يا صدفً عشنا بعدها حبيبين

٤٧

ببيت رنيم وأخوها صحيت رنيم بحماس تجهز فطورهم ورجع زيد من برا جايب خبز استغرب حماسها وهي تركض يمين ويسار وقال:اصبحي وش فيك مستعجله
رنيم بضحكه:صباح الخير
زيد:صباح النور ،على وين مستعجله
رنيم وهي تمد السفره:شهاب بيجي يبي نكمل أشياء الزواج
زيد بمزح:من قال اني بخليك تطلعي معه بفتره الملكه
رنيم ناظرته وانكبحت بسمتها وقالت ببراءه مخالطه حزن:اكلمه مايجي؟
زيد ضحك:وش فيك كشرتي امزح معك تراه زوجك الحين وبعدين أنا واثق باختي
رنيم زفرت براحه وهي تتجه له بتبوس راسه بس هو سبقها يحب جبينها:هاتي فطورك عشان تلحقين الكويتي
ضحكت رنيم واتجهت تحط الفطور ومامدى اكلت لقمتين إلا رن جرس الباب واتجهت تلبس عبايتها وطلع زيد يفتح الباب وهو يقول:ارحب يالنسيب
شهاب ابتسم:سطو من الصباح
زيد:وش عندك هاء ؟
شهاب:ابغا ملهمتي
زيد:دزها ماعندنا بنات يطلعون مع الرجال قبل العرس
شهاب ضحك:لو مو معزتك كان دخلت وخذتها قوه تعرف انها حرمي رسمي ومتى مابغيت اقدر اخذها
زيد:اعقب ي ولد الكويت
شهاب ضحك:مزوح وش فيك انته
زيد:حسبت هي لا اوصيك على اختي انتبه لها
طلعت رنيم مبتسمه ومسك يدها شهاب يبوس كف يدها ويسحبها يحاوط كتوفها ويدخلها بحضنه زيد يضرب كتفه:احشم وقفتي ي الردي ماني معبي عينك تحضن اختي قدامي
شهاب:زوجتي ياخي دز امها
ضحك زيد وهو يسحب رنيم على جنب وطلع فلوس من جيبه وخباها بيدها رنيم بصدمه:لا لا معاي
زيد:اص بس اعزمي رجلك تبينه يحكي على كرمنا ي السعوديين
رنيم ابتسمت تحضنه وبعدت عنه واتجهت لشهاب اللي كان على جواله وبعدها مسك يدها يفتح لها باب السياره يركبها وقفل الباب وركب وانطلقو يبتدون يومهم اللطيف سوى
عند اديم الي من حرك شهاب مرت على رنيم تفكرها مداومه ونزلت دقت الجرس وفتح زيد اديم:صباح الخير
زيد:اهلين صباح النور ي دكتوره
اديم:بالله نادي رنيم نبي نمشي بسرعه بقي نمر نفطر قبل الدوام
زيد سحب بيدها ودخلها الحوش في ضل صدمه اديم الي سحبت يدها بخوف زيد انتبه لخوفها:او اسفه قصدي طيب والله بس افطري رنيم مو مداومه رايحه مع شهاب
اديم بصدمه:اوخس ي رنيموه ماقالت لي
زيد يلف العمامه على راسه:رجال وخطيبته تقولك ليش
اديم تخصر:بس أنا صاحبتها ولازم اعرف كل شي عنها إذا تحتاج فزعه او لا
وضربت صدرها بحزم
زيد ابتسم يتجه لها يشوف طرحتها الي طاحت على كتوفها ومد يدينه يرفع طرحتها على راسها ويضرب خدودها بيده بخفيف:تطمني لو احتاجت فزعه انتي اول وحده بدق عليها والحين هذا الفطور افطري وروحي دوامك أنا طالع
اديم:لا خلاص هونت معد ابي
طلعت اديم تمشي بجنبه وركبت سيارتها وشافته يركب سيارته البسيطه وانطلق جاها فضول اديم تعرف ايش يشتغل وانطلقت وراه وانصدمت ما شافته يدخل حلقه غنم وهو يبيع ويشتري وابتسمت براحه تشوفه بوسط الرجال والزحمه والحوسه يكسب فلوسه بعرق جبينه لفت بتمشي بس زيد لمحها وانصدم انها لحقته راحت اديم لدوامها وزيد الي فكر انها مستنقصته اكيد من يوم انها لحقته ماعلق زيد وكمل يبيع ويشتري وخاطره ضاق مره
اديم وريم تقابلو مع بعض وسلمو على بعض ونزلو للمستشفى وهم حاضنين بعض من رقابهم وبس شافو التجمع انصدمو وهم يبعدون الدكاتره والممرضين وانصدمو بغيم الي متوسطهم والمدير بنفسه مستقبلها واعلام المستشفى موجود وجالسين يوقعون معها عقد إعاده العمل وكل الطاقم فرحانين فيها وصرخت اديم:غيمي
عز كان واقف بجنبها وهو يشوف اديم وريم انطلقو لها بسرعه وهم يحضنونها بقوه وقالت اديم:رنيم ماتعرف صح
