يا صدفً عشنا بعدها حبيبين

٣٠

فز عز يمسكها لاتطيح ورجعت بظهرها على صدره دفعته بعيد لمن حست بنفسها تصتدم فيه  وعز يناظرها با استغراب وداخله :الشرهه علي لو طايحه افضل
غيم توقف بشكل مستقيم وهي متألمه من ساقها:ابي غرفه احط أغراضي فيها
سدن بفرحه:الله بتعشين هنا
ثنيان:صباح الخير بالليل
سدن تكشر:تقلع
غيم:اي وراح اكون خفيفه عليكم حيل لدرجه ماراح تحسون فيني
عز يناظرها وكابح ضحكته:كل ذا وخفيفه
الكل: هههههههههههههههههههههه
سلمان:هههههههههه وهو صادق كل هالدخوليه وخفيفه
غيم ابتسمت:اوف تسمون ذي دخوليه
تكتفت تعقد وجهها:اجل لسا ماشفتو شي مني
نواف:ي بنتي الله يهدي بالك لاتكسرين فرحتنا فيك
غيم وهي تناظر نواف الي واضح الحنيه تقطر منه ولفت نظرها لسعد الي دخل وهو يقول:ذي وش جايبها
غيم:عفواً انت مين وايش جايبك هنا ترا هالسوال لك مو لي
البنات رغم انه عمهم وفي ناس ابوهم إلا انهم بهمس يضحكون على فشلته
سعد:اعقبي ي بنت وتكلمي مع عمك زين
غيم وهي تاخذ نفس وتمشي:بدور غرفه شرحه انتو ماعندكم سالفه
اتجهت غيم تناظر بالغرف وسدن وغلا ونور معها
سدن:تعالي نامي معنا والله بتنبسطين
غيم:مابي غرفتكم خنقه
سدن:افا والله حلوه
غيم:لا تمونين مو جايه ازبط علاقتي معكم
سدن وقفت بفشله ونور وغلا يناظرون غيم الي كملت لوحدها تناظر الغرف
غلا:شفيها ذي النفسيه
سدن:والله فشلتني الله يقلع العدو
نور:وش قلبها علينا وش زينها امس
سدن:صح فشلتني بس مبسوطه اخيراً بتعيش معنا يعني مستحيل نطفش كل يوم مشكله جديده واكشن جديد
نور:بحياتي ماشفت احد يموت بالمشاكل كثرك
غلا:حفيده جابر وش تتوقعين منها
نور وغلا يضحكون يصفقون يدين بعض
لفو على الجابر الي قال:هالبنت ماتقعد بمزرعتي دقيقه
نواف:ي ابوي تكفى لم شملنا من جديد كفايه قطاعه
سعد:انت مو شايفها ماتحشم احد وقليله ادب مع ابوي ومعي
عز:ي جد انت تعرف غيم لايمكن ترجع لبيت انهانت فيه تعرف عزة نفسها بس ياترى وش السبب الي خلاها ترجع هنا؟؟
عز وهو شك ان جده السبب ورى فصلها وشك اكثر من جده التمس وهو يترك المزرعه ويطلع برا البيت يتجهه للسوق
رحمه:هالبنت تذكرني بامها رحمه الله عليها قويه مثلها ماترضى الغلط وحقها تاخذه وافي
الكل:الله يرحمها
غيم دخلت على الدعوه:عجبتني هالغرفه "اشرت على غرفه عز"
إيلين:اسفه لك بس ذي صاحبها مايحب الطير الطاير يهوب ناحيتها
غيم:ساعدوني افضي الغرفه لاني عندي اغراض كثيره
سدن:اوب ي بنت عمي  هدي ذي غرفه عزوش بسرعه فضوها
غلا:حابين نقلك عز لايمكن يعطيك اياها فحولي لنا ترا خنقتنا ازين لك من النوم بالمزرعه والناموس يعضك
غيم تقدمت لعز بحده :ابي الغرفه وباخذها
عزمتكتف وناظر فيها:فداك
