يا صدفً عشنا بعدها حبيبين

٧٠

عز لا إرادي لكم محمد بوجهه وصرخت اديم ورنيم الي كانو واقفين ولف محمد عليهم وتو بيلف على عز إلا رجع لكمه على وجهه مره ثانيه واتجهت اديم ركض لهم وهي تصرخ:بس خلاص
محمد دفع اديم واتجه لعز ولكمه على فكه ولف عز للناحيه الثانيه ورجع لمحمد يمسكه من ياقته وأديم تحاول تفككهم عجزت واتجهت رنيم ركض لغيم ومسكت بكتف غيم:الحقي عز ومحمد يتضاربون ؟
غيم بصدمه:وش
رنيم:عورو بعض الحقي فاككيهم عجزت اديم
غنى كانت تسمعهم وهي تناضر بصمت بدون اي تعليق
غيم اتجهت لهم وهي بمشيتها واضح فيها حدة وشافت جموع الرجال عليهم يفاككهم وضربت بطرف سبابتها احد الرجال المتفرجين وبعد وبعدو المتجمهرين يفتحون لها طريق ودخلت تمشي بينهم والكل يناظرها وقالت:اعتقد انتو بمستشفى والمكان له احترامه
عز:بعديه من وجهي قلت له روح ما ابي اعورك بس هو مايبي
محمد:مو طالع لمن نتصافي
عز:على ايش نتصافى بالزبط انت تعرف ان لايمكن ترجع مكانتك بقلبي ي محمد
غيم توقف بالنص بينهم وتسحبهم اثنينهم وتدخلهم المكتب والسكيورتي يبعدون الناس ويفضون المكان
غيم تتكتف:والله عشانا وشفنا محمد وعز يتضاربون ولا قدام الناس
عز:ولسا بهد حيله لو ماطلع
محمد:وانا بهد حيلك لين تسامحني وتعذرني
عز بصراخ:لسا يقول أسامحه محمد انت مستوعب حجم الغلط الي مسويه
غيم:تنثبر انت وهو انتو هنا بمكتبي وبمكاني والي بيمد يده على الثاني أنا خصمه
عز:اجل أنا خصمك من الحين
غيم تناظره برفعه حاجب:اهدو والمكان مو مناسب لنقاشات كذا
عز:خليه ينقلع مابي عيني تشوفه
محمد:مو طالع تفهم والا ماتفهم
عز بحده وقف لمحمد وقطعته غيم:محمد اطلع
محمد ناضر بغيم بصدمه:غيم بس عطوني فرصه صح غلطت بس اعتذرت صح الي سويته مو شوي بس...غيم تقاطعه:اطلع برى لان الموضوع مو بسيط تصفى القلوب بيوم اطلع ولاتوريني وجهك لمن يروق قلب عز عليك
عز:ماراح يروق ابد
غيم تضرب كتف عز:لاتستعجل هو أخطى بس الاعتذار من شيم الكبار
طلع محمد وهو يصفق بباب المكتب واتجه للطوارئ ياخذ غنى
عند عز جلس على الكنب يمسك راسه  وناضر بغيم بقهر:أنا تخليني خصمك ياغيم وعشان مين عشان محمد الي كسرني وخذلني
غيم ابتسمت تتجه له وهي تجلس على الطاوله قباله ومسكت يده بس هو سحبها بسرعه وقال:لاتلمسيني قلبي مليان منك
غيم:افااا عزي زعلان مني حقك علي ماقصدت كذا بس انتو الاثنين تعزون علي وبعدين هذا أنا طلعته برا المكتب
عز:شي واحد يقهرني فيك ليه تسايرينه ليه مو زعلانه منه نور وجرحها رخيص عندك
