يا صدفً عشنا بعدها حبيبين

٢٥

زفر عز براحه:لوهله خفت الي قدامي مو غيم
غيم:ليه ان شالله
عز:ابد والله بس ما احسب انك رقيقه وعندك دموع
غيم تقرب منه وتضرب يده المكسوره عز بالم يمسك يده:اوففف أنا قايل انك وين والرقه وين
غيم:بقي بتسب بعورك زياده
عز رفع يده باستسلام:استسلم خلاص
غيم تخزه:اي اعقل
طلعت من عنده متجهه للبنات وعزابتسم يتجهه للرجال
عند الحريم
رحمه بحنان تمسك يد غيم:وينك ي بنتي حطينا العشاء تعالي تعشي
هزت راسها غيم بابتسامه وجلست بجنب حرمه وهي تناظرها وتسمي عليها:بسم الله عليك يا بنتي انتي من له بنت؟
البنات كلهم ناضرو بغيم الي رفعت راسها وشدت جسمها وقالت:حفيدة الجابر
طبعاً اغلب الحريم مايعرفون بقصه غيم وصارو يتلفتون ببعض ويتهامسون:كيف متى معقوله بالحرام
الحرمه:ماقد شفناك هنا
سدن بهمس لنور:اكره لقافه بعض الحريم
رنيم بهمس للبنات:لاتخافون الحين تبرد كبدكم غيم
غيم:هذا أنا شفتيني وش المطلوب
الحرمه:وش فيك تكلميني كذا شكلك بنت حرام من يوم إسلوبك كذا لان بنات الجابر مربيات على الادب
غيم بحده تخزها:كلي وانتي ساكته ولاتدخلين بشي مايخصك
وقفت غيم بتمشي بس وقفت الحرمه :هي انتي وش قله الحياء ذي فيك حنا ضيوف عندك
وقفت حرمه ثانيه:وش هالفعل ي رحمه تهينون ضيوفكم
اغلب الحريم وقفو يناصرون الحرمه ورحمه مره تفشلت من الوضع
وغيم اتجهت للحرمه وقالت:لحد الحين محشمتك لاتخلين ادعس عليك
رحمه:غيم يابنتي خلاص هم جالسين ببيتنا لازم تحشمينهم
غيم:هي ماحشمت نفسها عشان تلقى حشيمه
الحرمه:تخسين ي مجهوله النسب
هنا غيم ماتحملت وهي تتجه بيدها كلها رز وتصفق وجه الحرمه حتى الرز لصق بوجهها
البنات فطسو ضحك على منظر الحرمه وغنى تهمس:وااي بنت عمكم تهبل احس بردت قلبي حيل فيها
سدن:غيم صارت قدوتي والله
إيلين بضحكه:بنات شوفو الرز بخدها
البنات بضحكه مكتومه وغلا الي ضحكتها فضيحه ماتقدر تصبر طلع صوت شوي وبعدها الكل انفجر ضحك حتى حور وسمر
الحرمه انقهرت ووقفت وهي ونص معها واتجهو لغيم يبون يهاجمونها ورنيم اتجهت ركض هي وأديم وريم بجنبها
رنيم:لا عاد مو تتكاثرون عليها
سدن اتجهت ركض بجنب غيم وقالت:أنا وبنت عمي على الغريب
غيم ابتسمت تربت كتفها وصارت معمعه وتعالقو مع بعض ونور الي كانت تهاوش من بعيد لاشافت حرمه قربت منها ضربتها بوكس ومن الضرب جت لها لطشه وانكسرت نظارتها
شد شعور وتخميش وكفوف وقبص وكل أنواع الطق الي صارت رحمه وبعض الحريم حاولو يفككون بينهم بس صوت الحريم طلع ووصل للعيال
عند العيال كانو جالسين على صحون العشاء وفزو بخوف عز وجابر وثنيان وسلمان واتجهو ركض للحريم
عز من بعيد:يا ولد وش العلم وش الصيحه
اتجهت إيلين تلبس شيلتها وبسرعه راحت لعز
عز بخوف:وش العلم وش صاير
إيلين:غيم تعالقت مع حريم
عز خاف جده يسوي مصيبه قال:فاككوهم طيب
إيلين بتعب:عجزنا
عز بصراخ فجع الكل وقال:اهجدن جعل مالكن حس ياقليلات الادب
الحريم كلهم وقفو بخرشه وبعدو عن بعض ورحمه سحبت غيم بعيد واتجهو البنات وراها اما الحرمه لبست غطاها هي وباقي الي تضاربو معها واتجهو لمجلس الرجال وشافهم عز وانطلق وراهم وشافهم يقولون:ي الجابر حنا انهنا على فراشك وببيتك ومن بنت ولدك
