يا صدفً عشنا بعدها حبيبين

٤١

صباح يوم جديد
عند مناير وفارس صحيح عدا العزاء ومرت ايام بس فارس صار هادي واغلب وقته جالس لحاله ويفكر وصار ملتزم بصلواته معد يطلع من البيت كثير وصار قليل سوالف حتى مناير معد يحتك فيها ابد ونزل وزنه بسبب قل الاكل
ابو فارس وهو جالس مع ام فارس ومناير بمجلس الشعر ويشوفون فارس الي جالس بطرف الحوش لحاله مثل العاده قال:خايف على هالولد لايصيبه مكروه
ام فارس بدموع:والله اني ادعي له الله يجبر قلبه عمري ماشفته ضعيف كذا
مناير:بحاول أقنعه يجي ياكل
ابو فارس:تسوين خير ي بنتي
وقفت مناير تتجه ناحيته شافته يناظر بالفراغ بس جلست بجنبه تعمدت تلامس كتفه ورمش فارس ينقطع سرحانه مناير با ابتسامه:ما ودك تاكل
فارس :مالي هواء فيه
مناير:طيب وش رايك تلعب معي لعبه واذا خسرت تقوم معي تاكل واذا خسرت أنا سوي الي يريحك
فارس لف يناظرها:مالي خلق والله يامناير
مناير مسكت ذراعه بترجي:عشان خاطري
فارس زفر بهدوء ولف لها وقال:وش نلعب
مناير تحمست تربع:حجره ورقه مقص دايم العبها مع عز
فارس:وشو ذا
مناير جلست تحكيه طريقه اللعبه وبعدها ابتدو يلعبون بس مناير فازت من اول مره فارس :طبيعي تفوزين خبره فيها
مناير:قوم للفطور يامهزوم
فارس ضحك ومد يده بيرفع شعرها عن كتوفها بس هي رجعت على ورى كردة فعل بسبب انه يضربها كثير ففقدت الطمأنينه شوي فارس ناظرها بكسره
ووقف وقال:ما ابي فطور خلاص بروح انام
ام فارس:ياولدي تكفى تعال
مناير:فارس اتفقنا والاتفاق انك تسمع كلامي
فارس بصراخ:ما ابي انتو ما تفهمون
ارتجفت مناير وام فارس زعلت على ولدها ومنه ووقف ابو فارس بحده :اعقب ياولد واحترم امك معد تحترم وجودي ي قليل الادب
فارس يشد راسه:قلت لكم حّلو من دربي ما ابي اكل خلاص هو بالغصب
ابو فارس بحده:عنك ماكلت وأقصر حسك
مناير انصدمت منه ومن دعوه ابوه وخافت وقالت وهي تلتمس ذراعه بحنيه:فارس هو ...دفع فارس يدها :اووه خلاص ما احتاج شفقه منك بعدي
ابو فارس تقدم هنا بقهر وهو رافع عصاه بيضربه بس مناير وقفت قدام فارس وقالت:تكفى بوجهي ي عمي هو تعبان مو عارف ايش يتكلم
فارس :خير شايفتن ورع عندك ما اعرف اتكلم ،وبعدين ي ابوي ماني بزر كل ما سويت شي مديت يدك علي
مناير لفت علي فارس:خلاص فارس اش
ابو فارس بعصبيه:الي ما يحترم ابوه ورع ويبي له أعاده تربيه
فارس:أنا تعبت من هالبيت وتعبت من المشاكل
ابو فارس:انقلع
جاء فارس طالع ومناير تحاول تمسكه وتهديه وهي تقول:اصبر فارس
فارس بغير احساس منه وهو معصب ويمشي دفع مناير بقوه وهو يقول بعدي عني وصقع راسها بجدار الحوش وشهقت ام فارس وصرخ ابوه :منايييررر
فارس كان معطيهم ضهره وقف بصدمه ولف بصعوبه وهو متمني انه مايكون صار لها شي وهو السبب فيه ناظر فيها طايحه على الارض واتجهت ام فارس ركض لها وهي تبكي وابو فارس يمسح وجهها ويضربه بخفيف:يابنتي ردي عليه انتي طيبه
فارس واقف بصدمه يناظر وانقطع سرحانه لمن صرخ ابوه:ذبحتها ي فارس ذبحتها ياولدي الله يعفيني من ذنبها يوم زوجتها شيطان مثلك
فارس ما احتمل كلمه ذبحتها وتذكر موت خويه وانطلق ركض لمناير وهو يمسكها من راسها ويهزّها :مناير لا ما اتفقنا تخليني وتروحين تكفين قومي حارشيني اضربيني كبي المويه علي راضي بس لاتتركيني
انهار يبكي وقالت امه:ودوها المشفى
فز فارس يشيلها بين ذراعيه وبدون غطاء وشعرها مايل للأرض وهو يركض للسياره وبسرعه طار للمستشفى
عند اديم ورنيم وريم الي راحو لغنى بفلتهم يتصلحون هناك
رنيم:بنات بدق على غيم تجينا
ريم:لاتخافين مستحيل تترك بيوم مهم مثل ذا
رنيم:ياعيوني هي بس برسل لها لوكيشن البيت تجينا
طلعت رنيم تمشي في سيب الفله تراسل غيم وهي تقولها تجيهم وترسلها اللوكيشن وفزت بخوف من الايد الي سحبتها وشهقت بصدمه من شافت شهاب بوجهها وهو سحب بيدها لمن شافها لوحدها ودخلها غرفته وسكر الباب وسندها عليه وهو محاوطها بيدينه وساندها على الباب
رنيم بخوف وتوتر من قربه : شهاب خوفتني الله يسامحك
شهاب ابتسم :منجد !!
