يا صدفً عشنا بعدها حبيبين

٧٤

ريم تزفر بقهر ترجع تركب له المغذي ومسكت كف يده تشوف جالسه تمشي بس تفاجأت من شد كف يدها مهاب قريب منه ومالت ريم تشهق بخوف وناضرت بعيونه ووجهها قريب وجهه وقال با ابتسامه:ماشاءالله الله متى صرت حبيبك؟
ريم وهي مفهيه بعيونه وتتفحصها بفهاوه وقالت بتوتر:اءءءء
مهاب ابتسم لوجهها الي فاهي فيه وشدها زياده من وجهه وغمضت ريم بتوتر وهمس مهاب:دامي حبيبيك ممكن تحاولين تخرجيني لاني ما احب الجلوس بالمستشفى
فتحت عيونها تحس انفاسه الي بوجهها ومو قادره تتكلم بسبب قربه الشديد قطع جوهم نرجس الي دخلت متنرفزه:الزفت ذي وش تسوي هنا
بعدت ريم لمن ترك يدها مهاب ترتب نفسها تعتدل بوقفتها وهي تسرع المغذي شوي وناظرت بمهاب الي قال:ماعليك صاحبتك ضيفتها ضيافه تليق فيها
ريم تبتسم:ذي بس تصبيره لسا ماروقت لها
مهاب يرفع حاجبه با ابتسامه وقالت :ما اداني الي مثلها تحسسني انها واو وهي ابجح ماخلق ربي
نرجس با ابتسامه:الله وش صار علموني ؟
ريم:علمناها قدرها بس
مهاب :اي ومزبوط بعد
نرجس:وش صار
ريم:مو مهم المهم غثينها
مهاب:ابد ي اختي الحلوه بس صاحبتك قالت اني حبيبها واني نسيت فرح
نرجس بصدمه :الله حبيتتت ريممم
ريم بصدمه ترفع يدينها:اوبببب اهدييي مجرد كلام مافي شي صدق
نرجس بتحطم:حسبتك تحبها فرحت لان ريم احلى بواجد من المشفوحه ذي
مهاب فتح فمه بيتكلم بس ريم قاطعته:عفواً أنا تقارنيني بها معليش مافي مقارنه ابد
"لفحت بيدها بغرور"تتجه تمشي بتمايل من الغرفه وقالت:شوفي الزرافه كيف تمشي
ناضرت نرجس بريم الي تقلد مشيه فرح وانفجرو يضحكون وطلعت ريم من الغرفه ولفت فرح على مهاب الي يحاول يداري وجهه يخبيه وهو ميت ضحك على ريم وقالت :اوه اشوف الابتسامه شاقه وجهك
مهاب:هالبنت مجنونه
نرجس تغمز:محنونه هاء مافي شي منا منا
مهاب وقف بيسحب نرجس بس تأوه بالم يمسك بطنه وفزت نرجس:وش فيك مهبول انت توك طالع من العمليات
مهاب:اخخخ والله بس اطلع من هنا ناوي لناصر ضربه تقسم ضهره
نرجس:وش ناويه عليه
مهاب بغرور:بتزوج فرح
نرجس بصدمه:وشهوو
مهاب:وغصبا عليها واطلقها بعد اول ليله واكون ضربت عصفورين بحجر
نرجس:لا انت كذا تفكر مهاب انت تلعب با أعراض الناس؟
مهاب:حدتني اني أصير ردي جايه لي تبي تشوف ضعفي ماتدري اني محيتها من كل قلبي وكرهتها كره الموت
نرجس:مايحتاج تصير ردي عشانها لان كلاً يعمل با اصله وبعدين فرح بتتزوج بكره من ناصر
مهاب بصدمه :كيف؟!!!