الجابر وقف بحده:ابشرو بالحق منهي الي سوت هالسواه
الحرمه:غيم
الجابر وقف بقهر واتجه ووراه نواف الي اشر لجابر يجلس مع الرجال وبعض الرجال شاشو مع حريمهم ووقفو بغضب وسعد يحاول يهديهم بس زعلو وطلعو
الجد جابر اتجهه للحريم وهم اغلبهم فرق من الخوف مابقى إلا الي شكت على غيم الجابر بحده:انتي الي تطردين ضيوفي وتهينينهم
غيم تتكتف:ماهنت إلا الي يستحق الاهانه
الجابر:انتي كلك وش جابك بيتي
غيم ناظرت فيه وهي حست با الاهانه وقالت:غلطت بجيتي بس ماجيت لجلك
جت بتمشي تروح بس عز وقفها وقال:ياجدي هي بنت عمي وهالبيت بيتها كمان بعدين ليه حكمت انها هي غلطانه اسمع منها طيب
الجابر:الي تهين ضيوفي مالها مكان ببيتي
غيم كملت طريقها تلبس والبنات معها واتجهو كلهم من بيته في ضل قهر عز الي ماصدق ان الامور زانت بينه وبين غيم ترك جده واتجه للرجال وهو بدأ يكره المزرعه وجوها
سدن:على فكره ترا ذي الزفت "اشرت للحرمه"اتهمت حفيدتك انها بنت حرام
نواف بصدمه:ويش
غلا:اي ي عمو ترا غيم سكتت لها حتى هي تمادت وبعدين كلنا نعرف ان غيم بنت عمو عبدالله بس سبب بعدها عنا انت تعرفه
الحرمه بلعت ريقها بورطه وقال الجابر:مهما كان انا ما أرضى احد يهين ضيوفي
سدن:حريقه للضيوف الي كذا
تقدمت تدخل بقهر والبنات وراها ورجع الجابر للرجال وبدا الرجال ينسحبون شوي شوي حتى مابقى إلا ابو فارس الي كان بينام عندهم
تقدم للمجلس مع جابر ومد له فرشه هو وولده ودخلو العيال ينامون اما جابر اتجه لغرفته ماشاف إيلين فيه تمدد وهو ينام
عند عز الي بعد المشكله جلس بطرف المزرعه وهو يناظر رقم غيم الي لسا مبلكته وانقهر كان متمني يطيب خاطرها رمى شماغه على كتفه وطلع متجه لغرفه البنات ودق الباب فزو البنات يلبسون غطاهم ودعاهم عز:تعالو ابي اعرف وش سبب الهوشه
سدن مسكت يد اخًوها تحطها ورى كتوفها وتدخل بحضنه وقالت:أنا اقلك
حاوط كتوفها عز وطلع لوسط الجلسه وجلس والبنات حوله وسدن لسا محاوط كتفها وقالت له سدن كل شي صار عز انقهر منه بس استمر ساكت وقال:خلاص روحو ابي عمتي بموضوع
سدن:خير عز تعرفني لاجاني فضول ما اقدر انام
عز يضرب راسها بخفيف:قومي بس موضوع كبار مو حق بزران
مناير ارتجفت مره وخافت وسدن حلفت إلا تعرفه فا استسلم عز وهو يناظر بعمّته وقال:جاك عريس
البنات بصراخ بس بسرعه صرخ عز:بس الرجال هنا
سكتو وفزو لمناير يحضنونها وهي قلبها يدق بخوف
سدن:مين هو
غلا:من الجماعه
نور:كم عمره وايش يشتغل وهل مكمل دراسه
سدن:ساكن بالرياض
عز:لحين العريس لها والا لكم
إيلين بضحكه تصفق يد اخوها:خفيفاتتت
سدن:ياخي نطمن على وضع عميمه
عز:هو ولد رجال يعرفه جابر هم من حايل بس هذا الي نعرفه طبعاً أنا من بكره بروح لحايل اسال عنه واشوف الوضع كيف
لف لمناير:ي عمه لاتخافين استخيري وايش الي ترتاحين له أنا اول داعمينك
سدن تحضنه:الله يرزقني زوج مثلك
غلا:حقيقي مانخشى الدنيا وانت فيها ياولد عمي
عز ابتسم:انتم ذرى والله وستر وغطا ومهما اسوي قليل بحقكم
سدن تحضنه:اوف عزيز لاتبكيني
