يا صدفً عشنا بعدها حبيبين

٧٥

جت بتمشي تاركته بس انصدمت من سحب بيدها يجرها لصدره ويحتضنها بكل قوة الدنيا توسعت عيونها بصدمه ورجف جسمها كامل وهي بعد حركة الاخيره بمهاب قررت انها تنسفه من حياتها والحب الي بقلبها كله يتحول كره اوجعها قلبها لمن تسمعه يقول:اخدعتني كنت شاك بها قلبي يقلي انه تكذب علي دست على قلبي وطاوعتها خذت كل شي مني سودة وجهي قدام الناس الحين وش بيقولون وش سبب هروبها مني من يسكت الناس الحين
نرجس كان تحس برجفته وكلماته المخلوطه بقهر ودموع جت بترفع يدها تمسح ظهره بس تذكرت كلامه لها وأنه يكرها وفضل نرجس عليها تذكرت مرارة الشعور كيف يهينها وهي الي رغم كل شي حصل حبته وتحملته نزلت دمعتها وبسرعه مسحتها وهي تفك يدينه منها وتبعده عنها ناظر ناصر باستغراب وشاف عيونها الي لأول مره يحس فيها حده وقهر وكره له من عرفها وقالت:لاتحاول تتعدى حدودك معي واذا على فرح فحنا من زمان نحكي لك فرح شيطان بس انت كنت تطنش كلامنا وتجري وراها يالله مو ركزت وراها تحمل نتيجه أفعالك
جت بتمشي نرجس بس وقفت ولفت عليه وقالت:مهاب لعد تعترض طريقه ان خدشته بس خدش هالمره أنا راح أذبحك بيدي
ناصر حس قلبه انعصر وهو يناظر بنرجس الي تغيرت حيل وصار في اسلوبها قسوة لانت ملامحه بكسره وبترجي همس:نرجس تكفين لاتروحين لاتتخلون عني كلكم
نرجس حست بالكسره فيه وقلبها موجعها عليه بس صدت وهي خلاص معد تحس قلبها يتحمل وبسرعه طلعت تلبس عبايتها وركبت مع السواق وهنا انهارت بكاء بصراخ لدرجه السايق انفجع وكل شوي يسألها بخوف انتي بخير وترد اي بعد موجه بكاء اتعبت نرجس رفعت جوالها على ابوها تعلمه بالي صار وختمت كلامها بقول:ي ابوي اعرف ان ناصر غلط وغلطه كبير لكن خوفي بعد ذا الشي ينحرف لدروب تهلكه شوف له حل يكون تحت نظرك هو مكسور الحين والخوف لاطب بشله ماتخاف الله وتضيعه
ابو مهاب:طيب أنا اشوف حل
قفلت نرجس تعدل نفسها وهي تشوفها قريبه من بيتهم نزلت وهي تدخل داخل غرفتها ترتمي بتعب وملامح ناصر وكسرته ما تروح من بالها ومن التفكير نامت
"بالفندق عند سدن وثنيان"
ثنيان:كنت احسب اني بعجز وانا ماعشت هاللحضه
سدن الي تمسح ميكبها بعد مانزلت الفستان وتعشو:اي لحضه
ثنيان يسحبها بقوه لحضنه:لحضه تكوني معي وقريبه مني
سدن بدت توتر ويمغصها بطنها:طيب أنا دايم قريبه منك
ثنيان يمسك ذقنها بحنيه يحط عينه قبال عينها وغمز بعينه:ابي اقرب اكثر
سدن احمر وجهها وزادت رجفتها وخوفها وتسارعت ضربات قلبها توتر وربكه بس مع هذا استسلمت له و:)

بفله عز
كان بقي العايله فقط ومعهم برق الي دق كتف عز:ناد اختك
عز:ارفع علومك ي ولد
برق:اعقب ونادها تراها حرمتي
عز:ههههههههههههه بس الكلمه تحر ناد اختك
برق:كيف فقعت قلبك؟
عز:لو غيرك ثورت فيه
برق:اجل دزها نادها
عز ابتسمت يوقف يتجه لفله عمه دخل شاف الخدم ينظفون والبيت شبه بدى تخف الحوسه استغرب مافي احد اتجه فوق وهو يتنحنح وسمع أصوات البنات في الغرفه وضحكهم عرف انهم يحشون تنحنح ودق الباب وهو يصوت:بنات