غيم بحده:عز لاتفسر الامور براسك أنا اعز نور وجرحها جرحي ومحمد غلط بس خلاص احنا لإمتى بنقعد نذكرها محمد لازم نور ترتبط ببرق يعني سيرة محمد لازم تنقطع من البيت ومن كل شي مرتبط بنور لانها لازم تتخطاه دام هانت عليه لازم حتى التفكير دقايق فيه ماتفكر بس إذا استمريت انت تذكرها بجرحها من محمد وشلون بتتخطاه
قربت من وجهه:عزانا عارفه مقدار غلاه خواتك بقلبك بس نصيحه لو بتساعد نور امحي اثر محمد من قدامها تكلم عن برق وبس
عز نزل راسه على تحت بقهر يشد يدينه ناظرته غيم وعروق يده بارزه من العصبيه ومدت السماعه تبي تلطف الجو وقالت:خليني اشوف كيف قلبك يدق بسرعه لكن بجنبك
رجع جسمه على ورى عز با ابتسامه ووقفت غيم وبسرعه سحبها عز يجلسها على رجوله وهو محاوط خصرها:الحين شوفي
غيم ابتسمت تحط السماعه:ماش مافي صوت
عز :افا والله لو حطيتيها مزبوط يمكن تسمعين حتى اسمك الي ينبض فيه صدري
غيم بضحكه:لا اوفر كذا
عز سحب السماعه يحطها باذنه وقال:ابي اسمع قلبك
غيم تناظره يسمع دقات قلبها ولانت ملامحه وناظرها وبلطافه قال:ي عمري جعل هالقلب دوم ينبض
غيم ابتسمت:وياك يارب
عز يحط السماعه على جنب ويرجع يشدها من خصرها غيم توترت زياده وقالت:وش تبي جاي
عز :جيت أسمعك دقات قلبي وقد ايش هو يحبك
غيم:هههههههههههههه حلوه بس الصدق ليه جاي
عز:الصدق جيت لاني مشتاق للوجه الحلو ذا
غيم:بس أنا ما اشتقت
عز:افا منجد
غيم بمكابر:اي
عز:اجل ي الله ياحلوتي دام ما اشتقتي أنا ماشي وهاء احب اقولك قبل امشي اني طالع أنا والشباب للبر يعني اليوم ماراح تشوفين وجهي بعد الحين
غيم:من غير شر عز تكفى
ضحك عز:عمري الخايف راجع لك لاتشيلين هم
غيم تخصر:دقيقه وش عندك رايح وانت مااخذت رايي
عز:اوه مفعله وضعيه المسيطره اقول اركدي ي حب
غيم :هين ي عز أنا أوريك
عز طلع من المكتب مبتسم وغيم ابتسمت تكمل شغلها وارسلت للبنات بالقروب يجتمعون بفله عز
عند غنى ومحمد ركبها واتجه يركب
ولفت غنى بتعب:بفهم انت ياي تصالح خويك والا تتهاوش وياه
محمد بصراخ:غنى ترا مو رايق لك بالله شدي فمك
غنى:ليه تصرخ علي طيب
محمد:لاني تعبت وانا اقول لك لاتتداخلين والحين وبعدين هالموضوع لو انفتح لاتلوميني إذا جرحتك
غنى:خير ان شاءالله ياي تفرغ غضبك فيني اهو اصحى إذا انت متخبط بمشاعرك مو ذنبي واذا غلطت بعد مو ذنبي حل مشاكلك بعيد عني لاني مو مستعده اتحمل نفسيتك
محمد ضرب بيده بالطاره وقال:ماطلبتك عون خلاص اسكتي
غنى بصراخ:لاتسكتني كذا ماني اصغر عيالك
كبح محمد الفرامل وشد بياقتها:انتي وشلون تفهمين الكلام هاء بأي طريقه أفهمك
غنى تسحب يده من ياقتها:التزم الادب وإيدك لا تمدها عشان ما اكسرها
محمد ضربها على خدها بخفيف وقال:تخسين مو أنا الي تمد مره يدها علي
غنى بصدمه ناظرته تمسك مكان الضربه وشافته مشى وصرخت:نزلني ما ابي اكمل وياك
محمد: ماني بمنزلك
