يا صدفً عشنا بعدها حبيبين

٤٩

ببيت ابو فارس بحايل وصلو نواف وسعد والعيال معهم والبنات ورحمه ونزلو ووقف ابو فارس فاتح البوابه الكبيره يستقبلهم بفرح ويرحب فيهم
دخلو الرجال بخيمه الشعر والحريم داخل البيت وهم يسلمون على مناير ويحضنونها بحراره وفرحه ام فارس بهم كانت واضحه جلسو ووقفت مناير تصب لهم القهوه وتقدم الضيافه ووقفت ام فارس وهي تأخذها:كم مره نقول لك ارتاحي تبين اعلم فارس
ابتسمت مناير وناظرو الكل باستغراب رحمه بخوف:فيك شي يا امي يعورك شي
ام فارس:بنتكم شايله لكم حفيد
البنات بصراخه وحده فزو يحضنونها ومناير مبسوطه لفرحتهم وهي صح انها بالاول ماكانت متقبله حملها وخايفه بس فرحتهم خففت شوي عنها وبدت تتقبله شوي شوي وكمان بدت تلتمس حنيه فارس عليها وهالشي كمان كان له دور يساعدها تتقبله
سدن:الله يعني عندنا ثنتين حمل ي الله عقبال غيم
مناير ابتسمت وهي عرفت بقصه زواجهم وقالت:يالله شدي حيلك نبي نشوف عز صغير
غيم حمرت بخجل وهي ماتخيل الشعور ابد وقالت بهمس فيه حياء:ان شاءالله
غلا:عمري المستحين والله
قطع دق الباب فارس ينادي مناير وقفت واتجهت له وهي مبتسمه:هلا
فارس ابتسم من بسمتها وهو يقبص خدها بخفيف:تعالي يبونك بيسلمون عليك
مناير:ابوي ماجاء
فارس:لا
مناير انكبحت بسمتها وانتبه فارس لها وحاوط كتفها يشدها له:عادي يمكن مشغول
هزت راسها مناير ودخلت المجلس وفزو العيال يتسابقون عليها من يسلم اول وكل واحد يدفع الثاني شافهم فارس يتدافعون ووقف يسحب مناير بحضنه:هيي هدو لاتعورونها
سحبها عز من حضنه وهو يحضنها ويسلم على راسها ومناير مبتسمه ونزلت دمعتها بفرح لجيتهم والكل انتبه لها وعز حاوط كتفها:افا من بكيك لايكون فارس بس قولي لي والله لطرحه لك هنا
مناير:لا لابس فرحانه فيكم
ابتسم عز وتقدم العيال يسلمون عليها وبس خلصو وهم واقفين قال جابر:هاء كيف فارس معك ؟
مناير:طيب وكويس
ثنيان يغمز بعينه:طيب وكويس هاء
سلمان بخبث دفع كتفها وارتطمت بكتف ثنيان ورجع ثنيان يدفعها وارتطمت بكتف سلمان وهي ضاعت بينهم مره تطيح على ذا ومره ذا وفز فارس بخوف يسحبها:يامتوحشين تذبحون ولدي بعدو
الكل ناظر بعدم استيعاب بعدين فز نواف:ماشاءالله مبروك
عز بفرحه يمسك ذقنها بحنيه:ماشاءالله منجد؟
مناير وهي تحس وجهها حمر هزت راسها بخفيف
سلمان:ماشاءالله مسرع
العيال تفشلو وسلمان حس انه جاب العيد ومناير انكتمت معد عرفت ترد وتنحنح عز يضرب كتف سلمان:انتبه لسوالفك يالغالي
فارس:اذكر الله طيب
سلمان:ماشاءالله ماشاءالله
جلسو شوي يسولفون وبعدها اتجهت مناير للبنات وهم يكملون سوالف وشوقهم لها ويعلمونها بالهوشه الي صارت في المزرعه ومناير قلبها مرتاح وهي تضحك وتتخيل شكل ام مزون ومزون
بعد العشاء الكبار اتجهو للنوم والعيال طلعو مع فارس يمشون بالحاره والجو كان شوي برد والبنات كانو جالسين بالحوش حوالين شبه النار ويسولفون
مناير:ليتكم تجلسًون يوم كمان
غيم:والله تعرفين الوضع كيف دوامات وكمان مايصلح نترك مزون وامها براحتهم لازم نضيق عليهم
