يا صدفً عشنا بعدها حبيبين

٤٥

مناير جت بتشيل الملعقه بس انصدمت من مسكها من خصرها وهو يرفعها ومن الخوف استندت بيدينها على كتفها حملها وحطها على الرخام وقال:أنا بنظف انتي بس سولفي لي
مناير:لا بس..قاطعها يحط أصبعه على مبسمها:اششش قلت الي عندي
ابتسمت مناير وبدا يرتب فارس الاغراض ويرتب المطبخ ويغسل المواعين وهو يسولف معها وبس خلص لف عليها ونست مناير انها حامل ونطت من الرخام وشهق فارس واتجه لها :وش فيك تعورتي ليه تنطين كذا حاسه بالم
مناير تمسح كتفه بعد ماتذكرت حملها:مافيني شي لاتخاف
فارس ناظر بوجهها الي قلب وقال :لسا ما تبين طفل مني؟
مناير ماردت وداخلها خايفه على هالطفل لو ماتغير فارس ونزلت عيونها بالارض فارس يكتم عبرته ومسح كتفها بحنيه:تعالي ننام
مناير انتبهت للكسره بصوته وقالت بتلطف الجو:امس كان عقد وحده من البنات تمنيت اكون معهم
فارس ابتسم يسدحها على السرير واتجه ينزل ثوبه:أوعدك بس تتحسن صحتك بنفسي اوديك للرياض عند ابوك
مناير بفرحه:صادق
فارس اتجه يتمدد بجنبها:انتي بس امري وابشري لو تبين المريخ اوديك
مناير:مره شكرا
فارس سحبها لحضنه وهو يغطها وقال:مره عفواً ويالله على النوم
مناير حست بدقات قلبها تزداد بقربه وتوترت شوي وهي ماقدرت تبادله بس فارس سحب يدها يحطها على صدره وصارت تحس دقات قلبه وابتسمت بخفوت ودفنت راسها بصدره وهذي اول ليله ينامون وأجسادهم قريبه من بعض ولا باحضان بعض نامو اثنينهم بسعاده هذيك الليله وبراحه فقدوها ايام طويله
في مزرعه الجابر والليل كان بارد وقماري وريحه الزروع معبيه المكان كان في الجلسه كان عز وغلا ونور ومزون ماعدا غيم الي تبدل بس
سدن تذكرت جوالها ووقفت واتجهت للمجلس وناظرت ماشافت ثنيان وجات ماشيه من عند المطبخ وانصدمت من سحبها احد وهو يغطي فمها وسحبها لآخر نقطه بالمزرعه وبس بعد عنها انصدمت بثنيان وهي تضرب صدره بقوه:وجع ي ثنيان وش هالحركات
ثنيان بحده سحب بيدها يجرها ناحيته:وش قايله لنور هاء تعايرينها بعينها من زينك انتي شفتي نفسك بالمرايه
سدن ارتخى جسمها وهي اصلا بسبب كلامه صارت معد تثق بنفسها مره وناظرت بنفسها من فوق لتحت وقطع نضرها لمن شد يدها وقال:قبل تعايرين احد ومسوي فيها انك الي مافي مثلك ياليت تناظرين بنفسك مزبوط لانك كلك على بعضك تفشلين
سدن حست قلبها تهشم من كلامه وتجمعت الدموع بعيونها ونزلت نظرها ثنيان سحب بذقنها بقوه يحط عينه بعينها وقال:اختي خط احمر ان فكرتي تضايقينها لو بكلمه صغيره والله لدمرك تفهمين اشتغلي بنفسك
سدن طاحت دموعها وبدى فمها يرجف الم وخوف وصدمه من قسوة ثنيان وبدت شهقاتها تطلع وهي تمتم بشويش وقال ثنيان:علي صوتك ما افهم وش تقولين
سدن بدموع تحاول تتكلم بين شهقاتها:ما ءء ماء ماقصدت اقول أقولها كذا