غيم:لا
ريم:لحين أرسلها
ارسلو لها البنات وصلتها الرساله وهي تفز تصرخ شهاب بخوف لف عليها:وش فيك
رنيم:تكفى حنا قريب المشفى نزلني بس بقابل غيم بس بالاول مره محل الورد
شهاب ابتسم:وش فيه
رنيم بدموع:غيم رجعت لشغلها
شهاب:شكلك تعزينها
رنيم:اخت الدنيا الي لو كثر سلم الصداقات تبقى هي التوب عندي
شهاب يمسح دمعتها:يخليكم لبعض
بعد دقايق والكل يبارك لغيم والبنات مبسوطين فيها عز جاء بيمشي بس تفاجى بالي داخله ومعها بوكيه الورد وعرف انها رنيم وهو يعرف قوة علاقتهم ببعض وشافها تتجه ركض لغيم وهي تفتح يدينها غيم وبسرعه تحضنها رنيم بدموع:والله ان الحياه رجعت للمشفى برجعتك
غيم تمسح دموع رنيم:حبيبتي انتي قطعتي مشوارك عشاني
رنيم:جعله يفداك
غيم تشد رنيم وشهاب يناظرهم مبتسم واتجه له عز يسلم عليه :ارحب ي الكاتب الكبير
شهاب:المرحب باقي وشلونك
عز:قلت بتمرني ترا لسا ببالي
شهاب ضحك:ابشر قريب ان شاءالله
عز:كيف الوالد كلكم طيبين
شهاب:طيبين الحمدلله
عز:هاء كيف امور العرس
شهاب:كنا طالعين نكملها بس رجعت زوجتك عطلتنا شوي
عز:لاتحاول هالثنتين مستعدين يوقفون حياتهم قدام بعض
شهاب:صداقتهم عجيبه كانهم خوات مو صديقات
عز ابتسم يناظرهم:اي انتبهت لهالشي الله يخليهم لبعض
اتجهت رنيم لشهاب:يالله
شهاب:يالله
سوى عز لغيم باي وطلع وبدت غيم تباشر شغلها بكل حماس
عند مناير الي صحت من بدري وتحس نفسها كانها فراشه الارض مو راضيه تقضبها وهي تتجه للمطبخ وماتعرف سر السعاده الي حاستها وتسوي فطور مره طيب وطلعت الحوش تشوف الجو الي شوي ونزل المطر ونطت بفرح :الله مطرت مطرت
طلعت ام فارس :يابنتي ادخلي المطر مو زين لك
مناير:شوي بس ياخاله والله مره احب المطر
فارس صحي بفجعه من الصوت ناظر حوالينه ماشاف احد حوله وناظر الوقت راح وقت الصلاه واتجه بسرعه يتوضى ويصلي ولبس ثوبه وبس طلع من الغرفه انصدم بالي ترقص تحت المطر بكل فرح وسحب شماغه واتجه لها ركض يغطيها ويسحبها داخل خيمه الشعر :وش فيك انتي انهبلتي تبين تمرضين
ام فارس:علمتها من اول هي حامل مايواتيها بس هي الله يصلحها
مناير بفرحه:بالله فارس تكفى بس شوي
ابو فارس:يبنتي ريحي روحك من الصبح تفرين
فارس يتخصر:ماشاءالله اغفل عنك شوي الاقيك متعبه نفسك مو كذا اتفقنا
مناير تبوز بشفايفها:مبسوطه طيب ياخي
فارس ابتسم لحركتها وقال بصرامه:قدامي بدلي ملابسك
ام فارس:اي يا بنيتي قبل تبردين
اتجهت مناير للغرفه تبدل وبس طلعت من الحمام وهي ماسكه المنشفه شهقت من الي كان مستند على الجدار وقال:وش سويتي بقلبي يابنت الجابر
لفت مناير بصدمه:يماما خوفتني انت هنا
اتجه لها فارس يسحبها من خصرها ناحيته يشدها له ويبعد خصلات  شعرها المبلول عن وجهها وقال:لعد تبوزين لعبتي با اعداداتي يابنت جننتني
عقدت حواجبها مناير:بعفويه ماقصدت
فارس ابتسم:ليه متعبه روحك هاء على ايش متفقين
مناير ابتسمت:غصب احس بطاقه مره حلوه
فارس بمزح:وش رايك تروحين معي العزبه كمان
مناير بفرحه:قدام
فارس:انهبلتي انتي أنا ابيك تريحين وانتي مخفوفه اعقلي يبنت
مناير رجعت تبوز بنفس الطريقه وهي مافكرته يمزح وهنا فارس ما تحمل وهو يحط يده من ورى رقبتها ويميل براسه ويقبل ثغرها توسعت عيون مناير بصدمه ورجعت على ورى بخوف وابتسم فارس:انتي السبب قلت لك لعد تبوزين
مناير حمرت خدودها وهي ترجع شعرها على ورى وفارس ابتسم وطلع وهو طالع قال:تعالي للفطور
