يا صدفً عشنا بعدها حبيبين

٦٢

ورفع سلاحه بيرمي عز بس غيم دفعته وطاح عز وطلعت الطلقه ولف عز بخوف على صرخت غيم ورفع نظره وهو يشوف الرصاصه تتوسط بقلب الجابر وانطلق العسكر يلقون القبض على سعيد الي رغم مقاومته إلا انهم كتوفه
الجابر تصدى للطلقه الي كانت بتجي لغيم براسها ومال على غيم الي فتحت يدينها تمسكه ونط عز يساعدها يوم شاف الجد ثقل عليها وجلست غيم على ركبها وعيونها تفجر دموع خوف من الي شافته ومن الجابر الي ينزف وهو بجحرها عز مسك بخدها بخوف:غيم انتي طيبه صار لك شي؟
غيم وهي تبكي هزت راسها بلا ومسك يدها عز بيوقفها يبعدها عن الجابر بس الجابر مد يده يشد يد غيم ونزلت نظرها له وعز يناظر بجده الي بصعوبه يتكلم وهو يناظر غيم ودموعه بعيونه وقال:سامحيني ي بنتي تكفين حلليني
غيم غمضت عيونها بقوه تطيح دمعتها وصدت ورجع الجابر يشد يدها ولفت غيم عليه وكمل:غيم خليني أموت مرتاح سامحيني اعفي عني
غيم وهي تناظر بعز بكسره وهي تستنجده بعيونها وهي مو قادره تسامح الجابر وشد الجابر بيدها يحطها بيد عز وقال:لا تتخلون عن بعض
ناظر عز بيده الي بكف يد غيم وغيم نفس الطريقه ناظرت بيدها الي بيده ودموعها كل مالها تغرق رموشها زياده وزياده ونزلو نظرهم بصدمه لمن شهق الجابر يلفظ انفاسه الاخيره وصرخت غيم :لاااااااااااااااااااااااااااا
لاتموتتتتتت الله يخليك لاتموتتتتتت لك جميله عندي ليه تنقذنيييي ليههههه ماني قادره اسامحكككك ماني قادره ابيحك ليههه تنقذني وتروح وانا مارديت لك معروفك ما ابي فضلك ما ابي منك شي ليه تاخذ الرصاصه عني ليه ليه
عز يشوفها تصرخ وتبكي وتضرب بصدر الجابر بقوه وغصب بكى معها
غيم من شدة بكائها صارت ترجف وهي تنزل راسها على صدره وتصرخ:ما اقدر اسامحكككك اخذت كل شي مني كسرتني هدمتني اخذت كل شي حلو بحياتي كنت قاسي وقلبك ما يعرف الرحمه ليههههه الحين تنقذنيي ليههههه "ياجـــدي"
رفع نظرة عز بصدمه لغيم الي عمرها ماقالت جدي ولا اعترفت به بعد كل الكسر الي كسرها وخذلها وقف عز يمسكها يرفعها من كتوفها وهو يشوفها كيف منهاره وتضرب وجهها وهي تصرخ :ليه ليه
عز يمسك كتوفها بشده:غيم اهدي غيم اسمعيني خلاص تمالكي نفسك اثبتي
غيم كانت لسا تصرخ وهي تضرب برأسها ووجهها عز شاف انها مو واعيه وتحت تاثير الصدمه وهز أكتافها بقوه وصرخ:غيمممممممم
هدت غيم بخوف من صراخه ورفعت نظرها تناظره والكسرة والحزن بوجهها ولانت ملامح عز وقال :اهدي حبيبتي انتي
غيم معد قدرت تتحمل كل شي ومالت تغمض عيونها ويغمى عليها بس عز مسكها بسرعه يشيلها بين ذراعيه ويدخلها غرفته الي بالمزرعه وطلع لبرق وقال:ارسلو الكلب ذا القسم "اشر على سعيد"
ناظر عز بمزون الي جالسه على ركبها عند امها وصد تاركها يمشي للغرفه عند غيم ورفع جواله يبلغ جابر بالي صار ونزل جواله يدخله بجيبه ودخل عند غيم يشوفها لسا مغمى عليها اتجه ياخذ مويه يرشها على وجهها يحاول يصحيها بس غيم كانت من كثر ما شافت من احداث مو قادره تطلع من الصدمه وعجز عز تصحى له
