يا صدفً عشنا بعدها حبيبين

٣٣

ام فارس بدموع :ليه ي ولدي هذي جزاه تربيتي فيك هذي جزاتي
مناير بدموع:لا ي خاله لاتحكين كذا هو كان معصب
ام فارس:دايم يمد يده عليك
مناير:لا هذي اول مره
ام فارس :قولي الصدق
مناير بمكابر:الصدق ي خاله هو حنون بس اليوم كان معصب
ام فارس سمعت صوت زوجها جاء ووقفت مناير:تكفين ي خاله ما ابي عمي يعرف
ام فارس هزت راسها وطلعت وهي تسمعه يقول :لا تعملون حسابي بالعشاء بروح لاحد الربع معزوم
دخل بدل وطلع بعدها تقدمت مناير تجلس مع ام فارس برا وهي تصب قهوه وتحاول تخبي عبراتها وألمها وابتسمت :خلاص ي خاله اضحكي وتقهوي أوعدك يعتذرلك بس يجي
ام فارس بحنيه تمسح كتفها:الله لايخليني منك وياحضي فيك كنه
مناير ابتسمت تغمض عينها تخفي المها بسبب مسحه ام فارس بس لفو للباب الي صكع بقوه ودخل فارس بكل قوته واتجهه بغضب لهم وبسرعه سحب بيد مناير وحاولت ام فارس تساعدها بس عجزت وهي تشوفه يركبها السياره بدون حتى غطاء وانطلق بها بعيد من الحاره ومناير بخوف وصدمه:فارس ماخذت غطاي وين بتوديني
فارس كبح فرامل ولف عليها :كله بسببك انتي لأول مره امد يدي على امي وانتي السبب
مناير:أنا وش دخلني انت الغلطان
فارس رفع يده بيضربها بس هي رجعت على ورى وقبض يده وهو يقول :انقلعي ورى
مناير باستغراب :ايش
فارس:ورى ماتفهمين
ركبت مناير ورى وقال:في شماغ وراك لي خذيه ولفّيه عليك مزبوط
مناير طبقت ماقال وانصدمت من دخل فيها بطريق زفت بين الحارات وكان فيه تجمهر شباب وتفحيط وقالت بخوف :فارس تكفى وين بتوديني
فارس مارد بس وصل نزل القزاز
خويه ١:اوف مآخذ معزز اليوم
خويه ٢ ركب معها ورى وكتمت صوتها مناير بخوف وقال:او مآخذ مصور غيري
فارس لف شاف عيونها الي بتطلع وشوي وتصرخ وقال لخويه:انزل ما احتاج مصور
خويه:افا
فارس بضحكه:دزها
نزل خويه وركب خويه الاول معه وقال:دق خشمه الرخمه امس متحديك بالقروب
فارس:ازهلها
داس بنزين فارس وشهقت مناير وخزها فارس بالمرايه وسكتت ودخل الميدان وبدا يفحط وأصوات العيال يصفرون ويصرخون وخويه يعزز بمنظر ارعب مناير جداً وصوت الكفر الي شوي ويتفجر حريق وهي تغمض عيونها وتمسكت بمقعد فارس يوم شافته خلاص داخل جو وهي من الرعب قلبها بيوقف مسكت كتفه تشده وحس فارس بقشعريره بجسمه من حركتها وبدا يشد وسبق الخصم وصرخ خويه :اي كفو
نزل خصمهم وهو يتوعد ويهدد ووقال خوي فارس:يالله انزل دق خشمه
فارس :تبشر
نزل فارس وخويه وتقابلو مع خصمهم وبدو يتشاددون بالكلام ومناير بصدمه تناظرهم وابتدت المقاضبه بينهم وتعاركو عركه قويه في احد الخصم سحب سكين واتجهه لفارس مناير شافت انه مو منتبه وفتحت الباب ونزلت تصرخ:فارسسسس
