يا صدفً عشنا بعدها حبيبين

٧٦

اخذت القهوه نرجس متجه للمجلس وهي تحطها بس جت طالعه تفاجأت بناصر
الي داخل واتجهت بحده توقف قبال وجهه:وش جابك هنا وش تبي ماقلت لك اطلع من حياتنا
ناصر ناظر فيها بدون رد وعيونه عليها وانقهرت نرجس وهي تمسك بذراعه:اطلع برا بسرعه ما ابي ابوي يشوفك وينغث منك
قاطعها دخول ابوها وبسرعه تركت ذراع ناصر الي عينه ماراحت عن نرجس وقلبه محروق من فرح وكيف ضيعته وخسرته كثيررر نرجس بسرعه اتجهت لابوها وهي تقول:ماعليه ي أبوي أنا كلمته يروح لاتزعل خاطرك
ابو مهاب:من قصدك ناصر؟
نرجس:اي تكفى ي ابوي معليه لاتكدر خاطرك عشانه لحين أنادي الحرس يطلعونه
ابو مهاب ابتسم وهو يمسك كتف بنته:ي بابا أنا مناديه
نرجس بصدمه:كيف؟؟
ابو مهاب يقاطعها:استريح ي ولدي
جلس ابو مهاب وبعده ناصر الي عدل نسفه غترته وجلس بجنب عمه وعينه على نرجس الي من الصدمه لسا متخدره وتناظرهم
ابو مهاب:وش فيك مصدومه منو الي داق عليه البارح ويقولي ي بابا تكفى ناصر مجروح ومحتاجنا وخايفه عليه ينحرف
نرجس احتروجهها من نظرات ناصر الي كان مصدوم من حنيه نرجس رغم كل الجروح الي سواها فيها لسا بتفكر فيها
ابو مهاب:وش فيك قهوي ولد عمك
نرجس من الفشله معد تعرف كيف تسوي وبس تبي تهرب لكن غصب تقدمت تاخذ كاسات القهوه بيمينها والدله بيسارها وتصب لا ابوها بالاول وبعدها تقدمت تصب لناصر الي عينه عليها
وقال ناصر يبي يستفزها عشان شعور الاحراج الي فيها:ي عمي مخلف بنت ضعيفه
احتدت نظرت نرجس وهي تميل بالكاسه قاصده وطاحت على ثوبه وفز بخوف وشافت انه ماتعور وهي تصب بالدله على كف يده ونفض يده بالم وفز ابو مهاب:بسم الله راح الشر ان شاء الله
ناصر يناظر بنرجس الي امتلت عصبيه وقال وهو مبتسم:شفت ياعمي حتى الكاسه مو قادره تمسكها من شده مو ضعيفه
نرجس بحده:اسكت ولاتسمعني صوتك واذا في احد ضعيف هنا فهو انت
ابو مهاب بصراخ:اعقبي ي بنت ويالله بسرعه جيبي له ملابس وكريم حروق
نرجس:بس ي ابوي
ابو مهاب خزها بنظره واتجهت للداخل وهي تسب وتسخط بناصر الي استفزها مره وناصر الي كان مبتسمه وكان متاكد ان لو معها سكين كان ذبحته من كثر عصبيتها وقاطعه عمه:روح دورة المياه الحين تجي نرجس
هز راسه ناصر واتجه للمغاسل وهو يفتح المويه وحط يدها الي صارت حمراء وبدت تنفخ من حراره القهوه وهو رغم حراره الالم إلا انه يوم يتذكر ملامحها يبتسم ومو حاس بالحرق ابد
عند نرجس الي رجعت للمجالس وهي تشوف ابوها يكلم وهو طالع وقال :دقايق وجاي عطيها ناصر بدورة المياه
دخلت نرجس وهي لسا معصبه وتبيه ينقلع بأي طريقه وهي تتجه له بغضب تشوفه عند المغسله يغسل يده ورمت الثوب بقوه عليه وحطت ورمت الكريم بقوه على صدره وهي تتقدم له بحده وقالت:خذها وانقلع برا بعد تجينا فكنا منك يكفينا ماجاء منك
ناصر مسك الاغراض بفجعه وهو يناظرحدتها وابتسم يبي يقهرها وصد يكمل يده وقال:أنا جاي لعمي مو لك تقلعي
نرجس زاد غضبها وهي تلفه من كتفه بقوه وقالت:الي مثلك يستحي يجي والا ناسي أفعالك
