يا صدفً عشنا بعدها حبيبين

١٧

البنات بهمس يضحكون نور:لو انك مأكله ازين
غلا:ايو الله الحظ زفت
سلمان:الله لايهينك نبي مرقوق يعني اقطفي خضار
غلا وقف:شغاله عن ابوك أنا ؟
ناظر نواف بصدمه والكل ناظر فيها
نواف:اعقبي ي بنت سعد
غلا انطلقت لعمّها تبوس راسه وتقول:والله ماقصدت اسفه
ابتسم نواف يمسح كف يدها
سلمان بضحكه:فشلتي عمرك لو ساكته ابرك
الجد:معد تحشمين الي اكبر منك
سدن بهمس لعز:تكفى ارجع امرض ارتحنا من هوشاته فتره
عز ابتسم وهو يضرب كتفها بخفيف :عيب
نور بهمس:وش تقولون
سدن:اثنين يتهامسون داخله عرض ليه
نور:اي هين بترجعين لي واسكب لك
عز وقف:غلا خليه أنا أقطفه
غلا:لا خليك أنا مرتاحه وكمان كذا والا كذا ماعندي شي
جلس عز وتقدمت غلا للمزرعه ووقف بعدها سلمان وهو يتجه وراها وشافها متلبكه مو عارفه تقطع الخضار
سلمان:ياشين النعومه بالله كذا يقطعون الخضار
غلا وهي معها مقص كبير للخضار فتحته على رقبه سلمان:سد فمك كل السبب منك
سلمان بخوف رجع ورى:ي ورعه ذا مايمزح تعوريني
غلا:استرجل بس تخاف من مقص
سلمان:اعقبي واقطفي خضار
غلا تتخصر وتحط يد تحد ذقنها:بفهم وش جابك انت نادر تجي جمعات العايله
سلمان قرب لها:افتكر ان في وحده طلبت مني اجي هالاسبوع
اعتدلت بوقفتها غلا وهي تلف علي الخضار وقالت:كنت احسب انك مابتجي ماهقيتك مشفوح ماتصدق على الله
سلمان ابتسم:عاد أنا اخذ على الكلمه الاولى
غلا وهي تقص الخضار بسرعه وطفش قبص المقص على يدها وصرخت بالم:اييييييييي
فز سلمان يتجه لها :وش فيك وش صار
مسك يد غلا وكان جرح بسيط بس ينزف شوي شد يدها بقوه يوقف النزيف وغلا متعوره شوي وهي تضرب صدر سلمان:كله منك ي الدب عنك ماكلت مرقوق
سلمان بدهشه:اوه استغفر الله ليه تدعين علي
غلا:تستاهل خليك بسببك ماكلت حلى والحين جالسه اكرف لك وتعورت بسببك
سلمان ناظر فيها تبكي وقال:الدموع عشان الحلى والا القطع
غلا تسحب يدها من يده:مالك شغل انقلع من وجهي
تقدمت بتمشي من جنبه تصقع بكتفه ولكن انعاق طريقها من مسك معصم يدها يسحبها ناحيته وهو يقربها ويثني يدها ورى ظهرها وهمس بحده قريب وجهها:أنا ما أداني قله الادب
غلا خافت من ملامح وجهه المعقده والعصبيه بوجهه وشد يدها وقال:امزح معك واطقطق لكن لاتقلين ادبك فاهمه
غلا بخوف تنزل عيونها لصدره وهي ترجف من قربه وخوف منه انتبه سلمان لخوفها وصوت انفاسها وهو يترك يدها وناظرته غلا بعيون كلها دموع وصدت تركض للبيت
اما سلمان الي ناظر بالدم الي بيده من يدها وزفر بقهر وهو يتذكر منظر دموعها رجع يجمع الخضار واتجه للبيت
عند رنيم والبنات تو وصلو المخيم وانتشرو بسعاده كل وحده بمكان رن جوال رنيم ورفعته :هلا
غنى:رنيم عرفتيني
رنيم:غنى مو
غنى:اي دقيت عليج ودي اقابلج
رنيم:ي عيوني والله أنا مو في المدينه رحت المخيم بس تدرين وش رايك تجين
غنى:لا فشله وين ايي
رنيم:والله تجين حلفت عليك مره بينبسطون البنات فيك
غنى:انزين دامج ملزمه دزي لي اللوكيشن
رنيم:طيب
ارسلت لها اللوكيشن واتجهت مع البنات تشوفهم يتكلمون مع بعض
اديم:نبي دبابات بالله ابي اطّير ام الطاقه السلبيه
غيم:اتفق
رنيم:بنات بتجي غنى
البنات باستغراب:منو ذي
رنيم:مريضه كويتي تعرفت عليها مره حبوبه يتيمه ام وتطفش لاجو السعوديه اما جوها فله يبنات بتحبونها مره
ريم:ي الله نكبر القروب عشان الفزعه
غيم ترفع يده با اوكي:احسنتي
عند ابو اديم الي يكلم محمد
:ي ابوك كلم عز وجده خل يجونا
محمد:عز مسوي حادث وتو طالع من المشفى ماندري إذا ممكن يجون
ابو اديم:لزم عليه إذا يقدر منها نسوي واجب لعز
محمد هز راسه ورفع جواله يكلم عز وعزمه وأكلف عليه وطلبه يجون باهله
اتجه محمد بعدها للبنات وقال:ي بنات بيجون ضيوف جهزو الخيام
اديم:ياليل الزقاقه ياخي مو ناقصين الوضع رسميه
محمد:دزيها بس نظفو
غيم:والدبابات
محمد:عقب التنظيف
اتجهو البنات يعزلون الخيام وينظفون وساعه وخلصو وام اديم تجهز القهوه والضيافه ومحمد يساعد ابوه يسوون الذبيحه والبنات اتجهو للدبابات وركبوها وانطلقو يفحطون على بعض وهم يصرخون ومبسوطين مره
غيم الي كانت تفتح يدينها وهي تفحط لفت بقوه وتفاجئت بالسياره الي جات بوجهها وهي كانت بس متلثمه حتى شعرها طالع وكانت عيونها مغريه مره وفاتنه حتى شعرها الي كان قصير بس الويفي محليه مره كبحت فرامل بصعوبه وهي تبعد الغبار من وجهها ورفعت عيونها وهي تشوف عز وراكب معه جدها سحبت لثمتها بصدمه تناظرهم وعز الي من الصدمه والخوف فهى فيها
الجابر:ذي معد تستحي وش جايبها هنا
عز انقطعت أنظاره عنها:موضوع طويل اشرحه لك بعدين
الجده:شوفوها لايكون تعورت
نزل عز بخرشه وهو يشوفها كيف كانت تسحر أنيقه بشكل مره ملفت وقال :انتي بخير صار لك شي
غيم تناظر فيه بفهاوه وهي تشوفه كان بغايه كشخته وهو لابس ثوبه الاسود وشماغه الأحمر الي زاد وسامته وتعقدت حواجب عز يقول:وش فيك تسمعيني
غيم صحت على نفسها ابتسمت بفشله بس ما تعرف ان بسمتها عذبت عز الي كان خاق مره وقالت:لا ماصار شي أنا طيبه
عز هز راسه وتقدم يركب السياره ناظرها تلف لثمتها على وجهها وشغلت الدباب وساقت قدامهم
سدن:اخخ لو دريت نزلت معها
نور:ياصلاتي على النبي البنت جميله الله يرحم عمي عبدالله على هالإنتاج البطل
سدن بضحكه:صدقتي
نور:ليته مامات لين خلف رجال كان أخذته طرق عن خشمه
سدن:مابيطل بوجهك وسدن هنا
عز الي كان مبتسم على سوالفهم وهو يمسك قلبه ويهديه
عصب جدهم وهو يقول:معد فيه بنات صرتم قليلات حياء
سدن:هد ي جدي ترا مأخذنا ابره الضغط
سحب عصاه الجابر وجاء بيضربها بس مسكه عز:خلاص ماتقصد ي جدي
الجد سحب يد عز وهو يضرب سدن على راسها ومسكت راسها سدن بالم ووقف عز عند الخيمه ونزلو الرجال ونزل جده ولف عز بس عيونه على تحت وقال:سدن تعورتي
نور وهي كانت حاسه ان عز مستحي منها نزلت ونزل عز وهو يفتح الباب لسدن وقال :تعورتي
سدن تعورت بس كابرت على نفسها وقالت:لا عادي ماتعورت
عز يمسح كتفها ويتقدم مع الرجال والحريم كلهم وقفو ودخلو مع بعض ام اديم وبجنبها البنات وقفو يستقبلونهم ويسلمون عليهم ودقايق وفزو البنات يجلسًون مع بعض والحريم الكبار مع بعض وهم حبو ام اديم مره ودخلو بجوها