فزو بخوف وطلعت له غيم وهي تذكر آخر سالفه لهم وتضحك وبس فتحت الباب سحب بيدها عز يقول:دوم الضحكه
غيم تعقدت حواجبها وهي تتذكر صراخه عليها وطنشته تسحب يدها من يده وتنحنح عز:اوف كل ذا زعل؟
غيم:اسال روحك
عز:نادي نور تروح لفلتي وانتي الحقيني بالمجلس تحت
غيم هزت راسها ودخلت تقول لنور الي مافهمت ليه تروح لفله عز ونست اصلاً عن برق وبضنها انه راح نزلت بالبجامه متجهه لفله عز وغيم الي سحبت على عز قاصده تبي تحره وتأدبه مايرفع صوته عليها
عند نور الي كانت على جوالها وتمشي وهي تضحك على سوالف البنات بالقروب وشهقت من حست بأحد سحبها ومن السحبه طاحت النظاره وتوترت صارت تمد يدها تدورها بشكل يعور القلب منظر وجهها وهي خايفه وشكلها وهي قليله حيله ورجفت شفايفها شوي وتبكي كانت تحت أنظار برق الي سحبها وبسبب السحبه طاحت نظارتها اخذ النظاره برق وهو يمسك يدها بس حست يده شهقت برعب وهي تبعد عنه ورفعت نظرها تشوفه برق بس نظرها شبه مشوش لان مو واضح مره إلا بالنظاره وقالت برجفه وخوف:نظارتي طاحت عطني هي
برق يرجع يمسك يدها:تعالي معاي وبعطيك هي
نور بخوف:ماراح امشي خطوه بدونها عطني هي
برق شاف أسلوب الحده والزعل فيها ومد يده يلبسها نظارتها واول ماناظرت جت عيونهم ببعض ورجعت نور بخوف على ورى
برق تقدم لها وهو يمسك كف يدها:تعالي بسولف لك
نور كانت خايفه بس ماتعرف ليه تحس بحنيه وامان مع برق ماكانت تحسها بمحمد قبل جلست وجلس بجنبه وهو يلف يقابلها وقال بجديه :شوفي زواجي بيكون بعد زواج عز وبيكون مختصر وشي بسيط ما ابي الزحمه والقروشه والقرار راجع لك لو تبينه كبير ابشري
نور:مو انت نويت وقررت وش فود رايي
برق ابتسم:ذي نبرة زعل يعني
نور:لا معد تفرق
برق:لا واضح زعلانه اجل ابشري اكبر قاعه بالرياض تحضر لك
نور بعدم انتباه تحط يدها على كف يده وهالحركه تغلب بنور لاسولفت مع احد ماتحس بنفسها إلا يده على يده وقالت:مو قصدي كذا بس عادي يعني سو الي يريحك
برق ابتسم للمسه يدها وهالحركه حس فيها حنيه كبيره منها ونزل نظره ليدها انتبهت نور وهي بسرعه من الفشله سحبت يدها برق ابتسم بخفيف وقال:اجل خلاص بعد زواج عز بيوم كوني جاهزه
نور هزت راسها بدون رد وقرب برق منها ورجعت بخوف منه ومسك كف يدها وهو يقول:نور ابي اقلك شي
نور توترت مره وبدت تحس بكتمه وهي مركزه فيه وتسمعه يقول:راح نسافر برى السعوديه ونسوي عمليه لعيونك و...قاطعته بسرعه من قالت:إذا عيوني مزعلتك ومتضايق منها مو مجبور تأخذني عادي تقدر تنسحب وانا بتفهم وضعك
برق:اشش وش هالكلام بعد تقولين كذا أنا لو خارتك عيونك عيوني موجوده والله يانوري لو مابقي من عمري إلا يوم ما اقضيه ولا أعيشه إلا معك صحيح طريقه تعارفنا غريبه بس أنا راضي تمام الرضى فيك وقلبي وعقلي يبونك
نور رجف قلبها لكلامه وصارت رجولها تهز بتوتر وتفرك يدينها ببعض ونزلت دمعه من عينها بس برق بسرعه مسح دمعتها ومسك يدها الي واضح التوتر فيها وقال:أنا قلت كذا ما ابي أشوف شعور الكسره فيك ما ابيك تحسين بنقص قدام احد حتى لو كان أنا واذا علي أنا فا احب اقولك عيوني طوع امرك وين ماتبين وعساها فداك وعديها عيونك الي تناظرين بها وبعدين الي خلق هالعيون الحلوه ماخلقها للبكاء ابتسمي ولاتكونين عبيطه وتشخصني الأمور على كيفك