ضحك عز يضرب راسها: يالله طسو على النوم
نور:ماش ماتكمل اللحظه العاطفيه
ضحك عز وضحكو البنات واتجهو كلهم للنوم
من بكره الصباح فزت رنيم واليوم لازم تروح تقابل ملاكها المجهول وبسرعه تزبطت وطلعت من السكن والبنات لسا نايمين واتجهت للمكتبه بنفس المكان وعند نفس الرف واقفه تنتظره وهي تناظر بالكتب بفرح وتمرر أصابعها عليها
استمرّت ساعه وساعتين وبدت تمل وتحس بزعل انه اخلف بوعده وكلامه نزلت عينها بكسره وهي تهمس:مايوم كمل معك شي ي رنيم مخذوله من الكل ما كان لازم ارفع سقف توقعاتي ان...قاطعها وهو يقول:جيتج وقطعت دروب حتى الزحمه ماعاقتني مايوم أخلفت بوعد قطعته حق احد
رنيم رفعت راسها وابتسمت:توقعتك لعاب وبس تقول هرج كذا
:افا عليج ورب الصدفه الي يمعتنا ماكنت يوم جدي كثر هاليوم
رنيم ابتسمت بحياء ومد كاسه القهوه لها اخذتها رنيم وقالت:شكراً
لفتها الوحمه الي بيده نفس الي بيد شهاب اخو غنى رفعت نظرها له تشوف العيون نفس العيون نفس الصوت استمرّت سرحانه فيه ترابط الصورتين ببعض
:شنو ماراح تسولفين
رنيم انقطع نظرها با ابتسامه:شنو اقول
:ودج تقولين لي وش مزعلج المره الي طافت
رنيم زفرت بتعب:بقول بس ترا مامره شكيت لاحد زعلي بس لاني ارتح لك مره
:عديني طبيبج النفسي
رنيم ضحكت:لا ملاكي المجهول وايد احلى
ضحك من تحت الكمام وهو يشوف تاثير اللهجه عليها وجلسو على طاوله وبدت تسولف رنيم عن اخوها ومعناتها معه ومره تبكي ومره تتماسك والرجال منصت لها مره حتى خلصت كلامها وطلع منديل من جيبه وهي تاخذه تمسح دموعها وشافت عليه مسجل اسم شهاب تعقدت حواجبها وقالت:انت اسمك شهاب
التمس وقال:لا بس يلقبوني بشهاب لاني حارر وايد
رنيم ابتسمت:بالعكس احسك هادي مره
:صار لازم نرجع
رنيم:اسفه صدعت راسك بكلامي
:أنا هنا عشان اسمعج وعشان انسف همك أنا هنا دواج وطبيبج أنا هنا البلسم الي مستعد يمسح كل جروحج ويطبطب عليها
ابتسمت بحياء رنيم من كلامه ووقفت تتجه قدامه ورفعت كوب القهوه:شكرا مره ثانيه
:عفواً وياه العافيه يارب
ابتسمت رنيم وارجعت لسكن البنات وهي مروقه وهي تعلقت بالمجهول ذا مره رغم انها تجهل مصيرها معه بس ترتاح لمن تكون معه وكمان تحاول انها تربط التشابه الي بينه وبين اخو غنى بس عجزت تفهم
عند عز صحى من بدري وهو يتجه لحايل يسأل وينبش عن الرجال
اما الجابر صحى واتجه لرحمه بالمطبخ ومعها مناير والبنات وحريم اخوانها وقال:يبنت جاك عريس وانا معد بلقى احد يأخذك ويبعد العار عني عشان كذا تجهزي أنا بعزم رجال بسيطين وبعقد الليله والعرس بعد أسبوعين بحايل
مناير بصدمه :بس ي أبوي أنا مالي رغبه بالزواج
الجابر:أنا ما اخذ رايك وبعدين مين بيناظر لوحده مطلقه بالله احمدي ربك أنا ذا رضى فيك
طلع واتجهه للمجلس وهو يقول لأبو فارس انهم موافقين واليوم يعقدون والعرس بعد اسبوعين
اما فارس استغرب وهمس لابوه:وش عنده ذا رامي بنته كذا اكيد بها بلا
ابو فارس يشد يده:انطم واحمد ربك وافقت تأخذك وزين جت منهم نعقد عليك قبل تفوح سيرتك
فارس صد بطفش وهو أصلا ماله هواء بالزواج بس عشان ابوه ويرتاح من زنه