ناصر تذكر انه فعلاً اذى عمه كثير بسبب فرح وزفر بقهر ونرجس ضربت صدره بقهر ورجع على ورى بالم وجت بتمشي طالعه وبسبب الارض الي امتلت مويه من ناصر زحلقت رجلها وشهقت بتطيح على ظهرها بس ناصر بسرعه توسعت عيونه بصدمه وهو يمسكها من ورى لاتطيح ولصق ضهرها بصدره وناظرت نرجس بناصر الي ماسكه من بطنها وشادنها له وهالشي حرك بقلبها مشاعرها الي أتعبتها حيل وناصر اذها مره نزلت عيونها للأرض ورفعت يدها تمسك قلبها وبدى جسمها يهز وحطت يدها على فمها وانهارت دموعها ارتجف ناصر من بكاها الي كان يفجع ومال براسه يناظرها وهي طول ماهي قريبه منه كان يحس برجفتها وبكاها ولمن رفعت نظرها تناظره انتبه لعيونها وجفونها الحمر وكيف كانت تحزن ناصر مفجوع كيف قلبت من وحده قاسيه لأرق مخلوق على وجه الارض وهمس لها:طالع ي بنت عمي لاتبكين بطلع من حياتكم ولعد تدلون لي درب ابشري المهم ماتزعلين
نرجس انكسر قلبها كانت متمنيه ماتسمع كذا هي بس كانت تظهر عكس شعورها وخذلها ناصر الي توقعته يفهم مشاعرها بس هو ماكان فاهم هالشي وزاد بكاها زياده وشدها ناصر لصدره يبيها تسكت وارتجفت نرجس وهي تحاول تزبط نفسها وحطت يدها على كفوف يد ناصر بدون تناظر الحرق وشدتها تفكها من بطنها وتأوه ناصر من الحرق وبسرعه بعد يده ومسحت دموعها نرجس تطلع تاركته وطلعت من المجالس كلها وناصر بدل ثوبه وعينه على حرقه طلع بدون يحط كريم وبدون يغسل يده مايبي مسكة يدها تروح وريحه عطرها الي انطبعت بيده وهو يطلع لعمّه
ابو مهاب:ناصر ادري ان الي سويته بولدي مو شي سهل واذا من ناحيتي فأنت ولدي وهو ولدي وانا عرفت من نرجس الي صار معك وهذا هنا بيتك وانت ولدي ومن اليوم ورايح راح تسكن عندي بس بالملحق الخارجي وابي تعرف ان الي سويته بمهاب القرار لمهاب يا يسامحك يا ياخذ حقه لكن من بعدها الي بيخطي على الثاني أنا متبري منه ولا ينتسب لي
ناصر بصدمه:ياعمي ليه اعيش هنا مهاب زعلان مني وانا وهو ماراح نتفق اخاف مهاب يزعلك وتتبرى منه
ابو مهاب:يعني خايف اتبرى منه مو منك؟
ناصر:أنا ماتفرق معي لاني مو ولدك بس هو وحيدك
ابو مهاب ابتسم يربت كتف ناصر:دام كذا وضعك أنا متأكد ان مستحيل عاد تصير مشكله وانت ولدي مثل ماهو ولدي
طلع ابو مهاب تارك ناصر الي متاكد مهاب بيسوي سالفه لو عرف وخاف مره ان عمه يخسر ولده وهو يعرف عمه كلمته مايتراجع عنها وخاف يسبب مشكله كمان وحس ان المشاكل جالسه تزيد عليه من هنا عمه ومن هنا مهاب والاهم نرجس الي عجز يفهمها هي كرهته او لسا تحبه
-عند مهاب وريم
ريم كانت بالرسبشن تناقش الدكتور عن حاله مهاب وهل يقدر يطلع او لا
الدكتور:لا لان لازم يكون هنا بالبيت ماراح يكون فيه انتباه لوضعه وجرحه
ريم:لو جبنا له ممرضه؟
الدكتور:كذا ممكن بس كمان هاليومين لازم يجلس هنا
هزت راسها ريم واتجهت لمهاب اول مادخلت استغربت كرسيه الي فاضي وصرخت بخوف من صوت البوق الي طلعه مهاب من وراها وفزت بخوف وهي تلف تشوفه يضحك بقوه على شكلها ومسكت قلبها بخوف واتجهت له بغضب وهو يرفع يده باستسلام:اسف خلاص ما اقدر اركض
ريم:انت مهبول وقفت قلبي