عند البنات
غيم:اتوقع انكم تعرفوني بس أنا ما أعرف إلا سدونه
سدن ابتسمت وهي تلتمس حنيه غيم وقالت:ي عمري والله انك عسل
نور تدق كتفها:واضح ضربه جدي اثرت عليك
البنات بهمس يضحكون
غيم:وش فيكم
ايلين وخافت غيم تنفعل:لا ولاشي بس اكشنات البيت تعرفين
غيم:قصدك جدكم المعقد
سدن:وصلتي خير
غيم:ماعليه طنشوه
ايلين:اولاً أنا ايلين اخت عز الكبيره وسدن اختي الصغيره
وذي نور وغلا بنات عمو سعد
غيم ابتسمت:تشرفنا عاد أنا ما اذكركم مره
غلا:ماعليك باذن الله الايام الجايه تزورينا ونتعرف على بعض
هزت راسها غيم وقالت:ذي اديم الفزعه لايغركم هدوءها ترا ملسونه هذي ريم الأخت الي مثل الأم الي محتويتنا مره وتقدرون تقولون مجلس الشورى"البنات: هههههههههههههههههههههههه "
كملت غيم:ذي رنيم اخت قلبي وأكثر وحده تحب الفلسفه وعاشقه للكاتب شهاب
سدن:وصلتي خير خذو ذي "اشرت على نور"صاجتنا بالفلسفه
البنات: هههههههههههههههههههههههه
نور ضربت سدن بخفيف:انقلعي
غلا:كان شفت ملعب كره
سدن:او شي نبي نركب دبابات هاء بنات وش قولكم
البنات:تم