اعتدل بجسمه رغم تعبه وهو يمسك جرحه وجلس وسمعها تكمل تقول:ناصر قال لي لمن رماك بالسلاح كان يعزمني لزواجهم "مسكت الغصه بحلق نرجس"انتبه مهاب عليها وهو معد همه فرح كثر ماهمه ملامح اخته الي تغيرت وقال بحده:انتي ليه زعلانه؟
نرجس:لا مو زعلانه
مهاب يسحب بيدها يجلسها بجنبه ونزلت عيونها نرجس للسرير يرفع ذقنها اخوها يقول:طالعي فيني ليه اعتفستي كذا
نرجس:ولاشي عادي بس زعلانه عليك
مهاب يناظر بالدموع الي اجتمعت بعيونها:هالدموع عشاني والا عشان ناصر
شهقت نرجس:لا لا مهاب عشانك انت ليه ابكي على ناصر من يكون اصلاً
مهاب يشوف المكابر فيها وقطع كلامها يسحبها يحضنها وارتخى جسم نرجس وهي تنزل دموعها زياده وقال مهاب:انسيه يانرجس مايستاهل دموعك
نرجس تطلع من حضنه تمسح دموعها:اوكي انت ارتاح
مهاب هز راسه يرجع يتمدد وطلعت نرجس من الغرفه تروح لدورة المياه وهي تغسل وجهها ودخلت بعدها الحمام واستوقفها صوت فرح الي تقول:وش فيك أنا أقنعته الزواج وكتب الكتاب بيوم واحد وخلاص اقتنع بكره وبكره راح يسوي العرس بس بدون عروس وجلست تضحك بقوه
مسكت فمها نرجس بصدمه واسترسلت فرح:اي اخذت كل أملاكه والحين هو حافي منتف اي شوف الاوراق معاي بالشنطه
فتحت الباب نرجس وهي تطلع بسرعه بدون تشوفها فرح وهي ترتعد من الصدمه معقوله استغلت ناصر لذي الدرجه نرجس من الصدمه شافت فرح طالعه وهي تسحب أوراق من النيرس الي ماره وصرخت النيرس:لو سمحتي
ماردت نرجس ترتطم بفرح وطاحت شنطه فرح وانتثرت أغراضها صرخت فرح:وجعع ناقصني عمياء كمان
نرجس توقف:اقصري هرجك ولعد اشوفك ناحيه مهاب
فرح ترمي اوراقها وأغراضها بالشنطه وقالت:اوه أشوف في ناس تحترق لأنهم ماراح يتزوجون ناصر اوه عشان اختارني عليك يالله موتي بغيضك
نرجس تبتسم:عليك بالعافيه تتهني فيه ياحلوتي
ضربت كتف فرح واتجهت تمشي بغرور وفرح انصدمت من برودها وعدم اهتمامها وطلعت من المستشفى وهي مقهوره
عند أديم وزيد
أديم الي طلعت تشوف الجو وهي تشوف زيد جالس عند النار ويشرب شاي ومروق وقالت:او المود عال العال
زيد:الحين نقدر نقول عال العال
ابتسمت أديم وقالت:زيدو وش كنيتك ابو ايش يعني
زيد:وش الطاري
أديم:لاني ودي أصير أناديك ابو فلان بدل زيدو
زيد ابتسم يوقف وقال:ابو مشعل
أديم تبتسم:يالبى ابو مشعل اجل نقول ان شاء الله ٧ شهور وتصير ابو مشعل عن حق وحقيق
زيد بصدمه:بذمتك ؟
أديم ترفع يدها بغرور:جايبه لك واحد مطنوخ لازم احكيه قصه حبنا اني كنت اكفخك قبل أتزوجك
ضحك زيد يتجه يحضنها يشيلها من خصرها وهو يدور فيها :يابعد الدنيا كلها الله يسعدك على هالخبر الي رد روحي
أديم تبتسم ونزلها زيد خاف يدوخها وناظرت بعيون زيد البكيانه وهي ترفع يدها تمسح دموعه وبحنيه:حبيبي لاتبكي ليه الدموع
زيد :كنت طول عمري اتمنى أشيل ضناي بين يدي والحمدلله راح تتحقق امنيتي "شد يد أديم"شكراً لك ي اديمي عيشتيني هالشعور وراح تحققين لي هالامنيه
أديم نزلت دموعها تحضنه:يحبيبي الله يقدرني وأسعدك دوم
زيد يبتسم يحضنها يبوس راسها يشدها لصدره وهو فرحته مو قادر يعطيها احد
"اليوم الثاني "
عرس ثنيان الجابر &سدن الجابر