الكل ناظر بصدمه مو مستوعبين
سمر:ذا ولدي منجد انصدمت
نواف ابتسم وسدن صرخت:اما عز يتنازل بسرعه مو مصدقه احد يقبصني
نور تقبصها بقوه وصرخت:ايييييي وجع ي نور وجع
نور:شدخلني قلتي اقبصيني
إيلين:صراحه أخذنا الصدمه ي عزيز
عز:ساعدوها ترتب أغراضها وحطو أغراضي على جنب بس دولاب ملابسي خلوه أنا بفضيه لارجعت طالع الحين
دخلو البنات الغرفه وبدو يفضون الاغراض واشياء عز من الغرفه وصارت فاضيه تماماً بس دولاب الملابس موجود فيه ملابسه طلعو البنات بعد ماقربو أغراضها اما غيم بدت ترتب أغراضها مكاييجها عطورها وناظرت بشنطه ملابسها تقدمت للدولاب فتحته تناظر ملابس عز كانت كلها كم ثوب معلق بعدتها على جنب وهي تعلق ملابسها فساتينها عباياتها ورشت بعطرها عليهم سكرت الدولاب متجهه تمدد على السرير وهي تتفكر كيف راح تاخذ حقها من جدها غيم بهمس:ي صعبها ي غيم لاكان خصمك قريب لك
تنهدت بقهر كيف بتقدر تعيش معهم هنا ما أنبهت على نفسها إلا دخلت بنومه عميقه
عند مناير كانت بغرفتها وتداوي جروحها وهي عايشه تحت تاثير الصدمه من فارس فزت من دق الباب وهي تنزل ملابسها ودخلت ام فارس الي قالت:مساء الخير يا بنتي
مناير ابتسمت:هلا ياخاله مساك نور
ام فارس:تعالي تعشي معنا فارس طلع من العصر ولابيرجع إلا متأخر
مناير هزت راسها واتجهت مع ام فارس للمطبخ حضرت العشاء عنها حطوه وتعشو وهي ماتعرف وين فارس او بأي ارض
خلصو العشاء ورتبت المطبخ وطلعت تنشف يدها بعد ماغسلت المواعين وقابلت ام فارس الي قالت:تعالي ي بنتي بجلس معك لمن يجي فارس
عشان ماتخافين لحالك
مناير وهي فعلاً كانت تخاف خصوصاً ان غرفتهم باخر الحوش مره والوضع ضلام جلست مع ام فارس ومرت ساعه وساعتين وثلاث وهنا انتبهت مناير لام فارس بدت تميل من التعب وهي بتنام وقفت وهي تقول:خلاص ياخاله روحي نامي
ام فارس:لا بجلس مع...قاطعتها:والله ان تروحي أنا ما اخاف عادي
ام فارس:الله يصلحك يابنيتي ليه تحلفين
استسلمت تقوم تدخل تنام ومناير اتجهت لغرفتها ركض وهي تقفل على نفسها وداخلها يرجف من الخوف تخبت تحت اللحاف وهي كل ماحرك الهواء الباب فزت وصل آخر الليل وبقي عن الفجر ساعتين حرك الباب فارس وبس حسته مناير فزت بخوف تشد اللحاف دخل فارس وهو يناظرها كيف تناظره والخوف بعيونها ماعارها اهتمام اتجهه يبدل وهو يغسل رمى اغراضه على التسريحه وجاء متجهه للسرير مناير فزت توقف قدام وجهه:وين كنت لحد هالوقت
فارس يناظرها من فوق لتحت:من انتي تحاسبيني
مناير:زوجتك ان كنت ناسي
فارس بصراخ:اوووففف تعبان وبنام ولحد يصحيني
اتجه يمشي بينام بس تفاجأ من مسكت ذراعه بقوه ولف لها مناير بقهر:انا ماهتميت لك تروح تغيب تموت بجهنم لكن عز علي خالتي الي مارضت تخليني وسهرت معاي لجل انتظرك
