يا صدفً عشنا بعدها حبيبين

٥٤

غمضت عيونها غيم بقوه وطاحت دموعها من سحبها يدفن راسها بصدره صارت ترجف من البكي وحاوطها عز بيدينه يدخلها بقوه داخل حضنه ويحتويها وهو شاد عليهاو يدفن راسه بعنقها يتركها تاخذ راحتها في البكي غيم انقهرت من دموعها ومن ضعفها الي يبين عنده دفعته بقوه تبعد عنه وهي تعدل فستانها وجات بتطلع من الغرفه بس وصلت للباب حصلته مقفل حاولت تهزه تفتحه وهي ترجف بس قاطعها عز:مقفول لاتتعبين روحك
غيم اخذت نفس تمسح دموعها وهي تلف عليه بكل غضب واتجهت له وهي ترمي شنطتها الصغيره الي بيدها وصارت بيدينها الثنتين تضرب صدره وتقول:وش تبي مني خلاص برافو انت فزت أنا خسرت انت كفو خلاص روح لحبيبة القلب روح لمزون وش تبي تلاحقني
عز كان مبتسم من وجهها المعصب ومعطيها راحتها ويرجع على ورى مع كل ضربه تضربه غيم شافته يبتسم وانقهرت زياده ورجعت تضربه وتكمل :اتركني بلحالي خلاص لعد تعترضني أنا معد ابيك تفهم ي ابن الناس والا ما تفهم مهما بررت مهما قلت انت معد تفرق معي روح بحال سبيلك واتركني اكمل حياتي اطلع من حياتي ياعز
عز لصق بالجدار من ضربها وقال وهو مبتسم:اطلع من حياتك يعني معد تحبيني؟
غيم بقهر جت بتمشي بس هو مسكها من خصرها يسحبها ناحيته وضربت يدينه بقوه غيم :ما حبيتك من قال اني حبيتك اصلاً تتوهم انت بعدين زواجنا انتقام وبس والحين فارق وعطني المفتاح بطلع
عز يبتسم وهو يناظر بوجهها المحمر من الغضب:يعني تكرهيني؟
غيم بقهر:اي
عز ضحك وهالشي زاد قهر غيم الي قالت بدموع وهي تضرب صدره:أكرهك أكرهك ماتفهم اكره...انقطعت انفاسها وتوسعت عيونها من سحبها من رقبتها بيد والثانيه يحاوطها من خصرها وهو يقبل ثغرها بقوه وارتجف قلب غيم وانحبست انفاسها وغمضت عيونها بقهر وتعب منه اما عز فكان بحاجه حياه غصب عنه صارت معه كان محتاج قربها وطلع معه كذا بعد عنها يشوفها هدت والتعب واضح فيها وقال بحنيه يمسك ذقنها :بس اسمعيني عطيني فرصه
دفعته غيم بقوه وضرب ظهره بالجدار وهنا عز خلاص الالم صار لايطاق بعدت غيم تدق الباب عشان تفتح لها سدن وقال والألم فيه:غيم تكفين عطيني فرصه بس طالب فرصه وحده
لفت غيم عليه:وش تبي تقول ؟
عز من شده الالم حس انه بيطيح بس شد على نفسه  عشان مايبين لها وقال:بكره الصباح قابليني الساعه ٨ ب..