عند برق الي اشر للسكر ياخذون سعيد وانتظر هو الطب الشرعي عشان جثمان ام مزون والجابر كان يتواصل بالسماعه مع الفريق ولف على مزون الي كانت تمتم :يومه تكفين اصحي يومه انتي رحتي وابوي اخذوه العسكر أنا فين اروح
مالي بيت مالي مكان يومه أنا مالي غيرك ليه تخليني
مزون وهي من صدمتها دمعته حارت بعينها مو راضيه تنزل وجلست تهز كتفها :يومه تسمعيني صح اكيد ما بتروحين مكان تكفين ردي علي يومه خلقت بالدنيا وحيده مالي إلا الله ثم انتي تروحين انتي أنا من بقى لي
برق ناظره بحنيه يشوف كيف تكلم امها كانها تكلم وحده نايمه وغصب نزلت دمعته يمسحها بسرعه وتكتف يناظر المشهد الي عصر قلبه
مزون تمسح خد امها وتضربه بخفيف:يالله يومه نبي نرجع بيتنا خلاص معد نبي شي من الدنيا خلاص
جاء الفريق المكون من الطبيب الشرعي والإسعاف وكافه جهات الاختصاص
وهمس المحقق:خذ البنت من عند جثه امها نبي نباشر شغلنا
هز راسه برق يتقدم يجلس على ركبه عند مقابل مزون وقال:امك الله يرحمها صدقيني ما بتصحى
مزون ناظرته وتعقدت حواجبها حقد وهي تدفعه:بعد عن امي اكيد هي بتصحى بعدين وش يبون ذول جايين ماراح اسمح لكم تقربون منها
حاول برق مره ومرتين بمزون وعجز فيها تقوم من عند امها واشر للفريق يشيلون جثمان امها وقربو يشيلونها ومسك برق بذراع مزون الي كانت تنط بقوه وتاشر بيدها على امها وهي تصارخ:لا تكفون لاتاخذونها هي نايمه بس راح تصحى رجعوها ليه تأخذونها
برق شاف ان البنت شوي وتنجن وشد بكتفها يثبتها قدامه وقال بحده:امك ما تت ماتتت تفهمين يعني استوعبي الموضوع هي معد ترجع خلاص وانتي مالك إلا ترضين كفايه هلوسه وامال كاذبه على نفسك
مزون كانت تناضر بعيونه وهو يقول كلامه بكل قسوه وقالت بكسره تميل راسها:يعني خلاص راحت وصرت لحالي؟
برق ارتخت يده الي شاد بها كتوفها من نبره الكسره بصوتها وقال بهدوء:اي راحت
مزون غمضت عيونها بقوه وطاحت دموعها وهي تسند راسها على صدر برق الي من قوة الصدمه ماقدر يبعدها ولأقدر يطبطب عليها وهو يشوفها تحط يدها على وجهها ورأسها على صدره وتبكي بكل قوتها وترجف وكل صرخه كانت تدق بقلب برق الي كان متوتر وخايف من الموقف وكيف مستنده عليه وهو مايحل لها بس عرف ان الموقف اخذ منها الشي الكثير
عند جابر وصله رساله عز وتوسعت عيونه بصدمه وفز بعد ماكان جالس مع العايله وانتبهت أيلين لفزته والكل استغرب وقفته يشوفونه يبعد عنهم يرفع جواله يدق
رحمه تمسك قلبها:لا إله إلا الله وش هالقدر
نواف:بسم الله عليك يا امي وش فيك
رحمه تمسح قلبها:يالله عطنا خير هالليله في شي صاير
سدن:جابر وش فيه فز كذا
ثنيان يصرخ:ولد وش بلاك فيه شي
سلمان:لا تتركنا بهمنا انطق
إيلين وقفت واتجه لهم جابر أيلين تمسك كتفه:وش فيك وش صاير؟
سعد شاف ولده وجه مخطوف وقال:قول علمك
رحمه:وجهك وراه علم مايسر علم ياولدي وش بلاك
جابر بتوتر وغصب طلع منه الكلام:ام مزون ماتت قتلها سعيد طليقها
سدن:قلعتها
ام عز:استغفرالله الله عيب يا امي
رحمه:الله يرحمنا ويرحمها
سعد:لسا بوجهك كلام