فارس دفع يدها وقال:ان مديتي يدك مره ثانيه كسرتها
مناير شمت ريحه غريبه فيه وناظرته بصدمه:انت تدخن؟؟؟
فارس:اي عندك شي
طبعاً مناير كانت متربيه على ابوها الشديد الي ممنوع عندهم الدخان وهالأمور
وقالت:انت منجدك انت تدري انك تضر صحتك كذا
فارس:صحتي والا صحتك
مناير:صحتك وبكيفك بس السهر لآخر الليل ليه وين قضيت ليلك كله
فارس :أفحط وادخن واشيش
مناير بصدمه:ايششش
فارس:إذا انتهيتي من استجوابك بنام
مناير شافته غير مهتم ولامبالي وقالت تبي تشوف آخر خيط امل فيه:امك وأبوك يعرفون
فارس:اي وهذا انتي دريتي وش تبين
مناير:وراضين عليك
فارس وهو صدع منها مسك فكها بقوه:شكل عقال البارح ناوي ينزل على جلدك   خلاص صدعت من هذرتك الزياده وبعدين رضو او مارضو شي مايخصك
دفعها بقوه على ورى وتماسكت مناير بصعوبه لاتطيح وهي تتفكر بحالها وحياتها الي صارت مثل الكابوس وصعب انها تخوضها لحالها وصعب تطلب مساعده اهلها وهي تعرف ان ما احد يعرف عن فارس وعلومه اتجهت تمتد فراشها في الارض وبالها كله بفارس كيف تقدر تغيره كيف تحنن قلبه عليها
نامت وهي صار ضهرها يعورها من نومه الارض بس مجبوره عليها
صباح يوم جديد
اذن الفجر وقفت مناير تتوضى وتصلي دعت الله يسخر لها فارس ويقويها حتى تقدر تكمل معه ويصلح حاله وقفت بعدها وهي مانامت لين بيتت النيه انها تحاول تصلح حاله وقربت له تقول:فارس قوم الصلاه
فارس بتمتمه:امممم
مناير:قوم مع عمي شوفه برًا ي الله
فارس يتأفف يسحب اللحاف:اوف بعدي عندي أنا ماقلت لاتصحيني
مناير عرفت انه ماراح يصحى اتجهت تنزل جلال الصلاه اما فارس تطمن رجع ينام وتو دخل بنومته فز بخوف من المويه الي انكبت عليه وبغى يختنق وطار لها يصفقها بقوه:انهبلتي تبين تموتيني في احد يصحي نايم كذا
مناير:روح صلي
فارس:ماراح اروح عناد وبرجع انام
مناير وهي تناظره بتحدي:برجع اكب عليك مويه لمن تصحى
فارس قرب لها يمسك معصم يدها بقهر ورفع يده بيضربها بس هي غطت وجهها تحاول تتفادى ضربه وفارس التمس من شكلها وضعفها هنا وبعد عنها وقال:لاتعاندين عشان ما امد يدي عليك
مناير اتجهت للتسريحه تاخذ عقاله منه واتجهت له مدت له العقال في ضل استغرابه وقالت:ماراح احيل عنك لمن تصلي لذالك اضرب قد ما تبي
فارس تأفف وهو عارفه انها نشبه اتجه توضى ولبس طلع شاف ابوه برا متجهه للمسجد صبح عليه واستغرب ابوه صحيته:على وين
فارس:المسجد بصلي
ابو فارس فرح وشقت وجهه البسمه وولده من ٥ سنين ماصلى فرض بالمسجد وامه الي كانت تجهز القهوه وترتب الجلسه برًا سمعته وطار قلبها فرح وهي متاكده ان مناير ورى هالشي