ثنيان ناظر برجفه يدها فيه وترك يدها ومسكت قلبها سدن بقهر من مشاعر الحب الي كانت تكنها لها بدون تحس ومن الكلام الي قاله وكسر قلبها وحست انفاسها انخنقت ثنيان كان واقف وبس شافها صدت جاء صاد بيروح بس انصدم من شهقاتها الي كانت ورى بعض ولف عليها شافها تحاول تتنفس بس مو قادره وتمسك صدرها وتمشي بناحيه مضلمه وبعيده عند المزرعه وهي تشاهق واتجه وراها ركض وهي من الزعل والبكاء مو قادره توقف تدور أكسجين وهي تكره أسلوب ثنيان لمن يعلق على شكلها اما ثنيان قال كذا لانه يعرف ان سدن ماتنحرج إلا بذي الطريقه فانقهر على اخته وتكلم كذا معها وهو يركض وراها حس بندم انه تكلم معها كذا بس قهره من حركتها لمن طلعت وعباتها مفتوحه وكمان نفختها عليه بالمطبخ بدون سبب وسالفتها مع نور كلها اجتمعت عليه وطلع مع كذا ركض وراها وهو يمسك بمعصم يدها :سدن سدن دقيقه اهدي
سدن كانت تميل تمسك على ركبتها وهي ماتبي تبكي قدامه بس غصب عنها تبكي
ثنيان:اهدي اهدي القطي نفسك
سدن ماكانت قادره تتجاوب معه بس هو مسكها من خدودها يناظر عيونها :اهديي اششش ناظريني تنفسي ايوه أخذي نفس
سدن ببكي:والله ثنيان ماقصدت اعايرها أنا انقهرت لانك اخذت جوالي وطلع معي كذا ماقصدت أنا أحب نور ما ابيها تزعل مني واعتذرت منها ولسا بطيب خاطرها
ثنيان يمسك كتوفها:طيب خلاص اهدي مصدقك
سدن:أنا مو قصدي أتذمر على احد وانا ادري اني مو حلوه انت صح أنا مو حلوه واصلاً من انا عشان اتعيب عليها او على غيرها
ثنيان عرف ان الكلام لعب بنفسيتها وقال:اصبري اصبري ماقصدت بكلامي لاتصدقين كلامي
سدن بعدت عنه :لا انت صح انت صح
ثنيان مسك كتوفها يهزها بقوه:بنت وش بلاك اسمعيني أنا قلت كلامي بس عشان كنت مقهور من كلامك على نور
سدن ماردت وهي تاخذ نفس مسحت دموعها بكم بلوزتها وناظرته بكسره:يعني أنا حلوه
ثنيان ابتسم وهو يمسك خدودها بيدينه:تهبلين وش زينك بس لعد تبكين لانك تصيرين مو حلوه
سدن :هاء
ثنيان ضحك:امزح معك حتى بدموعك تجنني
سدن نزلت رأسها بحياء بس هو رفع ذقنها يرجع شعرها ورى أذنها يمسح دموعها وقال:ما ابيك تشكين بنفسك ولو واحد بالميه انك مو حلوه
سدن ببراءه:انت تقول اني مو حلوه
ثنيان:ماعندي سالفه
سدن :ههههههههههههههه من مبطي والله
ثنيان ضحك:اي ذي الي اعرفها مايرجع لسانها لفمها
عقد حجاجه وقال:دقيقه ليه نفختي فيني بالمطبخ وليه تطلعين من الحفل وعباتك مفتوحه المكان كل رجال ياويلك تنعاد ياسدن والله لعورك تفهمين
سدن:انت السبب وش تبي تسولف مع الكويتيه
ثنيان باستغراب:اي كويتيه
سدن:اي سو نفسك ماتعرف ناسي اني كبست عليكم بالمطبخ
ثنيان انتبه انها غيرانه وابتسم وقال:وش اسوي هي معجبه فيني
سدن:اركد ي ولد عمي مهي حولك
ثنيان:صراحه البنت مزيونه وناوي اني أتقدم لها
سدن بحده:تخسى تاخذها وخشمي يشم الهواء
ثنيان :انتي وش دخلك حياتي واتزوج الي ابي
سدن بقهر منه ضربت كتفه وجت بتمشي بس ضحك وسحبها من خصرها يشدها ناحيته وتوترت سدن من لمسته وقربه وقرب وجهه من وجهها وغمز:غيرانه
سدن:تخسى
ثنيان يغمز:علينا ترا أنا حلو يحق لك تغارين علي
سدن:انت غرت يوم طلعت بعباتي مفتوحه
ثنيان:اي غرت وان عدتيها مره ثانيه كسرت راسك
سدن ترفع حاجبها :بصفتك مين تأمر وتغار
ثنيان:ابو عيالك
سدن رجف قلبها وتوسعت عيونها بصدمه وارتخى جسمها ومالت بتطيح وشدها ثنيان وضحك:ي الخفيفه شدي حيلك
سدن ضربت صدره وهي تبعد وتتجه للبنات تاركه جوالها وناسيه نفسها
عند البنات بالجلسه جلست سدن بجنب نور تدق كتفها:حقك علي
نور صدت ماترد عليها وسحبتها سدن تحضنها:والله اسفه تعرفين مو قصدي