غيم:نشوف ي عز
ابتسم عز انها وافقت وسمع صوت الباب ينفتح لها وطلعت غيم وهي صاده عن سدن
سدن:غيم غصب عني تكفين ماتزعلين مني
غيم تلف عليها بغضب:أنا ياسدن تسوين فيني كذا
سدن تمسك يد غيم بحنيه:والله مو بيدي تعرفين لو قلت عز يبيك مابتجين
غيم:من قال ما بجي ماني خايفه منه وبجي واحط عيني بعينه ترا اخوك هو الي غلطان مو أنا
سدن:عطيه فرصه يشرح لك وتفهمين كل الي صار معه
غيم تمسك كتف سدن بحنيه:سدن حتى لو برر فعلته احنا خلاص انتهت علاقتنا مع بعض احنا معد يربطنا شي يعني لو حاول انه يشرح لي ويحط كل أسباب الدنيا قدام وجهي ماراح تغير حقيقه انه طلقني ونفاني من حياته
سدن دمعت عينها وقربت غيم تحضنها بقوه وهي تمسح ضهرها وقالت سدن بدموع:سامحيني
غيم:مازعلت عليك عادي مسامح
ابتسمت سدن وجو ماشين قاطعهم مزون:وش تسوون هنا
سدن:وش تبي تراقبينا
مزون:جايه اعطي زوجي مسكن تعبان من ظهره
غيم تعقدت حواجبها تشوف مزون تشد على كلمه زوجي وهي ماحسته تعبان لمن قابلته بس قطعها صوت اديم الي صرخت:غيممم تعالي
اتجهت غيم وهي مبتسمه وحضنت اديم وبعدها اتجهت لرنيم وهي تقول:مبروك ي بنات والله فرحت لكم من كل قلبي
ريم:اذكر في ناس قالو بيمددون السنقله وش صار
اديم تحط اصبعها بفمها بحياء:غصب علي الحب مشكله
ريم:بديت اؤمن ان القطو مايحب إلا خناقه
البنات: هههههههههههههههههههههههه
سدن:كنت أقولها لعز لمن يعنفه جدي ويرجع له طبيعي
الكل لف على غيم الي تبالع الغصه وتحاول تكون طبيعيه وحاولت رنيم تلطف الجو :يالله بقي غيم وريم بيوم واحد
ريم:اسفه بس أنا ماحبيت نظامكم ذا اصفقه بعدين يحبني سلامات
غيم:وانا جربت الزواج خلاص معد احتاج
غنى:عادي ارجعي اعرسي مره ثانية الحياه ماتوقف على احد
دخلت مزون على كلام غنى وقالت:جربتي الزواج وجربتي الطلاق عادي عطي نفسك فرصه يمكن احد يرضى فيك
غيم لفت لها تناظره با ابتسامه:صح جربت الزواج والطلاق وشكلي بجرب اني ارمل احد من العيال
البنات: هههههههههههههههههههههههه
مزون :وش قصدك
غيم:قصدي انك تقلعين تحت ولاتوريني وجهك الودر
سدن بهمس لغيم:ودي حتى غنى تقلعينها معها
غيم ابتسمت وبهمس:ليه متهاوشين
سدن:لا بس كذا ما احب كلامها
غيم تغمز لها:علينا
سدن:لاتشتغليني خليك بمزون
غيم:اي زين
طلعت مزون ولف البنات كلهم من نادو على زفه العرايس ونزلو البنات تحت قبلهم ودقايق وفتح باب القاعه وبدت زفتهم تشتغل وكل الحضور يناظرونهم مبهورين من اطلالتهم وكل وحده تقول الزين عندي
بعد مرور ساعات وكل الي بالقاعه كانو مبسوطين وفرحانين للبنات جاء وقت كل وحده تروح مع زوجها عند رنيم الي كانت مره متوتره وهي تنتظر شهاب وكانت معها غيم الي مسكت يدها ورنيم لفت على غيم وهي شايله همها وكسرتها
غيم شدت يد رنيم:رنيم ابيك توعديني تنبسطين بحياتك وتعيشين ايامك هذي بحلاوه بدون ماتفكرين فيني او تشيلين همي
رنيم:ما اقدر تعاهدنا مانخذل بعض
غيم:والله لو اني احتاجك لقول لك بس أنا مابيك تقعدين شايله همي ابيك تنبسطين وتحققين كل أحلامك مع كاتبك
ابتسمت رنيم وقالت غيم:تعاهديني؟
رنيم ابتسمت تحضنها:اعاهدك
طلعت غيم من سمعت خطوات شهاب ودخل شهاب يشوف رنيم مبتسمه وقال:ارحبي يا ملهمه شهاب وأجمل حب بحياته
رنيم تشجعت تترك الحياء وقالت وهي تفتح ذراعيها:هلا بكاتبي وملاكي وحبي الاول والأخير
انصدم شهاب وهو اول مره يشوف جراءتها ورفع حاجبه بصدمه وضحكت رنيم وهي فاتحه يدينها :وش فيك تعال
اتجه شهاب لها بسرعه وهو يفتح بشته ويحتويها ويرفعها من خصرها وهو يدور فيها ورنيم تضحك بخوف لايطيحها ونزلها شهاب يبوس جبينها وقال :
ياكل الشعور الحلو بقلب شهاب والله ان الحب ما انخلق إلا لك ولعيونك الحلوين
أنا اليوم حصلت مطلبي أنا اليوم انتصرت يا اعظم إنجازاتي وأعظم من دخل روحي واستوطن
رنيم استحت تنزل عيونها بالارض ومسك ذقنها بحنيه:اصبري لاتبخلين علي خليني اسرح بعيونك والله انها تشتتني وترجع تجمعني
رنيم ضربت صدره بحياء:خلاص استحي
شهاب يسحبها لحضنه :

واجتمعنا اثنينّا بأجمل طريق،
‏وابتدينا في درب معشوق وعشيق.
