يا صدفً عشنا بعدها حبيبين

١٤

الممرضه:اي اسمه عز
غيم بتوتر قربت له :وش صار له.
الممرضه:عنده كسر بيده وكمان حصل له نزيف قوي ونبضه ضعيف
حطت يدها غيم على معصم يده وهي تتحس نبضه مافي نبض وصرخت بدموع :لا لا عز لا اصمد تكفى
ناظرت بالجهاز الي صاح يدل على توقف القلب وصرخت غيم :جهزو غرفه العمليات بسرعه وين جهاز الصعقات
الممرضه:بغرفه العمليات
غيم بتوتر :بسرعه جهزو الغرفه بسرعه
ركبت على السرير غيم وهي تطيح شيلتها من راسها ومعد حسبت حسابها رمتها وهي تلبس قفازاتها وهي تضغط بيدها صدر عز وتسوي له ضغطات مستمره تحاول تلاقي استجابه :بسرعه ادفعو السرير للعمليات
فعلاً الممرضين دفعو الكرسي وغيم عليه وهي تضغط صدر عز الي مو راضي يستجيب وهي تحاول ومستمره عدو من جنب الجد وجابر ونواف وامه وأخوه وأخواته بمنظر صدم الجميع يشوفون غيم كيف تبكي ومنهد حيلها وهي تحاول تصحي عز وترجع قلبه للحياه وهم مصدومين من شكلها وبس دخلت غرفه العمليات سحبت جهاز الصدمات وهي تحطه على صدره وتصرخ :عز بعدك ماعشت حياتك عز لاتروح تكفى
عز مو راضي يستجيب قلبه وصرخت غيم :عز تكفى لاتخذلني انت قوي يارب لا تكفى
بعد محاولات انهد حيلها وهي العرق يتصبب من جبينها
الدكتور:خلاص الرجال توفى
غيم ماتبي تصدق ولسا عندها امل صعقته آخر مره وهي شبه فاقده الأمل ما استجاب قلب عز ومالت براسها تبكي على صدره:خذلتني ي عز مثل مآكل الدنيا خذلتني
ضربت صدره ورى بعض ضربات متكرره وهي تبكي :لا ياربي لا
وفي قمه انهيارها ودموعها سمعت صوت جهاز النبضات وهي ترفع راسها شافت موشر ان قلبه اشتغل الكل وقف بصدمه وصرخت غيم :عايش بقي عايش بسرعه جيبو الدم بسرعه
اتجهو الكل يباشرون حالته وغيم من الصدمه والفرحه مو حاسه بنفسها إلا وهي تشد يده وتبوسها وهي تحس كل الي صار معجزه بعدت عنه لمن كان الكل يسعفه ويمسحًون جروحه ورجعت لزاويه وهي تستند وتضم رجولها لصدرها وهي تبكي بضعف وماتعرف ليه للحضه حست روحها فارقتها
بعد دقايق من الانهيار تذكرت عمها وعايله عز مسحت دموعها وطلعت بكل جمود وفزو الكل لها
ايلين بدموع:طمنينا
الجابر بدون يحس:بشري ي بنتي
ناظرته غيم بصدمه من كلمه بنتي وقطعها نواف الي قال:وش صار ي غيم
غيم تسحب الكمام من وجهها:الحمدلله عدت بس هو نزف واجد عشان كذا جالسين ننقل له دم
شافت رنيم جايه ركض من بعيد وهي اتجهت لغيم وبسرعه حضنتها وشدت عليها غيم وهي تحط يدها على عيونها تخبي دموعها الي كانت واضحه للكل وهم مصدومين منها انها تبكي وهم متعودين عليها قويه بس الموقف الي انحطت فيه هد حيلها رنيم بسرعه سحبتها لغرفتها وهي تخبيها عن الكل عشان محد يشوف دموعها وضعفها بس هم لمحو دموعها
طلع الدكتور وفز جابر:كيف عز طمنا استقرت حالته
الدكتور ببسمه:الحمدلله والله الي صار معجزه بفضل الله ثم مساعده غيم رجعت الحياه لعز بعد ما وقف قلبه ٣ دقايق
الكل شهق بصدمه وقال الدكتور:منجد الدكتوره ذي فضيعه وتعبت مره في حالته
هنا عرف الكل ليه انهارت غيم جلس الجابر وهو هنا تاكد ان غيم هزمته هالمره لكن لسا مو قادر يتقبلها وقال:متى تطلعونه تنويم
الدكتور:لاصحى نقرر وضعه إذا تنويم او عنايه مركزه
هز رأسه الكل وزفرو براحه وهم كلهم ممنونين لغيم إلا الجابر الي كان بقمه غروره ولا يبين منته لها
عند غيم ورنيم بمكتب غيم
غيم كانت بحضن رنيم وتبكي بصوت عالي:كان بيموت كان بيلحق ماما وبابا تذكرت ماما وهي تنازع فقدتهم فقدتهم ي رنيم
رنيم غصب بكت معها وهي اكثر وحده فاهمه شعورها وعرفت ان موقف عز ذكر غيم بموت اهلها وحاولت تاخذ نفس وهي تمسك ذراع غيم وتطلعها من حضنها وقالت :دايم اتفقنا ما ننكسر صح "غيم تهز راسها"
كملت رنيم:اتفقنا مانبكي قدام احد ،اتفقنا نكون جبل مايهزنا شي اتفقنا نكون صامدين ما يبين ضعفنا إلا قدام بعض وين غيم وين القويه وين الي قطعت سنين تطيح وتسند نفسها الحين تنهار قومي شدي حيلك انتي تخطيتي اشياء محد يقدر يتخطها وين بطلة رنيم وقدوتها وين جسري معقول ينهار
