يا صدفً عشنا بعدها حبيبين

٥١

ببيت اديم وصل الخبر لابًو اديم عن حريق مزرعه الجابر وفزو بخوف هو ومحمد وأديم متجهين لمزرعه الجابر ورفعت جوالها اديم تدق على رنيم الي كانت تكلم شهاب
رنيم:شهاب دقيقه اديم تدق بدخلها معنا بالمكالمة
شهاب:ياليل النشبه
ضحكت رنيم وردت:هلا اديم
اديم بخوف:رنيم بسرعه قابلينا بمزرعه الجابر احترقت وغيم تعورت
رنيم فزت بخوف:كيف !!!؟
شهاب فز بخوف:طيب تعور احد احد صابه شي
رنيم بدموع:الحين جايه
شهاب:رنيم لاتروحين بروحچ أنا ياي وياك لاتسوقين انا بمرچ
قفلت رنيم واتجهت تلبس عبايتها عند شهاب الي نزل من الدرج ركض وقابلته اخته توها راجعه من السفر وقالت:وش فيك
شهاب:غيم صار عندهم حريق وايد كبير ورنيم بتروح لها وخايف عليها من الطريچ
غنى:يالله بجي وياكم
طلعو من البيت متجهين لرنيم وبسرعه اتجهو لمزرعه الجابر
عند عز الي كان يناظر برجل غيم وهو يهمزها:تعورك؟يمكن كسر
غيم :أنا طيبه لكن تكفى انت ضهرك ي عزو
عز ابتسم لنطق اسم عزو وقال:لو كنت تعبان ارتحت خلاص المهم انتي تكونين طيبه
لفو على ابو اديم الي نزل وأديم الي اتجهت ركض وهي تحضن غيم وبعد عز عنها ياخذون راحتهم وشاف جده يضرب يدينه ببعض:راح تعبي راح شقى السنين
ابو اديم :اذكر الله كله معوض المهم انتو طيبين
الجابر:والله انكسر ظهري ي ابو اديم
محمد يهمس لعز :ولد وش صاير
عز:شوفه عينك
محمد:من حرقها؟وكيف صار كذا؟
عز:مدري بس اتمنى مايكون الي ببالي
محمد:من ببالك
عز:بعدين بعدين
استند عز على سياره الاسعاف وهو يقول للمسعف:ضهري يعورني ابي مسكن
المسعف هز راسه يباشر حالته
عند اديم الي كانت تشوف رجل غيم:الحمدلله بسيطه التواء بس لفت على المسعف تلبس قلفزها وهي تضربها مسكن ولفت على رنيم الي نزلت مع شهاب وغنى واتجهت ركض وهي تبكي وبسرعه حضنت غيم
غيم تطمنها:أنا طيبه لاتخافين
ناظرت برجلها وقالت اديم:غيمي بعورك شوي تحملي
غيم هزت راسها وشدت يد رنيم وبسرعه لفت رجلها اديم وشهقت غيم بالم وحست ارتاحت شوي بس راح الالتواء لكن رجلها لسا منفوخه
رنيم:فيه كسر؟؟
غيم:لا
رنيم:ليه لسا منفوخه لازم نسوي أشعه
نزلو الكرسي وشالوها عليه ينقلون رجلها بهدوء وركبوها الإسعاف واتجه عز يركب معها وركبت اديم ورنيم
شهاب اتجه للجابر:معوضين خير يعمي
الجابر بدموع يضرب راسه
ام مزون:الي حرقها والله لحرق قلبه
نواف:خلونا نروح بيتي هيا
تقسم الكل بالسيارات وغنى شافت ثنيان صاد وهو يمسك يده بالم وقالت:سلامات فيك شي يعورك شي
سدن كانت واقفه تناظرهم معتمده على سياره ثنيان وهي كانت ناويه تروح معه هو وسلمان
ثنيان:لا بس شكل يدي ضربت بشي تعورني ماحسيت بنفسي
مسكت كف يده غنى:اشوف وريني
ثنيان ناظر فيها واخذ نفس من مسكتها وهو ماوده بلمستها بس رفع نظره وجت عينه بعين سدن الي كانت تناظره بكسره والدموع تجمعت بعيونها وصدت تركب السياره ورى وسحب يده ثنيان من غنى:أنا طيب شكراً