فارس لف يناظرها وانتبه للي جاي بالسكين ومسك براسه وهو يضرب براسه بالزفت وسمعو صوت السفاتي وتركه فارس واتجه ركض ومسك بيد مناير يركبها قدام وركب السياره وشغلها واتجهه مسرع وكل الشباب فرقو وانتشرو خايفين والدوريه اتجهت ورى فارس ومناير تصارخ:ياويلي بيلحقنا
صار يتمايل بين البيوت وهو يحاول يضيعهم ومناير من الخوف والرعب الي عاشته معد هي قادره تتحمل وبسرعه اتجه لطريق بري فارس وقدر يضيعهم
مال هو يسند راسه على الطاره ياخذ نفس ومناير حست نفسها ضاق ورمت شماغه ونزلت من السياره وهي تميل راسها تمسك قلبها الي تحسه المها من الرعب شافها فارس ونزل ووقف قدامها تو بيتكلم تفاجأ من تقدمت له وهي تضربه بكل قوتها وتبكي بهستيريا:ارتحت فرغت غضبك عجبك تبي تشوفني ابكي هذا أنا بكيت شوف دموعي
فارس انصدم من دموعها وقال:اهد..مناير تقاطعه ولسا تضربه:اسكت ما ابي أسمعك أنا وش سويت لك وش ضريتك فيه صبرت على ضلمك وجورك وش تبي تبي بس تبكيني ابشرك هذا أنا ابكي قدا...اجتاحتها دوخه قويه واتجهه فارس بخوف يمسكها وقال:مناير اهدي خلاص
مناير استندت على السياره وهي تدفعه عنها بس هو عيا إلا يمسك يدها وقالت مناير وهي عيونها مليانه دموع :تحملت كل ضربك واهاناتك لي بس ماقدرت اشوف الخطر يجيك وما أساعدك خفت عليك ...تممت كلمتها وطاحت من طولها بس هو ماسكها وبسرعه شالها بين احضانه وهو مو مصدقه خوفها عليه واتجهه بها يحطها على مقعد السياره وجلس يناظر هالانسانه كيف قدرت تتحمل كل مابدر منه لو غيرها ما أنقذته وتركته يموت شغل سيارته واتجهه للبيت بس وصل اخذ مويه ورشها بخفيف على وجهها وفزت مناير بخوف وناظرت بفارس الي كان لأول مره تحس ملامح وجهه لينه من عرفته وجهه معقد ومعصب
فارس:كيف صرتي
مناير بكسره  تفرك يدينها ببعض:كيف شعور المجروح والمخذول من كل الي حوالينه
نزلت مناير من السياره واتجهه وراها بس دخلو فز ابوه وهو حكته ام فارس وش صار وسحب عصاه واتجه بغضب لفارس وقال:انت تمد يدك عليها وعلى امك انت ي فارس مالقيت احد يردعك والله لكسر العصا على ضهرك
رفع عصاه بيضربه بس مناير تقدمت قدام فارس وضهرها بصدره ولازقه فيه وقالت:بوجهي ي عم كان لي وجهه ترا هو ماكان قاصد تكفى سامحه
ابو فارس بقهر:الحق علي يوم زوجتك هالدره لكن أنا لازم اصلح غلطي والحين
اتجه لولده يمسك بيده:الحين تطلقها وماتقعد على ذمتك دقيقه مستحيل اسمح لك تهينها وتضلمها
فارس حس انه من مجرد فكر ان مناير تختفي من حياته جن وانصدم من كلام ابوه وقال:والله ما اطلقها لو تبي تطق طقني بس أطلق والله ما أطلق
مناير خافت من فكره ان ابوها ممكن يذبحها لو رجعت مطلقه وحست ان ضرب فارس واهانته ارحم بواجد وقالت:لا ي عمي أنا ما ابي الطلاق أنا ابي فارس
ابو فارس وامه انصدمو منها وحتى فارس الي ماكان اقل صدمه منهم واتجهت بعدها مناير لغرفتهم وهي تحس كل الدنيا خاذلتها