غيم كانت تناظر بعيون رنيم وتهز راسها وهي اخذت قوه من كلامها وتحس بطاقه غريبه دخلتها وهي تلقط نفسها وتأكدت ان فعلا مافي احد ممكن يسندها إلا صاحبه عمرها مسحت دموعها وهي تبوس جبين رنيم وتحضنها وشدت رنيم عليها وهمست غيم :الحمدلله على وجودك ي قوتي
رنيم ابتسمت :ولا منك ي حبيبي انتي
طلعت غيم من حضنها وهي تفتح مكتبها تاخذ طرحه وهي ترتب نفسها وقالت لرنيم الي كانت ترتب نفسها:ترا دريت عن سالفتك مع اخوك ومو ناسيتها له أتفرغ له بس والله ليدفع ثمن الكف غالي
رنيم ابتسمت:ماعليك تلقينا صفعات اكبر جت على ذي
غيم استغربت ان رنيم بقمه صبرها وهي تنهار بالعاده من ذكر اخوها قربت لها وهي تقول:كاني اشوف وحده غير الي تعودت عليها
رنيم ترفع يدها بغرور:قولي اني صرت متبلده
غيم تناظر بعيونها وهمست قريب وجهها:الي أشوفه مو تبلد بس مصيري اعرف
ضحكت رنيم وطلعت غيم وهي تحط الكمامه على وجهها وكل عايله الجابر يناظرونها وهي كانت تمشي في الاسياب بكل شموخ وكل شوي يمرها واحد توقع ورقه او تشوف حاله مريض وهم مبهورين كيف الكل يحترمها جاء الدكتور وهو يقول لها:طلعت نتايج اشعه المقطعيه للمريض عز
غيم وهي تمشي معه متجهين لغرفه عز وهي تقول :ابغا نتايج التحاليل على مكتبي بأسرع وقت
طلعت ممرضه وهي تقول:المريض صحى
الكل لف بحماس للممرضه تقدمت غيم من وسطهم وهي تشوف لهفت عمها على عز وجو يبون يدخلون وحطت يدها غيم :المريض موجوع محد يقدر يشوفه
نواف :تكفين ي بنتي ابي أشوفه
الجده:قلبي محروق عليه
الجابر:ماحن ماخذين رايك بندخل طرق
ناظرته غيم وهي كرهت مره وحلفت إلا تكسر شوكته ولفت تدخل الغرفه وهي داخله كلمت الممرضه:جهزو غرفه العنايه وحطو حرس امن ممنوع احد يدخل قسم العنايه بدون اذن مني
دخلت في ضل صدمه الكل منها
الجد:ذي معد تستحي
سعد وهو جاء لمن دخلت غيم :ذي البنت معد تحشم احد
سمر:انتو غلطتو عليها ليه ما تطلبونها بالهدوء
الجد:ناقص تعلمينا كيف نسولف
ناظر بجابر:روح وانا جدك كلم سلمان يشوف لنا طريقه
جابر كان محاوط كتف ايلين الي كانت منهاره
غلا:انا اشوف له
وقفت غلا وهي تتجه للاستقبال تقول:لو سمحت ممكن مكتب سلمان
عطها رقمه المكتب واتجهت غلا لمكتبه وهي تدق الباب
سلمان وهو يكمل إجراءات الدوام وقال :تفضل
دخلت غلا وهي تتجه بسرعه له :سلمان اسمع جدي يبيك تساعده نبي نشوف عز وغيم رافضه
سلمان استغرب وجود غلا وهو جاء مع اهله بس طلع يكمل بصمه الدوام وبيرجع لعز وقف وهو يشوفها كيف مرتاعه وقال:هدي هدي الحين جاي
غلا تقدمت له :لا وقوم الحين معاي
سلمان وقف وهو يتجه يمشي وغلا بجنبه وبس وصل عندهم فز الجد:نبي نشوف عز ي ولدي
سلمان :دقيقه اشوف طريقه
بعد سلمان يسوي مكالماته
عند غيم الي دخلت وهي تشوف عز بدأ يصحى وقربت من المغذي تهمس:كيفك الحين
عز وهو يحاول يستوعب وحس بالم قوي براسه ورفع يده اليمين وشافها عليها جباره وقال :وش صار
غيم:صار عليك حادث بس الحمدلله عدت ان شاءالله
عز:وش صار لي
غيم وهي تركب السماعه على أذونها وتقرب الحساس من قلبه وعز بالرغم من ألمه توتر من قربها وريحه عطرها اخترقت قلبه وبدت دقاته تعلى زياده
غيم ناظرت بعيونه وهي تسمع ضربات قلبه تعلى قالت:استرخي ليه متوتر
عز بمكابر:مو متوتر
غيم وهي تحط يدها على جبينه وحس عز با انفاسه انحبست وهو يحس بروده يدها وقربه منها غمض عيونه براحه لقربها بس بعدت غيم فتح عيونه
غيم:اهدى بننقلك عنايه خاصه
عز:بس أنا طيب اقدر اطلع
غيم:اركد ما راح تطلع قبل يومين حتى نتطمن عليك
عز:طيب تنويم ليه عنايه
غيم وهي تفتح ملفه تعبي بياناته:وش رايك تشتغل شغلي
عز بصدمه وفهاوه:هاء
غيم ناظرت بعيونه وهي تقول :راسك يعورك
عز لسا بفهاوه:هاء
غيم سحبت الكمامه من وجهها وهي تبتسم وتناظر بالملف عز غصب ابتسم من بسمتها ناظرته غيم بطرف عينها وهي تشوفه يبتسم دخل الممرضين وهو يجهزون وضع عز وطلعت غيم وهي تسبقهم شايله ملفات وتتكلم مع الدكتور وبس انفتح باب غرفه عز فزو كل اهله و