مغرب اليوم الثاني والضيوف بدو يحضرون وكل البنات جاهزين والبيت معتج بالزحمه الرجال كانو بفله عز والحريم بفله ابو ثنيان بس حوشهم مشترك
بغرفه البنات الدنيا زحمه وصوت الاستشوار وريحه العود مخلوطه بريحه القهوه وفزو البنات من بدت تشتغل الديجي وعلى صوته بالمكان كله
إيلين تركض ورى عز:عز البس ثوبك خلاص تعبتني
غيم وهي تحط آخر لمساتها تثبت حلقها وابتسمت:عطيني أنا البسه
أيلين:حبيبي غيمي اخخخ وين أحطك بقلبي او بين ضلوعي حقيقي تعبت أراكض وراه وجدتي كل شوي تهزءني تبيني أضيف الحريم
غيم:قلبك خليه لجابر وبعدين عز ولدي يكفيني انه سمي حبيبي
البنات :اوووووووووو
سدن:احلى الغزل والله
غيم تبتسم تلبس عز ثوبه وطلعت أيلين
دخلت ام ثنيان بهاللحظه وقالت:نور حبيبيتي خذي هالعوده يبونها العيال بفله عز بس الرجال وصلو وقفي بعيد ونادي احد ياخذه
نور :ابشري عطيني
اخذت نور العوده متجه لتحت تشوف ترتيبات الزواج والحريم الي بدو يجون وكل شوي وحده تمسكها تبوسها وطلعت بوجهها لفله عز وهي توقف خلف الفله وشافت جابر صاد ونادت :جابر جابر
استغربت مآلف عليها وناظرت حوالينها تشوف كوره عز وهي تشيلها وترميه تجيه بوسط ضهره ولف بسرعه يشوف الضربه وشهقت نور ترجع ورى من كان برق لأنهم يتشابهون في العرض من ورى ولأن برق كان لابس غتره بيضاء نفس جابر فكرته هو برق ناظرتها بصدمها واتجه ركض لها وقال بحده:انهبلتي وشفيك طالعه كذا بدون غطاء
نور:بعيد محد يشوف وبعدين هذي العوده عطها ابوي
برق ناظرها من فوق لتحت يشوف كشختها وفستانها وتوترت نور من نظراته الفاحصه وتنحنحت:نغض النظر الله يرضى عليك
برق ابتسم:تراك حلالي
نور:بعدني ماصرت حلالك بعد الفرحه الكبيره ان شاءالله
برق ابتسم:لو ابي آخذك اقدر آخذك ومحد له معي شي
نور:زين روح روح مو وقته هالكلام
برق يمسك ذقنها يقرب وجهه لوجهها وبملاطفه:كانك جالسه تطرديني
نور توترت ترجع ورى وبتوتر:ا-ءءء لا مو كذا
برق يبتسم :بقابلك بعد الحفل
نور:لا اااااا
برق:مو على كيفك ويالله امشي الرجال جو
اتجهت نور بخوف تركض تاركه برق الي يضحك عليها ورجع وهو مبتسم
عند غيم لبست عز ثوبه وتعدل له غترته ونزلت على ركبتها تبوسه وطبع على خده الروج وقالت:وازينو الرجال
عز ابتسم يحضنها وطلع معها يركض وهو يتجه لقسم الرجال وعلى طول بس دخل اتجه لخاله عز وهو يشد ثوبه ونزل وجهه عز له وهو يشيل عز :احلى الرجال وش الكشخه ذي
برق:لازم ندور له عروس
عز:يبشر لو يبي أربع
برق:اقول اركد خاله قدامه ماسواها
عز يضحك:هو أنا اقدر
برق بضحكه:عارفين عشان كذا لاتعشمه بشي صعب
عز لف خده يشوف الروج وقال بضحكه:اقعد ذا الي يبي نزوجه أربع ورجال وهيبه وآخرها روج بخدك
عز بلغه الاطفال:خالو غيم هي سوته
ابتسم عز ينزل عز وهو يهوجس كيف بيكون شكل غيمه الحين ودق كنفه برق:واضح العلوم ضاعت من بوسه خد
عز ابتسم يجر برق تحت كتفه:وش اسوي القلب مو بيدي
برق:بس عاد لاتضيع الهيبه لاتنسى مكانتك
عز:زين زين اشهد اني ثقيل ورزين لين اشوفها وتضيع علومي كلها
برق:هههههههههههههههههه الله يلوم قلبك الرهيف
عز يضحك وتقدمًو يستقبلون ثنيان الي نزل من السياره المزينه بشرايط حمر و ورود وتقدمو يسلمون عليه يجلسونه بوسط المجلس
