يا صدفً عشنا بعدها حبيبين

٣

عز نزل راسه لبطاقتها وقرأ اسمها وتوسعت عيونه بصدمه وهو يقرأ اسمها بصوت عالي:غيم عبدالله الجابر
وقال بصدمه:انتي غيم
غيم وهي مو عارفته قالت:برافو انتبهت للي راح تجيب آخرتك وتعلمك كيف تمد يدك على بنت
عز:انتي مو فاهمه شي هاتي اختي خليني اروح
غيم بتحدي:على جثتي تاخذها
تقدمت غيم للرسبشن ولف عليها عز يسمعها تكلم وهي تقول:افتحو محضر الحين لازم البنت تقول كل ادلاءتها
عز عرف من تكون عرف انها القويه الي باعت كل شي لجل مستقبلها البنت الي كسرت روس واشناب خاف مره من ردت فعل جده واتجهه لها مسرع وهو يسحب بيدها وأقرب مستودع دخلها وهي مصدومه من تصرفه ورنيم الي من هول وصدمة الموقف ماقدرت تتحرك ولاحتى تسوي شي وهي تحت تاثير الصدمه
غيم تناظر بعز الي ماسك معصم يدها وهو يقول:انتي مو فاهمه شي لو سمحتي لاتورطيني وتورطين نفسك
غيم سحبت يدها من يده بقوه وهي تقول:فوق قله ادبك تحاول تتحرش فيني
عز وهو وصل اعلى مراحل الغضب لانها فهمت غلط وقال:انتي ماتعرفين مين أنا
غيم بضحكه مسخره:قليل مروه ومو رجال مايحتاج اعرف عنك زياده
عز بعصبيه يرص على اسنانه:انتي بنت الجابر صح والا لا؟
غيم:وش يهمك
عز بحده:أنا عز الجابر ولد عمك وذي سدن أختي أنا مو أنا الي ضربتها
غيم انصدمت منه بقوه وهي تناظر بعيونه دقايق طويله تحاول تستوعب سحب عز هويته يوريها وهي تناظر مره بهويته ومره بوجهه وقال عز:اتوقع ما انتي ناقصه تورطين نفسك مع جدي
هالكلمه حركه مشاعر انتقام وقهر حركت شعور جداً مرهق بداخل غيم آلي أبدا ماتحب تترك احد مظلوم وماتنصفه وقفت وطلعت بهدوء عكس كل العواصف الي بداخلها لفت على سدن الي طالعه تستند على أديم وعز خلف غيم واتجه بسرعه لسدن وهو يبوس راسها ويدها وقال:خلينا نمشي
جاء بيعدي من عند غيم وانفجع من حس بيد تشد ذراعه ولف على غيم الي بالرغم من شده جمال عيونها ووسعها إلا ان الشرار كان يتطاير منها وهي تقول :اسفه بس ماتقدرتمشي  لازم تشرفنا بعد دقايق بمركز الحمايه
لفت غيم على السسترات الي جو واثنين من العسكر انصدم عز يشوفهم ياخذون اخته حتى اختفو عن الأنظار ولف على صوت العسكري الي يكلم غيم وهو يقول:نبي التقرير
غيم:سم هذا التقرير الي يثبت ان المريضه متعرضه لعنف وضرب مبرح بكذا مكان بجسمها
اخذ التقرير وهو يقراه ولف على عز وقال:انت مع المريضه
عز هز راسه :اي
العسكري:شرف معنا مركز الحمايه
مشى العسكري وهو يتكلم مع غيم وعز بجنبها ونشبان كيف يخارج نفسه وكمان مصدوم وش الصدفه الي جمعته ببنت عمه وصدمه اكثر من موقف جده لو عرف ان الشرطه يحتاجون يستدعونه
وصلو وتنحنح العسكري بيدخل لسدن ردت غطاها عليها ودخل العسكري وهو يقول:إذا تبين الراحه ساعدي نفسك وتجاوبي معي
غيم وهي تمسك يده بحنيه وتمسح علي راسها:سدن حبيبي احنا هنا كلنا راح نساعدك وانتي خليك قويه قولي كل شي سواه هالمجرم فيك ولاتخافين
سدن بصدمه ناضرتهم:عز لا ماسوى شي
غيم ناظرت عز ورجعت ناظرت سدن:لاتخافي قولي الحقيقه
سدن نزلت عيونها ليدينها تفركها وهي تناظر بعز وطالع العسكري فيهم وقال:تفضلو حاب انفرد مع المريضه احقق معها
طلعت غيم وهي تناظر بعز الي يناظرها وسبحته بيده اتجهت للرسبشن تخلص أوراق سدن ولف عز على جواله الي يرن
عز:هلا جابر
جابر:وش فيك ليه طولت صار شي على سدن
عز:ورطه ي جابر أنا متورط مره
جابر:وش السالفة اجيك
عز:لا اصبر بحاول احلها
جابر:علمني وش صار
عز بدأ يحكي لجابر السالفه في ضل صدمه جابر وهو يرد عليه:انت بتتحمل شي مأسويته
عز:اش اسوي جدي لو عرف ان غيم هنا بيمحيها
جابر:عز لا تتحمل خطيه شي مأسويته وغيم لو مو قادره تواجه جدي ماكان سوت كل ذا وبعدين غيم نعرفها من هي صغيره قويه باس والي تبيه تسويه
عز:وهذ الي مخوفني
انتبه عز للعسكري الي جاي وقال لجابر باي وهو يقابل العسكري الي قال:اختك اعترفت بان جدك معنفها واحنا مضطرين نستدعي جدك ياليت تكلمها يجي ي أنا نروح نسحبه من وسط بيته
لف عز على غيم الي كانت تسمعهم وقال:لا بكلمه يجي
اتجه العسكري لخويه يكملون الاجراءات واتجه عز لغيم وقال:خليك مستعده لجدي الي راح يمحيك
غيم بتحدي وعينها بعينه:مامحاني وانا بنت ١٣ سنه الحين يقدر وانا هنا أنا ابي اكسر خشمه وابي اعلمه كيف يستقوي على مره لكن الشرهه موب عليه عليكم انتم ي الي سامحين له يتطاول على حريمكم بس انتم وش بتكونون نفس طينته مافيكم رجال يحمي انثى ضعيفه
أنصدم عز من كلامها وحس بذي اللحضه وده يصفقها كف بس تمالك نفسه وهو كرها وكره تفكيرها السيئ فيه بس طنشها وهو يقول بهمس:خلها تتحمل عواقب حركتها ناسيه ان جدي ماينمزح معه
رفع جواله يرسل لجابر يبلغ جده ويجون بس قله لاتقول عن سالفه غيم وفعلا دقايق ودخل الجد وهو معصب ويصارخ:من يتجرأ يطلع كلام فاضي عني

