف:اشش لاتقول كذا حنا لبعض واذا ماوقفت معك بهاليوم متى اوقف معك
عز يمسح خدها بحنيه وابتسمت غيم :تصبح على خير ارتاح
طلعت غيم تاركته واتجه عز يتمدد ودموعه بعيونه وهو كل شي يتحمله الا غدر الصديق وقال أبياته الي حس انها طالعه من قلبه :
غدرتني ياصاحبي غدر تمساح