اتجه يركب قدام وهو ناوي يسوق وشاف سدن الي مستنده بضهرها على المقعد بتعب ولف المرايه عليها وقال:لاتفهمين غلط ما بيني وبينها شي
سدن بتعب:مايهمني سو الي تبي
ثنيان لف عليها:وش فيك تعبانه
سدن حطت يدها على وجهها تبكي وناظرها ثنيان بزعل عليها وهو عرف انها غارت بس جاء بيتكلم ركب سلمان واستحى وشغل والكل اتجه لبيت نواف الي تكدس بالكل
بالمشفى نزل المسعفين بعز وغيم وبس وصلو الطوارى قالت غيم:أنا بخير شوفو عز
عز:أنا طيب خليهم يشوفونك
اديم:اهجد انت وهي وقت رومنسيتكم الحين
الكل ضحك من كادر طبي والبنات وتلطف الجو شوي
غيم شافت الكل واقف عند رجلها وقالت :رنيم هاتي قلفز ومسحات وكريم حروق
رنيم استغربت بس جابته لها واشرت غيم بعيونها لعز:تعال قرب
قرب عز منها وهي تلبس قلفزها وبدت تعقم الجرح الي بكتفه وتطهره وحطت كريم حروق والكل يتأمل علاقتهم الحلوه كيف خايفه عليه وخايف عليها خلصت غيم ولفو على ريم:دقايق وتجهز غرفه الاشعه
هزو روسهم غيم وعز وطلعو الكل من عندهم تاركينهم مع بعض ولف عز على غيم وجلس بجنبها على السرير وقال:غيم سوال واحد وجاوبي بصراحه
غيم تجلس بشموخ:أي أنا أحرقتها ادري بتسألني كذا
عز ناظرها بصدمه:ليه ياغيم ليه هالجنان
غيم:هالمزرعه هي سبب كل آلي أنا فيه خليها تحترق يمكن تطفي شوي من النار الي بجوفي
عز:بس ...غيم:تكفى ي عز أنا كنت بحاجه اشفي غلي
هز راسه عز وهو تخوف من حركتها ومسح على يدها بحنيه
بعد دقايق دخلو غرفه الاشعه وطلعت غيم انه مجرد التواء اما عز فالالم بسبب عدم الجباره الكويسه لضهره ولازمه جباره سليمه بأسرع وقت
طلعو من المستشفى ولفت غيم على عز ومسكت بيده:عز بروح السكن مع البنات
عز:لا ابيك تحت نظري
غيم:ما ابي أشوف الجابر وام مزون ما ابي احرق بيت عمو نواف كمان
ابتسم عز وقال:طيب خليك جاهزه بكره راح امرك بدري راح نروح نعيش ببيت لحالنا بعيد عن المشاكل وكل شي سيئ
غيم ابتسمت:تمام
تقدم عز يبوس جبينها بحنيه:انتبهي على نفسك ولو احتجتي شي كلميني
غيم توردت خجل من حب جبينها وقالت:انت كمان
هز راسه وطلع مع محمد الي اخذه واتجهو لبيت نواف اما البنات اتجهو للسكن
عند مناير الي كانت طالعه من الحمام وفارس متمدد على السرير
شافت جوالها يجيبه رسايل ورى بعض وبس فتحته طاح جوالها من يدها وصرخت وفز فارس بخوف وهو يمسكها :بسم الله عليك مناير وش نوحك
مناير:ابوي ابوي المزرعه حريق
فارس:اهدي اهدي تعالي اجلسي
ام فارس دقت الباب بخوف وجلس فارس مناير وقال لامه تدخل ودخلت بخوف:وش فيكم وش صاير
منايرببكي ودموع:مزرعه ابوي ي خاله احترقت
ام فارس:لا إله إلا الله هم سلمو احد جاه شي
مناير:لا كلهم طيبين بس ابوي تعب مره في عالمزرعه اكيد تعبان ومنهار
فارس يمسك كتوفها بحنيه:المزرعه تعوض المهم سلامتهم
مناير تضرب فخوذها:ياويل قلبي عليه راح تعبه كله
ام فارس:اذكري الله يابنيتي المهم هم طيبين