عند البنات الكل نزل تحت يستقبلون الضيوف ويباشرونهم وام ثنيان ماشاءالله كانت حركة كثير وهي تدول على الحريم بصحون الضيافه وجاهده روحها مره
اما الحريم كانت اغلب انظارهم على غيم الي كانت فاتنه مره ومميزه من بين كل البنات با اطلالتها بفستانها الطويل والماسك على جسمها وبارز معالم انوثتها وبدون صدر والعقد الي اهدها عز عطاء الفستان حلاوه زياده وزين عنقها الطويل مره شغلو الديجيه وغيم جايه بدق على ريم الي تاخرت ماجات بس تفاجأت من الحرمه الي سحبتها للوسط تراقصها وابتسمت غيم وبدت تتمايل مع الحرمه برقص ناعم وهادي على أنغام الموسيقى
ذهب ذهب معدنك في عيني وياعز الطرب....معدنك يغنيني في هذا الكون عن كسب الحلي
لو يزعل العالم بتبقى في نظر عيني ذهب...يوم المعادن مصلحه الايام تطليها طلي
الكل جلس تاركين غيم الي تتوسط الميدان وهم يصفقون لها ويشجعونها وغصب عنها صارت ترقص بنعومه وحلاوه وحركات مليانه غنج ودلع لدرجه الكل ذاب فيها
نور:اخيه أنا خقيت لو عز شافها وش بيسوي
إيلين تبتسم:منجد يموتتت رقصها
غلا:يوه الغنج والنعومه اموتتتتت ي ناسسس
نور تصفر لها ومناير ترفع يدها بتعزيز ان رقصها حلو وهالشي عزز لغيم وكسبها ثقه بنفسها واستمرت ترقص حتى خطفت كل الأضواء على الحضور والكل يحكي عنها
خلصت الاغنيه وطلعت غيم من الميدان وهي تتجه برى الفله تكلم نور
عند نرجس
نزلت من قصرهم بكامل انوثتها وهي متجهزه لزواج ناصر وميكب قلوي يسحر كل عين تناظرها واتجهت تركب مع السواق وهي تحرك لقاعه الزواج الي فيها ناصر وهي بداخلها فرحانه تبي تشوف وجه ناصر بس يعرف ان فرح غدرت فيه كانت مشاعر الانتصار بقلبها عظيمه وبس تبي تشوف هاللحضه
وصلت القاعه ونزلت تدخل القاعه ومجرد مانزلت عبايتها وعدلت شكلها ودخلت داخل القاعه الكل كان يتلفت عليها ويتهامسون بصدمه انو ايش جايبها وكيف جايه وأخوها مطعون ومليون سًوال وسوال بس كل هالاسئله نمت شعور الفرح بقلبها وهي بس متعنيه وحاضره حتى تشوف وجه ناصر وهي بس تبي تشمت فيه وجلست على الكنب تناظر الحريم بكل قوة عين ومحد قدر يحط عينه بعينها ناظرت ام فرح الي يبدو عليها القلق نوعاً ما وكمان تخز نرجس الي كانت نجمه الفرح منجد والكل يحكي عنها انتظرو ساعه وساعتين وثلاث واستغرب الحريم ان فرح مانزلت وابتسمت نرجس من تسمع ام فرح تهمس لاختها:هربت وفشلتنا وش نسوي وين نودي وجيهنا
اختها:كيف هي مو موافقه عليه ليه تهرب
ام فرح:وش السواه الحريم كلو وجيهنا مانعرف ايش نسوي وثنيان له ساعه بالغرفه احرق جوالها اتصالات ماترد وهو يبي ينزف معها
اختها:ورطه ورطه
قاطعهم حرمه تسال :متى تطلع عروسكم ابطيتو
ام فرح:شوي شوي
نرجس وقفت تعدل فستانها وهي تتجه لغرفة العروس عند ناصر وتبي بس تشوف وجهه
بفله الجابر
غيم الي كانت بالحديق وتتواصل مع ريم :بنت تاخرتي فينك
ريم:هذا أنا آخذ لفه بيتكم
غيم:يالله دقايق وتنزف سدن
ريم:يالله يالله
نزلت غيم نظرها للجوال جاهله مجموعه الشباب الي كانو يناظرونها ومفقهين بجمالها بصدمه وهم مو مصدقين ذي بشر والا ملاك وقطعهم عز الي قال:اقصر نظرك انت وهو
