يا صدفً عشنا بعدها حبيبين

٦

الكل شهق بصدمه وجابر بلع ريقه بخوف وهي ماعطته فرصه يتكلم فتح فمه بيبرر بس تفاجأ بالكف الي جاه من عمه نواف وهو يقول:ياقليل الخاتمه ذي بحسبة اختك ليه تسوي كذا
سعد :ليه تضربه شوف بنتك وش مسويه حتى هو متحرش فيها شوف لبسها وحتى غطاها
جابر :ي ابوي اصبرو افهمو مني
نواف :وش نفهم وش نقول ..قطع عليهم دخول جابر:وش فيكم وش الصيحه
نواف:ابد بس ولد سعد المصون تحرش ب ايلين
سلمان تعقدت حواجبه واتجه بغضب لجابر وهو يلكمه على وجهه وصرخو البنات بخوف
جابر رفع نفسه من الضربه واتجه بغضب لسلمان وهو يرفسه على بطنه وشهقت ايلين بخوف وهي تتجه لجابر وصارت تضربه على صدره ضربات متكرره حتى طاح غطاها وهي تبكي وتقول:بعد عن اخوي لاتلمسه لاتعوره
تقدمت سمر تبعدها عنه وهي أصلا ماكانت إلا ضربات خفيفه على جابر وغطتها سمر
الجد جابر:معد لي احترام بينكم ي قليلين الادب احشمو وقفتي والكل يلحقني برا بالمجلس
عز استغرب تاخر جابر ونزل وشاف الوضع كلهم واقفين والدنيا متوتره وأيلين تبكي
عز فكر جده ضربها واتجه لها يشد يدها:وش فيك من ضربك جدي؟
نواف:لا ابوي ماضربها بس خويك وصاحبك وولد عمك تحرش باختك
عز هز راسه يحاول يفهم وش قال وبس استوعب اتجه بغضب لجابر بس ثنيان وسلمان مسكوه قبل يوصله وصرخ الجد:احشمو وقفتي
نواف:ابغا حقي ي ابوي منه
جابر:ي عم اسمعوني بس وش اقول
سلمان:تنطم ولا اسمع لك نفس تبي تبرر فعلتك الدنيه
الجد جابر:جابر إذا انت تبي تثبت انك بريئ في طريقه وحده بس
جابر بجديه وصدق:جاهز لها
الجد:تعقد على بنت عمك
الكل شهق بصدمه وجابر انخطف لونه والكل ناظر فيه جابر خاف ان ايلين ماتبيه وقال:بس ي جدي هذا مو حل
الجد:هذا هو الخيار غيره أنا مع نواف بالي يبي لو يبي يذبحك أنا أؤيده
عز:ياحسافه الخوه ي ولد عمي انت الي عديتك ستر وغطاء تغدرني وبمين باختي
جابر حس هالكلام ضرب صميم قلبه وخاف ان عز يصدق انه من رفضه للزواج با ايلين انه متحرش فيها وقال:أنا جاهز أتزوجها
ايلين ببكي:بس أنا ما ابيه
الجد:الليله نعقد وحفله ملكه مع دخله محفوف بيننا
الكل بصدمه يناظرون مهم مستوعبين شي
عز:ي جدي أنا مو راضي ياخذ اختي
نواف:الليله مايمدي ي ابوي
الجد:كلامي مايتثنى
سلمان:ي جدي كيف نزوجها واحد متحرش بها
الجد:هذا هو مصلح غلطته وجايكم من الباب والرجال مايعيبه شي
ايلين بصراخ:بس أنا ما ابي أتزوج
الجد:ثنيان جب المملك سلمان رتب أمور العشاء وانت ي عز شوف النواقص
سدن:هي انت ماتفهم تقولك ماتبي وش فيك كل شي غصب عندك
الجد رمى بعصاه وجات برأس سدن الي مسكت راسها بالم ولف البنات عليها عز بخوف مسك راسها:عورك شي في دم
الجد:عز على شغلك واترك المياعه الي ماتودي ولاتجيب
عز وقف بحده قبال جده وقال:والله ي ايلين ماتاخذه إلا برضاها
الجد بتحدي:والله ليعقد عليها والليله وعينك تشوف
عز حس قلبه بيتفجر سحبه سلمان يبعده والكل اتجهه يجهز وهم يعرفون جدهم لايمكن يتثنى كلامه البنات كانو يهدون ايلين الي نكبت عمرها وتمنت انها ماصرخت وماسوت الي صار اما جابر ماهان عليه زعل خويه وصاحبه واتجه لعز يشوفه مقهور وجالس ياخذ الاغراض من مناير اتجه له وسحب بيده للإسطبل وعز مقهور منه وبس وصلو تفاجأ جابر بضربه بوكس على فكه من عز الي قال:ليه تكسرني بأحن وأطيب قلب ماشفت إلا ايلين ياجابر
جابر وهو يعتدل ويمسح الدم من فمه:والله انك فاهم غلط عطني فرصه ابرر بس
عز:ماني مصدق ي جابر انت تخدعني وتخونني
جابر تقدم لعز وهو يسكر فمه بيده وقال:والله ان بنت عمي شعره من شنبي والا يضرها يضرني السالفه ان هي دخلت المطبخ وما انتبهت لي كنت بتنحنح بس هي شغلت الفرن ومن الخرشه رجعت على ورى والنار كانت قريب من شعرها اضطريت احاوطها عشان ما تحترق بس هي فهمت غلط وماعطتني فرصه ابرر والباقي تعرفه
عز وهو شبه صدق جابر ولأنه يعرف جابر مو حق هالحركات بس قال:وش يضمني
جابر:زواجي منها
عز:بس هي ماتبيك
جابر:تقعد على ذمتي فتره واطلقها وترجع حره واكون اثبت براءتي وهي ماتنجبر علي
عز سكت وهو يقول:مدري ايش اقول
جابر:احب أطمنك والله ايلين مايجيها مني شي معززه مكرمه حتى تطلب الطلاق واردها لك نفس ماخذتها
عز سكت وطلع مع جابر يكملون الاغراض وعز يتمنى ان جابر مايخدعه لانه هنا بيذبحه ماراح يتحمل
عند البنات :
اديم:شرفتو بيتكم
ابو اديم:حيا الله بناتي
غيم تقدمت تبوس راسه:يبقيك ي عمي
ام ديم طلعت للحديقه بفرحه:هلا والله بالغاليات
تقدمو البنات يسلمون عليها وهم فرحانين فيهم مره
ام اديم:والله لك فقده ياغيم أبطيتي علينا
غيم تحضنها:حبيبتي خالتي والله ضروف الدوام
ام اديم:الله يوفقكم ويرزقكم
رنيم:يوه يخاله ماتدرين وش صار بهاليوم
غيم خافت رنيم تقول انها تلاقت مع اهلها وخزت رنيم الي قالت:تعالقت مع حاله جات معنفه من اهلها وعاد تعرفين الحميه برأس غيم
ابو اديم:كفو هذي بنتي القويه الي تكسر روس شبيهين المراجل
فزت غيم تبوس راسه وهي تقول:انت تنحط على الجرح يبرى
ضحك ابو اديم وأديم طلعت غرفتها تبدل وقالت ام اديم:بجيب القهوه تريحو
غيم مسكتها:انتي ارتاحي ماحن ضيوف أنا اجيبها
ضحكت ام اديم وهي تعرف غيم لايمكن انها تتعبها وماتحب تشوفها تشتغل دخلت غيم المطبخ وهي طالعه صادفت محمد اخو اديم الي مره يحب غيم كاخت له ويحسها قريبه له ويغليها من غلاة اديم وقال:اوخ الحب هنا
ضحكت غيم:العزوه هنا
كانو يحبون ينعتون بعض بالحب والعزوه
محمد:كم لنا عن الروح الحلوه
غيم:يوه شكل جاكم قحط
محمد ضحك وهو يضرب كتفها:لاتشوفين نفسك
غيم مالت الكاسات بتطيح وهي تصرخ:ي ورع بغيت تطيحها
محمد:هههههههههههههه طالع تأمرين بشي
غيم:وين يامعين
محمد:وش دخلك اديم ماسألتني انتي وش تبين
غيم بحده:محمدوه عن السربته
محمد:هههههههههههه خلاص بقولك طالع لواحد من اخوياي عشان اقضي وقت ومنها تأخذون راحتكم وانا من زمان عنه
غيم هزت راسها وطلعت للحديقه ومحمد طلع وهو يدق على عز مايرد وقرر يروح له المزرعه

