يا صدفً عشنا بعدها حبيبين

٩٣

عز بصريح العباره وعينه مازالت على غيم:حكمو عليها بالقصاص
غيم ناضرت بصدمه والكل شهقو يناضرون عز الي يناظر غيم ولفو عليها غيم وهي تتحول مشاعرها لبرود تماماً تنفض الخبز الي بيدها وتوقف:متى وقت القصاص ؟
عز ناظرها بصدمه ضنن منها تبي تنازل والكل كان يفكر نفس عز وقال:هذا حق عام حقك الخاص تعويض مادي إذا تبينه تأخذينه والحين في لجنه إصلاح بتجي إذا تبين تعفين
غيم:لألا صبر أنا مو ابي أعفي أنا ابي احضر القصاص
الكل يناظرها بصدمه غيم تناظرهم :وش فيكم تناظروني كذا مو رقيقه لدرجه اني انهار من وحده دمرت حياتي أنا ابي اشوف موتها قدامي ولا بعد بذبح ذبيحه بهذاك اليوم ويمكن ادق طيران بعد
إيلين بهمس لسدن:البنت انهبلت
عز خاف ان غيم تهذري من الصدمه وقال:تعالي بكلمك شوي
غيم بضحكه:اش فيكم ترا مو مجنونه اتكلم جد انتم شفتم قد ايش عانيت صح وهي السبب لذالك أنا ابي غلي يشفى
نواف:بس ي بنتي مثل هالمناظر مايصلح تشوفينها
عز:مستحيل أخليك تروحين انتي منظر هيا ما تحملتيه تبين تشوفين راسها يطير عن جسمها "تعمد يوصف عشان تخاف لانها مستحيل تتحمل المنظر"
غيم ارتبكت فعلاً وقالت:بس حقي الخاص مو متنازله فيه
عز:حقك
غيم:مو طمعانه بفلوس بس ابي اتعب الي وراها ابي يذوقون طعم المعاناة الي عشتها
عز يمسح راسها:تبي تشرحين لي شخصيتك أنا أفهمك اكثر من روحك
سدن:المهم ماتروحين للقصاص اطلبي الي تبين
إيلين:منجد
نور:اي والله مو ناقصك صدمات
سدن:اي حبيبتي بعدين اخوي يبي عيال ناقصه تنخلعين بعدين ينقطع نسله
الكل انفجر ضحك عليها وغيم توسعت عيونها بصدمه وهالموضوع ارعبها وهو مو في بالها بالمره
عز ابتسم بخفيف على غيم الي كانت واضح منحرجه
ثنيان يقاطع حده الموقف:عمه فارس يبيك بتروحون حايل
غيم:لا ياخي لاتروحين
مناير:معليش انتي زوجك معك وانا ابي زوجي كمان
سدن:ياشين فاسخات الحياء وش تبين فيه خليه يطس كم يوم ويجي لك
مناير:والله حبيبتي الله العالم من الي تفكيرها منحرف
نور تدق كتف سدن:سددت لك
غيم وايلين:هههههههههههههههههه
رحمه:إلا انتي ي نور مافي شي بالطريق؟
نور بخرشه لفت عليها وضحكت سدن تضرب كتفها بنفس طريقتها:ردي سددت لك
نورتحاول تكابر وجابت العيد:لا ي جده بس ان شاءالله في القريب العاجل
البنات انفجرو يضحكون والعيال حسو وجودهم غلط وطلعو ورحمه ضحكت تمسح راسها:ان شاءالله ي جده تجيبين بنات وعيال يشيلونك بكبرك
مناير:وش هالصباح الي كله احراجات
غيم:انتي الحقي حبيب القلب لايطير
مناير فزت بسرعه تلم أغراضها هي وبنتها وطلعت قابلت عز الي اخذ الشنطه منها وهمس:كيف فارس معك؟
مناير:مافي احسن منه إلا انت
عز ابتسم:رد دبلوماسي
مناير بصوت عالي يسمعها فارس:الي يعاشر اهل حايل يصير دبلوماسي
فارس ابتسم ياخذ الشنطه من عز يحملها وركبت مناير وفارس واقف عند باب السياره يسولف مع عز وقال:الدبلوماسي طاح قلبه في الرياض وتعب مع الخطوط من حايل للرياض
عز ابتسم:عمتي امانه عندك تزعلها حتى دروب الرياض ماتدخلها
فارس:صرت عسكري وابتلشنا
مناير:اي حبيبي هذا عزنا كلنا
عز ينزل راسه :تسلمين ي عميمه
فارس ضحك:توصي شي
عز:تسلم سلامتك انت تآمر على شي؟
فارس:ابد نستودعك الله
عز بعد يشوف فارس يركب ولوح بيده لهم ورن جواله يرفعه وكان رقم غريب وعرف انهم لجنه الإصلاح تو بيرد وقف برق ومعه اللجنه
عز انتفض يلف شماغه عمامه :حياكم الله
برق:يستر عليك
غمز لعز وفهم عز وهو يتقدم يسلم عليهم وقال:اقلطو المجلس دونكم
دخلهم داخل فلته لانها الأقرب وغمز لبرق يلهيهم حتى يجيب القهوه وانطلق لبيت ابوه بسرعه:ابوي في ضيوف
نواف وسعد فزو وضرب عز كتف غيم:صلحو قهوه
غيم:ابشر
سدن:عز ممكن نطلع المزرعه الليله
عز:في بالي بس الحين مو فاضي نشوف بعدين
اتجهت غيم وايلين يسون القهوه وعز رمى مفتاح سيارته على جابر:انقز للعزبه انت وثنيان جيبو ذبيحه
هز راسه جابر واتجهو للعزبه
ام عز وام جابر كانو يجهزون عدت الطبخ وجهزت القهوه واتجهت نور وغيم شايلينها لبيت عز وهم يدقون عليه واتجه لهم ياخذها ودخل ورجعو للفله وهم يجهزون لطلعه المزرعه و ناوين يجلسون كم يوم هناك وعز بباله لانه يبي يشوف في اوراق منجد تثبت ان جده مسجل المزرعه باسم غيم وعز او لا