طلع عز من عند سدن وناظر بغيم الي طلعت من مكتب الدكتور واتجهت له وهي تقول:جابر الجابر متهم باعتداء بتعنيف حفيدته وضربها حتى الاغماء وعندنا تقرير يثبت ماقلت
جابر اتجه لها وهو يتعكز بعصاه  وقال بهمس:من انتي تحطين راسك براسي
غيم بهمس تقرب له بس صوتها كان يسمعه عز وهي تقول:صدقني راسي اعلى من راسك ومافي مقارنه ي ...سكتت فتره وقالت:جابر
جابر استغرب كلامها وناظر بعيونها حس انه يعرف هالعيون وقال:من انتي احس اني أعرفك
اشرت غيم على بطاقتها وقرب جابر الي كان ضعيف في القراءه بس ولده نواف كان سانده وقرا بصوت عالي:غيم عبدالله الجابر
انصفق وجهه جابر ونواف من صدمته ترك يد ابوه وهو ابد مو مستوعب وجابر تمالك نفسه وهو يقول:انتي وش جايبك ي قليله الخاتمه وش مشغلك هنا وش لك دخل ببنتي اصلاً
غيم بضحكه:اوف اوف هدي هدي لسا حنا بأول المشوار ولسا الايام جايه ي جابر والله لكسر خشمك الي رافعه للسماء
جابر رفع عصاه بيضربها بس يد غيم اسرع وشهق نواف وعز عرف ان جده جاب العيد و