ابتسمت نور على آخر كلامه الي قاله بلاطفه وهي توقف:طيب
برق وقف وهو لسا ماسك يدها:انتي كذا كلامك كلمه ورد غطاها
نور تضحك بخفيف:مو متعوده عليك
برق:اجل شكلي بضف عفشي واجي اعيش هنا
نور:بالله فكنا تقعد راز وجهك بوجهي طول اليوم
برق رفع حاجبه بصدمه ونور عرفت انها تحمست وهي تحك رقبتها بفشله:احم اقصد عادي حياك الله
برق:ماش الاولى ثابته دام طرده اجل يالله تصبحين على خير
شافته نور يمشي صاد وخافت انه زعل اما برق بس يبي يشوف بتشيل همه او مادرت عنه قبل يطلع انصدمت إيدها الي دخلتها بكف يده وهمست:اسفه مو قصدي بس يعني أنا دفشه اقول الكلام ما اثمنه
برق ابتسم يلف عليها وهو يرجع خلصه شعرها ورى أذنها:مازعلت ومستحيل ازعل منك وعادي تكلمي بالطريقه اللي تحبين
ابتسمت نور تسحب يدها من يده وطلع برق وهي تناظره حتى اختفها من نظرها ورجعت للبنات وفكرها كله فيه
رجع مود السوالف عند البنات بس شهقو بخرشه من دقت عز على الباب الي قال تسترو بدخل فزت بخوف غلا ونور يتسترون ودخل عز وهو يقول:يوم اقلك الحقيني ليه ما تجين حركات المبزره ذي ما ادانيها قولي ماني جايه مو تخليني نفس الاهبل انتظرك ساعه
غيم ناظرت بصدمه والبنات كلهم تفشلو ماعرفو ايش يقولون اما عز الي طلع بقهر وهو يصفق الباب بقوه وغيم ناظرت البنات بكسره وهو بحركة مره صغرها قدامهم وقفت بتطلع وقطعها مناير:غيم ماعليه هو معصب والا مايقصد
إيلين:اي حبيبتي ماعليك يروق شوي ويراضيك
غيم ماردت وهي ماشوف بنظرها إلا انه شافقين عليها وغيم عندها كرامتها خط احمر
طلعت وهي تفور غضب وزعل ونزلت تحت تسال عنه قالو لها بفلته وبغرفته اتجهت لبيته بغضب الدنيا كلها وهي اصلاً طول الطريق تشحن نفسها وهي تقول :كيف سمحت له ليه مارديت عليه الحق علي
بس وصلت غرفته ضربت بالباب بقوه وطارت عيون عز الي فز من الفراش من حركتها ووقف بكل غضب وهو يقول:وش الحركات ذي خير داخله غرفتك ترى في شي اسمه خصوصيه
غيم سحبت الباب تصقع به بقوه تقفله واتجهت تقرب له وهي تقول:ترا اعرف ارد عليك وأكسر راسك بعد بس أنا ما رديت عليك هناك مو ضعف ابد بس كرامه لخواتك ما ابي اكسر شوكتك قدامهم
عز احتدت ملامحه وخاف يتهور ويجرحها وقال:انقلعي برا
غيم:مو قبل ارد عليك
عز:برا
غيم:اسمع جيتي لك اجي بكيفي وبعدين أنا مو مستعده اتحمل تقلباتك المزاجيه لان كل واحد يالله يشيل عمره ماني ناقصه إداري وانت مو بزر اجلس أراعي ضروفك لاني مو مجبوره اولاً وثانيا ان تكررت ورفعت صوتك علي قدام اهلك راح انسى انك خطيبي وراح ارد عليك
عز تكتف:وثالثا حضرة الدكتوره؟
غيم بحده اقرب منه زياده:لاتلومني إذا أوجعتك
عز بغير وعي مسكها من رقبتها يخنقها ورجعها على ورى حتى لست بالجدار وقال:صحيح اني أعزك وأكن لك مشاعر بس الاحترام مطلوب عندي
غيم وهي غصب صوتها يطلع:علم نفسك هالكلام