غنى بصراخ :محمد نزلني والله افتح الباب لو مانزلتني اخلص علييي
محمد توتر من صراخها:قلت ما بنزلك انتي مو راضيه تفهمين كل مافتحتي موضوع عز تهاوشت معك خلاص ما ابيك تحتكين بالموضوع افهمي ي آدميه
غنى بصراخ مليان بكى:خلاصصصص نزلنيييييي
وقف محمد السياره بصدمه لصوتها الباكي ولفت غنى بتنزل بس سحبها محمد بقوه يدخلها بحضنه ويسند راسها على ذراعه :ليتها انكسرت قبل تنمد عليك حقك علي حبيبتي
غنى رجف قلبها من كلمه حبيبتي وطاحت دموعها بزياده وهي بحضنه طلعها محمد يمسك وجهها بين كفيه:اسف وعد علي ما أمدها مره ثانيه
غنى تصد عنه تتجاهله وناظرها محمد بقهر كيف صاده وكمل طريقه لبيتها
بس وصل تركت الحزام غنى بتنزل بس سحب بيدها محمد:غنى حقك علي والله اسف
غنى تمسح دموعها:ما ابي اتكلم معك اتركني
سحبت يدها بقوه من محمد ونزلت وزفر محمد بقهر يشوفها تدخل ورجع ضهره على ورى يسند نفسه وقال:جالس اخسر كل شي كل شي جالس يدخل ببعض وش الحل يامحمد
قطع كلامه دق الدريشه ونزل الزجاج:هلا شهاب
شهاب با ابتسامه:وش فيك زعلان
محمد:ابد بسيطه
شهاب:متزاعل وياء غنى؟
محمد ابتسم بخفيف:اي شوي
شهاب ابتسم:يوه ابشرك راح تتعب وياها هي مره مزاجيه وعصبيه وادنى شي ينزل دموعها عشان چذي بوكيه ورد وكوب قهوه راح يقلبها لك ١٨٠ درجه
ابتسم محمد:تسلم ماتقصر والله اختك مره دلوعه
شهاب:عاد لازم تتحمل مو اختيارك
محمد:عساني مايوم استثقلها والله انها ودلعها على قلبي نفس العسل
ابتسم شهاب يربت كتفه ووداعه واتجه محمد للبيت يريح وهو ناوي يرجع لغنى لكن بالمساء لا روقت
"بعد المغرب"
بفله عز
اديم:غدر فيني زيد راح وتركني
إيلين:مع العيال بالمخيم ؟
اديم:اي
رنيم:بنات حتى شهاب محطيني أمام الأمر الواقع أنا طالع مع الشباب طيب خذ رايي قبل
غيم ابتسمت:كان الرجال صار يلزمهم تأديبه
ريم:بنات تعرفت على وحده من البنات تبي تتعرف عليكم وهذي هي ترسلي
نور:إذا فله خليها تجي واذا نفسيه صرفيها
سدن:ههههههههههههههههه منجد
ريم:وش قولكم تبي تجي الحين
غيم:وين حنا براسنا موال نبي نغنيه
نور وسدن وأديم بحماس:عمري الموالات زمان عنها
ريم:وش الموال لأي مغني بغني معكم
البنات: هههههههههههههههههههههههه
إيلين:تكفون خلوها براءتها تُدرس
سدن:والله مع احترامي ذي فهاوه وغباء
ريم :هاء وش فهموني
غيم :بنروح للعيال المخيم
مناير:أنا مو معكم والله فارس لو درا اني طلعت يجيب اجلي
غيم:زوجك وين
مناير:طلع بشغله للرياض
غيم:اجل طسي نامي حنا طلعو بدون ياخذون راينا وراح نحوس ان جمعتهم
هاء بنات معي
البنات:معك
ريم:صح ماعندي زوج بس الي تحتاج فزعه ترا نعين ونعاون
اديم:كفو احتاجك بزيد لانه صاير دب