ابتسمت رنيم وهي تحس الدنيا كلها مالكتها بين يدينها
طلعها من حضنه:نمشي؟
رنيم هزت راسها وجت تدور عبايتها بس هو نزل بشته وغطاها فيه وقال:تعالي بذراي والله مايلحقك سوء وانتي تحت جناحي
حاوطته رنيم تمشي معه وطلعو تركب السياره وشافت غيم مبتسمه وتناظرهم من فوق وتسوي لها باي ارسلت لها رنيم بوسه وهي مبتسمه ومشت رنيم تنسج اول دروب الحياه السعيده مع حب حياتها
عند اديم بالغرفه وهي تجهز عبايتها وتكلم محمد:ياخي وش عند اهله خليه يصبر شوي
قفلت تأفف ولفت على غيم الي مبتسمه وراها اديم ابتسمت:وش فيك
غيم:جايه أوصي عليك بس الظاهر ما تحتاجين مسفله بالرجال من اول لحضه
اديم ضحكت:ما احتاج وصاه افا عليك
غيم تقدمت لها تحضنها وهي تقول:تكفين أديمي انبسطي بحياتك وكمان خفي علي الرجال شويه لاتكرهينه بالزواج
اديم ضحكت :ابشري
ربتت كتفها غيم تطلع تاركتها ودخل زيد يشوف اديم حايسه وقال:وش فيك معصبه ترا كنت اسمع مع محمد
اديم:ناوي ابتدي فيك شي روح من وجهي
زيد:ههههههههههههههه لا واضح كدينا خير
اديم تفشلت شويه وهي كانت تحاول تزبط كعبها بس الفستان أتعبها وقالت:معليش نسيت انك زوجي
زيد ضحك اقوى:يامهبوله وش فيك ناويه تهبلين فيني كيف تنسين اني زوجك
اديم:ياخي طفشني الكعب وانا معصبه خلقه
زيد تقدم لها وهو ينزل على ركبه:بعدي أنا اسويه لك
بعدت اديم وجلس زيد يحاول يسويه وطول وعجز يزبط وقالت اديم:ابطيت
زيد:لازم منه هالكعب
اديم:تستهبل اكيد وشلون بمشي؟
زيد:يعني مشكلتك بالمشي ابشري احلها
اديم:وش عندك
مال زيد يشيلها بين احضانه وقال بهمس قريب أذنها:أشيلك مايحتاج تمشي
اديم بخوف:ياويلك تطيحني
زيد:افا مو عيب بعدين انتي شايفه وزنك ي البريعصي
اديم تضرب كتفه:أنا بريعصي
زيد:هههههههههههههههه وأحلى بريعصي بعد
ضحكت اديم وطلعو متجهين للسياره وغيم ارتاحت نسبياً من شافت فرحه البنات وهي منتظره اليوم الثاني عشان تسمع تبرير عز
عند عز الي معد قدر يتحمل الم ظهره ودق كتف جابر:اسمع أنا بروح المستشفى معد اقدر اتحمل
جابر:اجي معك؟
عز:لا اقدر أسوق
هز راسه جابر واتجه عز يشغله سيارته ومسك طريق المستشفى وهو كل ماله يزيد الالم ويحاول يكابر على نفسه لكن شال مطب وهنا انكسر ظهره وطاحت يده من الطاره وتوسعت عيونه بصدمه من يشوف تريله(شاحنه بضائع) قدامه واصتدم معها ووو