عز بحده:غيم أنا اقلك اطلعي ليه ماتسمعين الكلام ويوم اقلك الحقيني ليه تتركيني كذا واهم شي ليه تطلعين قدام الرجال بلبس مثل هذاك ماشفتي نظراتهم الوسخه عليك ولاسمعتي كلامهم الي يسم البدن
غيم تضرب يده تبيه يبعد عن رقبتها وقالت:اتركني
عز:غيم متى تبين تفهمين اني أغار عليك متى تنتبهين لحركاتك
غيم:إذا هم كلاب روح ربهم مو تجي عندي أنا ماقللت ادب وانا ماشفتهم اصلاً بدل تطلع حرتك المريضه فيني ورجولك تفرغها علي روح لهم هم
عز شد قبضته زياده وكحت غيم وبدت تختنق نوعاً ماء وهي تشوفه يقول:انتي ليه تجبريني ارجع اشرح مره ومرتين وثلاث ماتفهمين بالمره الاولى وخلص
غيم تناظر بعز الي جالس يوجعها مره وطاحت دمعه من عينها وبدى جسمها يرجف يدل على بكاها ارتخت يد عز الي ماسك رقبتها وغمض عيونها بقهر وبس فتح شافها بتطلع بس ركض وراها وهو يمسك يدها:غيم غيم اسمعيني
غيم:عز اتركني خلاص
عز:غيم انتي ليه تحديني أوجعك قلت لك اطلعي برا ليه ماتطلعين
غيم تمسك رقبتها تحسها لسا تعورها رفع يده عز يبي يمسح راسها بس تفاجأ من حركتها الي اتخذت فيها وضعيه الحمايه ضنن منها انه بيضربه وعز متاكد ان محد يسوي كذا إلا إذا حس الي قدامه بيعنفه لان سدن كانت تعمل كذا على حياه جده توسعت عيونه بصدمه وهو يسحب غيم بقوه لحضنه وهو يقول:لألا لا غيمي تكفين عساني مايوم أجير عليك او أوجعك أنا تخافين مني أنا تحتمين مني الكتف الحنون يخذلك تكفين لاتسوين كذا غيم
غيم كانت بس جامده وهي تسمعه يتكلم وفهمت انه من حركتها بس كانت متعمده تسكت عشان يعرف هز حجم الغلط الي سواه ولايفكر يمد يده مره ثانيه
طلعها عز من حضنه يشوف ملامح الجمود والبرود فيها وهمس:غيمي أنا آسف حقك علي
غيم ماردت بس تناظر في الفراغ
عز يبوس جبينها:حبيبتي تسمعيني حقك علي والله من غيرتي ماعرفت انعميت انتي لو مكاني سويتي الأمر
غيم:أنا مستحيل أغار لاني أثق فيك
عز:طيب حقك علي
غيم هزت راسها وجت بتطلع بس هو مسك وجهها بين يدينه:طاح الحطب؟
غيم :نشوف
عز ابتسم:زعلك يتعب
غيم:احسن
ضحك عز يمسح راسها وطلعت من الغرفه راجعه للبنات وهي مقهوره من عز مره
"صباح يوم جديد"
الكل اتجه لدوامه وروتين جداً عادي ببيت الجابر بس الي فرق انهم يجهزون العشاء لاستقبال ثنيان وسدن
بالمستشفى
صحى مهاب يناظر يشوف ريم الي نايمه بتعب على السرير ورقبتها مايله كان يبي يقوم يغطيها بس تأوه بالم وفزت ريم من صوته وهي تفرك عيونها:وش فيك تحتاج شي
مهاب:ليه نايمه هنا
ريم:لاني ...قاطعها:شكلك منجد تحبيني ي بنت مو قادره تفارقيني
ريم:اقول انثبر
مهاب يرفع حاجبه:وش تفسير تحضرين زواج صحباتك وترجعين للمستشفى
عشاني
ريم وهي تفتح له طريق باللحاف:تفسيره اني حضي مقرود يوم اشتغلت بمستشفى كذا واني مناوبه بسبب هذاك اليوم الي خطفتني فيه بررت له ان ضرف خارق للطبيعه بس هو عاقبني بيومين مناوبه والسبب كله من تحت راسك
مهاب:اوف لهدرجه حاقده علي
ريم:اصبر علي السكين الجايه انا بغزك بها وهالمره بحطها بقلبك عشان خلاص نرتاح منك معد نحتاج ندخلك حتى عمليات