رنيم بحركه عفويه سحبت يده وتحطها على صدرها:حس قلبي وشلون يدق بقوه
شهاب ابتسم من لمساتها وهو متاكد انها مو مركزه لمن سوت الحركه وحط عينه بعيونها ورنيم هنا انتبهت وهي تترك يده وتلفت يمين ويسار تهرب من عيونه بس شهاب مسك ذقنها بحنيه وهو يرجع شعرها ورى أذنها وقال:بسم الله على قلبك ياقلب شهاب وحبه الاولي
رنيم توترت من كلامه اكثر واحمرت خجل وهي ماعرفت ترد وضلت تناضر أصابعها بس قطعها شهاب:ليه مستحيه ترا احب اقولج انج اليوم راح تصيرين حرمي رسميا يعني من اليوم انتي حبيبه قلبي وروحي وكل شي بحياتي
رنيم تخصر:من اليوم ليه قبل وش
شهاب:هههههههههههه يمه منج الحين طلع لسانج
رنيم ابتسمت :اي أنا الأساس بقلبك وبس
شهاب يمسك يدها :والله انك الأساس والاهم ونبر ون بعد
رنيم دفعته شوي عنها :عطني مجال لسا ما كتبت كتابي عليك
شهاب:اوف هذا غرور او تغلي
رنيم بغرور:الي تبي بس اكيد تغلي
شهاب اتجه ناحيتها ورنيم من الخوف رجعت على ورى بتهرب بس انصدمت من مسكها من خصرها وهي حركة جريئة من شهاب الي انصدم كيف قدر يسويها بس تاكد ان قلبه هو الي يحركه مو يده وهمس باذنها:اوريج التغلي المساء بعد كتب الكتاب
رنيم لفت تناضر قربه وهمساته ولمساته وبعد يده شهاب وطلعت بسرعه من الغرفه وقلبها يرجف واتجهت للبنات الي ماكانو منتبهين لها وهم يشوفون فستانها واكسسوارات ملكتها وينسقون لها ميكبها وتسريحتها
ودخلت معهم بمودهم ودقايق ورسل جوالها غيم الي قالت جايه لك ي اخت قلبي
عند غيم الي صحت على رسايل رنيم وفزت بسعاده وفرح وهي تجهز وتحمم وتاخذ أغراضها فستانها واكسسواراتها وعطورها واستغربت ماشافت عز توقعته برا يفطر طلعت من غرفتها وشافت مزون وامها الي جالسين مع رحمه والجابر وقفلت غرفتها غيم بالمفتاح وطلعت متجهه للجلسه وهي تبتسم وتبوس راس جدتها وخدها :صباحك عسل ي جنه الدنيا
رحمه بحب:هلا حبيبتي صباحك رضا ونعيم
غيم:ياجده بروح عندي فرح انتبهي عليك
الجابر كان يناظر بحنيه غيم على رحمه كان متمني انه ماخسرها بداخله ومايعرف ليه قدر يكرها بس الي زعله منها انها قويه مثل امها ولذالك كان يحس ان موت ولده بسبب امها لانها هي راحت معه بدون علم الجابر ولقو حتفهم
مزون:دفعت مردي
ام مزون:حقيقي اليوم بتعم السكينه
غيم:ههههههههههههههه ي الله نعطيكم بس فتره بسيطه عشان تخططون وشلون ترمين عديمه الكرامه على عز
ام مزون:شكلك ناسيه انه امس ماد يده عليك
غيم:وشكلك ناسيه انه البارح راضني ومانمت إلا بحضنه وانا راضيه
غيم ماتدري ليه قالت كذا بس كانت تبي تقهرهم وفعلا مزون وقفت بقهر تتجه للمطبخ وقلبها يغلي مجرد تخيلت ان عز قرب لغيم
طلعت غيم من المزرعه مبتسمه وهي تحس بلذه انها بكت مزون الي فاقعه قلبها