مهاب بجديه:بسم الله عليك وعلى قلبك
ريم رجف قلبها من جديته وتحس انه توترت من كلمته وقالت وهي تنحنح:كلمت الدكتور على وضعك وعيا يطلعك
مهاب:اوف تكفين والله طفشت
سمعو صوت الرعد وبسرعه أمطرت وفزت ريم بفرح وهي تتجه للدريشه تفتحها وهي ترقص بفرح:الله مطرر مهاب تعال شوف
اتجه مهاب لها وهو مبتسم لفرحتها وهو كان يحب المطر كمان وقالت:بروح اطلع برى
مهاب بتكشيره:طيب والي يحب المطر كمان
ريم تسوي حره:يتفرج من الدريشه
مهاب بقهر:انقلعي توقعت تتنازلين وماتطلعين عشاني
ريم :اوه تحزن ي الله اجلس وانا بروح اتمطر
طلعت وهي تضحك ومهاب مره انقهر وانكسر خاطره وهو يوقف يشوف من الدريشه وخاطره ضاق فعلاً وزفر بقهر وهو يسند نفسه على الدريشه ولف للباب الي انفتح بسرعه وشاف ريم داخله ومعها كرسي متحرك وشراشف كثيره عليه وقالت بضحكه:والله ما اخليها بخاطرك يالله تعال
مهاب ابتسم بحب :وش تسوين
ريم اتجهت له بسرعه وهي تمسك ذراعه وهي تحطها على كتفه وهي قريبه من وجهه وقالت:مو تبي تتمطر؟
مهاب:بس اشلون
ريم:عندي مافي شي مستحيل
مشته للكرسي تجلسه وهي ترفع اللحف:اسفه بكتمك شوي تحمل طيب
مهاب ابتسم وهو ويشوفها تحط اللحف عليه واتجهت تسوق وهي تتكلم بخفيف عشان محد ينتبه وطلعت فيه بالمصعد وهو مايشوف شي بس واثق فيها مره ويحس إذا كانو بالمصعد او الاسياب واخذته ريم للسطح وهي توقف وتقفل باب السطح واتجهت له وهي توقف قبال وجهه:فتحح
بعد اللحف مهاب يشوفه بالسطح ورفع نظره لريم الي كانت تفتح ذراعها وتنط بفرح وترقص تحت المطر ووقف مهاب من الكرسي يفتح ذراعه بكل هدوء وهو مبتسم وبس نظره لريم الي منجد علقته فيها بهبالها وبسطاتها وضربت صاعقه فجأه وبقوه وصرخت ريم بقوه وهي شافت مهاب فاتح ذراعيه واتجهت ركض تلم نفسها بصدره وضحك مهاب بقوه:ي جبانه
ريم بخوف:راحت !؟،يمه فجعتني
مهاب يمسح ضهرها:خلاص لاتخافين راحت
ريم حست على نفسها ورجعت على ورى بسرعه بفشله وهي ترجع تنط تحت المطر وقال مهاب:شكلك تحبين المطر كثير
ريم با ابتسامه:اكثر من اي شي
لفت لمهاب:تصدق عندي امنيه وحده بس لو أعرست بالمستقبل
مهاب:عادي نعرفها
ريم ابتسمت:مع ان مالك دخل بس بقولك
ضحك مهاب :ماتوفرين احد
ريم:ههههههههههههههه معليش بس انت ملقوف
مهاب:وش أمنيتك طيب
ريم:نرقص مع بعض تحت المطر
مهاب ابتسم لها ورجعت ريم ترقص تحت المطر بس قرب لها مهاب ومسك كتفها:تعالي نرقص طيب؟
ريم بعدت بفجعه:غلطان ي الغالي قلت مع زوجي مو معك
مهاب:عديني زوجك
ريم:صح ما تجي بس ي الله بتعلم فيك
مهاب ابتسم ومد يدينها لها مسكت يدينه ريم بتوتر وسحبها بقوه مهاب له وشهقت ريم بخوف وهي تناظر بوجهه القريب منه ورجعت على ورى وبدى يتمايل معها بتناغم تحت زخات المطر وهي تدور ويدها بكف يده وهو رغم انه حس بوخز ببطنه بس كان حاب يشوف فرحتها وهي ترقص بفرح ووناسه مع المطر رجع يمسك بكفوف يدها وصارت تحركها يمين ويسار وهي تميل براسها وغنت بصوتها النشاز:
امطري قلبي امطري ...واروي دنياي الضميه
كمل مهاب بصوته الي كان روعه جداً وهالشي صدم ريم الي ماتوقعت صوته حلو