ابو فارس بقهر :شايف ي قليل الخاتمه كيف متعلقه فيك وانت موب كفو
فارس ما رد وهو يتجهه لامه يبوس راسها ويراضيها وقالت:ما ارضى حتى ترضى مناير
فارس:ابشري والله أطيب خاطرها المهم ماتزعلون علي
ابو فارس:الله يصلحك ي ولدي
فارس مارد وهو يجلس مع امه وابوه يتقهوى ومتمعد يترك مناير تروق وتهدى شوي
في المستشفى فتح زيد عيونه وهو يناظر حوله وشافه بغرفه في المستشفى شاف يده الي ملفوفه بشاش وجلس يتذكر أديم وهي تصارخ وخايفه عليه وبعض اللقطات اللي كان فيها واعي وقطع تفكيره أديم الي دخلت وشافته صحى واتجهت للمغذي وهي تسحب سرنجه تحط له مسكن وزيد يناظرها بصمت يشوفها كيف سرحانه اتجهت له وهي هاديه مره مسكت ابره المغذي بيده تشوف إذا تمشي اولا وهو بس يناظر فيها وقال:ماتعودت عليك هاديه اليوم مافي صراخ مافي هوشه
أديم تكتم عبرتها وهي ماتبي تبكي عنده لانها تحس بتأنيب ضمير عليه جت بتمشي بس مسك يدها وهنا أديم حست انها مو قد انها تواجهه بس هو شد يدها ولفت أديم عليه وهي تتجه له جلست على السرير وجلس زيد وهو يقول :ماتبين تهاوشيني
أديم :ودي اكسر راسك على الي سويته بنفسك
زيد:يعني الحين تبين تقولين انك لطيفه معي وانتي حطيتي السلاح قدامي متعمده عشان أنا آذي نفسي
أديم رفعت نظرها وعيونها مليانه دموع وهو جاء كلامه على الجرح وهي تفتح فمها بصعوبه وقالت:والله مانويت اذيك ولو واحد بالميه صح كنت تقهرني وحركاتك تعل القلب بس أنا مستحيل ارضى تأذي نفسك وبعدين انت بدل ماتذبح روحك عدل غلطتك وتسامح من اختك طيب خاطرها لان الموت مو حل صدقني لو كانت فكرة الانتحار طيبه ما سبقتني عليها و...حط يده على مبسمها :بعيد الشر لاتكملين
أديم نزلت نظرها ليدها تفركها وهي تبكي بصمت اما زيد الي رحمها وهو يرفع ذقنها بحنيه:أنا ماقلت كذا إلا لاني عارفه انك تفكرين كذا انتي مالك ذنب بالي صار لي وبعدين أنا المفروض أشكرك على الي سويته انتي فتحتي عيوني على شي ماكنت اعرفه ولاني ابي اصلح كل شي خربته ابي اقول لك اسف إذا في يوم جرحتك وتكفين سامحيني
أديم ناظرته وهي تشوف الندم واضح بوجهه وقالت:سامحتك على جرحك لي بس اذيتك لنفسك ما بسامحك عليها
طلعت من عنده تاركته ابتسم زيد يتمدد وهًو يقول :ابشري بالي يطيب خاطرك ي أديم
عند غيم الي كانت تساعد غلا بالمطبخ يصلحون العشاء ونور وسدن يتهامسون بالي شافته نور بالإسطبل
سدن بهمس:معقول يحبها
نور:يبنت اقولك يهبلون كانها شخصيات وابطال بأفلام رومانسيه
غيم اتجهت لهم تاخذ خيار وضربت روسهم ببعض:يكفي تحللون أشياء مالها صحه بالواقع
نور تفشلت وسدن ضحكت وطلعت غيم تاكل خيار وهي تضحك وبس وصلت قريب الجلسه انصدمت بالحرمه الغريبه الي جايه ناحيتها وهي تسحب غيم من يدها بقوه في ضل صدمه غيم ودهشتها من الي يصير وو