رنيم تضرب كتفها:وجع تتآمرون على اخي قدامي
غيم:بدينا من الحين الي بتطلع معنا تنسى صلة القرابه قدامك زوجك الي يحب عليك وبس
أديم:نعم نعم
غيم:فزو ي حبايبي
فز البنات كلهم يلبسون عبايتهم وياخذون اغراض ناوين على العيال فيها وركبو السياره
ريم:بنات مرو على نرجس
إيلين:من ذي
ريم:البنت الجديده
غيم:ياليل معرفتها علينا باول مداهمه لنا اخاف البنت تجيها صدمه يبنات
البنات: هههههههههههههههههههههههه
سدن:خليها عشان تعرف الحقيقه من البدايه ياتكمل مع الشله يا تسحب
رنيم:الله لايفضحنا بس
اتجهو البنات والي تسوق غيم وعلى طول اخذو طريق بيت نرجس وهم متضاغطين مره بس وقفو السياره بعيد الكل لف للقصر
سدن:وش ذا البيت البطل
رنيم:ذا قصر ماشاءالله
ريم:هذي هي جايه
دفعت سدن رنيم تضغطها عشان تجي نرجس بجنبها وصرخت رنيم:وجع حامل ترى
سدن:او اسفه حقك علي
رنيم:ضغطوني تكفون
سدن:البنت مالها مكان اجلي التعارف مره ثانيه ي ريم
ريم:خير صعبه قد هي جت
دقت الدريشه نرجس:هاييي
البنات بنفس النبره:هاييي
نرجس ابتسمت:كيفكم
سدن:طيبين
نرجس:كأنكم متضاغطين اسمعو نجي بالسيارة تبعنا اكبر وأوسع
سدن:تم
دقتها غيم:لا مابنكلف عليك
نرجس:ولو حرام خلونا نتواسع
استسلمو البنات تصفد السياره غيم واتجهو يركبون بسياره مهاب وانطلقو جاهلين ان سياره مهاب الي ماخذينها مراقبه جب بي اس من ناصر الي بس شاف السياره متحركه اتجه وراهم وهو يفكر فيها مهاب وعبى سلاحه رصاص والبنات مشغلين أغاني ومنبسطين وداخلين جو وفجأة بدون سابق إنذار اندفعت السياره من ورى وشهقو بخوف ولفت غيم للمرايه:من الكلب الي جالس يحدنا
ناصر كان يسوق ويرتطم بالسياره يخوف مهاب بضنه وفجأة وقفت السياره غيم ولفت على رنيم:انتي بخير
رنيم :اي بخير
سدن:الزفت ذا اتركوه لي والله لربيه
نزلت سدن وغيم والبنات بالسيارة يناظرون ونزل ناصر بصدمه يشوفهم حريم
غيم بحده :وش عندك وش حركات الورعان ذي تفكرنا بنخاف منك ترا أشباه الرجال كثير وانت أولهم
ناصر:عن الغلط بعدين ليه سارقين سياره مهاب
سدن:سرقه ومهاب وش عند امك انت هاء تبي أدوس ببطنك
ناصر وهو يكره طاري امه سحب سلاحه يوجه لسدن:احكي على قدك
سدن تهز كتفها:يماما يعني خوفتنا كذا
نرجس نزلت من السياره:ناصر وش عندك وش جابك هنا؟
ناصر لف على نرجس:انتي وش تسوين هنا ومع بنات الشوارع ذول
غيم توسعت عيونها بصدمه واتجهت له بغضب:انتبه لكلامك لا اهين كرامتك ترا سكتنا لك وتماديت
سدن:هذا مو حق حشيمه اتركيني عليه
نرجس تتجه لناصر وبهمس:ناصر وش تبي هنا روح ليه تلاحقنا
ناصر سحب بيد نرجس:انتي تمشين قدامي الحين وأنتم تقلعو وين ماتبون بنت عمي مو معكم
سدن. بصدمه:بنت عمك؟
نرجس بفشله:اعذروني بنات بس ناصر مايقصد الي قاله