إيلين :يماما بديت اخاف منك جعلك مايوم تكرهيني
غيم ضحكت وضحكو عليها البنات وقاطعها رساله عز على جوالها :قابليني عند باب الحوش
وقفت غيم وقالت سدن:الحب ياناس
ضربت راسها غيم بخفيف واتجهت لعز الي كان واقف عند الباب وقال:خذي أغراضكم حن بنطلع شوي مع فارس وراجعين
مدت يدها غيم تاخذ الاغراض الي طلبوه للسهره وتلامست أصابعهم وسحب يدها الثانيه يحس بروده يدها وانتبه ان لبسها خفيف وقال:لحضه لاتروحين
غيم باستغراب انتظرته وجت رساله على جوالها تقولها ان اديم انخطبت ابتسمت اديم بفرح ورفعت نظرها على عز الي قال:الله يسعد الي ورانا اسنانك
غيم ابتسمت زياده واخذت الفروه من يده وقال:تدفي زين
هزت راسها غيم وهي تناظر بحب وقال :ادخلي ي الله
دخلت غيم وهي تلبس الفروه وحطت الاغراض وجلست تحكي البنات عن خطبه اديم
نسرع الأحداث شوي
اليوم الثاني بعد ما الكل رجع من حايل وتقريباً المغرب بمزرعة الجابر غيم كانت ترتب أغراضها وناويه تطلع للإسطبل تشوف مهرتها دخلت سدن:غيم بنت هيا خلصتي
غيم :اي هذا أنا
سدن:في رجال عند جدي من الحاره بنطلع من الطرف الثاني
هزت راسها غيم وجو طالعين من الطرف الثاني الي ينفذ من جنب غرفه ام مزون وبنتها واستوقفهم كلام ام مزون وهي تكلم جوال وتقول:والله لذبحها مثل ماذبحت امها وأبوها اجل هي كفو تمد يدها علي وعلى بنتي
انت لاتخاف أنا بقنع اخوي نذبحها وبخطط لكل شي وبعدين هو مايدانيها هالمره أنا راح احسبها صح
سدن تناظر بغيم الي مو قادره تجمع وبدت ترجف وسدن دق قلبها بخوف ووقعت قلوبهم من سمعو مزون دخلت وهي تقول:يمه متى أتزوج عز متى تفكينا من غيم
ام مزون:لا تشيلين هم أنا بكلم اخوي هاليومين هو يبي المزرعه وانا ابي انتقم منها وراح ندير لها حادث مثل مادبرنا لاهلها من قبل ونتخلص منها وعز لك ان شاءالله
مزون ابتسمت
عند سدن وغيم الي شافت غيم مالت بتطيح وبسرعه سندتها سدن وهي تغطي فمها لاتصرخ وسحبتها بسرعه لآخر المزرعه بعيد عن الكل
غيم بصدمه وهي من قوه الصدمه مو قادره تبكي او تنزل دمعه من عينها وعمرها ماتوقعت انها ممكن تسمع مثل هالكلام ماتخيلت بيوم ان امها وأبوها راح يكونون معها لولا جدها وأخته الي ذبحوهم
سدن خافت عليها شافتها تدور يمين ويسار وتفكر وتهوجس وهي تمتم بكلمات مو مفهومه تقدمت تلمس كتفها ودفعتها غيم وهي عيونها حمر وبكت سدن من الخوف وقالت:غيم اهدي يمكن الي سمعناه غلط يمكن مو صح
غيم:أنا أذني خانتني انتي كمان اذنك سمعت غلط لالالا ياربي اكيد حنا سامعين غلط
لفت لسدن وهي تمسك بكتوفها بقوه وترجف وتهزّها :حنا سامعين غلط أنا أمي وابوي ماتو طبيعي صح مو حادث مدبر صح سدن حنا فاهمين غلط
سدن من الخوف ماعرفت ايش تقول بس تبكي وتناظر بغيم الي شوي وتجن وبس شافت دموعها غيم هزتها بقوه:ليه تبكين هاء حنا قلنا ان حنا سمعنا غلط
سدن بخوف عليها:غيم تكفين اهدي انتي بس اجلسي نتفاهم
غيم دفعت سدن:كيف اهدى هي تقول انها هي خططت لموتهم يعني هي ذبحتهم
