يا صدفً عشنا بعدها حبيبين

٣٧

غيم بصراخ :موافقه
عز ابتسم وهو صاد ورجع عفس وجهه ولف لها واتجهه لها :متأكده
غيم وهي تنزل دموعها :موافقه بس ابيك تعرف شي واحد قبل العقد
عز تكتف :ايش
غيم:ابيك تعرف انك طحت من عيني وجرحتني جرح مره كبير
غيم جت صاده تاركته بس هو حس انه زعل من كلامها بس مو قادر يقولها سبب كل شي يسويه وقال:الحين بنروح نعقد وبدون حد يعرف
غيم ماردت وراحت لغرفتها وهي توقف قبال المرايه بقهر تدفع كل شي على التسريحه وصرخت بقوه لدرجه كل الي بالبيت انتبهو عليها
فزو البنات كلهم يدقون باب الغرفه
إيلين:غيم وش فيك
سدن:غيم حبيبتي افتحي
غلا:يابنت طمنينا
الجده من الجلسه:وش فيها وش صاير
نور:ما نعرف
فتحت غيم الباب بعد ما استجمعت قوتها ودخلو البنات والخوف واضح فيهم
إيلين:حبيبتي انتي بخير
نور:وش فيك لاتخوفينا عليك
غيم:ابي أتجهز عندي فرح ممكن تساعدوني
سدن تلمس جبهتها:مسخنه انتي فرح وهاذا حالك
غيم ناظرتها ماردت نور تعقب على كلام سدن:منجد قولي رايحه عزاء نصدق
مزون وقفت عند الباب:إذا خلصتي دراما ياليت تروحين تطمنين جدتك
غيم جت بتتقدم لها بس البنات مسكوها وقالت بحده:انقلعي وان فكرتي تهوبين ناحية غرفتي دفنتك
سدن:اتركيها ماعليك فيها
مزون تشمق:الحمدلله والشكر
طلعت من الغرفه ولفو البنات على غيم وقالت:تساعدوني اجهز
سدن:افا عليك أطلعك عروس
غيم وكلمه سدن جت على الجرح جلست قبال المرايه وبدت سدن تصلح ميكبها وهي كانت مبدعهه فيه ونور ضبط شعرها مدرج بشكل فاتن وايلين وغلا انشغلو بالفساتين وآخر شي اتفقو على فستان موف كان ناعم وفيه فتحه في الظهر كبيره ومفصل على خصرها والكل مات عنده
خلصو البنات منها ولفت غيم تناظر شكلها الي كان غايه في الوسامه وبداخلها يردد:لاتنسين انه السبب في خساره وظيفتك ومستقبلك اصمدي ي غيم
غيم حست الدموع بدت تجي بعينها بسرعه لفت تناظر البنات وقالت:ممكن تطلعون بلبس
إيلين ابتسمت:بولع لك بخور عشان تروحين وانتي مروقه
طلعو البنات وغيم تجاملهم با ابتسامتها وبس قفلت الباب طاحت على الارض وهي تكتم بكاها وتحاول ماتطيح دموعها وتشد فستانها على صدرها:يارب ما تكرهوني لاني مالي ذنب
بعد دقايق بسيطه حست على جوالها الي يرسل وقفت شافته رساله من عز الي قالها انه ينتظرها برا المزرعه وقفت تلبس فستانها وكعبها وحطت من عطرها لبست عباتها ولفت طرحتها وطيحتها على وجهها بحكم العيال بالجلسة وهي مره متزينه بس طلعت جت أيلين ركض بالبخور وهي مبتسمه بس خلصت حضنتها غيم بقوه في ضل صدمه إيلين الي أبدا ماتوقعت غيم تحضنها
إيلين با ابتسامه:بسم الله عليك وش فيك
غيم بهمس:ما ابيك تكرهيني تاكدي اني احبك مره
إيلين ابتسمت:لا ليه أكرهك مأسويتي لي شي
غيم سكتت ولفت علي ام مزون الي قالت:على وين
غيم وهي فرحان جزء منها انها راح تكسر عين ام مزون تقدمت تمشي من عندها وقالت:انشغلي بنفسك ترا مره احسن
طلعت وتركتها والبنات ابتسمو على ام مزون الي تفشلت وهي الغرور ماليها شافت البنات يضحكون وقالت :بدل ما تضحكون انتي وهي طسو سو شاي
اتجهو البنات للمطبخ وهم يسوون لها وسدن مقهور:يبنات ودي أطب ببطنها فاحستني