جابر:جدي
نواف فز بخوف:وش فيه
جابر:رماه سعيد ومات
شهق الكل بصدمه ومسك راسه نواف يصد بعيد عنهم وسعد اتجه لامه الي صح طلقها بس كانت تغليه حيل وهي تبكي ولفو الكل بصدمه على مناير الي صرخت ورى جابر:من الي ماتت
اتجه جابر بسرعه يمسك كتفها:اذكري الله ي عمه
مناير بدموع:من الي مات علموني
نواف اتجه بسرعه لاخته وهو يحضنها وقال:ابونا يطلبك الحل
صرخت مناير بقوه وشدها نواف بقوه وجابر صد يتلطم وسلمان مسك بيد غلا يساعدها تبعد وهو خايف عليها من الصدمه يصير بحملها شي
جابر:يا ابوي عز محتاجنا بالمزرعه غيم مغمى عليها
شهقت سدن ونور بخوف عليها
وقال نواف:يالله جهزو
نص ساعه والكل جاهز وانطلقو للمزرعه
بس وصلو نزلو الكل بصدمه يشوفون الطب الشرعي والعسكر محاوطين المكان والإسعاف والوضع زحمه وبس دخلو البنات المزرعه فز عز من عند غيم وبسرعه اتجه لهم وهو يقول:ادخلو غرفتي غيم هناك
دخلو كلهم ركض إلا رحمه الي كانت مع سعد ساندها ومناير الي دفعت جابر الي ماسكها وقالت :بعد بشوف ابوي
عز عرف انها مستحيل تتحمل تشوف المنظر وسحب بيدها:عمه الحين مو وقته
مناير تدفع يده وهي ترجف:لا بشوفه الحين تأخذونه معد أشوفه
عز سحبها يدفن راسها بذراعه ورجف قلب مناير وهي كان عندها امل بسيط انه عايش بس حضن عز اكد لها انه مات وصرخت مناير وشدها عز يكتم صوتها بذراعه وبسرعه سحبها يدخلها الغرفه عند البنات وبس جاء بيقفل الغرفه شاف مزون جايه وفتح لها الباب تدخل دخلت مزون تمسك زاويه تلم نفسها وهي تجلس بعيد عنهم
عند ام عز وام جابر كانو يحاولون يصحون غيم الي صحت بعد معاناة وهي متبلده تماما كانو يحضنونها ويواسونها وهم عرفو انها شافت كل شي قدام عيونها بس كانو يشوفون بملامحها الجمود حتى دموع مافيه
وسحبتها سدن لحضنها تسمي عليها وتقرى عليها لفت ام عز تقول :لا اله إلا الله
لمحت مزون الي بطرف جالسه بلحالها وتاكل أضافرها من التوتر وملامحها تكسر الخاطر ودقت كتف ام جابر واتجهو لها ومسحت على راسها ام عز بحنيه:حبيبتي انتي بخير
مزون اول مره تلتمس حنيه ام عز وهي كانت حنونه مره مع الكل وفزت مزون تحضنها وهي تبكي وتقول:ابوي ذبح امي وانا جلست وحيده ما احد معاي كلهم ماتو أنا بس ضليت
البنات على كرههم لمزون وحركاتها إلا انهم بكو من بكاها وهي كانت تكسر الخاطر وبعد موجه بكى دفعت مزون ام عز على ورى وقالت :ما ابي شفقه منك بعدي
ام عز ناظرتها بصدمه والبنات كلهم يناظرونها مو مصدقين وش فيها قلبت كذا
مزون:لاتناظرين كذا انتي وهي أنا قويه مو بحاجتكم
سدن وقفت بحده:الشرهه مو عليك علينا الي حزينين عليك إذا انتي فقدتي امك فغيم قدامك ذبحو ابوها وامها ويتموها وهي صغيره ولا تبرؤ منها ومع هذا ماسوت مثلك
ام عز ناظرت بغيم الي بدت الدموع تجتمع بعينها وصرخت:سدن بس خلاص احترمو حرمة الميتين
سدن طلعت بقهر من الغرفه متجهه للمطبخ
عند رحمه الي كانت مستنده على سعد وناظرت الفريق الطبي ينقلون جثمان جابر ويمرون به من قدامها وقالت بصوت مليان بكي ودموع:

مرحوم ياللي كل ماجيت برثيه
‏عجزت اعبر بالحكي والكتابه

‏اللي خذاه الموت ماني بناسيه
‏وعقبه تجرعت الحزن والكأبه

‏الفقد موجع والقدر راضيّن فيه
‏والدمع يذرف مثل وبل السحابه

‏يالله ياللي نلتجي به وندعيه
‏تغفر ذنوبه ثم تسقي ترابه .

"بعد مرور ثلاث ايام العزاء "
كانت اثقل ايام على عايله الجابر وعز كان من شدة زعله من جده ماسامحه ولأقدر يعفي عنه وفي ثالث يوم بدأ الكل يسلى ويسولف شوي إلا غيم الي كانت ساكته والمنظر ما يطلع من بالها وحتى اكلها طول اليوم على وجبه وحده والكل حولها ويداريها بس هي أبدا مو حولهم ومنظر ابوها وامها وهم يموتون ماطلع من بالها "
رابع يوم من العزاء المغرب دخل عز المزرعه وسمع صيحه بالمطبخ واتجه ركض
:وش فيه وش صاير
سدن:هالزفت مزونوه
مزون:انتي زفت
عز:اقصرو الهرج وفهمًوني
نور:كل السبب من مزون سدن كل ماجهزت اكل لغيم كبته مزون حتى بغرفتك كل شوي تقول لغيم انقلعي برا الغرفه ذي غرفه زوجي وكل ماقامت وجلست زوجي عز ولزوجي عز
غثتنا وغثت غيم
عز ناظر بمزون:اسمعي يابنت الناس يشهد الله الموضوع كله تافه والي بتسمعينه اليوم والحين مو على هالسالفه بس الي بقوله انتي تعرفينه أنا عمري ماحبيتك ولاشفتك زوجه لي وانتي تدرين بسواياك انتي وأمك وأبوك بغيم وحتى جدي شوفيه مات بس أنا عمري ماراح أسامحه لانه السبب الي حرمني من حب حياتي وانتي خذتيني وتعرفين اني ما ابيك ابد بس امك هي السبب ودامك رضيتي بالاول فالحين احب اقولك أنا وانتي ما اجتمعنا بغرفه من قبل عشان نجتمع الحين
مزون بحده:وش قصدك هاء كل هالكلام عشان الزفت الي جوى
عز بحده:الي جوه كانت زوجتي وراح ترجع تصير زوجتي وعيوني وكل شي بحياتي
مزون:ماشاءالله وش قله الادب تغزل بها وقدامي وانا ايش ان شاءالله
عز :انتي طالق
مزون ناظرت بصدمه وسدن ونور شقت وجيههم البسمه وقالت مزون بحده:وشهو تطلقني عشان سارقه الرجال الي داخل
عز قرب منها وهمس بغضب:لفي أغراضك خوالك جايين لك وانقلعي عنهم ورقتك توصلك بكره
مزون بقهر اتجهت تطلع وكانت سدن ماسكه صحن اكل لغيم ودفعتها مزون قاصدة وطاح الصحن وصرخت سدن:عساك العمى يازفت
طلعت مزون تلبس عبايتها واتجهت مع خالها وضحك عز يضرب راس سدن بخفيف:ارجعي زبطي صحن جديد
سدن ابتسمت تأشر على عيونها:من عيوني
طلع عز مبتسم وصرخت بخفيف سدن ونور يحضنون بعض انهم قدرو يتخلصون من مزون وعز دق غرفته وسمع امه تقول ادخل دخل عز يدور بعيونه على غيم
وقالت إيلين الي تنيم عز :لاتتعب عيونك راحت الاسطبل حبيبه القلب
ابتسم عز يطلع من الغرفه متجه للإسطبل ووو