عند الجد الي كان يكلم جوال بعزله :قلت لك ابيها بكره تكون مزروعه عندي والله لربيها والا ماكون الجابر
فاهد:امرك طال عمرك
سكر الجد وبعد كم ساعه بغرفه البنات كانو يجهزون ايلين الي دموعها مانشفت وماتشوف جابر إلا متحرش ووحش بينقض عليها تعبو كل ماحطو مكياج ساح من دموعها
سدن بحده:ايلين خلك قويه إذا ضعفتي بيستغلك ترا
غلا:خير ترا جابر حنون صدقني بتحبيه
ايلين ناظرتها:احب متحرش
سكتو الكل وهم يناظرونها وتقدمت مناير تحضنها وهي تقول للبنات بعدو عنها طلعو البنات كل وحده تكمل شغلها وجلست مناير وهي تشد يد ايلين وقالت:شوفي أنا ما اعرف اصدق مين واكذب مين بس قلبي يقلي انك فاهمه جابر غلط والي متاكده منه ان جابر رجال لايمكن ياذيك فما ابيك تخافين من هالناحيه وانتي خليك قويه ولاتضعفين إذا كان هو لعاب ماكان وافق يتزوجك فا ارتاحي جابر ماراح يضرك
ايلين بدموع:ليه تبررون له
مناير:مانبرر بس إذا في احد يعرف جابر كثير فهو عز وانتي شفتي عز لو بس كان عنده ذره من الشك ان مقصد جابر مو شريف سيح دمه قدامك
ايلين تحس بدأ جزء منها يقتنع بس جزء لسا خايف احتارت بس قررت انها تتم الزواج وهي كاره جابر الي عفس حياتها مابين يوم وليله
طق جرس المزرعه والرجال ماكانو فيه طلعت نور وهي تلف طرحتها على وجهها وفتحت الباب وقالت:مين
استغرب محمد الصوت مو نفس الصوت الي يسمعه أحيانا لان مناير كانت تفتح له احيانا وسكت شوي شاك انه غلط بالمزرعه طالع بالجدار يتأكد من اسم المالك نور ماسمعت رد وصقعت بالباب بقوه استغرب محمد ورجع يدق نور تو مشت خطوتين وبس دق رجعت وهي اصلاً خلقه معصبه وفتحت الباب بقوه وطلعت وجهها وهي تقول:وشب امك انت ما....انقطع صوتها وهي تناظر بشاب غرييب اول مره تشوفه بلعت ريقها بورطه ورجعت على ورى بخوف محمد انخرش وهو اول مره يشوفها وخصوصا انها كانت كاشفه بس الطرحه على شعرها صد بسرعه