غلا:من جن هذا البرادي الميه اهبي ماتشرب في الشاي
نور:عساه مايحدر
البنات: هههههههههههههههههههههههه
سدن:استغفرالله اتركوها
إيلين :اشهد ان حسناتكم راحت لها
نور:عادي تحش فينا ونحن نحش فيها بس أراهن انها ماعندها حسنات واجد
البنات بصراخ:استغفرالله يابنت
إيلين:امشو بس
طلعو البنات متجهين للجلسه وايلين معها البراد حطته وبس مالت بتجلس حست بدوخه قويه وتماسكت بصعوبه وجلست بجنب جابر
جابر انتبه لها وهمس:وش فيك
إيلين:ولاشي بس إرهاق
جابر هز راسه ورجعو يسمعون للسوالف
عند غيم الي ركبت مع عز السياره وهي تقفل الباب وتنزل طرحتها ولفت عليه:أوراق التنازل عن نصيبك
عز فهى في جمالها وميكبها وشعرها انصدم مره من شكلها عن قرب كانت أنيقه بشكل يعور سكت فتره والاوراق في يده لأقدر يمدها لها ولأقدر يرمش او حتى يتكلم غيم انتبهت له مفهي وعرفت انه مفهي بشكلها وهي تجوز لها فكره انها تعذبه وتنتقم منه بسلاح جمالها سحبت الورق من يده وهي تبتسم قاصده تتعب عز الي مره تعب وهو مو مصدق ان ذي بعد دقايق بتصير حلاله وملكه
غيم بعد ماخلصت قراءه وشافت ختم تنازله دخلت الورقه بشنطتها ولفت عليه تمد يدها له والابتسامه شاقه وجهها :اتفقنا ي شريكي
عز الي كان متوقع انها بتكون منهاره وتبكي انصدم من شخصيتها وهو بدأ يتعب بفهمها ومد يده بصعوبه من الصدمه شدت يده غيم وهي تقول:امشي ابطيت
عز انقطع تفكيره وابتسم شغل السياره واتجه لبيت المملك وهو يقول:غريب مو المفروض تبكين
غيم بمكابر عكس داخلها:ليه ابكي دام اني بدق خشم جدك
مسكت ذراع عز بدون انتباه وقالت:اخخ ما تصدق قد ايش متشققه اشوف وجه ام مزون
لف عز عليها يشوفها تنفخ خدودها لان ام مزون كانت شوي مليانه وهي تقلدها :وشهو كيف تعطيها نصيبك من المزرعه
انفجرت تضحك غيم بقوه وعز الي كان يناظرها وهو عارف ان كل الي تسويه عكس الي داخلها ابتسم عليها يوم شافها تقلد ام مزون وطق راسها بخفيف:خلاص اعقلي وصلنا
غيم كبحت بسمتها وشافت بيت المملك ردت غطها عليها واتجهت ورى عز ودخلو عنده وبدو المملك يعقد عليهم وهي تحاول تكابر على نفسها ماتبكي وانتبه عز لخوفها من جلستها بجنبه وهي تهز رجلها بقوه ويدينها تفركها ببعض
خلصو عقدهم وطلعو من عند الشيخ وعز حس براحه كبيره ركب السياره وقال:بكره أوثقه من المحكمه
غيم وهي تكابر :طيب ي زوجي العزيز ممكن تشغل لي شي اسمعه بمناسبه العقد
عز ناظرها بصدمه مو مصدق وقال:وش
غيم باستغراب:شنو مو صرت زوجي يالله شغلي برقص
عز ماتوقع الي يصير ابد حط يده على المسجل واشتغلت أغنيه وبدت غيم تعلي الصوت وصارت تتمايل بيدينها وتهز بكتفها ومرت تصفق بيدينها ومره تهز بها ومره تلفح بشعرها والعبره بدت تكتمها مره عز الي كان من قد ما اغلب وقته يناظرها صار يلف على السيارات ومره يطلع من الشارع وهو يتأملها ومتأكد انها وصلت مرحله من الكتمان صعبه بس ماقدر يتكلم واستمر يناظرها كيف تدعس وتهلك نفسها زياده وقلبه موجوع حيل عليها
بس وصلو المزرعه انصدمو بسياره ابو أديم موجوده وكان محمد تو واصل ونزلو البنات منها نزلت غيم بفرحه وهي تتجه لرنيم وتحضنها بقوه ورنيم تضحك بفرحه وقالت:باركي لي انخطبت