ناصر بصرامه:الله اقصد ويالله اذلفي انت وهي
سدن تلفح بشعرها وتشمق:اهل العقول في راحه والله
غيم تناظر بنزجس وناصر واتجهت لنرجس تمسح كتفها:تشرفنا ي نرجس واشهد انك ورده بس نبتي بارض تبن
ناصر:تقلعي ورى خويتك يالله
غيم تخزه وتصد بنظرها تمشي تركب السياره واتجهو يكملون طريقهم وريم تحكيهم قصه ناصر ومهاب والبنات في ذهول
عند نرجس سحبت يدها من يده وصرخت:وش تبي هاء وبعدين وشلون تلاحق سياره مهاب وش تبي فيه
ناصر ببرود:اذبحه
نرجس بحده تمسك كتفه وتدفعه على السياره:أنا اقول لك ابعد من درب اخوي ماتفهم والله ان جاء اخوي شي اني أنا أذبحك بيدي
ناصر سحب بشعرها يتلها للسياره في ضل مقاومه نرجس وألمها من قبضه يده الي بشعرها ركبها وركب ولف عليها من قالت:الله يأخذك وياخذها من عرفتها وهي رمايه بلا فرقت بينكم يوم كانت خوتكم الكل يحكي بالطيب عنها
ناصر بحده:لاتدعين عليها
نرجس بعناد:الله ياخذها عناد لك
ناصر يشد معصم يدها  بصراخ:لاتدعين عليها ماتفهمين
نرجس :إلا بدعي وبدعي لحتى آخر يوم بعمري
ناصر سحب بسلاحه وهو يضرب راسها وصرخت نرجس تمسك راسها بالم وصدت للدريشه تبكي ناصر زفر بقهر وهو ماتمنى يمد يده بس قهرته قال بحده:لاتعانديني افهمي الي أقوله
نرجس:تغيرت حيل ي ناصر مو انت الي نعرفك وعشت وكبرت معنا غيرتك علينا كرهتنا وجحدت كل شي حلو عمله بابا ومهاب لك
ناصر حس بقهر بقلبه لانه يحب عمه حيل ولف يناظرها وقال:اسكتي ما ابي اسمع كلامك
نرجس:ليه اسكت لان كلام الحق يعور ياحسافه العشره ي ناصر كنت بآخر لحضه اشوف فيك ولد عمي الشهم بس من بعد اليوم انت ولاشي بالنسبه لي
ناصر حس بكلامه مغزى وقال:ليه وش كنت قبل لك
نرجس صدت عنه ماتناظره
ناصر سحب بفكها يلفها ناحيته:ردي على سوالي
نرجس يرضون بدون رد ودموعها تنزل بغزاره لف ناصر على السياره الي بسبب الضربات الي سواها بسياره مهاب تعطلت فجأة ووقف ينزل يناظر عجز يعرف خرابها حاول يشغلها بس مره عجز ونزلت نرجس تشم هواء وهي تحسها انخنقت من ناصر غيره لانه يدافع عن بنت عمه عشان ماتدعي عليها وكمان من شدة شعرها سندت نفسها على السياره ولف ناصر لها:السياره تعطلت
ماردت نرجس تمسح دموعها واتجه ناصر ناحيتها يوقف قبال وجهها:كل هالدموع عشان مدت يدي
نرجس نزلت عينها بالارض ماتبي تناظره ورفع ذقنها ناصر يناظر عيونها يحاول يفهم سبب دموعها وقال:وش كنتي تكنين لي يبنت عمي قبل هاء اوو لايكون تحبيني منجدك تحبيني "صار يضحك بمسخره"
نرجس:لاتثق بنفسك مره
ناصر ابتسم:والله هالدموع كلها عشان كنتي تحبيني بس ماش أنا ما ادانيك ولا أداني اخوك
نرجس نزل كلامه على قلبها مثل سكين قويه وغمضت عيونها بقهر ووو