مناير لفت على المرايه تتلمس شفايفها وهي مو مصدقه ماكان الي معها فارس ابد بدت تحس بخوفه وحنانه بدت تحس بحبه وعطفه سمعت صراخه يناديها وطلعت متجهه له وبس جلست على الفطور كان يقرب الاكل منها وقاطعه رنت جواله وهو يقول:هلا عز
فزت مناير بفرح وهي تقول:افتح بكلمه
عز:هلا بنسيبنا الي خطف عمتي ومعد جابها لنا
مناير:عزي كيفك
عز:هلا بعميمه هلا بأمي الثانيه
فارس:كنا ناوين نطلع للرياض هاليومين
عز:حنا بنجيكم اليوم ان شالله
مناير:حياك الله يابعد حيي
فارس ناضرها با ابتسامه
عز:يبقيك ي الغاليه
قفل فارس وشافها واقفه وقال:على وين
مناير:بجهز ضيافه
ام فارس:يبنتي ارتاحي
مناير:ما بتعب نفسي على الخفيف اشياء خفيفه
ابو فارس:قوم يولدي جهز الذبيحه وسنع امور العشاء
فز فارس بحماس ومناير فرحه الجو مع فرحه جيه اهلها كانت طايره من الفرح
عند عز الي دخل وشاف أعمامه كلهم متجمعين واتجه لهم يسلم عليهم وشافهم يباركون لأيلين اتجه لها يحضنها:مبروك ربي يجيبه لكم بالسلامه
إيلين:عقبالك
مزون تشمق:هذا إذا كانو أصلا متزوجين
رحمه:وش قصدك
مزون:قصدي يعرفه عز
سدن:وش رايك تسدين فمك لان مو ناقصين غثاء صراحه
مزون:محد جاء ناحك تقلعي
سدن :لا ذي الي تبى اطى رقبتها
نور بهمس:تكفين بردي كبدي فيها
مزون:اقول دزيها ولاتهددين احسن ما اهينك
سدن وقفت بقهر:اعقبي وانا بنت ابوي
اتجهت لها سدن بقهر وهي تسحب بغطها وصارت تلفها يمين ويسار وهي تصارخ وغلا بحماس من ورى تسوي بيدها حركه مصارعه وهي تنط بفرح تشوف سدن جابت العيد بمزون وهي مبتسمه تخصر بفرح لفت للي يناظرها وكبحت بسمتها بخفيف تعتدل بوقفتها وشافت سلمان يناظرها واشرت بعيونها بمعنى:وش فيه
سلمان اشر بيده بمعنى:ولاشي
رجعت غلا تناظر بسدن الي فاككهم عز وهو يسحب اخته لحضنه وقال:خلاص
ام مزون:وجع يوجعك يالي ماتخافين الله
نواف:ياعمه لاتدعين على بنتي
ام مزون:تسمي ذي بنت ذي مو بنت ذي شيطان الله ياخذها
شهقو الكل بصدمه وهمس ثنيان :بعيد الشر بعيد الشر
رحمه:وش بلاك انهبلتي بنات صغار تردين عقلك من عقلهم
حور:اتركيها ياعمه ذي مريضه
ام مزون:انطمي انتي محد داس لك على طرف
حور بصدمه :هالكلام لي والا لعمتي
ام مزون :وش يفرق
حور:إذا لي بترفع عنك واذا لعمتي بهين كرامتك
سمر ناضرت بحور الي واضح ام مزون دبلت كبدها عز دق كتف سلمان وقال:شكلها بتولع
ثنيان:والله متمني ام مزون رجال
جابر :ليه
ثنيان:ودي أدوس ببطنها
ام مزون:لاتهددين عشان ما ادوسك انتي وكل من يشد على يدك
حور:لا عاد الحين صار لازمك تربيه
اتجهت حور لها وهي تسحبها بالنص وسمر تدخل معها وهم يجلدونها وتحاول انها تقاومهم مزون شافت امها انجلدت وتدخلت مع امها وضربت ام عز بقوه على وجهها وكان هالموقف على دخله غيم الي رمت بشنطتها وبالطوها واتجهت ركض وهي تقول:"خلجت ام اللاش "
انصدمو العيال من دخوليتها وهي كانت تتصرف عن مزون فتره طويله واتجهت ركض وهي تسحب بشعرها وتسحبها تسحيب والبنات يشجعونها والعيال يناظرون بصدمه كيف تلعب بمزون بين يدينها وصار لهم غبره من قوه الهوشه والجابر يناظر بكل برود وجالس وهو مستمع بالهوشه وغيم تسحب بمزون وقالت:انتي تتجرئين تمدين يدك عليها والله لحرق يدك الي تمدينها على خالتي
الكل ناظر فيها بصدمه وهي تتجه تاخذ عود من مكان شبه النار واتجهت ناحيه مزون والعيال توسعت عيونهم بصدمه وقال سلمان:الحقو البنت انهبلت
سدن:خلها تربيها تستاهل
الكل كان يناظرها بصدمه مو مصدقين مستبعدين انها بتحرقها
عز ما تدخل لان مزون كان لازمها تأديب بس الكل شهق بصدمه من صرخت مزون وهم يشوفون غيم تحط العود الي كان مولع نارعلى كف يدها وو