أديم:احزري مين
غيم بصراخ:شهاب
البنات :اي
فزو كلهم يحضنونها بحماس وعز تقدم لمحمد يسلم عليه بعدها بعدت غيم واتجهت لمحمد وهي تدق كف يدها بكف يده  وبقهر مكتوم:كيف العزوه
محمد بضحك:تمام كيف الحب
غيم:ان شالله بخير
محمد:افا ليه
عزز:بعدين اقولك الحين في شي مهم لازم ننجزه
استغرب محمد وانتظر البنات برا دخل عز وغيم وقبلها البنات بس انصدمو من وقفو اهلهم ويناظرون ورى لفو البنات وانصدمو بمنضر عز الي كان ماسك كف غيم مزون بسرعه احترقت غيره:عز خير ليه ماسك يدها
الكل كان مصدوم حقيقي وغيم وهي مره حاقده عليها قالت وهي تترك عز وتتقدم لهم :حابه اقول شي مهم لكم ياعايلتي الحلوه باركو لي أنا تزوجت من عز
الكل شهق بصدمه والجابر التمس:خير خير وشهو
نواف :كيف ليه ماقلتو طيب
ام مزون من الصدمه مو قادره تنطق ومزون من القهر تقدمت وهي تبي تضرب غيم بس تراجعت من ناظرتها غيم بحده وقالت مزون:كذابه عز خطيبي مو لك عز تكفى قول شي
عز:الي سمعتوه احنا عقدنا اليوم وغيم صارت زوجتي رسمياً
الجده:ليه ماقلتو كان سوينا حفله لكم
غيم :عادي ي جده هذا حنا قلنا ونسوي حفله زفاف وكبيره بعد لو تبون
عز وغيم جالسه تصدمه اكثر منهم الجابر شك ان في شي وقال :عز دامك تزوجتها أنا مو موافق حتى تعطيني نصيبك من المزرعه
غيم:ههههههههههههه تكفى شغل مخك مزبوط او لعد تفكر
الجابر:وش قصدك
غيم تتكتف وتقرب لوجه جدها:نصيبه صار باسمي يعني هاردلك ي الغالي وانت صرت مالك جزء بسيط من هالمزرعه يعني صادرات هالمزرعه صارت لي وهالبيت الي انت ساكنه لك حصه بسيطه فيه
الجابر بقهر:وشهو كيف قدرت تضحك عليك انت خبلل
عز:زوجتي وطلبت مهرها نصيبي من المزرعه وعطيتها وجعله فداها
مزون بصراخ تسمعه يتفدى بغيم:لا كذاب اكيد ساحرته
ام مزون:لا هي اكيد مسوي مصيبه ومأخذه هالضعيف يستر عليها
البنات شهقو بصدمه وغيم توسعت عيونها بصدمه
ريم بقهر:سدي فمك جعلك الموت كيف تتكلمين بعرض الشريفه
رنيم تتفلت من البنات:والله لدعسك ي كلبه إلا غيم تفهمين
غيم من الصدمه تناظر عز ما تحمل واتجه بحده لها:والله والي خلق هالروح "اشر على غيم"ان حكيتي بعرضها او شرفها لمحيك من الوجود تفهمين وان جلستك هنا بس تقدير لجدي صوني كلامك والا ضفي عفشك وانقلعي
ام مزون التمست وهي تشوف الكل يخزها مسكت بيد مزون وطلعو من الجلسه للغرفه الجابر من القهر انخفض ضغطه ومال بيطيح بس سعد سنده وقال:انقلعو اتعبتو ابوي
غيم بقهر:لسا ماشفتو شي والله لخلي مجرد تسمعون اسمي تتعوذون من الشيطان
اتجهت غيم للبنات وهي تقول الحقوني غرفتي رنيم وأديم وريم لحقوها وايلين لاعت كبدها وحست بغثيان من المشكله جابر اخذ جده وابوه واتجهو للمشفى اما البنات اتجهو ورى غيم ودقو الباب وفتحت غيم ودخلتهم وقالت:ادري كلكم عندكم مليون سوال وسوال بس أنا الي اقدر أقوله ان أنا وعز متفقين وقررنا نتزوج كذا لان تعرفون جدكم وام مزون مستحيل يوافقون علي زواجنا
نور:ومزون مو يحبها عز
غيم هنا حست بكل قهر الدنيا يتفجر بقلبها وقالت:لا مايحبها ولايبيها
غلا:والله كلنا ما نبيها
البنات لفو يناظرونها وقالت :وش فيكم وانا صادقه