عند عز الي اتجه لمكتب مدير المستشفى الي تشتغل فيه غيم وهو يحاول فيه يرجع غيم للشغل وقال:اقلك ان كل الي جوك يتهمونها انها مقصره بشغلها مدعومين من شخص يشوهون سمعتها وتفصلها
المدير:ليه ما تقول ان انت تكذب وتقول كذا حتى أرجعها
عز:ليه أكذب أنا اقول لك الحقيقه ليه تخسر موظف مثلها عشان كم شكوى من مرضى
المدير:يهمني رأي المرضى بالخدمه المقدمه لها وغيم جت شكاوي لها كثيره
عز :طيب بكيفك بس بكره تجيها عروض وظيفيه من مستشفيات ثانيه انت تكون خسرت موظف كفئ مثلها
المدير :جتها عروض هي
عز:سمعت ان جاها
المدير جلس يفكر ويحسبها بينه وبين نفسه وبعد تفكير طويل قال:بعطيها فرصه ترجع بس بشروطي
عز ابتسم بثقه:اسف بس هي بتحط شروط دامك بتصدق كل من هب ودب بشغلها
المدير بصدمه:كيف
عز:الي سمعته واول شرط في حال تكرر نفس كذا تدفع تعويض مالي وقدره
المدير بصدمه :كيففففف؟؟
عز:تبي اوكي ما تبي مليون مستشفى يقبل فيها
جاء عز بيقوم تاركه بس وقفه المدير بقوله:موافق
ابتسم عز بقوه واخذ ورقه العقد الي ترجع غيم لشغلها وطلع من المستشفى فرحان ومبتهج رن جواله من جاه اتصال من مزون واستغرب رد وهو يسكر الباب:هلا مزون
مزون بقهر وبكي:كذا ياعز كذا تخونني
عز باستغراب:انهبلتي خيانه وش وبعدين وش قصدك من انتي عشان أخونك
مزون:تقول غيم انك تنيمها بحضنك كيف سمحت لها تقرب منك كيف سمحت لها تلمسك
عز بصدمه يسوق مو مصدق :هي قالت لك كذا؟
مزون ببكي:اي
عز ابتسم: زوجتي اكيد بقرب لها
مزون بقهر:هذا كلامك لي
عز:مع السلامه مزون وياليت معد تتصلي وتحترمين اني متزوج وبالأحرى ماتتدخلي بحياتي
قفل عز وحط جواله على فخذه وساق وهو مبسوط ورجع رن جواله ضنها مزون وبسرعه فتحه بدون يناظر المتصل وقال بحده:نعممم يامزون
غيم:لا وبعد تكلمها
عز بصدمه يناظر بالجوال ورجعه لاذنها غيم بقهر:الشرهه علي تقلع
عز:لحضه لحضه غيم
غيم:خير وش عندك
عز:فاهمه غلط هي كانت تكلمني قبلك ففكرتها هي كنت...قاطعته :اجل باي عشان ماخرب مكالمتك الرومنسيه
عز فتح فمه بيتكلم بس قفلت بوجهه وانقهر عز من نفسه انه ما انتبه للمتصل وبس تذكر كلام مزون رجع يبتسم وهو يسند يده على الدريشه ويحط اصابها على شنبه والفرحه مو سايعته
عند فارس ومناير
كانو بالطوارى ومناير بدت تصحى وفتحت عيونها بصعوبه وهي تحس بدوخه قويه وناظرت بفارس الي فز يمسك يدها ويسندها تجلس بس هدت الدوخه وجلست مناير دفعت يد فارس بعيد وهي تقول:تعبت اعطيك فرص يافارس ماني طالعه من المشفى إلا على بيت ابوي
فارس رجف قلبه بس ماقدر يعارض رغبتها وهو خايف تنتكس وقال:ابشري من عيوني المهم انتي تصيرين طيبه
قطعهم دخلت الدكتوره الي قالت:احب أطمنكم مناير انتي طيبه مافيك شي والدوخه بسبب النونو الصغير
فارس توسعت عيونه بصدمه ومناير بعدم فهم او هي متمنيه انها سامعه غلط:نونو ايش
الدكتوره:انتي حامل
مناير....