مهاب يوقف بمساعدتها يمسك بطنه ويده الثانيه على كتفه وهي تحت ذراعه تساعده يمشي عشان يلتأم جرحه وقال بضحكه:يامجرمه والله بديت اخاف على نفسي
ريم:ي ابوي لو ابي أذبحك ترا موتك سهل بس انت بسبع ارواح اجل جسمك كله رصاص وطعون ولا وحده ذبحتك
مهاب بصدمه:اذكري الله ي بنت مايصلح كذا
ريم:هههههههههههههههههه طلعت تحب الحياه والله مالكم أمان ي الرجال توقعتك بتدور الموت بعد مافارقت حبيبه القلب
مهاب:ههههههههههههههه ليه انجلينا جًولي هي حتى أموت عليها خلها تروح معوضين خير والبنات ياكثرهم
ريم:ماش ما انت وفي
مهاب:معد عرفنا لكم ان وفينا قلتو ليش ومن زينها ماتستاهل وان تخطينا قلتو كذابين وماعندكم وفى انتى ي الحريم بس اتمنى افهم عقليتكم كيف مركبه
ريم:ي الحريم ماشاءالله كم في قلبك انت شكل فندق
مهاب انفجر ضحك ملتمس غيره بصوتها وقال:اوف شكلك غيرانه
ريم الي من داخل غارت فعلا بس قالت:وليه أغار مو من زينك ترى
مهاب يشدها له:لاتغارين حاجز لك غرفه كمان
ريم توسعت عيونها بصدمه وهي تضرب عمليته بخفيف وفز بالم :ايييييي
ريم:تستاهل ي النسونجي
مهاب بضحكه:رجعيني تعبت
ريم تطلع من تحت ذراعه:دبر عمرك والا ناد احد الحريم تساعدك مو قلبك فندق
مهاب ولسا يضحك ومنجد وضح بريم غيرتها استند على الكرسي يتمسك به حتى وصل وهو يتمدد:ي المتوحشه ذبحتيني اكبر عليك
ريم تناظر أضافرها:درس لك عشان تتعلم تكون ماشي سيده ولاتفتح قلبك لكل من هب ودب
مهاب:عطيني مويه تكفين
ريم رحمته تاخذ المويه وقربت له وهي تمدها لكن تفاجأت من سحب بيدها وطاحت على صدره وهو يحط يده ورى ظهرها يشدها عليه وهي من التوتر حاولت تقاومه بس عجزت مره لانه اقوى ومثبتها مزبوط كانت وجيبهم قريبه لبعض حيل وعيونهم تناظر بعيون بعض وهي تعبر عن مشاعر تجتاح قلوبهم الاثنين مهاب بهمس:ليه غيرانه وكل هالتعب تسويه فيني من الغيره؟وشهو مهاب لريم؟
ريم بتوتر:اتركني
مهاب بنظره مليانه حنيه:نو انا مرتاح كذا وانتي مو تسعي لراحه المريض؟
ريم:مهاب بعد خلاص
مهاب بيده الثانيه يمسك ذقنها:قولي لي ليه غيرانه
ريم  بمكابر:غيران على مين عليك انت ؟انت شكل عرق النرجسيه عالي فيك مره
مهاب ابتسم:انا حلو مو ؟
ريم:إذا انت حلو فا انا احلى
مهاب:اتفق
ريم ناظرته تشوف غزله فيها بشكل مباشر وقال:مايغار إلا الي يحب طحتي بشباكي ي حلوه
ريم بخزه سحبت شعر راسه الكثيف وصرخ بالم وتركها من ظهرها وبعدت ريم عنه تناظر شعر راسه بيدها وقالت:لا اصلي ماشاءالله ماتعاني من تساقط
مهاب:مهبوله انتي وش سويتي تبين تذبحيني
ريم:لا بدري على موتك "بحماس وبدون انتباه يعني تداخل كلام قالت"
حبيبي انت قطوه بسبع ارواح بعد تموت وتموت كل الناس بجيلك وانت معمر
حتى جلدك عنده مانع من الرصاص
مهاب ابتسم للفظ حبيبي وهو عارف انها مو قاصده وشافها تطلع من الغرفه مو منتبه على كلامها زفر براحه وهو صار يومه مايكمل بدون شوفة ريم
عند نرجس الي صحيت تنزل لاسفل والنفسيه زفت بعد مقابل ناصر بالأمس
وصلت المطبخ وشافت ابوها يكلم وقال:ودي القهوه المجلس بيجي ضيف
اخذت القهوه نرجس متجه للمجلس وهي تحطها بس جت طالعه تفاجأت بناصر ووو