رنيم كانت تتفحص غيم ومتأكده انها مخبيه شي بس ماقدرت تسألها قدام البنات
غيم:شنو مابتباركون لي
البنات فزو كلهم بحماس يحضنونها
سدن:خساره ان نحن ماشين للمدينه بس اسبوع ورجعين لك لا اوصيك في ام شحوم الي برا هي وبنتها تكفين ربيهم
غيم بضحكه:افا عليك والله لخليها تخس عشره كيلو كل يوم
نور:كفو بنت عمي
إيلين:عاد الحين نخليك تريحين تعالو بنات
رنيم تقدمت لغيم تحضنها وقالت :اتمنى تعيشين حياه نقيه وطاهره نفس قلبك
غيم ابتسمت:عقبال احضر عرسك ي الله عاد متى هو
رنيم:بكره نتفق متى واكيد أعطيك خبر
هزت راسها غيم وطلعو البنات من الغرفه وغيم اخذت نفس وطلعت وراهم توادع عمها نواف والبنات ورجعت توقف بجنب عز سدن بهمس وهي ماشيه تسحب بشنطتها:هالله الله بام شحوم
غيم:ازهليها والله لخليها لك بريعصي
سدن ضحكت تصفق بيدها وعز وهو واقف ومشخص وبيده السبحه ومحطي يدينه ورى ضهره ابتسم وزم شفايفه وناظرت غيم من حست بصدره يهز وبانت غمزات عز وفهت غيم فيها وهي تشوف كيف يهبل بغمزاته
قطعها هو لمن ناظرها واتجهو الأعمام للمدينه ودخل الجد في هالاثناء وهو شايل كيس علاجه ودخل غرفته بكل هدوء واتجهت وراه رحمه تهدي غيم جت بتمشي بس مزون طلعت واتجهت تمسك بكتف عز وهي تقول ببكي:عز تكفى طلقها انت تحبني أنا
عز ناظر بمزون ودموعها وقطعه غيم الي سحبت يد مزون من كتفه بقوه وقالت:خلي عندك كرامه وبعدي عن الرجال
مزون:انتي مالك دخل كل السبب منك الله يأخذك
غيم دفعتها بقهر:ان لمستيه مره ثانيه حرقت يدك
عز مسك بكتف غيم:خلاص اهدي
غيم:خلها تنقلع من وجهي
عز سحب غيم لغرفتها ودخلو تاركين مزون الي تبكي وتصفق بوجهها من القهر غيم لفت بحده على عز:ليه تناظرها وش تبي فيها ليه تسمح لها تلمسك هاء والا تحبها انت الحين زوجي احترم هالشي وانا قلت لك من قبل إلا الاهانه ي عز
عز وهو يناظر فيها وابتسم:ليه زعلانه زواجنا مو على ورق بس
غيم حست بكسره ولفت على التسريحه وقال بصوت متذبذب:إلا بس ..
عز:بس ايش
غيم:مايهم المهم تحترم كوني زوجتك وماتقلل من مكانتي قدام احد وكمان لازم ماتحسس احد باي شي ولازم تكون مبسوط قدامهم
عز:يعني انتي مبسوطه بزواجنا؟
غيم بمكابر:اي مبسوطه ليه ما انبسط
عز شاف يدها الي ترجف وهي تحاول تنزل حلقها واتجه لها وحط سبحته بجيبه ومسكها من كتوفها يلفها له ووقال:تفكرين اني مو منتبه انك تكابرين دمعتك من اول
غيم وخلاص حست ان الدمعه فعلاً وصلت بعدت عنه وهي تهز أذونها وتسحب الحلق بقوه بس عجز ينفتح من أذنها وبكت وهي تعتمد على التسريحه ونزلت دموعها بسرعه وصارت شهقاتها تطلع حطت يدها على عيونها وهي تشاهق بشكل متقطع يدل انها حبست واجد عز مسك بيدها يسحبها ناحيته وهو يمسك وجهها بين يدينه بحنيه ويناظر بدموعها هنا غيم غمضت وهي تبكي زياده
عز بهمس:ياويلك تبكين بلحالك او تستندين على ايش شي غيري من اليوم وطالع ماتبكين الا على صدري
سحبها يدخلها بحضنه ورجفت قلوبهم الاثنين مع بعض وشدته غيم وهي ترجف بكاء ومن قربه وعز نزلت دموعه من بكاها بس مسحها بسرعه وهو يدفن وجهه بشعرها غيم حاولت تبعد عن حضنه لانها مجروحه منه كمان هو بس عز شدها له وو