نور ابتسمت :سامحتك لاني اعرف انك مو قاصده
ابتسمت غلا لهم :والله خفت ان يطول الزعل بينكم
مزون وهي جالسه بجنب عز:وش السالفه
سدن:موضوع بيننا
مزون تشمق وتلف على عز:عز عندك تبرير للي قالته غيم
سدن باستغراب:وش السالفه
مزون:سالفه بيننا
نور:ويععع قلك تبي تردها لك
سدن ضحكت تصفق بيد نور:اي لانها حرام ماتعرف تسولف
ماردت مزون وهي تلمس كتف عز في ضل صدمه البنات وقالت:عز تكفى قول انها تكذب
غلا:هي احترمي حدودك
مزون:مالك دخل أنا وعز ننجاز
غيم من ورى:عفواً انتي ومين
لفو الكل على غيم وابتسمت سدن تقدمت غيم ورفست مزون برجلها:قومي من جنب زوجي تقلعي هناك
مزون:مو قايمه أنا جيت اول
غيم :ما أنصحك أحطك براسي لاني لو نفذ صبري بحك بوجهك في الارض
وقف عز :خلاص تعالي هنا
غير مكانه عز وجلس وجلست غيم بجنبه ووقفت مزون بتجلس بجنبه من الناحيه الثانيه بس سدن سبقتها وهي تجلس بجنبه وخجلت مزون تجلس مقابله وابتسمت غيم تصفق بيد سدن قدام وجهه عز مزون تخز غيم وغيم كانت مبسوطه تشوف كيف مقهوره وقالت مزون:مارديت عز صدق الكلام الي قالته
عز فتح فمه بيتكلم بس انصدم من فتحت ذراعه غيم وهي تسند نفسها على صدره ومحاوط ضهرها عز بيده وناظر بغيم وابتسم من ابتسامتها وهو فرحان بقربها اكثر منها لانه عرف ان غيم همها بس تقهرها
البنات ابتسم على مزون الي انحرقت وقالت:رد ياعز
عز يرتب شعر غيم وهو يحطه ورى أذنها وقال وهو يشد غيم لصدره:هذا ردي
مزون ولعت هنا وهي توقف بقهر وقالت:والله لتندمون
سدن:ابكي ابكي ي البكايه هذي جزاة كل من تحشر نفسها فوق رجال متزوج
نور:الكرامه صفر
غلا:حقيقي
مزون تركتهم واتجهت للداخل وبقو هم مع عز وبدت الجلسه تزين والسوالف حوالين شبه النار وهم مبسوطين وخذي أنواع الحش في الحريم واستديو تحليلي للملكه وقالت سدن:او لايطوفك رقص زوجتك ي عز تجنن بجوال إيلين لاجت نوريك
غيم بصدمه:متى صورتوني
عز:جد ترقصين ؟
نور:اووه ومنافسات وأشواط فله فله منجد
عز:لازم اشوف اجل
غيم:رقص حريم وش تشوف
عز:وش علي من الحريم بشوف رقص زوجتي
غيم استحت من كلمه زوجتي والبنات يناظرون بعز الي صاير مره جريئ وقالت سدن :نلعب لعبه والمهزوم بكره يسوي فطور
غيم:قدام
سدن:اللعبه كا التالي بجيب سلتين واوراق البلوت بربط يدينكم وتشيلين الورقه بفمك وتعطيها عز بفمه ويحطها بالسله والي يجمع اكبر عدد ورق هو الفايز أنا ونور فريق وانتي وعز فريق
غيم :نشوف من بيسوي الفطور بكره
غلا:أنا الحكم
وقفت غلا تتجه تجيب سلتين وتجيب البلوت وعز شمر اكمامه ورفع ثوبه يربطه على خصره ووقفو وغيم تناظر بعز الي كان منجد يفتن بحركه وزادت فتنته من سحب العمامه يرميها ويحرك شعره الكثيف ويخلخله باصابعه وهي مفهيه فيه وتتامله وقطع نظراتها سدن:او نحنا هنا نبدأ
غيم ابتسمت بحرج:نبدا
وقفو فريقين وبدأت غلا تربط يدينهم ورى بعض وابدت اللعبه من حسبت:واحد ..اثنين..ثلاثه
بدت غيم تشفط الورقه بنفسها وتحطها بفم عز وهو يحطها بالسله وعند سدن ونور الي كانو اسرع منهم
وتوترت غيم وهي ما تحب تخسر ابد وشفطت الورقه واتجهت ركض لعز بس قربت من مبسمه طاحت الورقه وطبعت قبله من شفته على شفتها وووو