هزت راسها مناير وطلعت ام فارس بعد ماهدت مناير واتجه فارس يعطي مناير مويه وقال:اهدي ي عيوني كله يتعوض اهمشي الروح لاراحت ما تتعوض
مناير ناظرت بفارس الي واضح تذكر خويه وهي تفز وتحضنه بقوه:صحيح صادق تكفى لاتزعل
فارس ابتسم بخفيف وطلعها من حضنه:المهم انتي ماتزعلين أنا عادي
مناير ابتسمت بخفيف وقالت:عادي نطلع الرياض بكره
فارس:نطلع لعيونك
مناير ابتسمت تسحب يده بتبوسها بس هو سحب يده بسرعه وباس جبينها بحب
"صباح اليوم الثاني "
ببيت نواف صحي عز على صراخ بالمزرعه واتجه لهم بخوف وهو يشوف جده يصرخ والعسكر واقفين والكل مجتمع
عز:وش فيه وش الصيحه ؟
الجابر:شايف نهايه دفاعك عنها شايف وش سوت ضيعت تعبي كله والله ما أتنازل عنها والله
عز بحده:وش العلم وش السالفه
العسكري:الحريق بفعل فاعل كانت المزرعه مرشوشه بنزين عشان كذا كانت النار تمشي بسرعه عجيبه
الجابر:أنا ابي اشتكي عليها أنا مو متنازل عن حقي
نواف:اصبر ي ابوي هد
عز:ي جدي كفايه ترا الي سويتوه فيها مو شي بسيط
الجابر:انطم والله لدفعها الثمن غالي والله لدمرها
ثنيان:انت دمرت البنت وش باقي تدمر فيها
جابر:ثنيان صادق جدي كفايه عذبتو البنت
عز اتجه بالعسكري يصرفه وانها مشكله عائليه بيحلوها بينهم
وبقي العايله بس ووقف الجابر بحده يضرب بعصاه:البنت ذي راح تتعاقب وماني متنازل عن حقي
سلمان:توها رجعت لعملها راح تدمرها كذا ياجدي اعتقها خلاص
عز اتجه لجده بخوف على غيم:جدي أترجاك تكفى أنا حرقتها مو غيم بس اتركوها بلحالها كفايه الي عاشته
الجابر دفعه عنه:قلت الي عندي وانا طالع اشكيها والحين
عز :جدي تكفى اسمعني أنا الي حرقتها مو هي
الجابر:لاتحاول تقنعني لاني متاكد انه هي انت كنت معنا يوم ولع الحريق
عز وهو يشد راسه بقهر وهو عاجز وش يسوي وقطع رجفته وخوفه ام مزون الي قالت:ماراح نشكيها
الكل ناظرها بصدمه واولهم الجابر الي قال:وتعبي من يعوضه
ام مزون بغرور:ماراح نشكيها بس لنا شرط واحد
الجابر ناظر باخته وعز فز بحماس:أنا جاهز له
عز حسب انها بتطلب نص المزرعه بس جمدت عظامه من قالت :تطلقها وتعقد على مزون
عز ارتخى جسمه بصدمه وهو مو مصدق وصرخ:انتي انهبلتي وش تقولين
ام مزون:أوعدك مانلمسها ولانقرب لها انت قلت ان زواجك تحميها منا طلقها وابعدها عنا وعن المشاكل تضمن سلامتها وعشان تضمن ان مانشكيها تعرس على مزون
سدن بقهر:انتي مريضه ماعندك كرامه
عز تجمعت الدموع بعينه بمنظر هز قلوب الكل واتجه عند رجول جده يشدها:تكفى ياجدي قول شي أنا ما اقدر بدون غيم أترجاك لاتاخذها مني
سدن وايلين وكل البنات نزلت دموعهم من منظر عز الي فعلا كان يكسر الخاطر ويعور القلب والجابر داس على قلبه وهو يرفس عز:بعد الي عندها سمعتاه طلق وتزوج مزون وتضمن سكوتنا والا حبيبيه القلب راح تدمر كلياً