سدن معد عرفت تتصرف ورفعت جوالها وهي تدق على عز
عز:هلا سدن
سدن بدموع:عز الحقني
عز فز من الجلسه وطرف بعيد:وش فيك وش صاير
سدن:تعال بالمزرعه بالمكان ...غيم غيم
عز بخوف:وش فيها وش صاير؟
سدن تشوفها تدور وتشد راسها وتضرب صدرها بقهر وقالت:سمعنا ام مزون تقول انها ذبحت ام ...عز عرف انها درت وسكر الجوال واتجه ركض لهم بس وصل عندهم لفت غيم على عز الي وقف قبالها وسدن حطت يدها على فمها تكتم بكيها وعز مسك يد غيم:غيم اهدي شوي أنا اشرح لك بس اهدي
غيم ناظرته باستغراب:تشرح لي يعني انت تعرف من قبل
غيم بعدم فهم:انت معهم انت شريك بالجريمه انت تدري اكيد انت حبيت عني عشان تنقذ مزون انت ياعز تخونني
عز شد يدها بصدمه من كلامها:لألا غيم وربي مادريت إلا قبل كم يوم
غيم دفعت يده:بعد عني كلكم تكرهوني كلكم همكم المزرعه همكم وسخ الدنيا
عز رجع يشد كتوفها:غيم اسمعيني بس
غيم تحط يدها على أذونها:اتركني ما ابي اسمع شي كنت اقولك اخاف من الغدر يا عز معقول تغدر بي أنا ياعز "ناظرت بعيونه بكسره"أنا غيم ي عز تغدر بي
عز حس سكين انغرست بقلبه وهو يشوفها تتهمه هالاتهام وهو يشد كتوفها وصرخ بوجهها:غيم أنا كنت خايف اقًول لك حتى حصتي تنازل فيها لك عشان تكملين انتقامك حتى زواجي منك كنت عشان أحميك أنا مادريت إلا قريب وعرفت ان جدي وأخته ناوين يذبحونك عقدت عليك غصب عنك لاني خايف عليك ي غيم
غيم بصدمه تناظره:كذاب
عز يناظرها بكسره:ورب الصدفه الي جمعتنا ي غيمي مازليت عليك بشي واني مادريت إلا في اليوم الي جبرتك تتزوجيني وماجبرتك إلا من خوفي عليك
سدن تناظرهم بصدمه من كل شي مو فاهمه شي وخايفه على غيم وخايفه من الجاي
عز شاف غيم شبه صدقته بس بعدت عنه شوي وناظرته:طيب عز هم يتموني أنا كانت ماما وبابا معاي الحين لو هم ماقتلوهم
عز حن عليها يشوف الغصه بحلقها وتقدم لها وهو يسحب بيدها ويحاوطها بيدينه ويدخلها بحضنه بس غيم منزله يدينها وتحت تاثير الصدمه بس تلامست قلوبهم طاحت دمعه غيم وصرخت صرخه هزت المزرعه باكملها لدرجه الكل فز من صوت الصراخ عز شدها لحضنه ونزلت دمعته معها وهي تقول:ليه أنا وش سويت لكم ليش تأخذون روحي ليه تيتموني
عز كان شادنها بقوه ودافن راسه برقبتها بس من شده قهر غيم دفعت عز بقوه واتجهت ركض ناحيه البيت وعز يركض وراها ووراهم سدن مسكها عز من ورى يسحبها ناحيته ويلصق ضهرها بصدره وهي تصرخ وشاد بيدينه خصرها:غيم بس أهدي أنا معك أوعدك تأخذين حقك بس اهدي
غيم بدموع:والله لحرقهم كلهم والله لحرق قلوبهم مثل ماحرقو قلبي
دفعت عز عنها بقوه واتجهت ركض والجابر مع ضيفه كانو جالسين بالجلسه شافو الي جايه تصرخ وتبكي وفز الضيف بحياء وتعذر وهو يطلع من المزرعه وطلعو كل الحريم على صراخ غيم الي تمشي ناحيه الجابر بقهر والغضب مملي وجهها وهي تضرب على صدره بقوه:ذبحت ولدك عشان مين عشان تمشي ورى دروب اختك هذا ولدك ضناك جعلك الموت اخذت ابوي مني ي المجرم
عز مسك يدها يبعدها عن جده وطلعت ام مزون وبنتها هنا واتجهت غيم لها بقهر وو...