يا صدفً عشنا بعدها حبيبين

٩١

ودموعها اثرت فيه لهالدرجه وبوسط ضحكها وفرحها لفت بخرشه من قال:
فنانه في السامري كمان
ريم بصدمه تطالع مهاب الي واقف ومتكتف ويناظرها وشهقت بخوف وهالمره منجد خلعها بقوه ومسكت مع ريم موجه بشاق "ما اعرف ايش تسمونها بلهجتكم😂"
صارت تطلع منها ورى بعض حطت يدها على فمها تحاول توقفها بس عجزت وهي تناضر بصدمه بمهاب الي يقرب هو ضحك على شكلها وهي مو قادره تسيطر على البشاق وبس قرب منها زياده انطلقت ريم هاربه للداخل وبسرعه البرق دخلت غرفه أديم ومهاب من شدة ماكان شكلها يضحك ركب سيارته وهو لسا يضحك بقوه على منظرها شكل عيونها المفجوعه ويدها الي تحاول تسيطر على فمها مايطلع صوت بس عجزت

دخلت عند أديم بسرعه وقفلت الباب ولفو البنات عليها يناظرونها
غيم:وش فيك مفجوعه
ريم بتسليك:لا لا ولاشي
رنيم:مهاب له يد في السالفه اكيد
مسكت فمها ريم من جتها حاله البشاق والبنات انفجرو ضحك عليها
وقفت غيم تعطيها مويه:اشربي ي خبله
ريم من الخرشه والفشله من تتذكر الي صار معها شربت علبه المويه كامله بنفس واحد
والبنات مازالو تحت تاثير الصدمه بس انتبهت لهم ريم وهي تلطف الجو تنسيهم منظرها :كيف التؤام ومعليش لازم البنت تسمينها علي
رنيم:حبيبتي أنا عمتها أنا أولى
ريم:دزي امها لولا الله ثم فزعتي لها كان الحين مايندرى عن الوضع
أديم وهي تتذكر الموقف المرعب:والله منجد وقف قلبي
غيم:قد ما كنت حاقده على مزون زاد حقدي عليها زياده وهيّا لو بس عايشه بردت كبدك فيها
ريم:ياشيخه ماعليك والله يا اني صقعتها بكاس الشاهي لين طاحت مغمى عليها
غيم :اخخخ ريم انتي وين أحطك بس والله تستاهلين قلبي
ريم:يبنت اهجدي خلي قلبك لعز وبس ما ابيه
ابتسمت غيم ولفت أديم ورنيم بصدمه:حكونا ايش صار
انطلقت ريم وغيم يحكون لهم كل الي صار والبنات عيونهم طايره من هول الموقف

عند عز الي وصل للقسم وبسرعه طار لغرفة التحقيق يشوف مزون جالسه وبرق يستجوبها
دخل بكل هدوء يجلس عكس العواصف الي بداخله والي لو مو كلام الناس كان ذبح مزون بيده لكن ماهي حلوه بحقه وهي بقمه ضعفها يمد يده سكت منتظرها تكمل كلامها وهو يسمعها لمن تقول ان كل الي سوته لأجل تفرق غيم وعز وانها مقهوره لان الجابر سجل أملاكه باسمائهم وهذا الجزء كان الصادم لعز لان ماكان يعرف عن جده ان مسجل المزرعه باسم عز وغيم وبس خلصت كلامها لفت لعز:تكفى ساعدني أوعدكم اطلع من حياتكم ومعد تدلون لي درب
كانت تترجاه وتبكي وعز صامت وبرق مستغرب هدوء عز جداً
بعد دقايق قال عز :برق عيد علي الضبط وش قالت با اهم أقوالها
برق استغرب ومزون تناظر بعز با استغراب ونطق برق يقول:محاول القتل لشهاب وكمان التعاون مع جماعه مطلوبه امنياً واختطاف ريم محاوله قتل أديم
عز رفع يده يبي برق يوقف كلام ووقف برق كلامه وضرب بيدينه عز في المكتب بحده ومال على مزون:تدرين ان كل هالجرائم بكفه ودموع غيم بكفه ثانيه
مزون:عز تكفى آخر مره وعد معد اقرب لكم
عز ابتسم:والله الي خلق حب غيم بقلبي بنفسي لزفك لساحه القصاص
طلع عز من المكتب بقهر ومزون طاحت تبكي بانهيار ودخلو السجانات يشيلونها وهي من صدمه كلام عز اغمى عليها اما برق كان عارف ان عز مستحيل يسكت على الي صار وهو رغم انه تو راجع من برا السعوديه إلا انه ماتخلى عن عز وراح يجلس معه يفهم منه الموضوع ويحاول يسليه