عز ببكي شوي ويحب رجله وهو يترجاه بس الجابر كان قلبه قاسي وماعرف معنى الرحمه وقف عز وهو يمسك كتوف العيال وكتف ابوه وكتف عمه وهو يقول:تكفون قولو شي أنا ما اقدر بدون غيم انتم تفهمون الي أقوله ما اقدر اطلقها
الجابر:بتطلق ي عز ورجلك فوق رقبتك
عز ببكى وصراخ طاح على رجوله وهو يمسك قلبه بقهر ويكح وفزت امه ببكي تمسح على ظهره:ياولد قلبي انت لاتطلقها خلهم
عز بدموع يناظر امه:ما اتحمل اشوفها مكسوره
ام عز:الله يحرق قلوبهم نفس ما احرقو قلبك
الجابر بصراخ:طلق ي عز
عز ناظره بدموع:جدي تكفى
الجابر صد ماشي:اجل حبها ورى قضبان السجن
قطع طريقه صوت عز المبحوح من البكي:غيم طالق
الكل شهق بصدمه وابتسمت ام مزون بنصر والجابر لف عليه بشموخ ومزون توسعت عيونها بفرحه وقف عز وهو يطلع من البيت بكل قهر
إيلين:يارب احفظه اخاف يصير له شي
سلمان:ليه ي جدي لامتى الطغيان هذا فيك
الجابر:اعقب مالي كلام مع الورعان
سلمان:اجل احب اقولك أنا مع اخوي وأنسى اني حفيدك
جاء سلمان بيمشي بس وقفه صوت ابوه الي قال:أنا معك
وصفو كل عيال عمه معه والحريم كلهم حتى جدته الي قالت:أنا ما اجلس مع واحد ذابح ولدي
الجابر:أنا مالي جلسه ببيتك دامك تخالفني وسعد ولدي معي وانتي يارحمه تبين تجلسين مع عيالك
سعد:اسف يا ابوي بس أنا مو معك
انصدم الجابر وقال:هين ي سعد هذا كلامك
رحمه:أنا ماني معك كمان
الجابر لف لها:انتي بعد اجل انتي طالق
شهق الكل بصدمه وتوسعت عيون رحمه بصدمه وتجمعت الدموع بعيونها :افا ي ابو عبدالله بعد هالسنين كلها بعد الضيم الي عشته معك كذا تجازيني
الجابر هزه ذكرى ولده بس صد واستند على ام مزون وطلعو ومزون معهم والعيال اتجهو لجدتهم يحضنونها ونواف يبوس راسها:ولايهمك ي الغالي والله تجلسين عندي معززه مكرمه وخليه
رحمه:بعد العشره هانت عليه
سدن:الله ياخذ ام مزون
الكل:امين
عند غيم بالسكن صحيت بحماس وهي ناويه انها تعيش مع عز بحب وتعترف بعلاقتهم وهي تحكي البنات بحماس كيف ناويه تبدا مع عز وتبني حياتهم بحب وكأنو كلهم مجتمعين بالصاله يناظرون فرحتها وهي تجهز وفرحانه بس رن الجرس فزت بفرح:وصل اكيد عز
فتحت الباب بحماس وشافته عز وابتسمت:اهلين صباح النور مقدما
عز وحس العبره خنقته من شاف بسمتها وناظرته غيم باستغراب لوجهه المخطوف ومسكت كتفه بحنيه وقالت:عزي فيك شي احد صاير له شي
عز صد بقهر من اسمه الي نطقته كذا واول مره يكره اسمه كذا ونزلت دمعه من عينه وارتجف قلب غيم بخوف وهي تناظره ومسكت فكه بحنيه:ليه تبكي وش فيك
عز سحبها بقوه لحضنه يشدها وهو ماوده يطلعها من حضنه وده يوقف عمره كله ولايقولها الي صار تمنى كل الي صار حلم شدها بقوه لدرجه يسمع قوه عظامها من شده غيم الي كانت خايفه من حضنه وقوته وهو يشدها وبعد دقايق طويله بعد عندها وباس جبينها بقوه وقالت:عز وش فيه
عز بعد عن جبينها ورجع خطوتين ورى وجاء بيتكلم وينطقها بس حس غصه مسكته بحلقه وصد يشهق ببكاه وبس شافته غيم كذا قربت له بس تجمدت رجولها بالارض من قال :انتي طالق
ووو