لفت غيم تشوف الرجال وراها وفزت بخوف تركض لعز الي سحبها يحطها ورى ظهرها واتجهو الرجال للمجلس وهم مره متفشلين ولف عز على غيم وبحده يشد يدها:وش مطلعك كذا وبدون غطاء
غيم بتوتر منه:اءء أنا كنت اكلم ريم لان صوت الديجيه عالي
عز:ماشاءالله مافي غرف تكلمينها فوق
غيم بحده:عز ايش فيك الغرف زحمه وكلها مليانه بنات
عز يشد يدها:هالشي صار راح تتعاقبين عليه انت ماشفتي كيف يناظرونك
غيم:ترا ذي مو غيره مرض
سحبت يدها منه تتجه بغضب وزعل للداخل وتصفق بباب الفله وابتسم عز من عصبيتها وبسرعه تعقدت حواجبه من تذكر الرجال الي شافوها واتجه للرجال وعينه عليهم وهم مو قادرين يطالعون فيه حتى من الاحراج والفشله

بعد دقايق
شدت سدن مسكتها تنزل من الدرج بخطوات هاديه على أنغام زفتها وكل الحضور عينهم عليها والبنات يصفرون ويصرخون لها والجولات مرفوعه للتصوير نزلت بكل هدوء والتوتر فيها الف حتى وصلت لكوشتها والبنات يفزون يحضنونها ويباركون لها وهي فعلاً كانت إطلاله تجنن إطلاله عروس ورغم بساطه الحفل إلا انه كان مميز جدا
تقدمو الحريم يقدمون هداياهم ويسلمون عليها ويدعون لها ورجع الديجيه يستغل وولعت الساحه حماس والكل وقف يرقص بكل حماس حتى غيم رغم انها انزعجت من عز إلا سرعان ماروقت ورجعت ترقص وتتمايل مع البنات نسكبه لكل شي ورى ظهرها

عند نرجس دخلت بغرفه فرح وهي تشوف ناصر الي جالس على الكرسي ووبشته وشاد راسه مرجع عقاله على ورى ورفع راسه بهدوء يناظر الي قدامه وارتخت عيونه من شافها نرجس وانصدم وهو عمره ماتوقع ولا واحد بالميه انها تجي بس تكتفت نرجس تبتسم:ماتوقعت اجي صح
اتجهت توقف عنده ووقف ناصر يناظرها وقالت نرجس بغرور:اجل ذي الي تبي تذبح اخوي عشانها حسافه انك ولد عمي ومتربي معنا ذوقك خايس ومع ذا شوف وش سوت فيك
ناصر:ايش تبين جايه
نرجس:ناسي انك عازمني وعدتك اكون اول الحضور وهذا أنا جايه احضر زواجك بس ياترى عروستك وينها
ناصر عض شفته بقهر يصد يمسك راسه وابتسمت نرجس :وش فيك مو غثيتنا تحبك وميته فيك اشوف انها اختفت
ناصر:قرح هربت
نرجس:ههههههههههههههههههههههه
لف ناصر بحده على ضحكتها الي استفزته واتجه لها يمسك بكتوفها:اكيد انتي قايله لها شي او مسويه لها شي
نرجس:يوه ناصر اطلع من تفكيرك الغبي وفكر بعقلانيه لو مهما حاولت اسوي شي راح تحرق الدنيا عشان تجي لزفافها منك هذا لو كانت تحبك
تركت يده من كتوفها وقالت:لاتنتظر واجد لانها كانت تلعب عليك
ناصر بقهر:الكلبه اخذت كل شي املكه كل شي سجلته با اسمها خدعتني ونصبت علي
عصب ناصر يرمي بشته وهو يسب بفرح وصار يدفع الكراسي ويكسر كل شي في الغرفه بغضب وهو يصرخ ويشد راسه ارتعبت نرجس شوي بس ما تخفي انها على الرغم من فرحتها ان ناصر وعى اخيراً على حقيقه فرح إلا انها رحمته لان الخذلان من الحبيب صعب مره
ناظرها ناصر تناظره واتجهت له وهي تقول :كيف شعور الي تحبه يخذلك ويخدعك ويغدر بك شعور موجع مو صح ؟ذوق من نفس الكاس الي ذوقته منك خلي قلبك يحترق كثر ماحرقت قلبي ؟مبروك عليك عرسك اووه اقصد عظم الله أجرك بقلبك
جت بتمشي تاركته بس انصدمت من سحب بيدها يجرها لصدره ويحتضنها بكل قوة الدنيا وو